地產博客 > 文亮語 返回
瀏覽人次:29196    回應:136
文亮語
投資需求是毋需壓抑
 
湯文亮博士
紀惠集團行政總裁
2016年4月17日

  CY又再表示,要壓抑外來需求,炒賣需求,投資需求,讓有自住需求的人可以上車,說話當然好聽,但如果沒有人投資物業市場,無論政府推出幾多土地,又肯接受低地價,但投資買地建房的人反而會減少,因為樓宇在落成之後都冇人買,最後,供應短缺,上車的人一樣要付高昂的樓價,政府協助年青人上車的目標又達唔到,點解CY要壓抑投資需求,我實在唔明白,政府應該鼓勵地產商投地建房,投資者買樓收租,老實說,如果不是三年前政府暫停勾地,以招標替代,就不會吸引到那麽多地產商投地建房,今日就不會出現大規模供應,即使壓抑外來及炒賣需求,樓價依然會節節上升,CY將好人當賊,這幾年耗盡金錢來投地的中小型地產商,聽到CY的說話,的確是幾傷心。

  就算不是生意人都知道,殺人生意都有人做,冇錢賺生意就冇人做,所以,當政府壓抑市民對物業需求,有樓都冇人買,地產商及物業投資者見冇錢賺,又點會投資,政府又何需壓抑,現在政府連自己的居屋,港人港地屋都賣唔去,仲話要壓抑,令人感覺到制定房屋政策的高官生活在象牙寶塔裡,其實,政府已經解決樓價飆升問題,在足夠供應量之後,政府應該釋放更多需求,使到有足夠購買力穩定樓價,現在反其道而行,在供應充足,需求被壓抑情況下,樓價一定會下跌,有自住需求的人明知樓價下跌,又點會買樓,到時候,官員們就會非常困擾,點解樓價飆升,大家搶住買樓,樓價下跌,反而冇人買,知道答案的人,一定唔係做官,最低限度唔係負責房屋政策的官員。

 
 
我要回應
我的稱呼
回應 / 意見
驗証文字