主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28110    回應 : 10
文亮語
銀行樓按戰只不過是一場表演
 
湯文亮博士
紀惠集團行政總裁
2016年5月5日

  銀行話在金管局的逆週期措施之下,生意難做,惟有薄利多銷,減樓按利息來爭取更多生意,其實,銀行之間有什麼好爭,按揭貸款生意可以說是有限,以減利息來爭取是惡性競爭,而且仲大鑼大鼓張揚,那些申請人一定會向銀行壓價,揚言如果不成功,就會向其他銀行爭取,導致利息無止境向下尋底,這絕對不是一個正常現象,不過,我們亦不需要認真看待今次銀行樓按減價戰,我個人認為這只不過是銀行業界一場表演,目的是向金管局施壓,希望早日能夠放寬逆週期措施。

  金管局的逆週期措施亦不是新的事物,從逆一開始,差不多有五年時間,但從來沒有聽過銀行有不滿聲音,如果話生意難做,最少在兩年前就已經要向金管局反映,或者,最低限度都要通過銀行公會向金管局表達意見,就算是散兵游勇的物業代理都曾經組織過幾次集會,亦與政府官員會面,雖然,結果是零,但最少曾經嘗試過,但從未聽過銀行有類似行動,金管局又點會無端端放寬,銀行必須放下身段,以受害者姿態向金管局要求,以級數而言,銀行家比物業代理高出不知多少倍,金管局定必會慎重考慮,不過,逆週期措施是沒有影響到銀行生意,在某個程度上,收入反而會增加,因為銀行將本來貸給個人或者獨立企業的資金轉貸給財務公司,再由財務公司轉貸給那些人,一樣抵押品,收取更多利息,直到金管局嚴格執行銀行與財務公司之間的次按貸款,銀行的資金缺少了出路,在太多資金,太少合資格客戶,銀行惟有打樓按戰,一場表演多於實質成效戰役,我相信當金管局睇完這場表演之後便心裡有數,放寬逆週期措施不日可以做到,但近日樓價有回升跡象,陳總亦擔心放寬逆週期措施之後,樓價急升,他又會得罪人,所以,至今仍然舉棋不定,銀行這場表演有機會白做,不過,銀行最低限度以非正式態度表達了意見,總比什麼也不做為佳。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 對付道德怪 2016-05-05 08:58:19
某D政治勢力 鐘意 扮清教徒聖母 搞事挑起事端,政府出手打壓呢班人會留下罵名 吃力不討好.

除非 弱勢小業主 上街聲討 呢班 所謂 反地產霸權 架 黃金怪物 ,同佢哋 開片打大交.

否則 幾難 見到減辣希望........
2. 想買樓人仕 2016-05-05 12:18:06
現在買一手樓不是可以做8-9成按揭嗎? 樓價下跌唔多, 今日睇報紙見到長沙灣有個單棟樓賣貨尾尺價好似$14,000, 呢個價仲係好離地. 即使政府放寬按揭, 俾市民借盡9成去買樓, 假設樓價錢500万, 俾$50万可以買到樓, 借銀行$450万, 呢批人都會供得好吃力。
3. 阿戊 2016-05-05 12:19:44
就系你羅, 早排叫人買樓, 結果就升佐....
4. 大家朋友 2016-05-05 12:54:09
湯博士所說的可以是較為表面' 大路', 先講對大型銀行而言, 可能是說得對, 因為他們己有一定優質客戶基礎, 但對希望吸納新而優質客戶的中少型銀行而言, 可說是'啞子吃黃蓮', 明知道按揭收益不多, 但往後利益才重要, 但又怕減息觸發大銀行敵對及金管局關注, 根本冇進退空間. 致於銀行對放寬逆週期措施, 放寛與否對根本拉不上關係, 與地產角式本不同. 當然唔會上街.

對於財務公司, 湯博士常說銀行與財務公司關係, 時代不同啦, 依家較有規模的財務都有自己集資方法, 有其背後支援, 就算銀行對財務借貸如何收緊, 其實都冇用, 多此一舉.


5. Abby 2016-05-05 14:23:52
現在有D屋苑盤已經回落到3百頭,巿區新界都有,其實有很多年輕人已經有能力上車,
兩口子加埋月入唔洗三萬,已經可過到壓測借足九成。唔係辣招呢班人根本冇機會上車。
首置門檻之低個巿點會再大跌。

依家政策中產基層不討好,俾我係CY,七一前放寬辣招,起碼少班中產上街。

6. 窮人 2016-05-05 15:02:36
睇黎真係升返,d好友aa都唔得閒留言,生意忙到做唔黎。

嘈得最勁果時,果然係低位。

而家等佬美加息,資金流向
7. 所謂大銀行 2016-05-05 20:49:47
企業貸款 ( 借錢捭財仔 放數 ) 理財產品( 將 "樓按" 打包 賣出去, 變成表外資產 )

咪係所謂 優質客戶 囉......
8. 看畢湯博士今天的兩篇文章 2016-05-06 00:34:57
發覺啲留言少得可憐,最近幾個月,在論壇裡好淡爭持是升是跌已經司空見慣,見怪不怪。今天的死硬派淡淡友全部龜縮歸隱或作禽鳥散,沒有了塘邊鶴、又唔見蜑家雞,反而覺得唔多慣,難得樂得安寧兼且耳根清靜,樓價企穩就準備Gogogo!
9. 好 2016-05-06 08:23:38
欣賞博士!正苦成日無好野做。
10. 浪子心聲 2016-05-06 14:22:54
近日湯博士文章非常有水準,為什麼論壇回應這麼靜?

沒有了LYC氣氛真的差了!