主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 19326    回應 : 6
文亮語
中介費用應該由財務機構支付
 
湯文亮博士
紀惠集團行政總裁
2016年4月14日

  現在,有大約500宗經中介公司向財務公司借錢的投訴,個個投訴人都好似被人屈,甚至有投訴人反告中介公司誤導,令他們以為付了中介費用之後可以借到平錢,我真的不明白,那些人的年紀已經不少,有資產有物業,點會相信中介公司,現在搞成咁,才對外間說唔明白中介公司運作,政府就算想幫他們都很艱難,他們當中很多都會說,當初並沒有打算向財務公司借錢,但經不起中介公司游說,又以借唔到唔收費承諾,最終就泥足深陷,付給財務公司的利息已經是驚人,但相比中介費用,就會覺得相當合理,如今有不少業主面臨被收樓危機,政府現在才開會話討論如何管制中介公司,等政府有所決定,還未付諸行動的時候,已經有幾千個物業變成銀主盤,其實,政府早已有例管制中介公司,不過,官員們可能唔記得。

  在幾十年前,當政府立例管制財務公司收取利息不能夠超過月息5%,其實,收取多過月息4%已經要通報監管機構,利息計算方法是包括各種費用,例如佣金,手續費,介紹費,中介費等,所以,當時向財務公司借錢的人不用付中介費用,現在,無論監管的機構或者借錢的人,大家都忘記有這個條款,便給予中介公司有機可乘,如果將中介費計落財務公司利息,九成九超出限制,警務處有權吊銷財務公司放債人牌照,既然警務處有此權力,又何需討論如何管制中介公司,只需落實執行有關條款便可以,不過,現在講可能已經太遲,唔知道有幾多物業因為超高中介費變成銀主盤,但遲做好過唔做,救得幾多個就救幾多個,最低限度都盡吓人事。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Ca1on 2016-04-14 08:58:01
其實同小時候聽到大耳窿的故事好似, 借十萬, 還一百萬, 之不過而家就分開嚟做, 借一百萬, 幾十萬中介費, 實質落袋都係十萬.
2. 史路比 2016-04-14 12:53:54
呢次真需要為博士喝彩,博士為按樓人士又得罪財務中介公司。
3. CC 小弟 2016-04-14 13:57:47
吸血中介與高利貸合謀, 人人得而誅之.  博士身為公眾人物, 敢言之處令人敬佩, 唯亦請小心出入以免成匪類發洩報復的對象.
4. karl 2016-04-14 16:47:01
湯生, 多謝教導, 贊!


5. 新人 2016-04-15 16:59:44
d 人梗知呢條例, 但你搵福爾摩斯都好難搵到證明果d所謂中介費係同筆借貸係有關連
6. 引刀一快 2016-04-16 03:32:11
湯先生功德無量,免卻未來無數人墮陷阱,呢個係最簡單直接有效又難揾漏洞嘅方法。

月息5%,已經好多人要賣屋嘞。