地產博客 > 文亮語 返回
瀏覽人次:24865    回應:5
文亮語
落標要避免被人食叉燒
 
湯文亮博士
紀惠集團行政總裁
2016年9月8日

  有老友想落標買地,到最後階段,已經大致訂了出什麼價,口多問我出價是否正確,我見到標價之後,問老友是否真的有心買地,還是炫耀一下,老友話真心有意買地,我話他的出價有問題,很容易俾人食叉燒,老友話唔明白,我問佢識唔識得賭百家樂,知道百家樂有一個情況莊是可以即贏閒,做莊的人當然很開心,做閒唔使講,連搏都冇得搏,當然唔開心。

  老友打算出價十億投地,佢老婆話唔使咁多,減一千萬俾佢買手飾,於是落標價是九億九,我同老友講,這個是俾人食叉燒價,有人出十億就會食叉燒,應該出十億多少少,如果有人出十億,就可以食別人叉燒,相當好味道,老友同意,不過,在落標時佢老婆唔准,於是又改回九億九,最後老友奪標,老友老婆設宴招待,第一味就是西班牙黑毛豬叉燒,對我來說,是帶有耀武揚威味道,本來我還有嘢想講,但見到老友兩公婆咁開心,無謂潑冷水,費事他們買得唔開心,瞓都瞓唔著。

  本來我想話俾他們知道有很大機會買貴貨,第二標可能只得九億多些少,不過,我知道這樣說,一定不但要費一番工夫解釋,而且還令老友唔開心,不如在文章中表達,有緣人可以以此作為參考。如果大家有留意奪標價,大多數是整數多些少,那些是有心奪標的價錢,甚至準備食其他人的叉燒,如果奪標價是整數中間價,那些人其實並不準備奪標,那些價很多時是會低於市場下限,奪標的人都不會太開心,至於奪標價是差整數些少,落標的人是沒有心理準備奪標,因為,只要有人出整數,便會將他的落標價壓下去,即是俾人食叉燒,所以,我實在不知道老友是否有意投地,不過無論如何,能夠奪標始終是好事,值得恭喜。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-09-08 09:57:07
換個角度睇,或者果位嫂夫人真係有心投唔到呢,俾湯先生戳破咗唯有繼續開心俾人睇。

2. 解決剛衰有招 2016-09-08 10:52:46
解決剛衰有招

推大一二按比例借到你琳 幫手出貨 最好按埋你果層
因為新個間斷供 我地收埋你舊樓包底

送印花稅比大6人 公司名(其實打大左係樓價回返比你 on9) 打折真的嗎 太天真了 倒轉你比我呀 又係定期術

阿爸教落 好價就要保留 快推快賣即係後市短期含得能

癈金管局招 自己按揭自己做  佢管9呀

同D客講樓市只升不跌 全球量化寬鬆冇止境 到下一代都鬆不過係後庭 

貼L住二手價走貨 二手係我地競爭者 要冰封佢 做假deal
3. 中間人 2016-09-08 11:21:40
落暗標大家都是靠估事實投得到標必是最高價但並不同意是買貴貨沒有任何人有水晶球知道底缐價位
4. 向引刀‧土著說不 2016-09-08 14:27:27
5. Oscar Lam 2016-09-08 19:18:25
學到嘢,多謝博士,哈哈!