地產博客 > 文亮語 返回
瀏覽人次:36346    回應:47
文亮語

物業代理的技巧

 

湯文亮博士

紀惠集團行政總裁
2016年4月3日

  有很多人不明白,點解在大多數分析員講樓市會大跌時,我反而叫人買樓,這是不是第十個人理論,當其他人贊成的時候,一定要有一個人反對,不是,這只不過是物業代理力保不敗基本技術,否則的話,物業代理就會處於一個必敗的局面,我向他們偷師,以免日後那些在去年因為爆煲論而沒有買樓的年輕人,反而以後冇機會買樓,或者有機會都唔肯買樓,最後樓價上升,他便會由贏家變輸家,而他當然唔會指責自己點解在樓價下跌而沒有把握機會買樓,而是話我的爆煲論令到他們沒有買樓,甚至會怨我一世,所以,我不得不做一些保護自己工作,這亦所謂,人不為己,天誅地滅,不過,又好似嚴重了一些。

  在未有什麼辣招印花稅年代,某一位物業代理替一位客戶買入一個物業,在簽訂臨時合約,付了5%訂金之後,物業代理就會對客戶說,有人願意俾5%佢賺,但又會同佢計數,雖然是對本對利,但要付買賣雙方佣金,未計其他使費,最多只能賺樓價3%,毋需要即時賣,日後可以賣得更高價,點解物業代理咁好心,因為他們希望買家簽訂正式買賣合約,不過,我講俾大家知,大多數沒有人出價,如果有的話,物業代理一定會說服買家出售,又會講100%利潤,點解唔賣,如果以後樓價下跌,那個買家就不能夠埋怨物業代理,就算埋怨都沒有用,物業代理就會話一早已經搵到下手買家,是業主自己決定不賣,與人無猶,有了SSD之後,一切俱往矣,因為買什麼可以在未簽正式買賣合約時有超過兩成利潤,所以,物業代理連這個步驟都唔需要做,新入行的可能唔知道有這個技巧。

  如果大家有留意,今次我是叫去年打算買樓而最後沒有買樓的人,如果啱價,今年下半年,甚至現在都可以買樓,美其名是鎖定利潤,其實,如果樓價掉頭回升,就千祈唔好怪我,更加不是叫他們做炮灰,如果要做,他們在去年已經做咗。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. SHUN 2016-04-03 11:00:57
現在買樓、輸左九成九、尤其借九成&買元朗樓果班、時間好快證明!
2. LYC 2016-04-03 11:30:57
又一個供應重災區的海天晉大賣,並且訂價超貴,證明大陸+有錢人的聰明錢明顯入市掃貨,預期向隅客隨即炒爆鄰近2手樓,發展商同時亦準備加推單位應市,因為需求實在太強。事實並不是有位淡友所講冇人買,要劈價散貨。相反,發展商惜售,善價而沽。不過,有可能這淡友將夢中所見誤以為真,因為交租交到暈暈地。
同一時間,租金正在爆上,提升買樓收租回報率,穩固業主持貨決心,唔創新高價唔賣!http://notcomment.com/wp/?p=68787
3. 打工仔 Andy 2016-04-03 11:44:31
有實力的, 可以掃貨!
4. SHUN 2016-04-03 11:53:53
香港人有幾多實力吖…………領展加停車場%8.2都瓜瓜曹、無它嘅、又減薪、又炒尤魚、仲去做樓奴、下年呢班仆直!
5. 我嘗試走進淡友塔利班們的內心世界 2016-04-03 12:41:33
樓上有人日日好似開工式發表預測口號,句句腰潤買樓如買炭般死人冧樓,不宜從其內心角度窺探一下。首先覺得寫得出對後市如此深刻的宣言,肯定不是從未買過樓的樓市初哥所能及,既然對自住樓價值有一定認識,而又繼而不舍地發出對未知的預估,想必一定是在 08-12年期間將自住樓讓利於新買家人仕居多, 既蝕樓價一倍升幅之餘,更將原本帳面賺到的樓價利潤,毀滅於近年租金開支上幫人供樓,從這方面想必ISIS都幾好笑!
6. 魚蛋仔 2016-04-03 12:49:31

4/F,打工仔兄,

你擁有几億身家,請你不要再說大家樂的早,午餐貴呀,免得好似5/F一樣的朋友人芸亦芸,不求甚解。

7. 將軍澳新樓開紅盤 單日速沽200伙 2016-04-03 12:59:25

https://hk.news.yahoo.com/%E5%B0%87%E8%BB%8D%E6%BE%B3%E6%96%B0%E6%A8%93%E9%96%8B%E7%B4%85%E7%9B%A4-%E5%96%AE%E6%97%A5%E9%80%9F%E6%B2%BD200%E4%BC%99-215515018.html

將軍澳新樓開紅盤 單日速沽200伙

星島日報星島日報 – 6小時前
Facebook  馬上成為Yahoo 新聞的Fans
  • 海天晉市況踴躍,且一度錄得達五百人等候揀樓。
    檢視相片

    星島日報 - 海天晉市況踴躍,且一度錄得達五百人等候揀樓。

(綜合報道)(星島日報報道)今年樓宇落成量增加,一手紛加快銷售步伐,其中將軍澳樓盤昨首輪推售,並以貼市價搶客,首日開售速沽約二百伙,乃近月單日沽出最多伙數紀錄,八成買家屬自用,當中不少年輕客獲家長資助上車,亦有青年家庭客捧場,發展商有見銷情不俗,計畫盡快加推單位應市。

  新地旗下將軍澳海天晉,於上月底開價後,連日來收票儲客,截獲二千七百多票認購,該盤於昨日率先首輪開售,首推涉及二百二十八伙,發展商安排該盤於上午九時開始售樓程序,並分流安排A組買家,即大手選購兩伙或以上先行登記揀樓,於開售前十五分鐘,已有約九十組客率先到場,當中不乏家庭客及內地買家出現,綜合消息稱,項目先供大手客揀樓之最先三小時內,合共已售出約四十伙單位,當中更錄得大手買家斥資連掃多伙,及至下午二時許,推出單位已近半數獲認購,現場銷售速度甚快。

  於首輪供大手客買家完成揀樓後,現場指購買一至二伙的準買家,亦魚貫到場,現場一度更有約五百人排隊等候,涉及約二百組準買家,售樓處出現排隊處大打蛇餅,長人龍向商場一直伸延,情況相當熱鬧,當中,有不少家長帶同手抱嬰兒,以及小童等前來揀樓,該等年輕夫婦結伴同來,發展商安排人手進行分流及疏導,現場輪候揀樓秩序井然。

  海天晉今次成功以貼市價搶灘,力吸各類型客源,首輪推售二百二十八伙,市場消息指,截至昨晚沽出約二百伙成交,佔開售單位達八成七,乃今年內單日沽出最多單位項目。

  因應首日銷售情況理想,新地副董事總經理雷霆表示,該項目將會盡快加推單位。

  該盤主打二至四房戶,今批開售的單位中,包括一座二樓A室的連花園特色戶,面積達一千三百二十八方呎,消息指出,該單位錄承接,物業定價達三千三百五十六萬九千元,呎價約二萬五千二百七十八元,有關成交的造價及呎價均屬高位。

  綜合代理消息指出,海天晉昨日銷售情況理想,成功吸區內外換樓客源,由於項目入場價僅逾四百萬元,加上樓盤享海景,以及貼市價等多項利好因素,吸引一眾年輕上車客出動,亦搶去同區內一、二手市場的焦點,將軍澳區二手市場大受影響,同區屋苑交投料於稍後時間才回復。

  新地早前為該盤開價亦貼市價,採用不同付款辦法,可獲約一成三至一成四折扣及回贈,首張價單折實平均呎價約一萬二千四百元,而折實入場價僅約四百二十四萬元,及後亦乘勢加推價單,並安排昨天首推單位,連日來累積收逾二千七百多票,超額認購達十點九倍。

  將軍澳一向為新樓供應庫之一,且集中在將軍澳南及日出康城站一帶,屬將軍澳南之海天晉,主打多元化間隔,項目設六百二十八伙中,涵蓋一至四房戶,更提供多個特色戶,以及三幢獨立屋。

  其中,標準戶實用面積介乎三百六十三至一千三百九十一方呎,包括設有一百四十四伙一房單位、一百四十六伙兩房單位、一百二十五伙三房單位,以及一百三十二伙四房單位。

8. 無奈 2016-04-03 13:13:54
有需要,有能力就應該買,為什麼不呢?


稱之為叫人當炮灰實在太沉重!其言論令人覺得越來越偏激。

香港經濟估計有倒退,但感覺並不明顯,97,03的過來人應該體會到。
9. 引刀一快 2016-04-03 13:45:05
無奈兄

“有能力就買”無可厚非,不過如果唔係full pay的話,評估自己能力會係一個問題。

另一方面,“准買家”應該瞭解自己在“剛需”与“投資”嘅比重。冇充份瞭解自己買樓決定嘅人,往往就係心態變化最受環境變遷影響嘅一群。
10. 引刀一快 2016-04-03 13:49:37
無奈兄

最近有冇去廣州行下?依家仲旺咗添呀。
11. 從淡友塔利班們的內心世界出發 2016-04-03 15:43:43

「將軍澳新樓開紅盤 單日速沽200伙」一房實用面積只是三百六十三方呎,折實最平入場價都要四百二十四萬元呀,唔使講都知喺低層喇。以淡友塔利班對未來樓市的預測為基礎,發展商亦應詢眾要求,買樓者一律與以雪中送〝炭〞,照顧上述200伙未來所需,並且堅信以今時今日淡友塔利班智商,一定高過剛入市超過200位的新買家,唔知咁講啱唔啱聽?


引刀兄:廣州周未日周圍都好旺,不過同朋友親戚講開,他們表示過,如出街,整日都講不上一句廣州話。你可否介紹一下,廣州邊渡有正宗廣州廚師做的美食,可與網友分享,話唔定,相見不如偶遇。廣州有一間覺得幾地道,平靚正叫;雍和海鮮酒家,西華路260號。是否由廣州本地廚師做出嚟的餸菜,一睇就知,本地人用蒜頭,外地人用較多辣椒。
12. 無奈 2016-04-03 16:25:15
刀兄,廣州有去過,快閃之旅,你次次都話忙,所以冇搵你飲嘢,感覺唔到旺,從前旺嘅景象難以復見。

買樓用到full paid 不現實,亦不可取。

大家對後市看法不同,所以對危機感程度不一樣,亦會影響個人嘅後續行動。

記憶中除首次置業外,每次買樓都是先跌後升,沒什麼大不了,計好數,毋須過分恐惧。

13. 引刀一快 2016-04-03 18:14:07
To 11樓 出發兄

你真係鍾意食粵菜的話,我首推南海,然後順德,番禺都過得去,如果近近地喺廣州食,老牌嘅、炳勝、新泰樂叫過得去,記得炳勝一定唔好去天河東果間,明係呃外省人嘅,我未試過一次好嘅,要去就去海印總店,或者海心沙,我認為廣州粵菜最靚反而係香港過嚟開嘅利苑。

如果你覺得雍和OK的話,咁可以試下祝家莊,都係平靚正,下渡路有幾間嘢好穩陣:鳳廚,主打順德菜、珠江健康食府,名字怪誕,招牌細細,但係出品好穩陣,潮菜中算唔錯嘅。另外有個好介紹,就係天河南二路,一帶幾乎食勻所有菜系,當中有間順德菜有雙皮奶食,幾蚊碗,靚爆!
另外有間叫表妹,喺解放路,燒鵝似樣,小菜都OK,越講諗起越多,其實最緊要係睇你鍾意食乜,洛溪果邊有間海鮮大牌檔叫18涌,好多嘢食,淨係貝類都常備10種以上,仲有靚河鮮同埋荔枝木燒鵝。
番禺市橋黃編牌坊裡面,有間駿峰,燒鵝、切鷄都靚,巨型河鮮池,出品連廣州班嘴刁鬼都收貨,人均消費低過麥當勞。仲有羅家嘅驢肉煲..............
14. 引刀一快 2016-04-03 18:18:48
無奈兄

你過嚟我就唔忙嘅喇,你睇唔到旺係地區問題,依家外省人集中嘅地方,比如達道路、水蔭路,呢類鐵路、軍區人士聚居之地,先唔講人流,開舖都開到爆街。

正正就係旺淡懸殊,所以我係有份戒心。
15. 無奈 2016-04-03 18:47:42
13 樓刀兄,感謝用心提供資料,好多都未聽過。

廣州最吸引我嘅食菜並非粵菜(雖然已比香港好),但我鐘情於大江南北的美食,尤以棘的菜式更佳。總是爭取時間去東站地下商場找美食。
16. 無奈 2016-04-03 18:49:30
18涌是否就是從前叫白宮?
17. 謝謝引刀兄分享廣州美食 2016-04-03 18:53:51
不過去廣州都喺在越秀區、荔灣區活動多,河南、天河區,番禺市較少去,貪圖方便就近,喜歡在上下九「十三行發源地」啲舊區尋找廣州美食。Anyway, thank you so much for your sharing.
18. 引刀一快 2016-04-03 19:04:34
無奈兄

唔係呀,白宮果度叫沙溪,村裡面好多嘢食,最正係老火豬雜湯。依家白宮變咗SPA喇。

我講果度係105國度,東新快速嘅出口附近,不如下次返嚟就喺果度試下丫。
19. yyfan 2016-04-03 19:12:01
To 13F 引刀兄

每次拜讀刀兄大作都激起我思鄉之情,東山口一帶可以講係我生于斯長于斯,刀兄講到的食肆確實是名不虛傳,但講到川菜應該漏咗川國演義,炳勝天河東果間反而因為斬死人後小弟就唔敢去

希希望終有一日可以同刀兄在廣州相聚
20. yyfan 2016-04-03 19:16:08
白宮好似係廣州流花湖旁邊果間,不過九十年代好似有幾間都俾人叫白宮
21. Sugar 2016-04-03 19:20:53

Fan 老闆 :

久違了 ! Sugar 盼星星盼月亮的終于盼到您蒲頭喇 ^^

去咗邊到威呀? LA??

22. yyfan 2016-04-03 19:37:21
To 21f sugar 妹

Bingo.三月去咗三藩市同LA,今年搵食艱難,開唔到源唯有節流,希望今年大家平安渡過
23. Sugar 2016-04-03 19:38:49

Fan 老闆 :

果然富豪 lifestyle,哈哈 ! 不過富豪都要講信用喎 ,你篇大作幾時發表???(已經聖誕---->復活啦)

網主Ronald 叫我給您小小溫馨提示咁^^




24. 引刀一快 2016-04-03 19:44:59
yyfan兄

唷,拋磚引玉,釣咗你出嚟!

川國演義依家係廣州執牛耳嘅川菜館,以前剛開業喺環市東路嘅水蔭路口,依家喺體育東,排場得體,出品穩定有水準,質量有要求,而且收費實惠,呢間嘢我係因為講開粵菜所以冇提。

yyfan兄有冇試過另一間川菜館叫小洞天?依家開咗喺龜崗東山百貨附近,金城賓館後面,一入去就充滿外省氣息,以前喺環市東有分店,當年有兩最:廣州最高手嘅川菜師傅,同埋廣州最最最最抵食嘅午餐。先講師傅,當年嘅小洞天有道菜,叫蒜泥腰片,係用蒜泥、白油涼拌豬腰片。小洞天嘅蒜泥腰片,講你都唔信,約3mm厚度,厚薄均勻,每塊都比人耳朵大,片工非常了得,而且灼得剛熟,入口爽中帶脆,有鮮味冇豬腰壓味,依家我成個廣州都搵唔番,去到成都食都冇咁好刀工,真可謂一絕。因為經營不善,成了絕響。
講到經營不善,就要講埋佢嘅超值午餐,04年左右結業之前,呢間環市東嘅小洞天喺樓下鋪位一直提供午市快餐,5蚊一客飯,三肉一菜,飯任添,湯任飲任撈,茶水係苦丁茶,又係任飲!所有菜色根本就係樓上嘅大師傅做嘅,好食到不得了,材料一D都唔差,最經典嘅係川式梅菜扣肉,甘肥豐腴而清爽不膩,三肉一菜我經常要兩份!晚上宵夜時段,可以喺快餐部點樓上菜式,仲打八折,我試過一次食五碟蒜泥腰片!結果呢間食肆自己打自己,03-04年左右就消失咗。

天河東果間炳勝,係外省人消費多,斬人呢單嘢我又唔知呀,不過出品好差,不去也罷,都係海印果間最穩陣,海心沙就一味高級。

一定有機會相聚!
25. yyfan 2016-04-03 19:53:40
Sugar妹

爭妳嘅一定會還,請放心,不過目前確實工作同生活均處於水深火熱之中,可能真是要學sugar妹一醉方能落到筆
26. Sugar 2016-04-03 19:59:38

Fan 老闆 :

又嚟 " 底褲 " 招數 ? " 水深火熱 " ??? 真係第一日識您咩 ?!

嗱 , 您係我心目中係有崇高地位 , 唔兌現承諾會大打折扣 !!!

靚酒我大把......海量供應俾您點話呀.

要出街啦 ,遲啲再傾 .....take care, so long.

P.S. 引刀大大 : 謝詳細介紹 , 不過 sugar 全部未去過 , 當年我同立新她們都在華師大飯堂攪掂 ^^

27. yyfan 2016-04-03 20:01:26
刀兄

小洞天個名好熟但係冇咩印象去過,下次去廣州一定試試,金城賓館離我住果度好近,行路五分鐘就到,多謝好介紹
28. 飯民自由思維想要的結果 2016-04-03 20:12:27
http://hk.on.cc/hk/bkn/cnt/finance/20160403/bkn-20160403173751075-0403_00842_001.html

歐洲富豪大遷徙! 法國最傷 澳洲最受惠

04月03日(日) 17:37
  • 【on.cc東網專訊】 全球經濟政治局勢不穩,觸發億萬富豪大遷徙!外媒引述國際研究機構新世界財富(New World Wealth)指出,大批億萬富豪由歐洲地區移居到澳洲、美國三藩市、加拿大溫哥華,以至中東的以色列特拉維夫、阿聯酋杜拜等地,當中巴黎損失最慘重,高達6%富豪人口流走。

    分析指,歐洲財務壓力大,政府加重對富裕階層的稅收,促使富豪攜同資產進一步外流,形成當地經濟惡性循環,而受惠稅收相對低廉,有學者相信,未來可有更多富豪或考慮移居來港。
    外媒報道指,億萬富豪遷徙潮顯著影響其他富裕非人口流向,主要因為富豪的離開除打擊當地政府稅收外,工作機會和資金外流亦嚴重拖累當地房地產和金融市場。法國首都巴黎錄得最大的富豪淨流出,去年損失的富裕階層人口高達6%,涉及約7,000人。報道分析,巴黎和比利時恐襲令民眾憂慮安全問題,加劇富裕階層外流。新世界財富研究員Andrew Amoils指,法國正深受基督徒和穆斯林之間的宗教分歧打擊,如最近的巴黎恐襲,令其局勢日趨緊張,預料未來10年法國的億萬富豪將加快流失。
    法國為全歐洲居住最多猶太人的國家,估計涉及31萬人,大部分居於巴黎。Andrew表示,由於歐洲反猶太主義逐漸升級,去年約80%的以色列億萬富豪移民來自歐洲。當中,以色列經濟樞紐兼第2大城市特拉維夫最受惠,去年便獲得2,000名億萬富豪淨流入,而該國其他城市如耶路撒冷和海爾茲利亞等,亦錄得不同程度的資本淨流入。敍利亞難民潮席捲歐盟地區,德法意等國家經濟亦勢被拖累,亦是做成富豪大舉遷離歐洲的原因之一。不過,英國卻未能在富豪遷徙中得益,主因是6月23日英國將舉行公投,決定是否留在歐盟,去留問題令現時英國的經濟蒙上陰影,富豪亦因而卻步。
    至於億萬富豪移民首選,就是擁有多座全球最適合居住之城市的澳洲。去年,單是悉尼和墨爾本便淨流入7,000名億萬富豪,其他熱門遷移地區包括珀斯、布里斯班、黃金海岸等。Andrew指出,澳洲能成功吸引富裕階層前往居住,主要因為當地治安、衛生和教育制度良好,加上氣候宜人。此外,強而穩健的經濟發展亦是其吸引力之一。經濟學人智庫預料,澳洲2016至2020年每年平均將可達2.6%的經濟增長。
    根據地產經紀商萊坊(Knight Frank)資料顯示,悉尼一線住宅物業的價格去年急飆14.8%,而在墨爾本住宅物業亦漲11.9%,升幅跑贏任何世界領先的房地產市場。相比之下,年內巴黎一線住宅價格平均下跌2.1%。
    中大全球政治經濟社會科學碩士課程客席講師黃元山表示,外國億萬富豪遷移現象其實過去幾年一直存在,近年亦見當中部分移居來港。他表示,多數富裕階層選擇居住地點會以財務制度為重要考量因素,而香港的稅收低廉,反觀多個歐洲地區稅收沉重。
    黃元山續稱,歐洲經濟低迷,法國稅收近10年有增無減,政府以加稅紓緩沉重的財務壓力,而針對目標主要是富裕階層。這現象屬惡性循環,他分析指:「愈多富豪流失,當地經濟愈惡化,隨之加重政府財務壓力,最終採取加稅措施迫使富豪進一步流失」。他認為,歐洲不能單靠量化寬鬆(QE)刺激經濟,亦要著力解決根本性的結構問題,例如提高當地企業、科技和人才的競爭力。
    ●內地九千有錢佬移民
    據New World Wealth早前發布的「2015年百萬富豪移民」調查顯示,去年中國有9,000位百萬富豪選擇移民,佔全國富豪總數1%。
    2015年,中國65.4萬百萬富豪中,有9,000人移民海外,佔總數的1%。中國憑藉這一指標,僅次於法國,佔據全球第2位。去年從法國移居的百萬富豪數量達1萬人,佔總數32.3萬人的3%。
    調查者認為,外流的中國百萬富豪的數量並不顯著,因為中國去年進身百萬富豪的人數,比丟失的要多。此外,調查者還指出,生活水平在提高,預計一部分富裕居民可能返回中國。
    ●北京富豪全球最多
    根據《2016胡潤全球富豪榜》顯示,居住在北京的億萬富豪人數首次超過紐約。報告說,北京已經有100名億萬富豪,而紐約只有95名。那麼全球億萬富豪最集中的排名前5座城市是哪幾個?
    報告指出,居住於北京的億萬豪人數共100名,而除北京外,報告並指,在全世界頂級億萬富豪集中的10個城市中,中國也佔4個。儘管經濟最近放緩,中國全國仍有568位億萬富豪,淨資產總額1.4萬億美元。
    位列第2位最多億萬富豪居住的國際城市是美國的紐約,億萬富豪人數共95名,至於美國另外2個億萬富豪集中的城市分別是三藩市和洛杉磯。另美國億萬富豪的財富來源首先是科技產業,緊隨其後的是零售產業。總體而言,美國共有535位億萬富翁,資產總和價值2.4萬億美元。
    莫斯科的億萬富豪人數則有66名,位列第3位。分析人士認為,油價下跌和西方的製裁可能導致莫斯科的富豪人數下降。根據胡潤百富報告,俄羅斯全國目前擁有80位億萬富豪,資產總值2,340億美元,比一年前下降1,300億美元。
    至於香港,億萬富豪人數亦有64名,與莫斯科相差無幾,排第5位。香港億萬富豪的財富主要來源於房地產,製造業和技術產業。中國上海,億萬富豪人數則有50名。報告說,上海去年新增加20名億萬富豪,使其進入排名第5位。這使得上海的億萬富豪人數與倫敦平起平坐,同時位列第5。
    29. 引刀兄: 2016-04-03 22:06:21
    <片工非常了得>,中廚有句俗諺叫做:生砧板,死廚房。意思即是話,砧板功夫,才是考驗廚師的能力的地方。
    30. 無奈 2016-04-03 22:53:24
    18 樓刀兄,一言為定,我下次要停留多1日。
    31. 無奈 2016-04-03 22:56:43
    刀兄,先bookmark做指南,很豐富既資料。
    32. 引刀一快 2016-04-03 23:22:13
    無奈兄

    呢D衹係小部份啫,講到食我就high。
    34. Ann 2016-04-04 13:40:43
    哈哈,原來呢度真係你講相反意見會有人好快delete你!
    35. Ann 2016-04-04 14:01:17
    所以我哋終於測試到點解咁多支持者,無乜反對意見喺呢度,原來係咁!所以之前有位Shun兄講嘅嘢我終於都相信。
    38. 引刀一快 2016-04-06 03:51:16
    Sugar 姐姐

    我明年都會成日去華師飯堂食飯,有師弟過去入站。
    39. 引刀一快 2016-04-06 03:55:56
    To 29樓 兄台

    同意,就算係做燒臘都好睇把刀得唔得,我細個成日睇人打叉燒,真係好講究。
    40. SHUN 2016-04-06 06:52:12
    35樓……你係呢道睇得耐D就發現全部所謂好友、係收左地產商$吹到個市点好点再升嘅人、我衹信自己行街見到事實、報紙報導(做假會破壞公信力)呢道好友一個人幾個身份架!………………真係甘多托市怪咩?
    41. 西門吹雪 2016-04-06 08:37:11
    Ann姐,你開個acct d post 就直出架啦。我以前都係咁,用d非登記用戶post,有時会比人filter左,有時又過好耐先出來。
    42. Sugar 2016-04-06 09:07:27

    # 38 引刀大大 :

    自認識立新和她的同學們後 , 我一有長假期就往廣州跑......有次還鬼鬼祟祟地幫偉良哥(哲學系) 偷運一本聖經回去 . 那是學校的修女送的 , 她在扉頁上提了字 , 大意是希望廣大大陸同胞信主得救云云 ; 千叮萬囑我小心 ,要努力完成任務......學生自然是窮的 , 我們從不上館子 , 三餐不是在宿舍用電飯煲煮 (原來可以用來炖紅燒肉和炒菜的 !!!)就是去華師大飯堂解決 . 想那飯堂現在一定翻新了吧 , 當年那一個簡陋啊 ! 但小菜味道還算不錯的 , 還記得多少個早上......那饅頭又香又軟 ,冒着熱氣.....立新在對我盈盈地笑 , 張口就是一句 : 小趙呀 , 慢點 , 嘴別給燙了 ! ...........

    大大 , 望明年有緣能在華師飯堂和你重遇 , 到時咱們來個酒足飯飽憶苦思甜 ^^

    43. 西門吹雪 2016-04-06 09:13:59
    糖姐兒文筆真好,看上去像看小說。
    44. Sugar 2016-04-06 09:21:46

    吹雪兄 :

    多謝大俠讚賞 , Sugar一大早精神為之一振呢 ^^

    加油啊 , 今日還要和 LYC兄周旋到底 !

    45. 引刀一快 2016-04-10 05:23:28
    Sugar 姐姐

    睇漏咗妳篇嘢𠻹!當年妳地食飯係用飯票定係打卡?果時有個“電子收費”系統,個名娘到爆,唔知華師係咪都用佢呢?果時如果唔小心跌咗張咭,幾乎一定俾人碌爆!
    去華師又唔駛明年喎,過幾個月就會過去,如果妳真係過嚟,一定要陪妳去去華師飯堂朝聖,至于我果間高校嘅飯堂,乏善足陳,不去也罷。

    Sugar,看了妳的文字,有仲進入民初的散文中的感覺,暖的。

    46. Sugar 2016-04-14 00:43:36

    引刀大大 :

    大大快人快語 , 豪氣干雲 , 感激你的盛情 ! Sugar卻之不恭了. 惟最近公私兩忙 , 年內或難抽身 , 殷盼明年春季成行 . 再訪華師 , 得地產網大哥大引刀大俠相陪漫步校園 , Sugar與有榮焉 ; 如有幸品嚐刀嫂廚藝 , 將更錦上添花 ^^


    P.S. 當年我們在華師飯堂吃飯用飯票的 .


    47. 引刀一快 2016-04-14 05:04:23
    哇,乜Sugar姐姐咁抬舉呀,如果妳過嚟玩,食完華師,然後去我果間行下,雖然我果間D飯堂唔好食,但係裏面D餐館唔錯,校園算係可以見得人喇。


    (靜靜雞話俾妳知,刀嫂廚藝,完全唔係我果皮!)


    48. Sugar 2016-04-14 09:03:26

    引刀大大 :

    你的行程安排超正 !

    我大約估到你在哪所大學了 : 不是華x就是X大 , 哈哈哈 ! Anyway, 屆時就知道 . 其實廣州好幾間大學立新都帶我去過 , 各有特色 , 其中給我印像最深的是華農 .何解 ? 因為美麗熱情的立新的男朋友 Ambrose正是華農的一位黑人本科生 . 有空我細說他倆那轟轟烈烈的愛情故事......也許 , 鐵漢引刀也會為之動容 .


    49. 打工仔 Andy 2016-04-14 09:25:06
    嘩! 引刀兄請客記得預埋我, 小弟一定到! 哈哈!
    50. 引刀一快 2016-04-22 02:59:52
    To yyfan兄

    壞消息一則:川國演義剛剛執咗呀!

    我尋日同屋企個老闆去食飯,首先發現天河東嘅“泰地道”執咗,馬上轉過去川國演義,居然執埋,川國演義其實應該企得好穩,廣州外省人群咁龐大,呢間出品一直好得好可靠,點知都執!天河東泰地道應該係香港人開嘅,產品一直有水準,希望惠福路果間企得住喇。一炮唔見咗兩間靠得住嘅食府,可惜。