地產博客 > 敢說亮話 返回
瀏覽人次:29101    回應:18
敢說亮話
風度(2)言論自由
 
湯文亮博士
紀惠集團行政總裁
2015年9月3日

      風度,我都唔知點講,或者好似愛蓮說所講,可遠觀而不可褻玩焉,我認為從人之離離合合,就可以了解什麼是風度。我昨日睇文章,才知道鄺志輝已經封筆兩年,但在鄺志輝封筆前後,大家都未必會留意到,我又唔明白,點解有人因為地產網刪除他一些文章,而不再在地產網出文章,隆重其事,希望網友表態支持,其實,沒有人會留意專欄作者去留,希望網友支持,想當然而已。

      老實說,網站從來不限制我在地產網出什麼文章,以前我曾經寫過大仙肺腑之言系列,誰是新特首系列,我有諷刺別人,但我用真名,倘若牽涉到法律責任,都由我自己來揹,不會連累網站,但如果用筆名攻擊其他人,網站可能會面對法律責任,所以,網站是有權刪除一些帶有攻擊性言論,不能夠說網站沒有風度,或者,有人認為這是言論自由,這是他們對言論自由誤解,當然,專欄作家用真名又當別論。對於帶有人身攻擊留言,網站是會替我們刪除,否則,專欄作家知道不再受保護,就會棄網站而去,所以,不能夠說網站刪除部份留言是沒有風度,而是網站為了保護寫文章的專欄作家。

      昨日開始,國內將不會發行沒有用實名登記,俗稱鬼咭的電話咭,今次,沒有香港人提出異議,亦沒有人話言論不自由,或者說國家沒有風度,因為不少港人,包括在下不時受到那些不知名的國內電話騷擾,有很多人甚至不接聽國內來電,這是斬腳趾避沙蟲,用實名登記,這才是正確做法,但願類似騙案可以大幅減少,大家有覺好瞓。

      有一個匿名網站經常攻擊我,我當然作出反擊,那邊的網友在地產網留言,叫我笑罵由人,灑脫地做人,講到好似是我唔啱,好冇風度,我話,對於一堆不敢用真名的人,毋需要講風度,那個網站利用其他評論員的見解攻擊我,最後害了他們,不過,亦只需要三兩句客氣說話,事情便了結,我對那個網站曾經發出警告,很可惜那個網站則置若妄聞,不作出任何表示,如果我有任何反撃行動,就不能話我沒有風度。其實,反擊行動已經開始,剛收到律師短訊,網站的登記人叫JT。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-09-03 08:42:40
John Tsang? 原來是財爺!哈哈
2. 引刀一快 2015-09-03 09:07:16
風度?以前唱開好嘅人,繼續喺呢度宣揚佢地嘅理念,繼續發聲,唔好匿埋,咁就係風度嘞。
3. 路人皆知 2015-09-03 09:32:45
引刀兄如果呢度唔會選擇性刪除留言意見相信會熱鬧好多!
4. 引刀一快 2015-09-03 11:03:51
路人皆知兄

正正經經講嘢,好似歷史長河兄咁,唔會俾人刪卦?
依傢形勢逆轉,好多人圓唔到佢地嘅理論,所以先匿埋啫。
5. 笑壞人 2015-09-03 12:40:12
引刀兄,那些是什麼鬼理論,不外乎零三年樓市升到宜家,就話「證明」樓市只會升,不會跌,更加永遠不會買貴,自然也不會買錯。
6. 引刀一快 2015-09-03 13:18:43
To 5樓 笑壞人兄

咁佢地講咗咁耐樓價升,依傢點都唔應該匿埋架。
我諗佢地會有新理論,新講法,我等緊呀!
7. 引刀一快 2015-09-03 13:19:30
上年我話大陸經濟有問題,會有大浪冚過嚟,俾人圍插咗咁耐,乜依傢成班人潛咗水呀?
8. 笑壞人 2015-09-03 13:39:55
就算打核戰,佢地都會話係利好樓價消息,可買磚頭擋幅射。
9. 神算 2015-09-03 13:51:01
其實樓市會係最遲的一個市場崩盤係正常嘅,因為流動性亦係最慢。辣招正如暴力救市,拖慢了跌勢,但亦拉長了跌勢,而家樓市開始轉角,長期跌勢可以好漫長。手揸舊貨嘅投資者會開始減租搶客,成手新貨會冇運行。投資者轉軚沽樓時,就會好惨烈,因為目標係迫個市向下等平貨,用家只有被動。
10. 9樓 神算 2015-09-03 15:09:41
我成手都喺西環舊唐樓,租畀大學生收一年租先是例牌,租畀中環番工的,又唔驚無客路,你話要減租搶客斷估你啲樓全在山卡啦咁遠,新樓有靚景都無用!
11. 山高雲低 2015-09-03 15:38:40
博士:
鄺志輝又復筆了。最新文章見8月31日。
12. Melt Down 2015-09-03 16:00:18
九七金融風暴之後,港樓亦係在很多剛需(當時啲報導係話需求強勁)之下爆煲。然後跌足七年,而當時既屋苑最低成交價就係最新指標價。好多年青人係唔知既。耒緊將會歷史重演。
13. 頂得住風浪才是英雄 2015-09-04 00:26:04
風暴影響力只會是越來越细,上次08海潚只短暫跌了二十%,維持左三個月,今次所謂細價樓爆煲引發的下調,相信只能維持二個月而且只會跌10#, 我勸告大家一句,只要不買不賣,再在現有資金下再累積多些,你的防守及進攻都可以因時勢而通嬴。
14. 頂得住風浪才是英雄 2015-09-04 00:26:05
風暴影響力只會是越來越细,上次08海潚只短暫跌了二十%,維持左三個月,今次所謂細價樓爆煲引發的下調,相信只能維持二個月而且只會跌10#, 我勸告大家一句,只要不買不賣,再在現有資金下再累積多些,你的防守及進攻都可以因時勢而通嬴。
15. Alan Pepper 2015-09-04 00:59:58
各位巴打思打,坐穩啊。
16. To 7 2015-09-04 12:16:35
Time has proved you have a keen foresight.
17. Market plunge 2015-09-04 12:21:46
Expect the govt. will abandon the DSSD etc. when the properties market dives steeply.

18. 收買佬 2015-09-04 20:57:11
17/F, 我倒覺得樓市跌時,政府才更要攬實d 辣招。辣招係降supply 之藥,本為幫銀行唔好揸蟹貨之用,一旦跌市再撤辣,隨時跌到屍橫片野。