地產博客 > 文亮語 返回
瀏覽人次:38711    回應:57
文亮語
樓價會不會下跌三成
 
湯文亮博士
紀惠集團行政總裁
2016年3月14日

  老C在去年第四季話依然未能確認樓價下跌,今年又一反常態,話樓價會下跌三四成,我覺得非常迷惑,點解可以在三四個月就轉哂口風,較早前我睇到陶冬發表關於樓市學術性文章,認為香港樓價有機會下跌三成,其實,用上了有機會已經非常保險,甚至沒有學術性可言,因為,有機會下跌三成即是有機會不會下跌三成,不過,大家在轉述文章內容時,很多時都會隱藏了有機會這三個字,變成陶冬話香港樓市會跌三成,而陶冬的分析應該是無懈可擊,但大家若果有留意,陶冬在過去幾年,不止一次話香港樓價下跌三成,除了去年,他並沒有表態,或者,他不肖支援我的「細價樓爆煲論」,但亦不能夠講樓價上升,講了幾年樓價下跌之後,突然間轉軚講樓市回升,這其實是某個程度上認輸,今年,唔需要係專家,都知道樓價下跌,問題是如何確認。

  究竟樓價會不會下跌三成,我相信機會很微,如果陶冬的研究深入民間,就知道現在有很多人仍然打算買樓,但拒絕付不合理的高價,如果樓價下跌一成,已經有不少人會買樓,下跌兩成,就會更加多人買樓,但願意減價兩成的業主其實是不多,除了那些被財務公司迫售的業主,整體來說,業主的借貸比率是相當低,是沒有需要減價賣樓,如果賣的物業是用作自住,賣走之後又要再買回,不但要考慮要繳付辣招印花稅,更加要考慮未必能夠向銀行取得足夠的貸款,如果是投資,大家都知道在香港有樓收租是一項不錯投資,在未有其他優質投資機會前,一動不如一靜。

  況且,政府有辣招與逆週期措施管制樓市,樓價並沒有升至一個非常不合理水平,如果樓價下跌,金管局就會放寬逆週期措施,下跌之勢就會減緩,甚至會調頭回升,如果繼續下跌,政府甚至取消辣招來穩定樓價,不過,我亦不敢肯定樓價是不會下跌三成,我只會說機會不大。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Ca1on 2016-03-14 09:10:02
究竟周街唱淡之時是否入市良機呢?
2. 神算 2016-03-14 09:26:42
Carson 兄,

唱係唔會淡的,只係市場參與者回歸現實。上年高追的人士,當然要有樓價下跌的準備。淡友喺呢個時間買與不買,更加係眼光嘅考驗。
3. DSY 2016-03-14 09:36:04

to 2F

我不同意你的說法。投資本來就是理性基本因素加上感性心理因素共同作用下產生決定,全民唱淡一定會嚇到人古貨,而古貨的人多了就會更多人恐慌,下跌5成或許不會,1成在所難免。並不是每個買家和賣家資訊完全對稱的,人在有壓力的情況下就會出現偏聽偏信繼而作出錯誤的決定

當然,我並不反對人們發表自己的看法,看淡就是看淡,沒什麼不可以說的!就算有目的的“唱淡”,都是正常商業手段!我只是反對,明明唱淡,但是卻說你自己心理脆弱願意賤賣和我唱淡有什麼關係?當然,我並不是針對閣下!

 

4. 樓市週期 2016-03-14 11:14:12

樓市是週期性的,一個十二、三年的上升,接下來就是三、四年的下跌。開始時跌得較快,後來跌得較慢。今次開始時已經相當慢了,相信未來兩三年仍會下跌,但相對應該更慢了... 所以下跌幅度應該是有限的。

5. 十郎 2016-03-14 11:26:34


      樓價一年升52%(深圳)或20%(香港)
      肯定出問題。

      我有時拋棄一切數據,  用個頭去推敲事情(因為我冇腦),寫出來請教大家。

      推敲1.......投資入門第一識, 高風險, 高回報。  低風險, 低回報。一年52%屬唔屬於高回報?  屬唔屬於高風險? 樓價這樣大的投資, 租金連升值, 一年有7%回報,  已經是什佳的回報。你認為危唔危險?

      推敲2.......金融泡沫, 一個跟一個,爆完一個又一個,結果是大眾錢多咗,一片昇平,即是有惡因,無惡果,我仲駛乜理財? 駛乜小心呢?

      推敲3.......“樓市塔利班”對QE同0息,興高彩烈,話跌一成,就買一間,我知你講笑啫, 有冇諗吓,點解要量寬0息呢?係美國在次按爆煲時,推出來挽救大銀行于既倒,係好消息定壞消息呢?昨日傳來消息,說美國三大銀行,實力比金融爆煲前升一倍,唔知仲駛唔駛拯救呢?


6. SHUN 2016-03-14 11:51:35
看看遊客少了很多啦!店舖頂唔順就執笠、炒人、点再供D天價樓呢!托市D友仔收左地產商好處吹到唔會再跌、甚至有上升空間、等D地產商散貨!
7. Hong Konger 2016-03-14 12:09:39

成日覺得樓有排跌的人都吾知係吾係刻意吾理和當眼吾到香港持貨業主的能力有多強。

租金又跌吾落,樓價只係由高位回落返正當水平。真係吾明點解話會下跌三成同跌幾年。老實,我老豆叫我賣樓,話兩三年後一定低過今日,我回應佢,我都吾明點解要賣樓益人,兩三年內我租金都收返幾十萬啦,買返又要俾二三十萬手續費。

有時一心望樓跌的人真係好吾理智。

8. 年輕人 2016-03-14 12:33:54
博士,即係買得樓了?
9. 引刀一快 2016-03-14 12:57:44
To 5樓 十郎兄

深圳就快爆喇,近日分分鐘有新規定出臺。
10. 旁观者 2016-03-14 13:45:29
陶冬的文章最近我也有看過是有其理據
11. SHUN 2016-03-14 14:00:33
7樓、我並不是話業主持貨能力点強、你唔減咪刁空囉…………無問題呀!總有人減租&減價賣樓呢!發展商都送回贈(利是)啦!甘好賣?洗乜比呢D優惠?
12. Johnny 2016-03-14 14:09:26
陶冬出名大淡友一名,唱淡有乜出奇?我反正從來無見佢唱好過。
13. 樓市週期 2016-03-14 14:33:25
持貨能力強的業主不能令樓市上升,只有買進的人才可以。持貨能力強的業主如果不買貨,其實升跌亦跟他沒關係,相反他亦對這個樓市沒甚影響。真正影響樓市的人是會賣和會買的人。所以"業主持貨能力強"這一點,如果不是百份百的話,其實是沒有討論的價值的。
14. LYC 2016-03-14 14:50:49
好友已經掃晒啲平盤,業主反價,買家搶高個價去買已經出現了。
你地班淡友冇錢買就唔好亂up害人啦,香港經濟勁強勁,欣欣向榮,博士原來都係咁睇啊!

15. LYC 2016-03-14 14:53:45
16. 唔會三成 2016-03-14 15:10:09
17. SHUN 2016-03-14 15:12:14