地產博客 > 文亮語 返回
瀏覽人次:33311    回應:41
文亮語

樓價是不會下跌三成

 

湯文亮博士

紀惠集團行政總裁
2016年3月17日

  在去年二月份,在樓市牛氣沖天,樓價屢創新高時寫了「細價樓爆煲論」,差不多與全民為敵,有心支援我的人都不敢公開表示,私底下話樓市的確有機會爆煲,我說半年內爆,在時間上可能並不足夠,不過,有很多年青人以行動支援我,他們本來打算買樓,甚至向財務公司借二按買樓,在爆煲論影響之下,暫緩上車行動,所以,導致成交量偏低,物業代理牙痛咁聲,亦不明白點解樓價在屢創新高之下,那些打算上車年青人可以那麼冷靜,其實,我亦要讚那些臨崖勒馬的年青人,可以那麼清醒,物業代理又不用擔心,那些在去年沒有買樓的年青人,我估計今年有超過一半會買樓。

  在農曆新年期間,我在行山,飲茶,晚飯時不時碰上了三五成羣年青人,他們在多謝我之餘,大家還一起合照,在言談之間,我明白到他們當中有很多在上車前剎停,情願暫時租樓或者與父母同住,其實是有需要買樓,他們有一個概念,就是今年任何時間買樓,碰上那些銀主盤,劈價盤,減價盤,隨時可以比去年要買的樓宇慳兩成,基本上已經是個贏家,所以,他們亦隨時準備買樓,我覺得有一批如此剛性的購買力,細價樓即使下跌,幅度亦不會太大,不過,我唔敢講,因為又與社會上的主流意見不同,但唔講又唔係幾好,今次真難做。

  陶冬話樓價下跌三成,我們可以不用理會,但老斯話政府如果唔撤招,樓價唔止下跌三成,我聽到之後都幾擔心,CY軟硬都唔受,為了證明樓價會不會下跌三成,一於唔撤招,如果樓價沒有下跌三成,睇老斯點樣解釋,其實,老斯應該瞭解到市場上購買力仍然存在,樓價下跌三成是有一些誇大,不過,無論老斯怎樣說,CY都唔會撤招,希望金管局能夠放寬按揭,令到上車的人比較輕鬆一點,於願足矣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 蕭峰 2016-03-17 09:55:07
成報】說,按月大跌84%,今年首月竣工私宅不足200伙。根據屋宇署昨天最新發表的資料月報顯示,今年首月全港只有2個私人住宅項目,合共199伙單位落成(以屋宇署發出佔用許可證的樓宇數量為準),較去年12月的1,248伙大減84%,創11個月單月新低,亦較去年同期減少約15%。
2. LYC 2016-03-17 10:19:14
正如我所講,落成量越來越小,住屋需求強大,租盤被淡友租晒,租金爆升,帶動樓價投資價值上升,從而推升樓價爆上!
3. 引刀一快 2016-03-17 10:19:19
LYC兄

經濟唔好,租金係咪真係可以爆上呀?不如講講你對經濟走勢嘅睇法吖。
4. MT 2016-03-17 10:19:35
長實何文田新盤,君X,位好景靚,定價比同區平足20%,大家點睇.
5. 123 2016-03-17 10:26:11
如果想上車的人有能力,那何需要金管局放寬按揭呢?要等放寬才可以上車,那就是負擔不起。
6. 向饭民说不 2016-03-17 10:30:46
此次貨幣戰爭,中國應該是佔時勝了。所以樓價應該回复平穩。香港利息仍然低企。租金回報仍然高過美國10年債券。美金暴跌,也就是說年初被soros騙去沽空港幣,人民幣和亞洲股市的人,現在要付出代價。

soros真系趴街,他大聲呼叫沽空時,原來就是買入的時候。

Fed Scales Back Rate-Rise Forecasts as Global Risks Remain

7. LYC 2016-03-17 10:43:08
博士都已講香港經濟勁好啦,股市都已反映緊,不再重覆啦!
可能,只有淡友覺得現在冇人有人工加,個個都失業,冇錢交租掛!
8. 旁观者 2016-03-17 10:47:31

细碼楼爆煲,豪宅也不能獨善其身


10. 向饭民说不 2016-03-17 10:50:05
樓上,香港班廢青以為,自由行只是益了零售業,但是他們卻不知道,他們之所以有錢去買泰國米,日本和牛,就是因為零售業為香港賺了外匯,他們才有外匯去買泰國米,日本和牛。今時今日,香港人除了賺人民幣,還有咩能力賺到美金,日元,等等外匯呢?

我就不明白,為什麼政府到現在還任由年輕人被敵對勢力洗腦,將黑變白,講白變黑。
11. 引刀一快 2016-03-17 11:03:37
湯先生冇講過“ 香港經濟勁好”,怪之LYC你俾人圍攻喇,無中生有、憑空亂講嘅你!

有人工加,都要cover咗必需品物價加幅先。
12. 向饭民说不 2016-03-17 11:20:30
引刀,香港大部分的生活用品都是依靠進口,也就是說,你要cover到物價加幅,就要有能力賺到外匯。

以前香港和深圳,香港人賺外匯能力強過深圳很多,所以香港人可以享受到價廉物美的東西,但是今日深圳反過來,同香港競爭,所以香港人開始失去享受到價廉物美的大陸貨。

不過,其實我日日在想香港人仲有咩能力賺到美金。
13. 葉孤城 2016-03-17 11:22:43
雖然難做, 仍然講真話, 博士好嘢。
14. LYC 2016-03-17 11:26:23
15. 引刀一快 2016-03-17 11:41:00
向飯

深圳樓價就快爆,D錢可能會變咗老外嘅“外匯”。
16. 唐龍 2016-03-17 11:48:02
To:10/F

兩個大國高層嘅檯底交易,又點會係啲普通小市民能明白嘅呢,記唔記得當中英談判完結時,魯平不斷咁講『彭定康係千古罪人』呢。

點解佢會咁講?最大可能就係因為佢知道中英最高層達成咗嘅談判內容將會令香港將來無運行, 香港人其實已經被人賣Q咗啦,不過仲有好多傻人幫人數緊錢。
 
17. 地產網粉絲 2016-03-17 11:51:20

引刀師兄,

其實你從來有沒有看好過香港樓市? 例如 2010 年至今 ? 本人只是想學習學習,並無任何其他意圖。

希望引刀兄能回答一下。

18. 怒苦炒魚柳 2016-03-17 11:51:26
廣東省一帶去年經濟差跌30%增長,政府放寬樓政前後,直至現在樓價比往年都爆升50%,足以證明啦
19. 查證 2016-03-17 11:52:54
11樓阿生勿發放錯誤信息,自覺是湯先生秘書及代言人,拜託拜託。
20. 向饭民说不 2016-03-17 11:54:49
引刀,其實07年開始我一直都估計深圳樓價會爆。但是就不知道為什麼每次跌了1,20%,樓價又會報復式上升。
21. 曾俊華:樓價跌勢不明顯 2016-03-17 12:00:22
潛台詞可能仍是強調政府未有打算減辣
22. 引刀一快 2016-03-17 12:25:25
To 17樓 粉絲兄

引刀冇乜值得你學習,2010年至今有睇好過香港樓市,大陸2009年救世界,買屋優惠所以全力入大陸屋,我係11年之後唔睇好,因爲大陸11年已經外强中乾,但係仍然經常去睇香港樓,因爲有需要,2014年嬲過鄰居賣屋,點知喺大陸返嚟鄰居已經賣咗。

滿意未?
23. 好淡爭持 2016-03-17 12:33:21
回4、MT
【蘋果日報】說,君柏呎價2.3萬,貴二手四成,九龍豪宅大混戰,四盤推2,500伙。九龍豪宅爆搶客混戰,短期內最少四盤近2,500伙開售。郭炳湘自立門戶後頭炮、夥長實(1113)主席李嘉誠合作的馬頭角君柏昨開價,折實平均呎價2.3萬元,長實雖形容為「超級低水價」,但較鄰近何文田二手豪宅貴最多44%,屬近期少見開價極進取新盤。

看淡唔緊要,但唔好未查証就亂up
24. 路人aaa 2016-03-17 13:06:09
經濟最影響樓市。經濟還沒有差到出面,那些小業主仍未體會到,樓市如何跌?但當真正差到出面時,小業主都感受到了,到時候再說樓市會下跌又有甚麼意義?簡單的道理還不明白?!
25. 引刀一快 2016-03-17 13:24:41
To 24樓

同意同意


26. Tony lam 2016-03-17 13:30:42
一向認為CY對地產調控功力深厚、政府一定要保持地產高位運行、漲為跌所伏、結果都係災難性、而家高位運行、買賣兩閒、有樓者安心、剛性需求者就要有剛性能力先可以上車、辣招制住儍升、長期低息保住唔會冧檔。
阿爺反貪係減肥加運動、短期梗週身酸痛、阿爺可以做咁劇烈運動、證明大把在手、放心放心。
成日唱阿爺唔掂嘅友仔、應該係自己再揾唔到老表笨七、冇得再係大陸哥面前扮高人、呃唔到食、自己唔掂就以為老表都似佢咁唔掂。
27. LYC 2016-03-17 13:32:42
當經濟未差到出面,各國咪繼續QE囉,淡友們,繼續開心快樂地等經濟差到出面吧,哈哈!

28. 路人aaa 2016-03-17 14:11:52
天文台告訴你明天下雨,並不代表天文台希望或喜歡下雨。風馬牛不相及。為何這兒的回應質素突然這麼差了?
29. 經濟好? 2016-03-17 14:13:03
若是經濟好,正苦更不會撤招

瀏覽人次 : 333
羅素街舖留客劈租90萬
(東方) 2016年3月17日

零售市道回軟,銅鑼灣羅素街舖位租金大跌。(資料圖片)

最新核心區舖位租賃情況
核心區零售舖租續跌,繼去年銅鑼灣羅素街多個舖位租金大劈四至五成後,消息透露,今年同一街道一個由名牌眼鏡店承租的單號舖位,新近以月租約130萬元續租,較舊租低逾四成或約90萬元,反映現時無論新租或續租,業主亦要大劈四成租金留客。

消息指出,羅素街單號一個由名牌眼鏡店承租的地下B5號舖,面積約1,000方呎,新近由現租客眼鏡店以約130萬元成功續租,較舊租金約220萬元大跌41%。據了解,該眼鏡店自○七年起已經承租該舖,當時月租僅約57萬元,直至一一年時以高近1.4倍的約135萬元續租舖位,其後高峰期舖租更升至220萬元,故是次租金大劈續租,租金已經返回一一年水平。

毗鄰舖位新租恐冧半

上述舖位毗鄰的單號地下B6號舖,由國際珠寶首飾品牌以約85萬元承租至今年五月,面積約300方呎,近日獲化妝品店以約40萬元洽租,若成功承租,舖位租金將會大跌53%。

事實上,該國際珠寶首飾品牌早前趁區內舖位租金大跌,已於去年底以約90萬元承租羅素街及波斯富街交界,原由名牌鐘錶店承租的新舖位,新租金亦較舊租低約47%。

核心區舖租大幅回落已成不爭事實,官方數據亦反映舖租暴跌,如早前差餉估價物業資訊網資料,羅素街60號地下A號舖的新財政年度應課差餉租值僅684萬元,按年暴跌近五成。

電訊公司慳租搬細舖

中環方面,一間電訊公司近日「大舖搬細舖」以節省租金。消息透露,該電訊公司原以月租約100萬元承租區內威靈頓街單號地下至一樓舖位、面積約6,500方呎,惟近日以約38萬元承租同一街道、只相隔馬路的雙號地下A號舖,面積約1,600方呎,換舖後租金支出減少約62%。

據了解,上述電訊公司新租的雙號地下A號舖,原由法國眼鏡品牌以約39萬元承租至今年十月,但早前有意提早遷出,最終獲該電訊公司擔當白武士承租舖位。

另尖沙咀海防道雙號原由鞋店承租地舖,以約74萬元租出,較舊租低四成;原由鐘錶店承租的旺角登打士街雙號地下6號舖,以9萬元租予韓國化妝品店,較舊租低逾三成;銅鑼灣景隆街單號地下A號舖以16萬租出。由投資者持有的砵蘭街單號地下B1舖及一樓B室獲約5,780萬元洽購。
 
30. fortune teller 2016-03-17 14:14:58
全世界各國一齊狂印銀紙救經濟最終會有乜嘢結果暫時無人知道,因為以前從來未發生過世界性惡性發鈔救經濟嘅行為,不過。。。。呢種以鄰為壑嘅行為就確係有演變成世界大戰嘅可能性,再加上從歷史角度嚟睇,人類每隔五十至六十年就會打一次打仗,從未間斷。


31. 朗晴 2016-03-17 14:36:38
今年年初有好多人都認為美國息口會每季加點二五,我亦開出盤口話加點七五或以上我輸,即再加半厘是極限,未到年尾我唔敢話嬴硬,但䊨面應該不少.
近年樓市同利率走勢有著不可分割的關係,睇錯息就睇錯市,如今又有一大班人睇錯息相信樓市離低不遠了.
每年暑期一般為租樓高峰期,如無意外六月尾前後樓市將明顯轉勢,全年計無升跌.
32. MT 2016-03-17 17:17:41
回23、好淡爭持

係星島話君X平同區20%架,我無查證過佢用嘅數據啱定唔啱,但亦唔見得萍果一定準喎.


【蘋果日報】說,君柏呎價2.3萬,貴二手四成,九龍豪宅大混戰,四盤推2,500伙。九龍豪宅爆搶客混戰,短期內最少四盤近2,500伙開售。郭炳湘自立門戶後頭炮、夥長實(1113)主席李嘉誠合作的馬頭角君柏昨開價,折實平均呎價2.3萬元,長實雖形容為「超級低水價」,但較鄰近何文田二手豪宅貴最多44%,屬近期少見開價極進取新盤。


看淡唔緊要,但唔好未查証就亂up
33. 引刀一快 2016-03-17 20:08:35
如果呎價23000,貴同區四成,即係同區二手均價16666,如果話平20%,即係同區均價29000。

出於陰謀論,我信前者。臨場可以減價劈價友情價驚天回贈,製造心理落差。
34. 簡單 2016-03-17 21:46:31

如果講2016年樓巿無錯絕無可能跌三成.但系講到17至18樓巿不會跌過三成就不同意 .過往歷史樓巿開始下行週期時跌幅必會超過四成或以上卯卯然話樓市不會跌三成就有點輕率,就算無在2015上車而在等到今年上車的風險也很大 .大部份人要靠銀行按揭上車這些風險不容忽視 .

35. 真真薯片 2016-03-18 18:25:54
郎8聽日賣樓, 老師今日發力隊爆CCL, 做乜咁唔比面?
36. DSY 2016-03-18 19:18:11
薯片兄

會德瘋梁生今日同記者說,睇淡後市就不出盤了,我念意思等於唔會平賣!旗下何文田項目今日開價均價23000左右也確實唔平!無獨有偶嘉華今日亦表示,降低售樓目標就有,減價空間就無!發展商現行策略可見一斑!

至於CCL我估業界準備大大大力push正苦放寬按揭有關,大家有個台階!
37. 歷史長河 2016-03-18 19:25:14
CCL, 加油!
38. 真真薯片 2016-03-18 19:34:14
Push政府係好, 但係太大力, 我驚老師弄假成真者
39. 蕭峰 2016-03-18 20:39:35
ccl只包括二手,唔係代表全部(咁是否好有代表性?),我之前都跟ccl到實,依家已經重點看一手啦!何文田開價唔平,已經代表發展商對後市看法,anyway
, ccl唔重要,係好又淡友都唔重要,重點係如果想入市既朋友,真係可以搵到筍盤!

40. 旁观者 2016-03-19 02:53:51
回應26的分析,政策調控给你說成很立体,楼价正正似是被扣死高位下
41. 引刀一快 2016-03-19 03:57:11
四月份開始第二輪年底CCL預期收集,敬請大家踴躍發表。

42. 好 2016-03-19 08:36:19
快兄,我估高于118不變。