主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 23378    回應 : 8
文亮語
財仔英雄大會的目的是什麼
 
湯文亮博士
紀惠集團行政總裁
2016年5月7日

  早兩日,有老友急電話俾我知,財仔業界開英雄大會,準備反抗政府,對此事我亦早有所聞,於是我對老友話,現在不是反清復明年代,財仔業界又唔係紅花會,開什麼英雄大會,只不過是業界擺幾圍,大家聯誼一下,順便討論是否接受政府提議,由財務公司監管中介公司是否可行,結論是不可行,業界都知道,財仔與中介其實閉門一家親,不少人都揸兩本護照,劏客就是中介,合法收樓就是財務公司,這是公開的秘密,或者早已不是秘密。

  財仔業界亦知道,政府今次是有所部署,如果財仔唔監管,就由政府自己管,所以,業界亦希望與政府溝通,搵出一個可行方案,不過,我相信政府官員不但不會理會,而且立刻會向那些有被投訴的中介公司埋手,業界亦早知情況,最直接反應就是關了出問題的中介公司,所以,兩周內,已經有十多間中介公司結業,而且陸續有來,財務公司在去年被截水源之後,今年又被政府截了客源,真的是佛都有火,在風頭火勢之下,官員又點會同財仔業界溝通,連假以詞色的說話都不會講。

  老實說,政府其實是幫了財務公司,現在經中介向財務公司借錢的業主,早已借乾借淨,不少人在借錢之後根本連一期供款都不會供,早已準備被收樓,既然政府話要監管,倒不如現在少做生意,無謂到收樓時被業主唾罵,又話財仔呃左佢哋層樓,而且,現在樓價向下調整,收層樓返嚟都有機會資不抵債,所以,認為財仔業界以後要多開英雄大會,大家聯誼一番就最好。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 大家朋友 2016-05-07 09:34:01
其實英雄大會一睇就知做show, 就算有任何結論都會對政府政策有影響. 依家個問題係人都知. 當政府傻架咩, 財務公司肯借, 客人肯貸, 合約精神上完全冇問題, 而係從中抽水果啲中介公司, 政府推出措施其實對財務公司正常運作冇大影響, 頂多成本多小小, 唯有一啲做偏門啲, 踏綱線既財務會受影響, 政府希望先糾正(偏門)財務, 繼而比一啲中介一個warning, 下個措施就會到中介發牌, 收錢中介好自為之.
2. SHUN 2016-05-07 11:21:59
CY 同班地產商玩攬炒、因果班人大多係唐派、改政策?發夢啦!最快改政策都要下届先、跌下tim啦!
3. Larry 2016-05-07 12:28:53
偏门生意,做不长久
4. 高腳七 2016-05-07 13:29:18
從有人類開始就有偏門生意,點會唔長久呢。
5. Ca1on 2016-05-07 13:49:56
有啲金融機構本業唔去加強,反而為咗短期嘅業績同利益去接啲高風險高息二按返嚟,到啲客斷供走數嗰時就知味道。
6. 認咗耶穌做大佬 2016-05-07 14:37:06
吸血中介 沙士年代已經有啦!
佢哋果時 主力 做外圍波,副業 先係吸血中介.
呢班人 大部份 同 教會 好好關係,當時政府 好怕得失 教會,所以一直唔敢打擊佢哋.
7. 浪子心聲 2016-05-07 16:11:54
在法治和自由經濟體系上,商人不斷尋找法律上的灰色地帶去謀取更多利益是非常正常,今次事情是財務公司掌握到「中介公司」的灰色地帶,從而避開政府的監管,由於樓價下跌,問題就呈現出來。

還記得幾個月前在這論壇已討論過財務公司的電視廣告有誤導問題,已有回應希望政府關注,這時樓價未下跌,而情況不嚴重,政府實難以得到市民和業界支持改變政策。

好在我們的政府還是有點心,在「中介公司」問題已明顯浮現的時候,能正確面對問題,採取行動,雖不能做到「治未病」,市民亦希望政府能做到「治已病」。

10. 掹車邊80後 2016-05-17 19:34:06