主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 20095    回應 : 16
文亮語
政府應該繼續出招
 
湯文亮博士
紀惠集團行政總裁
2016年4月1日

  在政府辣招及逆週期措施之下,樓價已經下跌了大約15%,四叔話最多再下跌多15%,我亦相當同意,但亦有可能做唔到,主要因為成交量非常之慘淡,表示業主拒絕低價出售物業,而所成交的個案當中,大多數是被財務公司迫售,有少數是持有多個物業的業主在被銀行要求不斷還錢之下而被迫出售,現在要一個沒有財政壓力的業主出售他們的物業,機會是很微,就算穆迪等話香港樓價會跌四五成,亦不能動搖業主持有物業的決心,本來,樓市穩定,應該是一個好消息,但樓價不跌,政府就沒有理由撤銷辣招或者放寬逆週期措施,據了解所得,如果樓價不再多跌三成,政府是沒有機會修改調控樓市措施,有人問我,怎樣才可以令樓價多跌三成,最好在一年內做到,現屆政府官員可以向中央政府邀功,因為新一屆官員上任,或者會因應時勢撤銷辣招或者放寬逆週期措施,令打算上車的人有機會上車,民望自然升高,但如果有辦法在一年內令樓價下跌三成,政府立刻可以撤招,打算上車的人便可以上車,但官員們苦無良策,現在見樓市膠著,就急如鑊上螞蟻。

  全世界都有一個錯誤觀念,就是辦法總比困難多,要樓價在一年內下跌三成又有何難,但下跌之後,算是解決困難,但其他困難又會隨之而起,不過,如果官員們話唔理得咁多,總之要解決目前困難,我有一個辦法,就是政府應該繼續出招,最基本是現在所有辣招稅都加多一倍,年期亦長一倍,同時亦要求銀行將按揭成數減半,首次置業要付七成首期才可以上車,我深信在公佈之後,樓價不需要半年就可以下跌三成或者更多,當政府達到目標,便可以立刻宣布減辣,即使樓價掉頭回升,但最低限度已經完成政府宏願,政策是成功,同時亦履行承諾,在樓價大跌之後修正調控樓市措施,老實說,這是一條偏方,雖然可以在短期內令樓價下跌三成,但香港經濟亦會遍體鱗傷,但政府若果唔繼續出招,樓價即使被人亂唱,都不會下跌三成,所以我話,就算我有辦法令樓價在一年內下跌三成,算是解決了一個困難,但代之而起又是另一個困難,倒不如收拾書包,一切留待下屆政府處理。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

2. Pete 2016-04-01 12:08:49
Happy April Fools Day!!!!
3. 文員 2016-04-01 13:08:45
租管, 加埋開徵空置稅, 稅率要用成本或市價較高者計, 之後實施所有超過十年樓齡公屋都可以折扣賣俾住戶, 再之後移山填海, 填埋個維港, 全部用黎起公屋居屋  
4. 真真薯片 2016-04-01 15:19:07
只要差響加三倍, 樓價即刻跌一半都得
5. 苦前業主 2016-04-01 15:51:44
不如再絕啲啦.... 9成首期1成按揭。
6. 望東樓 2016-04-01 16:16:16
真真兄,你呢招好毒。
7. 自我陶醉 2016-04-01 16:24:51
我覺得統一加三倍唔公平,因為會影響自住者,所以,我以前曾經建議用遞進法,一間一倍,兩間兩倍,如此類推,咁先公平。
8. LYC 2016-04-01 16:43:17
大部份業主都已交了很多稅,理應取消差餉,佳大歡喜!
9. 西門吹雪 2016-04-01 16:43:55
大家幻想得咁高興,等我加埋一份~~一於將第二套房每年加收相等樓價50%既差餉稅LA~~唔影響民生,但D有大把樓既仲唔急急出貨?? XDDDD

不過話說回來,其實政府影響樓市既政策已經夠多了,再出招只會令大家少左樣野玩。其實我真係唔希望政府再出招。最希望放寬按揭成數同DSD~~其他話之佢

10. 市民 2016-04-01 17:11:30
增加優惠,幾好聽喎。
好景就唔减價啦,賣唔晒。
—買即蟹,形容得好好。
個個盤都賣唔去,又話提供一按!!
D聰明人還不去買?
儍儍地!

11. 蕭峰 2016-04-01 17:21:52
各位,即使第二層樓加差餉都作用唔大,冇唔記得,一個家庭可以用唔同名持有。
12. 西門吹雪 2016-04-01 17:26:34
哈哈~~大俠~~你太睇少呢度D大大了~~
佢地就算用哂D家人加埋D遠近親戚,一人一層既話都未必夠HOLD哂D物業。
13. 蕭峰 2016-04-01 17:36:21
咁又係!哈哈!
14. 浪子心聲 2016-04-01 18:00:09

辣招有可能成為香港長遠房屋政策

 

近數月由於樓市轉勢向下,多了港人希望政府考慮減辣或甚至取消三辣(SSD, DSD, BSD),今天湯文亮博士有兩編文章談及辣招,這編更加談到「加辣」以使樓價加速下跌, 但現實是政府是不可能加辣,亦不會減辣,我個人認為三辣更可能成為香港長遠房屋政策。

 

當然三辣有其負面效果,但香港實況是「地少人多」,「開發土地困難」,「地產商己囤積大量土地」,「郊野公園面積龐大又不能起樓」等等因素,長遠來說港府有可能無法解決房屋供應不足的問題,因為香港實在面積不大,人口又不斷增長。因此三辣對香港樓市帶來正面效果多於負面,如SSD可減少炒賣活動,令樓價不會大幅波動;DSD令購買第二房誘因減少,能令多些房屋落入自住人士身上;最後BSD能減低港樓對外來投資的吸引力,對長期處於供應不足的香港樓市幫助非常大。

 

最近財政司長曾進華亦不時提到香港應開始探討「稅務改革」,如加稅、引入消費稅等等。港府內部有可能己有共識將會維持香港穩定的土地供應,以使樓價能維持在一個合理水平,其後果是港府的財政收入將大不如前,因地價下跌,賣地收入大幅減少,在三至五年後,香港有能出現財赤,所以財爺開始提醒市民應探討未來的「稅務改革」。

 

未來香港細單位及新界樓價有可能不會太高,會維持在一個大眾能負擔的水平,在這個方向發展三辣(SSD,DSD,BSD)需要成為長期政策,以維持民生住房價格穩定。我個人非常認同這個發展方向,過去港府的高地價政策己今大多香港有能之士或有錢人專注於物業投資,以物業升值或收租為發財之道,己二十多年沒有在其他方面發展,如港府真的向這個「穩定土地供應」政策發展,我相信很多香港有能之士會改變其發財方道,這樣香港將會有一個新的面貌。

15. Ann 2016-04-01 20:01:30
點解1年要跌3成?點解要硬著陸?到時大家又有話題大炒特炒?如果樓市經濟咁易控制,大陸個股市就唔會跌成咁啦,人民幣又唔會跌啦,嗰陣人人都話人民幣會到6算,大家仲記唔記得?當年日本都係全球第二最大經濟體,泡沫一爆樓價跌足20年。所以如果炒樓你輸錢唔好怨,自住嘅睇啱夠錢就可以買,因為你要住,樓市未必跌一年,跟住就見底倒頭升,無人知聽日點,邊有咁得閒日日估升跌,專心工作好過啦。政府嘅政策咪啱囉,當日叫市民你唔夠錢唔好入市,嗰時升得咁急係人都知係泡沫啦,不過啲人貪心以為大陸人會接貨,係咁買,又借財仔,而家我完全睇到政府嘅辣招背後嘅義意,其實救左好多人,如果唔係而家個跌市仲多人死。
16. 怒婦炒魚柳 2016-04-01 23:41:50
個個都扮到專家咁,邊個越專屎得越早果個!
17. 簡單 2016-04-02 22:41:02

不如以招換招會更有效調控樓巿

往宅物業空置稅來代替 SSD用來打壓業主及地產商囤積居其, 適用於以個人或公司名義持有往宅物業, 方法很簡單業主手持第二物業時要上報往戶名或租客資料厘印如系公司名雍有第一個物業就要上報就可以況且可以給4至6個月寬限期, 至於新樓可以用發出入伙紙日來計寬限期. 有些物業好難放售或租可以申請括免例如舊屋地石屋離島區或禁區範圍樓齡超過50年.至於收取多少可用差响或地租來計超過限期就每月徵收.