主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20230    回應 : 11
文亮語
贏就細份,輸就大份的三按財仔
 
湯文亮博士
紀惠集團行政總裁
2016年4月25日

  有對賭博不太認識的人問我,有一次去澳門玩麻將排九,應該輸錢的一次唔使輸,應該贏的一次冇得贏,問我點解,我話做莊的人行「地莊」制,賭場或者其他賭客又冇幫莊,假如莊家的金額是十萬元,閒家賭注是二十萬,有一副牌,莊家是0點,閒家個個有點,於是,買閒的人排隊收錢,當莊家輸清十萬元之後,就算贏了的閒家亦冇錢收,反之,莊家有一鋪牌是通殺,閒家亦是排隊輸錢,但莊家贏夠十萬元之後,就唔能夠再贏,以後閒家就不用再輸錢,不少賭徒覺得複雜,不如賭百家樂便算數,簡單快捷,贏就贏,輸就輸,無謂咁婆媽。

  「地莊」雖然是婆媽一些,但亦算公道,如果大家了解財務公司的按揭運作,便會知道那些做三按或以上的財仔其實是很蠢,他們贏就只得細份,輸就大份,不過,當樓價無止境上升,這個情況是要經過很耐時間才會顯露出來,但當樓價下跌,情況就變得不同,三按財仔可以打定輸數,能夠本利收回的十中無一,頭按就大多數可以收回本利,不過,頭按的利潤,很大機會是來自三按財仔的本金,所以,我才覺得他們非常愚蠢,但有不少財仔非常熱衷做三按,認為本小利大,因為,三按通常收取非常高利息,但是他們不明白,借三按的業主差不多已經到了山窮水斷,無論樓價是否下跌,所借出去的錢都已經很難收回,就好似潑了出去的水。

  大家將會發覺一個奇怪現象,就是有經驗的財務公司不會做三按,而夠膽做三按的是非常有經驗,知道點樣可以收回本利,那些借了三按的人千祈唔好以為冇咗層樓,問題就已經解決,三按財仔是非常有辦法追數,如果他們沒有辦法,就唔會借錢俾人。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Ca1on 2016-04-25 15:42:53
再次恭喜博士先.

看畢博士全文, 看到最尾一句, 小弟心中迴響起了三個字:「你懂的。」
2. 路人 2016-04-25 16:16:44
To Admin:

就是有經驗的財務公司不會做三按,而夠膽做三按的是非常有經驗

是不是打錯字,應該是「無經驗」嗎?
3. 路人 2016-04-25 16:18:51
對不起,沒有錯字,我明白湯博士的意思啦!
4. 引刀一快 2016-04-25 17:06:55
路人兄

睇湯先生嘅文章有時要字字琢磨。

其實今日樓市按盡一間樓嘅人,好多時已經喺金額上賺咗,可以拍賣間屋就乾手淨腳的話,某角度嚟睇可以話係再賺多賺。欠債還錢天經地義,做人要負責。
5. 3按 2016-04-25 17:29:13
層樓吊高黎賣,就算蝕咗 3按 .
發展商最多收返層樓......
6. 路人 2016-04-25 17:34:51
多謝刀兄提點。

這點令我想起同事談到愛吃辣的三種等級:(1)不怕辣、(2)辣不怕、(3)怕不辣

財仔可能都可以分為三級:(1)不怕借、(2)借不怕、(3)怕不借

湯博士今日談到的財仔真的是「怕不借」的級數。
7. CD ROM 2016-04-25 17:49:38
博士講得有理, 財仔就係財仔, 唔係拍下電視廣告, sell下溫情, 就可以洗底的...... 

財仔追數, 如Carson兄所講, "你懂的!"
8. Alan Pepper 2016-04-25 22:49:48
有經驗的財務公司不會做三按,而夠膽做三按的是非常有經驗

只是不一樣的經驗。有些錢,唔係普通朋友賺的
9. Alan Pepper 2016-04-25 22:51:18
To 2/F & 5/F

你應該未看過 90 年代的經典電影,上 youtube 了解下好啲
10. Alan Pepper 2016-04-25 23:08:40
Ohhh... just realised, 恭喜博士!
11. 引刀一快 2016-04-26 04:55:55
6樓 路人兄


就一個字,高!

精警絕倫。