主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24046    回應 : 15
文亮語
美國在大選前加息代表什麼
 
湯文亮博士
紀惠集團行政總裁
2016年5月30日

  當大家以為美國還有很久才會加息的時候,耶倫在哈佛大學演講,話未來數月適合考慮加息,於是,各評論員又作出猜測,有人話今年六月底,有人話七月底,亦有人大膽地說今年不會加息,但我很奇怪,點解冇人講美國大選前不會加息,因為加息就會益了對手,但沒有人提及必定事出有因,於是我問一位政治同經濟都是高手的前輩,佢話,如果美國在大選前加息就大事不妙,代表希拉利大勢已去,特朗普將會成為美國總統,有人話特朗普當選,將會是美國最後一個總統,而希拉利當選,則會是美國首位女總統。

  理論上民主黨做咗八年,應該換上共和黨,但特朗普行事太飄忽,上台後可能與世界為敵,所以,即使能夠代表共和黨,但能夠成為美國總統,我認為機會不會很大,但很可惜,希拉利做克仔老婆時,經常指點江山,令人誤會,克仔做美國總統稱職是因為希拉利發功,現在,希拉利有幾多料,大家都已經知道,關鍵就是在耶倫身上,如果耶倫在大選前加息,希拉利危矣,於是不少美國人便將注意力集中在耶倫,如果唔加息,就投希拉利一票,如果加息,就唔投票,就算特朗普當選,可以說是天意。

  大家可能已經忘記,信報封耶倫為2015年度最佳女主角,可見得耶倫的演技如何精湛,一招明修棧道,暗渡陳倉,等希拉利上台後,才緩慢進行加息,如果由特朗普做總統,分分鐘一年加十二次息,咁樣就大件事。有人懷疑我點解咁了解耶倫,唔講大家或者會唔知道,信報去年的最佳男主角就是小弟,我以我的角度去考慮耶倫是否會加息,我認為,雖不中亦不遠矣。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 蕭峰 2016-05-30 08:49:05
最佳男主角估最佳女主角,雖不中亦不遠矣!哈哈.....


2. Donald 日 2016-05-30 09:20:09

【唔准加息】特朗普撐低利率重申當選會炒咗耶倫! | 即時新聞| 財經 ...

2016年5月6日 - 美國共和黨總統參選人特朗普(Donald Trump)再次揚言,當選後會撤換美聯儲主席
4. 屋村師爺陳 2016-05-30 11:55:49
3月時我已講過

其實之前爺倫「係被迫加息」,帶來環球金融動盪,引來股巿連環急跌效應。
如果伯南克仍在位的話相信呢個機會好微。

總有人想加息好耐,但呢班人妄顧環球貨幣游戲法則,弱勢爺倫又怎能接棒呢,惟有「拖字訣」,微微加息只係回應世界美國話經濟復蘇嘅騙法。

實際嚟講美國經濟仲係好差好差,差到冇人信。

5. 健忘人士 2016-05-30 12:09:18
無耐前有人講聯儲局不排除會採用『負利率』,世界變得係口講口賠。
6. 黃皮白心 2016-05-30 12:27:55
唔係啲黃皮白心「分析員」成日放話,祖國經濟將要硬着陸、大陸經濟一定未跌完、未來經濟環境會巧差巧差,差到冇人信嘅?原來美國佬自己唔掂才真
7. 十郎 2016-05-30 13:47:27


      我有一個問題

      利率的去向,無須要估,亦唔駛猜。現在是零息(幾乎係),減無可減,來緊祇有加息一途,供樓30年,30年都0息? 恭喜你先。  今年過咗一半,今年唔加,出年加,得6個月優勢,相對30年時間,唔賺得幾多,又唔蝕得幾多。

      我有一個問題,衷心請教,就是如果港元同美元脫鈎(一定會的),究竟港元係‘升’定‘跌’呢?  升跌對我有少少影響,如果我買黃金,港元相對美元貶值,黃金就‘賺’,相反港元相對美元升值,黃金就‘蝕’。

      又有一個可能性,脫鈎的時候,會唔會好似當年一東德馬克換一西德馬克,即是一港元換一元人民幣呢?如果如此,即係升值,黃金都係蝕。

      各位看官,可唔可以給點意見,等小弟可以決擇。


8. 怒婦炒魚柳 2016-05-30 13:55:10
你哋估...奧巴馬去廣島係為咗咩去先?退前一場大龍鳯做個德政比大家睇!?

其實只係去盤個東亞大頭馬,點解你量寬下仲要係咁升,減息又升?配合下好喎!我要你連任你一啲嘢都做唔到嘢!!!You're such XO....
9. 苦前業主 2016-05-30 14:04:12
中國佬係咁玩嘢,有乜偈?俄羅斯普京唔係傻仔,北韓金正恩會比美國佬騎住?制衡住日本仔發圍,越挾越唔信,越唔信越挾,安培都要受臨走奧巴馬的一棍,冇得走。
10. Tony lam 2016-05-30 14:08:16
18. Tony lam 2016-05-30 00:46:55

估息口 ?  咪扮嘢啦!美國佬玩緊馬騮咋 ! 骰任佢擺、大細任佢開、果1/4厘上落根本係整色整水、改變唔到D乜嘢。


而家睇好樓市最實際就落注地產股、勝在乾手淨脚、睇淡就袋穩銀、乜都唔諗、用面果浸嘆下世界可也、等做收買佬。

11. Tony lam 2016-05-30 14:22:59
特朗普借落幾多知冇、當選會加息 ?
索羅斯做咗明燈、你feel到冇 ? 同阿爺對賭 ? 用死力都KO你啦!
12. 十郎 2016-05-30 15:12:37


      話說天下大勢,興久必衰,衰久必興。

      共和黨出兩個‘猛’人,布殊同特朗普,異數也。

      特朗普同肥仔金,都幾樣似,猶其是言同行。

      特朗普vs肥仔金。


13. 11樓 Tony兄 2016-05-30 16:41:24
特朗普本身就是美國紐約的大地產商,唔好問佢借落幾多喇,假如佢想美息率上升,唔通想同自己嘅荷包鬥氣咩?!而且由特朗普做總統,點都好過希拉莉,因為克林頓政府同中國有數不清的牙齒印。

https://www.youtube.com/watch?v=7R1vT87nrUQ

特朗普並不飄忽,十年前已經自資製作節目,每周六在明珠台一輯 The Apprentice。

14. Frankie 2016-05-30 19:09:40
最佳男主角應該很瞭解最佳女主角的心事。哈哈·哈·

特朗普當選總統都算係金融界可能要面對的黑天鵝事件·
15. 真真薯片 2016-05-30 19:26:20
在下估耶倫依家連自己都唔知7月會唔會加息, 佢只係求其講下, 試下你咩反應, 點知中港反應咁大, 反而美股照升, 中港露左底, 耶倫只係需要等最好時機射出呢燈子彈而已
16. Tony lam 2016-05-30 21:29:29
特朗普點會亂嚟、典型江湖生意佬、招招中的、D政綱下下挖着美國佬癢處、佢目的但求羸、專登打造爛嘜無賴型像、以成就刀槍不入之身、可能美國佬要佢帶住先甩到D債、佢得咗嘅話、就一定理智過你同我、放心放心 !