地產博客 > 文亮語 返回
瀏覽人次:35650    回應:8
文亮語
捨得賣,以後才可以買得更好更多
 
湯文亮博士
紀惠集團行政總裁
2016年10月24日

  有老友引述一位資深投資者說話,質疑我話地產商現在以貼市價推盤,同時又以高價搶地,倒不如唔賣又唔買,任由地皮升值,何必如此大費周章,老友其實不大了解樓市,錯誤引用投資者說話,如果他引用地產商的說話,情況可能完全不同,因為,投地到出售是有一個期限,大多數不會約超過八年,地產商不能夠永遠只是持有地皮,唔建房,唔賣樓,政府是有權收回土地,而且,做生意一定要有買有賣,貨如輪轉是生意人的理想,況且,高價投地與貼市價賣樓的並不是同一地產商,所以,並不能夠一概而論。

  現在地產商願意以貼市價賣新樓,就是他們睇到未來有一段長時間,供應量是高於需求,而且是持續性,在今年第四季,有報導說將會有一萬二個單位供應,雖然這段報導的廣泛性不足,但沒有人質疑其真實性,其實,一般業主沒有深入討論就是恐怕這是真的,知道供應大增是會影響樓價,直接影響個人持有物業資產價值,投資者就不同,如果能夠預測到這個情況,就會趁好市時將一些非優質物業賣走,現在捨得賣,以後才可以買得更好更多。

  投資者尚且如此,一定要賣樓的地產商怎麼不會趁樓價仍然是熾熱時賣樓,而且賣的是新樓盤中比較劣質的單位,否則,在供應大增的時候,買家是有要求,那些單位就會變成貨尾,如果今年第四季就有一萬二千個單位供應,明年第一、第二季供應量又會如何,如果是持續性在高位水平,無論購買力有幾龐大,樓價都不能支持,但對於只得一個自住單位,以及有幾個物業收租的業主影響不大,對於持有大量單位的地產商要出售的就絕對不同,他們要在情況轉壞前出售手上一些物業,回籠資金有機會在不久將來有更大發展機會,捨得賣,以後才可以買得更多更好,地產商怎可能唔識。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-10-24 11:00:45
換貨精粹。
2. Tony lam 2016-10-24 12:00:01
12. Tony lam 2016-10-24 00:37:03

美國大選煞有介事、其實衹係劇情需要、邊個贏都係行同一國策、唔會縮返本土、話之佢啦!阿水上位日子都係咁過、諗到腦痛都唔會有分別。


香港有冇運行一切要睇阿爺、而家班反民中哂計、阿爺玩欲擒故縱之策、反民唔寸到盡時、阿爺點好意思得佢應、反民自己比籍口阿爺清佢枱。


投資者就係知一切在阿爺掌控之中、落注香港更無後顧之憂、樓冇洗驚冧檔、但就算升2成投資都冇數維、高位運行會變常態、但狂標自然有政策跟尾、納米戶衹不過係後生嘅別館、輸咗最多返屋企住、冇洗戥佢地擔心。


睇下阿爺點行南海局棋 ! 美國佬而家完全被動、菲佬過底、跟手越佬幾大唔執輸跟大隊、美國佬D逐個剝、釣魚臺就保持鬥而不破、牽住㗎仔神經、等佢冇覺好瞓、又可以比海空軍當練兵做gym、放心  ! 阿爺身壯力健、離地一寸都兜得住香港 !


長期低息、租屋真係幫人供樓、二三個租約(6年)後、比咗嘅租差不多等於2成樓價、自住自己諗啦!6年後樓價跌少過兩成租樓就蝕章嘞 !
3. Johnny 2016-10-24 12:03:22
我都係信林一鳴多d,以香港既購買力樓市供應多多都吸收到。
4. 浪子心聲 2016-10-24 13:19:06
To Johnny兄:

我咁睇,如果現今大部啲樓都係內地人買,香港樓市在未供應到位時問題都不會太大,因為他們好多都不會放租,內地業主空置單位是常見,但多數係豪宅或假豪宅。

但現今買樓人士好像多數係香港投資客,而多數係買納米樓,到入伙時,這些納米樓業主多想放租,到時就要睇下香港有幾人接受租納米單位住和願意付出多少租金啦!

我就睇好湯博士啲分析,林先生在我心目中,無得同博士比。
5. 引刀一快 2016-10-24 13:32:31
唔睇價入市嘅人,一樣可以唔理成本出,基本常識。
6. 邊有得跌 2016-10-24 13:58:56
新盤又搶過,邊仲有得跌,手快有手慢冇!
7. 二少 2016-10-24 22:48:38
先賣後買定先買後賣
9. 髮型師的愚見 2016-10-26 16:40:14
深知湯生向來都是資深投資者
實力不容置疑
但若果好像湯生說法未來供應之多
亦沒有理由看不到各地產商早有共識
不會同時推盤,以致頭三季比預期大落後
難道第四季的供應會突然追回年頭的預期?
實在是小弟愚見