主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28960    回應 : 62
文亮語
撤銷辣招的基本條件
 
湯文亮博士
紀惠集團行政總裁
2016年4月21日

  我雖然認為政府無論在任何情況下都不會撤銷辣招,甚至連撤招的條件都講不出來,根據CY說法,總之要將樓價壓下去,就算是傷害香港經濟,令到不少人變成負資產者亦在所不惜,有時候,我睇到官員被問及幾時撤招,在什麼情況下撤招時的表情是相當無奈,老實說,要訂出一個撤招的條件又並不是太困難,如果官員們想唔到,不如我幫一幫,或者可以替官員解困,記者通常是非常牙尖嘴利,唔俾到一個答案,他們誓不罷休。

  我想問一句,曾特首當初點解出招,如果有人信佢講是打擊炒家,那些人的思想是相當單純,當日,圍繞曾特首身邊的官員有不少都是炒家,或者是稍為正氣的物業投資者,他們又點會獻計給曾特首打擊炒家,他們大多數都知道樓價飆升是因為供應不足,所以,沒有一個官員提及供應不足這個問題,現在,大家都知道樓價飆升原因,所以,政府若果要撤招,必須要考慮供應是否足夠這個問題,如果供應達標,政府根本毋需考慮,撤招是事在必行,至於撤招的條件,就是每年的供應量,達標的話,就可以撤招。

  我相信每年一萬八千個單位供應,足夠市場上需求,大部分人亦同意這個數字,政府官員亦不例外,而現在CY以及一些房屋政策官員都表示,在未來三至四年可以提供八萬七千個單位,比四年需要的數字超出一萬五千個單位,接近一年的需求量,如果政府有把握做到,就應該逐步撤招,除非政府對於他自己所說的八萬七千個單位是假大空,所以不能夠撤招。

  現在樓宇供應不斷,政府又唔敢撤招以及放寬逆週期措施,樓價最終都會因為供應太多而下跌,雖然CY話目的已達,但這並不是一個負責任政府做法,而負責任的做法就是表明供應增加達到某一個數字,政府就會放寬一些調控樓市政策,否則,撤招就會變成無了期,倒不如老實說,政府在任何情況之下都不打算撤招,叫大家以後唔好再問。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Ca1on 2016-04-21 08:55:23
梁特首成功連任之前必定不會撤招. 佢以為堅持辣招就會得到人心, 事實已經證明此乃完全失敗。
2. 路人 2016-04-21 09:05:33
博士还提撤招为什么呢?什么心态,我真心不太理解。就今天新地的楼盘又加价(max33%)重售,试问还需要撤招吗?

我相信这篇留言又会给admin 人员删掉了(反正我都拍了照!!)为什么admin 之前的留言又会被删呢?有什么准则呢?这个应是自由留言的平台吧,是吗?

3. SHUN 2016-04-21 09:19:18
同意樓上、尤其一班唐唐支持者、CY在任甘耐就反佢甘耐、佢玩攬炒夠好、況且跌左1,2成姐、再冧3,4成先啦!
4. 知人 2016-04-21 09:33:50
大家真係搞錯哂!  中央0既靚撤唔撤招根本不是聽你D地代, 大地主, 星斗市民講...
供應充足與否不是撤招條件因素
中央0既靚是真心在香執行政治任務, 政治任務當然包括收買人心, 但更重要在這個朝代是統戰, 這才合乎中央長遠利益.  如何統戰, 香港人自己諗下!
不過, 唔撤招亦不代表個市會跌, 這個係香港自由資本市場最難搞的地方!
5. 打工仔 Andy 2016-04-21 09:34:41
凸區點先會撤招? 當某人成功變神的一天! 
6. 湯博士讀者 2016-04-21 09:35:12
在政府立場撤招的風險太大,正如博士早前談過「撤招容易、加辣難」,因為加辣要通過立法會。由其是樓價現在只跌了大約15%,一但撒招後樓價回升,就全功盡廢。

我認為大家不要多想,政府只會在樓價下跌3成,約中原指數在100點左右,才會考慮改變政策,我相只會放寬逆週期措施,不會撤招。

要撤招,樓價至少要跌4成,約中原指數90點左右,甚至要跌5成,即是中原指數75點,這樣的條件,撤招的風險就不會大,到時樓價升,就皆大歡喜!!


7. 想買樓人士 2016-04-21 09:53:52

其實樓價真係下跌左好少, 深水埗喜X系列或剛入伙一兩年單棟式新樓, 實用面積400几至600, 實用尺價都成$13,000-$15,000, 開價堅離地, 可能呢批業主就係上兩年高價買入, 現在又唔想蝕賣。 現在樓價唔係一般市民負擔得起。

10. 蕭峰 2016-04-21 10:13:33
樓上仁兄

深水埗喜字系列去年出售兩棟樓花全部一q清袋,大部分都係用家,最新入夥d單位我估都冇乜意欲出讓,呢d新盤想大跌難d。


11. 狗頭貓 2016-04-21 10:22:48
一件行里都會和跟足程序的地勤爭論句鐘 , 可見堅持和決心在DNA裹威力是何等巨大。
12. 路人甲 2016-04-21 10:31:53

娶老婆前要帶眼鏡, 睇清楚D, 咪搵錯 !
娶了老婆之後, 要隻眼開隻眼閉, 咪後悔!!

可以同人爭論上句鐘頭的老婆, 你試想像下, 回到家裡, 您說一句; '' 不'' 字,
你的情況將會是何等的不堪..... :))
13. Abby 2016-04-21 10:51:23
梁特一定唔會撤辣, 如果撤辣佢所謂「重中之重」的房策, 唯一所謂「政績」都冇埋。

實施三辣期間, 佢已經成功令香港人分化。 
呢幾年因投資、因實際需要買樓既人當然希望撤辣, 樓巿止跌。
早年相信政府管治效能而賣樓, 「沽空樓巿」既人, 又或者基層無樓一族, 當然不斷唱淡。
 
我認為如果政府真心以公眾利益為優先考慮, 政策上應該幫助有「上車需求」「換樓需求」的家庭, 凌駕於「樓巿要跌幾多成」和一己政績, 現在巿況極低成交, 現在想賣樓的難、想買的更難, 實應放寬。用家有實際需要, 唯有轉投一手樓, 繞過金管局規限, 借「發展商二按」上會, 賣一手樓發展商當然多謝政府集中購買力, 但政策其實增加了用家的風險, 等到跌凸才開始考慮撤招, 是一貫政府的處事, 愚蠢和後知後覺。
15. 淡友 引刀兄 SHUN 你們點睇香港未來樓市? 2016-04-21 10:58:34

港產少年深圳樓神 3年勁賺300萬人幣

04月20日(三) 18:43
  • 1/3

    【on.cc東網專訊】 深圳近期出現奇怪現象,逾千人通宵排隊掃貨、逾萬人湧入體育中心競投「筍貨」,但瘋搶的是叫價高達數百萬元的深圳樓盤!買家「盲搶樓」只因當地樓價愈升愈癲。今年25歲的九十後股票炒家郭基富(Keith)一三年買入深圳樓盤,眨眼間獲利一倍,他親身解構深圳樓喪炒之謎同時,奉上投資秘笈,避免二手樓的交易陷阱。

    自去年下半年,中央力推內房去庫存,引發投資者衝入內地一綫城市買樓。國家統計局公布三月數據,深圳新建商品住宅樓價按月升3.7%,按年更漲62%,年升幅在70個大中城市中居首。早於一三年已買入深圳磚頭的Keith食正今次升勢,持貨至今單位已升逾1倍。

    他更計劃善價而沽,要真正袋袋平安。「我買入嘅單位建築面積84.26平方米(約900方呎),實用面積64平方米(約688方呎),售價240萬元人民幣買入兩房兩廁的單位,承做七成按揭,月供14,000港元。」他稱,物業為新盤皇御苑五期高層單位,步行至皇崗口岸只需5分鐘,加上附近將開通地鐵站,擁有地理位置優勢,故樓價短短三年已升逾倍。

    「上月有買家開價600萬元人民幣,雖現時樓價回落,但估價都有550萬元人民幣。」因此保守估計,該單位帳面升值逾300萬元人民幣。

    Keith能捕捉深圳樓升幅並不單純靠推測,而是身體力行搬到深圳福田口岸居住逾一年,了解當地人生活指數、工資水平及租務市場。他稱:「深圳作為內地四個核心城市之一,且當地工資水平持續上升,普遍月薪近6,000元人民幣,再配合南山區創科業發展,相信樓價未升完。」早年他本着內地樓市輪流炒的心態,決定趁低入市。

    「地段好重要,樓盤位置要有不可取締嘅因素,例如接近關口、地鐵上蓋等。我買嘅樓盤好近皇崗口岸,返香港路程約一個鐘,好似由屯門去港島。」他指,深圳買新盤好過二手樓,由於深圳發展商「大把貨」,每時每刻都有新盤開售,變相較差地段的二手樓缺乏承接力。

    再者,買賣二手樓的交易存在一些陷阱,港人未必全能洞悉。他又稱,「發展商都好重要,比較大型嘅公司好似深物業、雅居樂(03383)都提供唔錯嘅物業管理。同埋我買嘅皇御苑係政府支持嘅開發項目,當時仲有限價樓政策,即新盤價不可高過地區樓價中位數,變相新樓當舊樓賣,我哋咪好着數。」

    他指,深圳投資物業與香港放租情況大有不同,「我放租一個月收7,300元人民幣,但月供要14,000港元,明顯供貴過租。但我投資深圳樓唔在乎租金回報,只係覺得樓價仍愈升愈有。」對深圳居民來說,為何租抵過買仍有人落搭?他補充:「深圳樓嘅買家主要係外省有錢人,佢哋太多資金要搵地方擺。對佢哋嚟講,樓價幾貴唔係重點,拎幾百萬元人民幣可能只係九牛一毛。」

    16. 閒人乙 2016-04-21 11:10:30
    其實博士真的不需要咁執著叫政府撒招,像美國聯署局也不會講明幾時加息,就算開了條件,也可搬龍門,政府又何必講到甘死,搞到自己冇得走位呢?不如請博士指教多D港式次按的發展,近排好似多左這些報導。
    17. 淡友的下場,有眼你睇! 2016-04-21 11:14:23

    沽空中美大國下場:索羅斯家族基金首季輸5%

    04月20日(三) 16:48
  • 索羅斯(美聯社圖片)

    【on.cc東網專訊】 據外國傳媒引述消息人士報道,今年初揚言似2008年、沽空亞洲貨幣、又高唱沽空美股的「國際大鱷」索羅斯,其家族基金今年第1季損失4至5%。

    回顧今年1月底,索羅斯唱淡美股和中國經濟。據金融博客Zerohedge評論,目前看來索羅斯恐怕沒有預見聯儲局會「狂放鴿」,以及中國政府通過大筆新增信貸力挽波瀾。「老鱷」也敵不過大國,今次打開口牌要損手了。

    18. 湯博士讀者 2016-04-21 11:47:02
    其實博士早幾個月的文章己叫人對撒招死咗條心,亦解釋得非常清晰,其一主因是「撒招容易、加辣難」,我非常欣賞,但不明博士近日常談撒招為何?

    所以非常認同閒人乙兄的提議,請博士講多啲「港式次按」的發展,因為辣招不可能撒,但港式次按真的有可能發生!!

    19. 路人 2016-04-21 12:13:21
    大家在這裡講理由討論,不要亂post啲新聞咗注討論。

    請Admin考慮remove這些無關亂post
    20. 123 2016-04-21 12:14:42
    支持樓上2,3,6層所講的道理。
    撤招最低要求是CCL小於100
    21. 真真薯片 2016-04-21 12:24:11
    在下相信, 今年一手推售量最後會少過萬八個單位, 所以供應仍然不足, 冇得撤招
    22. 新人 2016-04-21 12:36:35
    問博士果d 肯定唔係忠實讀者, 不久之前先講過辣招係喺樓價下跌先發揮威力, 而家先係佢開始發威之時, 仲有博士都講過可能辣招會長存啦, 撤乜呀... 
    23. TO: 19樓 路人 2016-04-21 12:45:15
    在論壇裡只可唱衰香港,人家成功或主旨失敗的個案就唔準提,乜嘢心態?!
    莫非誤了你 “路人” 計劃,想唱淡、然後 ── 入貨?!
    24. LYC 2016-04-21 12:54:33
    真兄,事實係撤唔撤樓價都唔會跌,唔撤係對整體社會經濟有害無益,失業率已輕微上升,所以政府要盡快放寬,撤招!
    25. 歷史長河 2016-04-21 13:04:20
    其實討論撤招的出發點不應該定在樓價的升跌,因為升跌未可知,有人認為會升,也有人認為會跌。


    著眼點應放在辣招對全體社會的影響上,對香港經濟的影響上。樓市乃重中之中的講法本身就是錯誤,這也許是房屋局局長的重中之中,一個政府的重中之中當然不應該只是樓市, 應該是全局才講得過去吧。
    26. 閒人乙 2016-04-21 13:17:39
    近年搞到社會動盪,民不聊生既主因就是高樓價,現在雖然經濟開始有轉差跡象,但政府要做既係要想辦法去振興經濟,而不是用撤招去還原番之前既高樓價去救經濟。
    27. 歷史長河 2016-04-21 13:23:32
    如果閒人乙兄有其他振興經濟的高招不妨講出來俾高官們聽聽。
    28. 路人 2016-04-21 13:24:52
    To 23樓:

    其實這些post只放個標題和條link就得啦!!

    現在放買圖和字體又大個人,真喺咗注睇回應!!

    今日回應好精彩!
    29. 苦前業主 2016-04-21 13:36:05
    又係果句,樓巿跌七成,後生仔都唔會買樓,
    所以話「正苦吃力不討好」。
    30. To 28樓 路人 2016-04-21 14:24:07
    你只是近日路過此地,你不知有啲兄長在內地,係睇唔到香港大部分媒體的報導嘅咩…?而且你話對香港樓市無關痛癢的貼文,此一主觀愿望,估計你又是一個對周邊環境無知的本土港燦一名,濛閉閉,亦要人哋一齊濛,傻咩!
    31. 路人 2016-04-21 14:47:06
    To 30樓,

    就你講得啱,我覺這兩post有點怪,圖又大,字體又特別大,只要post文字就夠啦。

    你的言論有「誹謗或人身攻擊的言論」的可能,敬請自律。

    33. TO 31樓. 路人 2016-04-21 15:30:05
    再教化你多一樣嘢喇,報導 網址 貼上時是黑色文字,假如 Admin覺得文章有建設性連結,就會將網址設定為直接連接的 藍色,Admin 做嘢使你教?!咪係度:冇料扮四條喇,又誹謗又話攻擊,超!
    36. 路人 2016-04-21 16:15:08
    To Admin:

    回應 / 留言規則: 禁止撰寫粗言穢語、誹謗、渲染色情暴力或人身攻擊的言論;

    33樓的言論:「咪係度:冇料扮四條喇,又誹謗又話攻擊,超!」,有問題,請處理。

    37. 索羅斯 唱淡,買貨 2016-04-21 17:40:39
    哩啲就係正宗嘅赤膊上陣,唱淡 ‧ 買貨。
    38. 搞笑 2016-04-21 18:51:43
    呢到都幾搞笑,
    同現實1樣呢頭小黑警話人黎搞你,轉個頭又叫黑警做野搞人黎保護番你

    39. 85後已上車 2016-04-21 19:44:36
    to 36:

    33樓的言論:「咪係度:冇料扮四條喇,又誹謗又話攻擊,超!」,有問題,請處理。 <--- 請問有咩問題, 我自己覺得完全冇問題。

    閣下如有料, 咪show 下你quality.
    40. 無奈 2016-04-21 19:59:06
    人們的印象:政府是後知後覺。官員哲學,少做少錯。
    政府辦事規律:出了問題才去應對。例子,審計處報告後才補救,其實一早就知有錯。
    這樣辦事的好處:政府有做嘢,對市民有交代,能否解決問題就不重要。
     
    加稅,一般認為會減少買賣令樓價向下,所以質疑的人不多,所以當年想上車的人都擁護。客觀現實是,對於供應有限的商品來說,加稅意味著加價,樓作為必須品,就更加如此,所以樓價向上走了多年。

    因為撒招後樓價向上或下都無人知,大升跌都非政府樂見,人人可買樓是選舉花招,在位後會面對更多問題要考慮。

    我失業時第一時間想到的是下一頓飯有著落嗎?完全冇唸過買樓。難道政府官員不明白這個道理嗎,只是極淡者一廂情願。 

    現在政府不會撤,當政府撤時,就是香港經濟衰到貼地之時,因為那時政府會說,已經處理了。

    祝香港好運。


    41. 蕭峰 2016-04-21 20:17:50
    「對於供應有限的商品來說,加稅意味著加價,樓作為必須品,就更加如此,所以樓價向上走了多年。」

    一語道破。

    助推了近年的樓價升勢!

    42. 區區 2016-04-21 20:48:33
    其實宜家只系跌左11%,而博士之前話最多再跌多6%,所以,呢個只不過系小調整,何以有本事去撒辣及放寬逆期措施呢?博士最近的文章表達有矛盾... 一邊話樓市已經止跌,另一邊又話要減辣以防樓價下跌... 
    43. 洗牌再玩 2016-04-21 22:35:24
    政府出招6年,地產界就對抗足6年(還未計出招前的地產霸權數拾年),今天才開始有些成效,若是輕易撤招,他日樓價大幅上升就怡笑大方了。
    44. Ann 2016-04-21 22:52:52
    回2樓路人,持相反意見呢度係會比人delete,仲係delete得好快,反而LYC兄嘅言論雖然好多充滿人身攻擊就依然健在,可以知道LYC兄所言就是地盤嘅心聲,樓價要升上太空就是一批炒樓人士的意願,辣招無用因質低樓價你都唔會買,我真係大開眼界。
    45. 國際大笑話 2016-04-21 23:04:08
    正確,呢個政府的確系國際大笑話,樓價越辣越會升,港樓價已經遠遠超越蘇黎世,英國及摩納哥了... 還有資格去談什麼減辣,簡直系笑話中既笑話... 
    46. 廢青 2016-04-21 23:42:52
    班廢柴青年,一味系度發白日夢,想上車又要窮,無錢就吾好甘多嗜好吧,下世投抬去非洲吾好去香港啦,d樓甘肯鬼
    47. 43樓 2016-04-21 23:47:30
    呢個政府系無能,出招出左6年都系甘既死樣,無料到,簡直系無能政府
    48. 黑太陽 2016-04-22 00:11:49
    這里很多憤怒青年,表達意見也要小心,既然不滿政府不滿樓價,倒不如離開香港吧,相信世界肯定有好多比香港好的地方居住。
    49. 引刀一快 2016-04-22 02:46:33
    To 40樓 無奈兄

    香港經濟再差,都有個譜,唔至於會餓死人。

    我擔心緊大陸啫,希望大陸都可以掹掹緊,挺過去喇。
    50. Ca1on 2016-04-22 08:56:24
    假如中國大陸經濟出事, 再加上近年嘅左傾風氣, 真係好有二次文革嘅土壤.
    51. 回44楼 Ann 2016-04-22 08:58:59
    如我骂人或人身攻击被人delete,okay !我认!

    但抒发一下不同意见……(特别是跟博士相关的意见!)...不知为啥很快就给admin 同学们删啦。

    最近只是发现博士的理论有一点矛盾才发一下言(撤照vs下跌空间)。不知道是不是博士受到其他大财团压力(始终博士这么大的公司,肯定跟别的财团/地主有买卖及合作关系。

    只是不太明白博士这方面的立场而已,本人还是欣赏博士呢!

    52. LYC 2016-04-22 09:05:13
    刀兄:點解你可以毫無理據地樂此不疲地廢嗡!睇下其他人點講啦 http://www.skypost.hk/newsDetail/headline?headline=%E4%B8%AD%E5%9C%8B%E7%B6%93%E6%BF%9F%E5%B7%B2%E5%9B%9E%E7%A9%A9%EF%BC%9F&date=20160422冇樓就唱衰,心地何其差!
    我一片好心,之前話俾你聽有錢人(本地或國內外人)不斷掃貨,金爆上帶動樓價向上衝 http://paper.hket.com/article/1412692/50%E6%8C%87%E6%A8%99%E5%B1%8B%E8%8B%91%E7%A7%9F%E9%87%91%20%E9%80%A3%E8%B7%8C%E5%8D%8A%E5%B9%B4%E5%9B%9E%E5%8D%87。你唔聽,係都要信啲傻嘅。或者你冇能力買啦,我又好心提點你努力工作進修,你又唔聽,反而話我不是。事實係我不斷被攻擊啊,淡友雙重標題,以徧概全,亂嗡24,真係讓人大開眼界啊!
    所以一個人是否住劏房或瞓街,肯定唔係冇原因呢!
    CCL今年餘下時間將會緩慢地向上推進,未來數年將會以幾何級數爆上!
    我地大家一齊印印腳,坐定定在CCL號火箭,衝上火星GoGoGo!
    53. 引刀一快 2016-04-22 09:18:40
    我冇瘤呀,你有?
    54. 引刀一快 2016-04-22 09:22:15
    Carson兄

    依家大陸嘅文化,係時候調整,趁呢個經濟低潮,從新教育下D人,最起碼要抓住新一代嘅價值觀同道德觀。
    55. 蕭峰 2016-04-22 12:52:54
    to Ann

    未註冊成為會員時,我d回應有時都未必post出來,註冊左之後就ok,同埋快好多。
    56. Ann 2016-04-22 13:42:07
    To55樓,多謝提點。但這裏可以漫罵政府,或唔認為樓價會再升嘅就比人話無樓無錢無努力工作,一些人以另一種方式唔比人講,但就不容許質疑湯生理論嘅留言,一出就會比人delete,而家路人都咁講。咁會變成係一言堂,又有個印象好似好多支持嘅言論。這同係咪註冊會員沒關係。
    57. CD ROM 2016-04-22 16:01:04
    以深圳樓來說, 皇御苑真的理想嗎? 只係咁啱坐到順風車, 食正深圳呢1浪而已.

    一個550萬既單位收7300租, 對HK收租佬來講真係好難接受... 租金係好緊要既基本因素, 點可以話focus個價就算..............

    真係............
    58. 打工仔 Andy 2016-04-22 16:57:31
    550萬大既是70平左右, 现在租金在8500左右, 一點也不吸引, 問题係, 下年可能升上650人仔! 這才是重點! 哈哈!
    59. 蕭峰 2016-04-22 17:12:52
    邊有咁多

    琴日啱啱見到廣告,前海120平、90平實用,租6500人仔。

    60. 打工仔 Andy 2016-04-22 17:16:51
    福田中心區計, 小弟正换租客!

    補充: 10個廣告10老作!
    61. 蕭峰 2016-04-22 17:32:04
    原來如此。

    我收到廣告話,個個人要移民,所以急租出去。anyway. 

    62. Koichi Fuyumi 2016-04-22 17:34:56

    樓市最近一浪升幅由2014年第二季開始,當時CCL大約118點。一直升到2015年第三季147點為止。共升了29點。然後由147跌回127點。跌了20點,回調升幅三分二。符合黃金比例。所以這一浪只算一個浪的調整,的確未能證明樓價已經向下。

    所以政府不撤銷辣招算是正確的。但如果一天回調到118點以下並沒有反彈到118水平。政府應該會開始撤第一招。

    63. 打工仔 Andy 2016-04-22 17:50:47
    蕭兄
    我未聽過呀! 
    我有一個内地人群組, 都是正面喎, 深圳冷卻是真的!
    64. 蕭峰 2016-04-22 18:18:57
    係啊,我睇到都有d奇怪,唔知點解咁平

    或者只是廣告都唔出奇
    65. 打工仔 Andy 2016-04-22 18:45:18
    蕭兄

    内地透明度與我地有差距! 好多時都要親自上去問多幾個地代, 先問到真相!
    否則比人點到暈!
    66. 無為而治 2016-04-22 20:08:22
    如果我係特首一定等樓市跌多20-30%先撤,因為當年有幾多人罵「地產霸權」、「官商勾結」,咁就等個市再跌,睇大家仲罵唔罵囉!
    67. 向饭民说不 2016-04-22 22:42:23
    宜家香港甘政治化,没有人敢撤銷辣招。

    香港d商家佬非常无耻,当废青闹自由行的时候,他们壁上观,生命都唔做,政府唯有限制大陆游客。但是当游客大幅下跌的时候,他们又埋怨政府。

    同样问题发生在地产界上。

    现在是议会政治。你们纵容饭民,黄尸,却又要政府帮助,算咩啊。

    在外国,商界会有团体,左右新闻界,不会让新闻出太多激进的新闻,香港商界做坐咩。
    68. 向饭民说不 2016-04-22 22:45:40
    看看癫狗点侮辱689啦,有变个特首敢得罪废请。撤銷辣招。

    现在咩都政治,不要on居啦。