主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27838    回應 : 37
文亮語
劈租代表業主防守力強勁
 
湯文亮博士
紀惠集團行政總裁
2016年2月15日

  情人節晚上,竟然還有記者搵我問樓市,不過,佢條問題又幾正,值得大家深思,佢話現在業主劈租,是否代表樓市不穩,一般來說,業主劈價劈租,都是代表樓市不穩,但今次例外,業主劈租,代表他們的防守能力強勁,在銀主劈價賣樓的時候,沒有必要和銀主盤對撼,但任由單位空置亦非良策,所以,寧願減價出租,待樓市回升之後再作考慮,對下跌中樓市,這是一個正面訊息。

  不過,那些現在劈租的業主有部份亦不是太正面,當日,他們寧願將單位空置都不肯出租,令到租金節節上升,在水漲船高效應下,樓價同樣攀升,那些業主其實打算高價出售物業,而事實上是有機會,但是他們要求太高,就算創新高價都唔賣,今日,當然賣不到昔日價錢,不過又沒有迫售壓力,惟有將單位出租,他們雖然在售樓時要求高價,但租樓就不會,那些業主亦不是一個小數目,所以,劈租的個案是陸續有來。

  有一些業主買了新樓,但沒有打算將現有單位出售,又唔想單位空置,惟有將單位出租,而他們買入舊單位的樓價應該不會太高,所以,租金低一些亦可以接受,總括來說,上述兩類業主的防守力都是相當強勁,對穩定下跌中樓市有積極作用,所以,大家見到劈租又不用太擔心,他們的心態與劈價賣樓的業主是絕對不同,有能力防守才可以劈租。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. BenMQ89 2016-02-15 08:36:48
守得住當然好
3. 如是 2016-02-15 08:56:58
價格不斷下跌也可成為迫售壓力。冇人想蝕錢。
4. 打工仔 Andy 2016-02-15 09:36:07
平日無收足市值租金, 租客無要求減租, 續租十分順利!
雙赢! 
5. 真真薯片 2016-02-15 09:45:07
如果業主供樓連管理費要萬五, 放租梗係萬五以上最好啦

業主劈租, 代表佢供樓價底(買得平), 遲買又買得貴果d, 有冇力跟劈就係考驗了

在下留意到, 上年新樓入伙量係新低, 但係租務市場都要劈租, 非常奇怪, 今年入伙量係新高, 入伙量係實數, 冇得呃, 最多拖幾個月, 明年今日租金點睇?
6. SHUN 2016-02-15 09:55:16
好明顯係供求&經濟轉弱之訊號啦!如果一個市區2房單位、本來租$10000、租約期滿、租客唔續約、做業主原價再放租、等兩、三個月都租唔出的話、焗減一兩成租金啦!什麼剛性需求?係大好友嘅說話、昆你地D市民入市姐!
7. 凝風 2016-02-15 10:21:43
投資真係要狠,我早3個月出租劈10%即時有人接。
如果唔早劈,而家可能空置左好耐仲要劈20%先有人接。

人地租左做乖租客,自己做返個負責任包租公,雙嬴!

做事心大心細、個心十五十六既人,難有作為,心理質素太重要了~
8. LYC 2016-02-15 11:08:36
每年幾萬對新人結婚,香港人口不斷上升,公屋輪候冊創新高,劏房租金仍然高企,足以證明強大住房剛性需求。
現在只不過過去數年租金升得太快,部份人選擇迫埋一齊住在狹小居所,例如搬回父母一超居住或租住劏房,當租金回落,人工上升,他們又會搬出來住,始終幾個家庭住在一起係頂唔順 ,所以租金回落些小已肯定有承接。
按揭要壓測加3厘,供款佔收入4-5成,點可能守唔住呢!
雖然入伙量今年有可能回升,但是只集中元朗,對市區港鐵站上蓋的影響不大。


9. 公屋客 2016-02-15 11:20:41
所為公屋輪候冊,很多是因為樓價近年高,父母怕子女買不到樓,子女到成年便叫子女無論如何先排公屋。也因為單身輪公屋要排久些,就叫每兩兄弟姐妹一同排變家庭隊。這些都是本人很多朋友親戚的情況。
10. LYC 2016-02-15 12:02:36
子女長大,想要有自己居所,這些都是住房需求啊!
我諗排公屋都要入息唔可以超過某個數,唔係任何人都可以排掛,一出來工作就應該超過這個數啦,排來有乜意思呢?人排我又排?鼓勵子女唔做野去輪公屋?傻的嗎?!
應該要鼓勵子女努力讀書,工作,創一番事業先係正途啊!
11. SHUN 2016-02-15 12:05:10
租金回落、人工一定上升嗎?樓上D道理真係得意!
12. Tony lam 2016-02-15 13:28:57
剛需 ? 狗噏 ! 劈租咪證明咗樓好多係買嚟賭嘅、尤其呢兩年落搭嘅、唔係勁抽水加重part縛死咗、會好多人劈炮計數、而家買咗又唔係剛需嘅、走又重皮、唯有執番多少好過乾哽。
美國佬爆煲之後、玩長期低息加無限量寬、造成呢波全球資產泡沫、先係樓貴嘅始作俑者、冇辣招加重part制住、有腦嘅都知會幾大鑊啦!

13. 資產泡沫定係貨幣泡沫 2016-02-15 14:54:20
究竟依家係資產泡沫定係貨幣泡沫﹖點解有國家要行負利率﹖
14. 引刀一快 2016-02-15 15:46:49
劈得租就會緩解好多心急人嘅剛需,呢個亦係好現象,少好多掹掹緊嘅人摩頂。
15. LYC 2016-02-15 16:29:41
租金過去數年升得多,所以咪回調些小囉!
經濟仍然向上,所以大部份打工仔今年都陸續加人工啦!
各國推行負利率+量寛,有利資產價格繼續大漲少回啊!
16. Peter Pan 2016-02-15 16:39:35

Does LYC still have any common sense?  He is still talking about "經濟仍然向上,所以大部份打工仔今年都陸續加人工"?!

盲好如長河兄都講不出口啦.

Everyone knows the economy is experiencing downturn, not only HK but also China.  Many companies is cutting budget.  減人工及裁員就會, 仲想話加人工?堅離地.










 






17. SHUN 2016-02-15 16:52:14
人仔貶值、$已經班師回朝(老美)、已係事實、撑黎做乜?油又跌倒廿幾蚊美金一桶、經濟下調仲買樓!輸死啦!
18. 真真薯片 2016-02-15 18:07:34
LYC兄真係一個打十個, 如果佢去做警察落旺角打暴徒, 果兩槍應該可以慳返
19. SHUN 2016-02-15 20:45:08
打飛機就有佢份、不過有人幫地產商托Q住個市(話小陽春喎)、死頂都要。
20. LYC 2016-02-15 21:13:37
人仔油價股市已經見底回穩,就業市場亦只是個別行業如旅遊零售有輕微的影響,整體經濟仍然穩健向好啊!
不過淡友永遠只看見利淡因素,完全莫視長期利息低迷,負利率,量寛,供應亦只是N年8萬7,N年後唔知點算!陳總都剛出來放口風,派定丸,逆按揭的措施隨時會放寬,到時業主又吊高來賣,大家又要一窩風追價掃貨lu!
21. SHUN 2016-02-16 07:12:43
過年睇下D新盤減價、二手業主持貨能力低、高下立見!
22. 引刀一快 2016-02-16 07:45:46
N=4,明年就3萬,2015年賣剩6000,2016年又賣剩15000,咁往後兩年有成五六萬喎。
23. SHUN 2016-02-16 09:40:39
睇得甘好?佢就唔使係道吹!押埋條底褲都買番幾層樓啦!分明收$做野、無他嘅、可能已經幾個月無開單呢!
24. LYC 2016-02-16 10:55:28
動工量正在大幅下趺當中,好多地盤已接近停工,因發展商無謂搶高建築工人的人工,然後起好賣唔出,加上越遲推越貴,N好大機會大過5,當大家見到供應唔對路,還會有得賣剩嗎?!
現在同1997-2003好唔同,當時發展商知道供應會排山倒海,佢地拿拿臨快啲起好,快啲賣,早賣早着數,而且當年建築成本低。
昇哥都會配合陳總做野,CY都唔想樓價跌太多影響本地經濟和出年佢個選情,我估放寬按揭措施將會好快宣佈!
現在正是CCL跌一成就落票剎價買一間,目標集中九龍港島港鐵站上蓋高層景觀開揚的大兩房2手單位,不過質素高啲單位其實唔多,都唔係咁易買到好野!
25. 神算 2016-02-16 11:26:54
LYC 啲口吻十足一個地代,不喜勿插。
26. LYC 2016-02-16 12:18:39
我覺得你們好歧視地代,其實買樓賣樓係個人自己的決定,邊有得懶架,你們只好怪當年自己傻仔,晨早賣晒啲樓去租屋住啊!
現在係討論緊樓市,個Point同我是否地代有什麼關係呢,唉,你地講啲野都冇Point,講唔贏就話我係地代,真可憐!
27. SHUN 2016-02-16 13:22:07
地代?周街拉客嘅爛仔囉……未簽名就吹到天花龍鳳、簽左名就問多句都唔彩你、最叻就將D兇宅包裝靚靚、講得衰格D咪騙子囉!
28. 引刀一快 2016-02-16 14:30:53
👑LYC兄

地代與否唔緊要,最緊要講正話。
經濟問題都未真正浮面,已經ccl跌一成喇。
既然你都承認係地代,不如講下你嘅地代見聞吖。
29. LYC 2016-02-16 14:35:49
地代應該唔可以隱瞞凶宅,我估係你老作!
幫過我手買樓或出租單位的地代都冇你講成咁喎,還做了fd,得閒吹下水, 每次續租約都幫我做印花證明書。你幾年前自己決定賣樓去租屋住就唔好懶人啦!
不過,咁多地代總有啲係唔好既,搵多幾個問清楚,你咁傻被騙都冇計。
30. SHUN 2016-02-16 15:35:54
任何行業都有一共通点、甘Q得閒都唔慌本事、打電話昆D客啦…………地代佬!
31. LYC 2016-02-16 17:02:23
刀兄
根本經濟由始至終都係穩中向好,香港已經好過其他國家好多,低失業率,大部份人年年加人工.
你地淡友只不過永遠都只看見和放大唔好之地方.
CCL在大漲小回當中跌了一成又有什麼出奇呢!? 現在成交咁細,又有什麼代表性呢!?跌市成交量細正是反映業主惜售啊!


淡友一定好奇怪,點解剛剛又會有樓王重現,因為九龍市區根本無筍盤,劈價個啲你買唔到或者質素極差.
點解無筍盤,個個都驚沽咗買唔番,前車可鑑,眼見過去沽樓個班完全仆直,買賣成本又超高,供應個頂已經封咗8萬7,個個都知跌極有限,六成人供完層樓,邊個仲敢冒險估頂沽樓,冇人沽點跌.
如果唔係炒燶股票,邊個會賣樓,現實生活上又會有幾多人咁傻按咗層樓去炒股呢!?

其實全球又有幾多個城市好得過香港呢,醫療,教育,治安,冇恐襲,完善司法制度,稅,廉潔程度,冇地震,打風都唔易打到來,完善交通網絡,食物安全,污染程度,各方面的自由程度.
32. SHUN 2016-02-16 19:50:37
總之大家小市民切記一点、任何行業經紀生存之道就係開單、買樓唔同買件衫、買貴幾百萬你自己還成世、到期時D經紀佬又叫你止蝕&租出去再租番個劏房住、等租客幫你供樓等花言巧語、佢就食你D佣、明未?
33. 蕭峰 2016-02-16 20:23:23
LCY兄,hk及大陸經濟真係咁好,樓市就絕對唔會跌9%,1月亦都唔會有30年來最差d成交!淨係靠出口術是推唔淋樓市架。樓市同股市唔同,唔係聽個消息就出貨,樓市反應係真係要見到數據!



34. 真真薯片 2016-02-16 21:22:39
同意樓市跌一成而且成交少所以冇代表性, 因此樓市跌勢未能確認, 請老師快d通報陳總, 金管局未係時候放鬆逆按
35. 路人甲ab 2016-02-16 21:37:34
此lyc真的攪笑到極點了。
所有壞消息在他口中變了好消息。顛倒是非,無中生有的能力倒強得很。
難道,97-03香港突然地震了?有恐襲發生?定係食物安全有問題?無關係既理由又可以變成樓價升的原因…其創意之高…
36. LYC 2016-02-17 11:19:32
真兄,雖然成交細冇代表性,但是老師和他的員工都要開飯。既然正在下跌中,梗係講到將會大跌,通街負資產,讓CY和陳總做到放寬按揭有理,對整個社會,經濟都係正面!
唔通CY真係傻到好似董事長咁,拖垮樓市,搞到政府入不敷支,民不聊生!
37. Stupid lyc 2016-02-17 12:00:51
既然正在下跌中...
不小心說漏了咀?不是長升長有?ccl不是止跌回升嗎?前後矛盾的傻仔!
38. SHUN 2016-02-17 12:09:47
真可笑、31樓講完的說話被36樓自己打倒了、成交少又話沒代表性、個別有高價成交又認同?托市怪麻煩收声啦!