主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29670    回應 : 5
文亮語
物業投資之老將行
 
湯文亮博士
紀惠集團行政總裁
2016年10月23日

     上星期四,在打風前夕,打了一場壁球比賽,雖然是低組別聯賽,但畢竟我年紀已經不少,對手比我年輕20年,如果唔制定一套策略性打法,就算贏第一局,都會連輸三局,所以,我採取一個比較安全打法,就是打大邊,唔打埋身波,否則,若果走避不及,就會被判阻礙對方打波而被罰失分,另外就是唔博,唔好自己打死自己,輸波機會就減低一些,若果對手犯錯,就有機會贏波,不過,這些都是理論,講就容易,做就艱難,但很好彩,當晚我贏了波。

      在物業投資,現在我亦採取老將打法,就是打大邊及唔打埋身波,樓價升幅上限比下跌少,大邊就是下跌,利息已無下跌空間,如果以低息理由買樓,即是打埋身波,利息上升樓價大多數會下跌,就會投資失誤而蝕錢,至於供應,唔需要我講大家都知道在增加中,數量之多甚至令到業界有人叫政府減少供應,大邊一定供應增加,需求的大邊亦是需求大,不過,隨著樓價在過去幾個月急升,而國內亦限貸,來港買樓的人就會減少,如果這個情況不變,大邊就會縮小,現在老將打法就是減少投資,如果同意這個打法,我認為勝算機會比較大,如果唔同意,代表那人仍然年輕,輸得起。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 低處未算低 2016-10-23 12:24:36
下跌空間還是有的,世界性的負利率時代很快就會隆重登場。
2. Oscar Lam 2016-10-23 23:26:33
非常同意博士的意見!只要你手頭現金多,未來投資機會多的是,何需急於一時?
3. 舍神 2016-10-23 23:57:12
Squash.....大學時代打了一排!

後來冇partner玩, 荒廢了!

睇來......博士....對rackets之類(毛毛球, big球)都好掂!

有機會真要領教領教。
5. 香港土著 2016-10-24 09:31:19
博士, 連寫幾篇淡淡, 小心被人捉你去拍道歉片呀!
6. 引刀一快 2016-10-24 09:43:26
土著兄

你估真係樓市塔利班,強力部門咩,哈哈哈哈