地產博客 > 文亮語 返回
瀏覽人次:27116    回應:3
文亮語
香港的官場文化
 
湯文亮博士
紀惠集團行政總裁
2016年8月5日

  香港官員雖然有問責制,好似從未有問責官員因為失職而下台,反而不過不失而被離職就出現過,被離職的官員當然不開心,好彩有大佬出頭,政治根基濃厚,可以說是根正苗紅,如果特首不能夠連任,有很大原因與這件事有關,不過,大家亦無謂胡思亂猜,未到揭盅,都唔知道誰是特首。

  香港官場有自己獨特文化,如果唔適應,很容易揹鑊,繼而被離職,有人會認為一定是不做不錯,多做多錯,唔做唔錯,以前我會認同,但自從推出限奶令,至今仍未撤銷,甚至連在什麼情況下撤招都唔敢講,我認為香港官場文化已經轉變,現在是敢設唔敢撤,限奶令如此,辣招又是如此,因為任何緊急政策,都是有需要時才會設立,一個普通官員都做得來,但要撤招,就需要相當魄力,因為撤招後在某個程度上出現一些負面效應,拍板撤招官員就要揹鑊,所以,基本上任何臨時法例,最後都會變成永久法例。

  我相信有人會不同意,他們會說,天文台在打風時掛波,颱風過後就落波,敢設敢撤,我唔敢回答,如果天文台敢掛風球,唔敢落風球,即是大部分香港人唔需要返工返學,不過,天文台落波都非常保守,唔知妮妲遠離,甚至已經在廣東省登陸,仍然要等到十二點四十分才落波,令不少人有整天假期,但又打亂了很多人部署,最理想就是上午十時三十分落波,要返工的人有三個半小時準備,相當足夠,但天文台長始終是帶有香港官場文化,敢設唔敢撤,就算風和日麗都唔敢撤,在這種文化下,各位亦唔好奢望政府會撤銷辣招。