地產博客 > 文亮語 返回
瀏覽人次:25421    回應:23
文亮語
買了居屋,是否應該撻訂
 
湯文亮博士
紀惠集團行政總裁
2016年2月14日

  今日情人節,我相信有不少資深,尤其是到了談婚論嫁的情侶並不開心,如果他們為了準備結婚,而在去年合資買了居屋,現在將面對一個問題,亦將會是今晚的話題,究竟應唔應該撻訂。

  本來我都唔想咁掃慶,不過,我將話題帶出來,希望他們早有心理準備,我所講的做法,在十幾年前我已經向不少同事講過,當時,有不少同事買了居屋,但樓價大跌,政府容許將居屋交回政府,只收取5%手續費,我提議同事將居屋交回,就算損失5%手續費都是值得,以後可以用相同或者更少價錢,買大約相同面積單位,不少同事照做,今日,他們不只擁有一個單位,沒有做的依然住居屋,還要擔心日後補地價問題,一個決定,足以影響一生。

  投資者口訣中,「狠」的含義甚廣,大家多數以為出價才要狠,其實不然,放棄才要狠,因為出價狠亦只不過是多付一點,但放棄就變成一無所有,唔狠點得,大家千祈唔好誤會,我並不是叫大家撻訂,而是叫大家考慮清楚,不要因為即時有所損失而選擇成交,因為,買了一個物業,同時亦負上一筆債務,是否值得就見人見智,不如,各位情侶今晚不要講這個話題,大家開開心心過情人節。

  房委會各位大哥睇到我這篇文章一定想殺咗我,如果太多人撻訂,真的是唔知點算,政府表明不能夠減價,惟有將未售,殺訂收回的居屋存倉,十年八載後一定會到價,唉,點解政府仲唔相信曾蔭權話,居屋已經完成歷史任務,可以說是自尋煩惱。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2016-02-14 08:48:28
依家仲係收5%?
2. 樓換樓 2016-02-14 09:58:58
公司同事抽中買左,佢話房協承諾,如果買家撻訂係會百分百退回所有訂金
3. 望東樓 2016-02-14 10:06:12
博士早,對一般人嚟講,收水話咁易,要佢哋止蝕就真係千難萬難。不過又唔可以怪佢哋,因為呢樣係人類天性,喺無數心理學實驗入面得到確認。

如果唔係,有個in the money put唔exercise就正豬兜。
4. Tony lam 2016-02-14 10:33:47
大家講房屋已經走火入魔、好似冇自己樓就係政府責任、我地要扮嘢做國際城市、樓点可能平、香港有條件財力建足夠嘅公屋、老友話計租複雜要好多人手、我簡單咁講根據入息嚟計租、越高入息、佔入息比例越高、比喻入息8千比10%、入息4萬比30%夠你租私樓或供樓、頂槓去到6萬比40%、而家科技㩒制就小數位都即時計埋、攪乜Q居屋一鑊泡吖!

私人市場就任佢越滚越過瘾、香港事實好似麻雀館、打得越大抽水先溶嘛!政府抽水甘、咪我地福利多囉、分分鐘年年有錢派、睇下馬交年年派錢咪冇咁嘈囉。
唔係怪論嚟㗎 ! 世事本來就好簡單、不過政府養多咗人、D人點都要表現存在價值、凣事都係諗多咗啫。

5. cay 2016-02-14 10:55:06
居屋售價約2百多萬,私樓很難有這價格,對於收入不高的人是不錯的選擇。為何要放棄呢?
6. Tony lam 2016-02-14 10:55:31
老湯用咗自己標準去諗嘢、在買居屋階層嚟計、撻5%係乜嘅概念 ? 分分鈡成年嘅人工、好多以前未賭過㗎、5%可能係地莊嚟、佢地唔識賭㗎、點識打生死章輸雞糊 !
要問責D狗官、點解次次市場最癲時、就趁高興、用高價再比折頭你去買次貨 ! 
11. cay 2016-02-14 11:11:40
居屋售價約2百多萬,私樓很難有這價錢。對於收入不高的人是不錯的選擇。為何要放棄呢?
12. 真真薯片 2016-02-14 11:24:24
居屋如果被撻訂後賣唔出, 一定要諗辦法用左佢

例如房委會成立一間半官方公司買起果堆貨尾單位, 再用市價7折放租, 租約寫明不得轉租, 拉低租金, 打擊附近社區投資需求, 有錢收又唔怕貨尾掉空太耐殘晒

如果一年有幾百個呢d單位, 都唔係完全冇影響力
13. SHUN 2016-02-14 11:59:49
托市人一定叫人唔好撻掟、買居屋輸得最金、最後仲輸埋上公屋機會(因為經濟各種原因、已經合資格上公屋)
14. SHUN 2016-02-14 12:17:56
仲有果D埋怨政府嘅廢人聽住、置業(自住&出租)某程度上係投資、自己承擔責任啦!政府唔包你赚$、on9
15. 置業 2016-02-14 14:47:02
其實如果買樓的時候,碰正樓價下滑,正是代表著這類置業者沒有置業命,他們多半都會在高位時候才買,下跌至一段時間後回升至有小小贏或輸時就會賣出,我見過不少這樣的情況,所以博士所說的是正確的!
16. LYC 2016-02-14 14:58:24
如果撻訂後即刻買到間好既私樓就冇所謂,否則撻訂後又係長期交租,咁即是成世幫人供樓,邊有運行!?
現在跌市成交咁細,隨時見底,跟著見底大成交抽上,到時業主又吊高來賣,你要高價追買又買唔落手架啦。
17. 引刀一快 2016-02-14 18:39:07
投資者口訣中,「狠」的含義甚廣,大家多數以為出價才要狠,其實不然,放棄才要狠,因為出價狠亦只不過是多付一點,但放棄就變成一無所有,唔狠點得, ”

通常,呢個時侯,都係家中女主人唔捨得間屋嘅多,女人對呢樣嘢通常係依戀D,唔到你男人狠。
18. 引刀一快 2016-02-14 18:45:43
LYC兄

“否則撻訂後又係長期交租,咁即是成世幫人供樓”

跌市時人家年年蝕樓價,年年間屋折舊,租客摣住份首期個個月有利息,有投資機會,業主有急事賣屋唔交吉要减價,點可以完全唔考慮?

好友淡友,不過係睇上睇落啫。
19. Tony lam 2016-02-14 19:45:30
居屋原意係比市民買嚟安居、買貴買平令到有人歡喜有人愁、然後要考慮撻唔撻訂、已經偏離哂原意、好簡單解決、就借用外國超市D最低價保証、今日買咗嘢、第日減價、唔洗玩refund、攞番張單嚟退回差價、等人買得安心又放心、包唔洗玩咁多綽頭都有幾多去幾多、邊有人會退貨、條橋拎去洗啦!有乜嘢諗唔掂、問我 ! 包比到橋你。
20. SHUN 2016-02-14 20:27:45
居屋係用公帑補貼的、嘅然遊戲規則已經沿用甘多年、為何要比一些輸打贏要的人改變?又唔見賺錢的一群比番部份政府!
21. Bosco 2016-02-14 20:52:13
兩百萬有自己間屋合理兩房,住拓展市區,不應該撻訂。

200萬即百多萬人民幣有得留在香港住下來要感恩珍惜。深圳不止這個價錢,湯博士,我在東莞的朋友5年前建工業區的建築費都要3000蚊人民幣一平方米,即500蚊港紙,現在最便宜香港做都要2000左右吧! 
天下沒有白吃的午餐!
22. LYC 2016-02-14 21:14:26
刀兄,租屋住就輸硬3%樓價,拿住首期現在係冇利息架,投資十賭九騙,點可以確保實贏。樓價你睇跌我睇升,是否來年實跌都係未知之數。劈價盤你都未必買到,報紙只不過無限放大低價成交,高價個啲唔講!
23. Tony lam 2016-02-14 21:20:17
Shun兄  私樓可以起到同對面握手、公屋咁起實比人鬧爆、遠D都嫌三嫌四、幾多無敵永久海景、起逼D都比人話歧視無良、但呢D就係現實、基層數量最多、政客一定識站邊、不如寬容D、慶幸自己唔洗要人幫。
成揸人退貨、回水再賣、中間資源同運作皮費咪仲浪費、你知政府做多少少嘢、就會使多多錢、咪又係我地睇數!
24. 蓄芳待來年 2016-02-14 22:15:14
先讚一讚LYC兄力戰群雄,令網站生色不少,鼓掌!
傳媒只會講有新聞價值嘅嘢,慢慢地所有新聞都變成必須有「娛樂性」,永遠煲大個氣氛,靠唔住。
地代,包括我d老友,都係搵啖飯食,無必要過份苛責,始終決定買樓賣樓係自己嘅責任,怪責人哋點你,就有點兒賴地硬。一切源於你無知,而無知係罪。

居屋撻訂賠錢太少,講吾上壯士斷臂,如果真係睇淡後市(三五年後個市),棄之不惜,不過撻之前要問清楚自己,當初點解要買呢?最緊要知道自己嘅能力與目的,千祈唔好學人扮炒家或投資者。
喺投資市場,人心/風向可以變化得好快,有時並吾係你話想追就追得切。
25. 真真薯片 2016-02-15 00:16:25
居屋撻訂另一個原因, 博士之前都有講, 就為訂金太少, 如果訂金係20%, 咁又另一回事

話時話, 超額n倍既燃然一居家陣賣成點?
26. 神算 2016-02-15 01:00:10
薯片兄,

焕然一居聽聞大概三月先電腦抽籤。
27. yee 2016-02-15 13:10:36
湯博士, 請問有関補地價問題? 將間居屋補地價做私樓好, 還是用補地價的錢買間私樓?   謝謝