地產博客 > 文亮語 返回
瀏覽人次:49865    回應:101
文亮語
細價樓會否潰敗
 
湯文亮博士
紀惠集團行政總裁
2016年1月5日

  有馬來西亞地產商在香港組睇樓團,邀請我做隨團嘉賓,叫我開價,我話唔講錢,只要李宗偉同我打羽毛球,誰不知他們又真的做到,於是,在十二月底,去了馬來西亞,除了同李宗偉打羽毛球外,地產商還安排了一條野生忘不了,唔使我講,大家都知道結果是潰敗,不單李宗偉是世界冠軍,而且現在積極備戰明年奧運,狀態是非常好,能夠與世界冠軍打球,可算得是不枉此生。

  在去年頭三季,都是細價樓的天下,升幅驚人,有人話細價樓,真架勢,當時,有部份細價樓呎價已接近豪宅,細價樓業主以爆煲,爆什麼煲來挪揄我的「細價樓爆煲論」,但好景不常,到第四季,樓市開始轉向,在細價新樓源源不絕的供應之下,細價樓開始掉頭向下,只是一季,不少細價樓樓價已跌回年初水平,甚至有過之,如果我用潰敗來形容,亦不為過,但我擔心這個跌勢只是開始,明年在新樓大量供應,而地產商又不惜售的話,細價樓跌勢會加劇,而不少細價樓業主借貸比較多,在樓價下跌,心理上就會出現潰敗情況,有部份細價樓業主甚至棄械投降,在沒有財政壓力之下,將其擁有物業賣走,到時候,樓價下跌就會變得一發不可收拾,政府要密切注視,因為細價樓業主大多數是基層人士,如果他們損失慘重,是不會責怪自己,矛頭一定會指向政府,CY團隊是不容易應付,千祈唔好認為減辣就可以起死回生,減辣,其實只是確認樓市下跌,或者會令更多人出售他們的物業,我認為先要放寬按揭,搞好經濟民生,將失業率維持在低水平,令到細價樓業主可以避過一劫,如果細價樓業主要自救,就是在非必要時千祈唔好低價賣走物業,沒有瘋狂拋售,就不會潰敗。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Mr House 2016-01-05 08:50:25
昨晚有傳媒報導湯生説細價樓不會爆煲,下半年更會反彈?小弟不明
2. 惜緣 2016-01-05 08:52:48
同意博士,現時係放寬按揭的時機。
3. 望東樓 2016-01-05 09:09:15
放寬按揭會唔會因而令銀行調低估價?更快懟冧個市?
4. 如是 2016-01-05 09:11:32

放寬按揭也是減辣,表明確認樓市下跌,誰會接刀?

況且,放寬按揭只會促使換樓潮,對中價樓有些幫助,但加快細價樓跌勢。

5. 真真薯片 2016-01-05 09:16:27
認真d睇, 發展商有大劈價散貨, 只係某幾個盤既部份單位賣得平過附近二手而已

發展商賣樓手法極高超, 用唔同盤去測試市場最高價, 擠住牙膏浪住價黎賣, 同埋成日吹風黎緊幾多幾多盤, 好多時都係引誘購買力, 得購買力累積再一野食晒

暫時見到發展商仲係按兵不動, 未肯二度劈價, 二手只得零星劈價成交, 不過比傳媒用放大鏡睇同埋成交量太低所以拉低指數

另一邊有大量袋住一二百萬現金既買家已經磨拳刷掌, 只要一個觸發點就會湧入市

依家減辣或者放寛樓按, 樓市隨時快速彈返上140都似, 不過基於滯後效應, 指數其實已經要先見132
6. 打工仔 Andy 2016-01-05 09:17:57
博士
甚麼是野生忘不了 ? 

原來係鯉魚!
7. 神算 2016-01-05 09:22:25
如果政府只睇差估署公佈數字, 我相信整體樓價要跌足兩季才會考慮放寬按揭。我看自住细價樓業主若沒有供款困難, 暫時未有問題, 始終基層人士日日緊張揾食, 未必會經常留意樓價升跌。
8. 惜緣 2016-01-05 09:32:35
To 4樓 如是兄

如果市場上無人接刀的話, 咁買賣的成交應該係零。

如果放寬按揭可以令換樓潮重新啟動的話, 咁這對各行各業都係一件好事。

9. LYC 2016-01-05 09:32:36
http://www.hkcd.com/content/2016-01/05/content_978689.html

博士睇法同花旗一樣,Good! 我都係咁睇!
10. 神算 2016-01-05 10:01:03
LYC 兄,

何以見得博士同花旗看法一樣?工資增長及發放花紅從而令樓市回升, 說法有點勉強吧。
11. 西門吹雪 2016-01-05 10:16:29
真真兄,我覺得博士吾係講而家既情況。佢係forsee 緊"如果"地産商不惜售既情況。這一点與我們睇法差不多。

我覺得博士係講出最大鍋既情況,而希望政府放寬按揭成數,達到樓市軟著陸,而吾係硬。用心良苦
12. 舍神 2016-01-05 10:23:10

越細越貴越多人搶......只是特定時空的怪胎!

細到100, 200呎的單位, 以豪宅價出售, 竟然是最好賣!只因細細粒,容易食!

(好多人發現,跟本租不出去...)

當熱潮過後,默默回望, 呢d樓點可能受歡迎!

13. 真真薯片 2016-01-05 10:24:18
其實發展商以前係開緊天價, 例如港島單棟兩萬蚊+一呎, 經過上年第四季既第一次劈價, 依家部入一手樓平過二手, 但唔係全部, 亦有唔少一手樓堅持叫萬五蚊呎以上

依家個市表面上跌勢已成, 但係發展商靜晒, 關鍵係發展商會唔會二度劈價, 暫時睇其實五五波, 如果發展商囤貨, 又冇其他鑊爆, CCL應該守到130就會回升
14. 求知者 2016-01-05 10:56:43
當初減按揭比例是否為了保護財力不足的人,阻止他們冒險入市。如果現在貿然提高按揭比例,是否等於推他們入火坑?  希望智者能詳細解析!
15. LYC 2016-01-05 10:57:30
16. 蕭峰 2016-01-05 11:07:49
昨晚有傳媒報導湯生説細價樓不會爆煲,今年跌10%,下半年更會反彈?小弟不明 x 2
17. Yes to correction 2016-01-05 11:41:51
Good news! Property market will become more healthy after correction. Most owners
are not speculators and have passed the stress test. If economy and employment
condition are stable, the correction will not be dramatic. The developers are not foolish
to dump their developments unless there is/will be  a happening of significant importance.
18. LYC 2016-01-05 11:42:58
博士一層樓都冇沽,咁仲唔明!
等博士出貨我們才跟著沽都未遲呢!
個啲細過300尺,根本唔係一個正常家庭可以居住啲樓就梗係玩完啦!
19. Bosco 2016-01-05 11:54:38
我想湯生要說明細價樓的意思。
因為市場上有兩種細價樓。
一種是銀碼上細價,呎數不正常的開放式單位。一般是150呎-280呎左右,總價400萬左右。此類細價樓正常租值約4-6000月租。潰敗實屬正常。
第二類是實用330呎-500呎左右,總價400萬左右。尤以荃灣/沙田/青衣最多此類拓展市場。以300-400萬的細價樓月收9000-12000月租為主。我認為此類細價樓不存在任何潰敗因素。因為就算你將來養老退休,以這些物業防老,月入9000至12000的穩定現金流。已經勝過現今世界上任何的社會年金保障。如果你是2009年以前以200-300萬買的,更加低槓桿及相對有7-9里的極合理回報。就算不是投資樓,在有基本合理的租金回報支持下,你都要搵地方住,租個2房都要每月8000-12000的現金流出。
針對此類市場,我認為還是比較理性。
20. 真真薯片 2016-01-05 12:00:00
Bosco兄,

閣下指出左重點, 或者果d300-500呎樓可以叫民生樓, 民生樓會否潰敗? 在下認為睇你幾錢買, 09年250萬買當然立於不敗之地, 上年初有d民生樓300零呎過500萬創新高成交, 就比較危險啦

好多時同一層樓, 爆定唔爆, 買入價重緊要過層樓本身
21. 物業初哥 2016-01-05 12:25:06
"好多時同一層樓, 爆定唔爆, 買入價重緊要過層樓本身"

真真兄,不能同意更多!
22. 神祈小子 2016-01-05 12:41:16
昨晚有傳媒報導湯生説細價樓不會爆煲,今年跌10%,下半年更會反彈,是否湯博士估計上半年的細價樓及二手市況慘烈,政府唯一能做的就是放寬按揭,使成交量及樓價回升,這樣才能救細價樓一馬。

 


26. 引刀一快 2016-01-05 12:56:43
打工仔兄

忘不了唔係鯉魚嚟架,脂鯉科魚類,係馬來嘅魚,近年引進臺灣同大陸。

所謂魚王,不單係因爲食味上佳,野生忘不了對釣友亦係夢之魚,據說力度同活力超強。
27. 真真薯片 2016-01-05 12:57:58
引刀兄見識廣闊令人敬佩
28. haha 2016-01-05 13:05:16
非常同意博士, 只要放寬按揭對樓市有一定支持。


想上車或換樓都無咁大壓力




29. 如是 2016-01-05 13:21:43

真真薯片說的是,發展商等緊政府減辣,暫時唔會二度劈價。
細價樓業主(非自住)亦等緊政府減辣,鬆綁止賺離埸。

政府究竟是否下大決心 、堅定不移使樓價回到一般巿民能負擔的水平呢??

30. 引刀一快 2016-01-05 13:23:12
真真薯片兄

唔敢當,咁啱知道啫,前兩年,正係湯先生嘅忘不了和八丁一文,令引刀開始成爲長期讀者。
31. 望東樓 2016-01-05 13:30:52
你睇返舊年,最賣得嘅樓主要係劏房盤同細二房。年尾新鴻基個元朗盤嘅三房一半都好似賣唔到。咁代表乜?三D令換樓鏈斷裂?抑或啲所謂購買力只係大量劏房購買力?
32. 蟹民 2016-01-05 14:28:27
各位師兄師姐:

小弟去年十月以450萬認購咗個大角咀「利奧坊」260實呎1房單位,已付了樓價10%,2月要再付5%,小弟應否撻訂呢?

請各位多多指教!!!
33. 華特 2016-01-05 14:32:15
其實我覺得湯生應該受邀為政府出謀獻策,如能的話實為萬民之福
34. middle middle class 2016-01-05 15:01:37
唔知趙樓神會出什麼價丶同那些招數去貨呢?
35. Oscar Lam 2016-01-05 15:06:16
回32蟹民,

這次楼市調整,到底調整多深、多久大家都不清楚,調整後的走勢我們也不知道。如果現在放棄,馬上没有10%。因此,我個人認為,如果該物業是自住用途,經濟上你又沒有出現問題,应该守住該物業。
36. 占士 2016-01-05 15:59:59

Oscar兄,言之有理!

37. 蟹民 2016-01-05 16:04:52
回35樓Oscar兄

其實是打算收租的,財政亦沒有很大壓力,只是小弟貪心,若果今年發展商會減價賣樓,如果撻定「利奧坊」,有機會可能以差不多價格,買入真正〝港鐵站上蓋〞新盤,例如:南昌站、荃灣西站、Grand Yoho........等等。

謝謝回覆!!!!!
38. LYC 2016-01-05 16:35:42
唔好撻訂,繼續你原本計劃收租,你收下收下就會好開心,遲啲夠錢再買,用平均成本投資法:
40. 自我陶醉 2016-01-05 17:15:08
32樓 蟹民,

未開始就放棄就輸定,除非你現價買已經賺番有凸,例如,原先買入價500萬,二月時只賣400萬,減去50萬後還有着數,不過相信發生機會不大,否則,按LYC建議待樓價平些時,用平均買入法降低成本較可取。
41. 望東樓 2016-01-05 17:56:25
蟹民,
大前題係你似乎始終希望短期入返市?咁你諗住睇幾耐?你相信個市會係呢段時間插幾深?你有幾大信心個市會係呢個期間插倒咁深?好簡單咁講如果你相信你有五成把握買平100萬,咁100萬*0.5=50萬,只係比你而家比個45萬多咗5萬(條真數唔係呢度講啦).即係話一係你有百份百信心個市一定落多個45萬幾多,一係你認為個市又50%機會跌多過100萬好多.否則係制唔過.
42. Sam 2016-01-05 18:04:42
 在今年頭三季,都是細價樓的天下.   好明顯係上年寫的
43. 真真薯片 2016-01-05 18:05:46
新樓撻定有個風險, 可能比人追差價

依家450萬可以買tko 海邊carpi 300幾呎了, 說明發展商的確劈左第一輪, 不過只係局部地少劈, 未係全面大劈

蟹民兄唔好改個咁既網名先, 閣下有冇供緊其他樓? 如果有信心供得起, 又如果層樓價跌100萬都頂到, 都係守啦, 如果政府唔填海唔產郊野公園, 最後應該都會升得返
44. 引刀一快 2016-01-05 18:29:09
To  32樓 蟹民兄

兄台喺呢度問呢個問題,基本都應該可以預知答案喇,不如你又參加下呢個活動,2016年最後一周,CCL會否高于118表達下展望吖。

你二月要再交5%,夾埋即係先交15%,剩低嘅部份,咁啱就係樓價跌到CCL118嘅價位,你嘅意見,好有討論價值呀!
45. 神算 2016-01-05 19:00:40
蟹民兄,

個新盤幾時收樓? 如超過兩年要計計數。
47. Admin 2016-01-05 19:22:29
Sam,
已更正, 謝
48. 老餅 2016-01-05 19:27:16
蟹民兄,如撻訂首先你要睇發展商會否追到底,第二這2,3年加息能否頂得住,第三放租可能不夠供樓,第四工作是否穩定,用我的經驗給你分享,81年買樓35萬,84年中英談判,樓价冇左一半,但守到現在有400萬,如你還年青,3幾年的波動冇問題的話,長楂就天下無敵.
49. 大摩 2016-01-05 19:37:41
50. 初哥哥 (前稱: 蟹民) 2016-01-05 21:48:35
謝謝各位師兄師姐回覆!!!!!

To: 38樓〝LYC〞兄、40樓〝自我陶醉〞兄

小弟賺錢無方,只有能力買細價樓,全靠2009、2010、2012和2014年分別各買了1層二手細價樓,並先後於2013、2014和2015分別賣出,才有能力現在只持有1個2014年以樓花買入,位於新界港鐵站上蓋的自住單位 (有按揭) 和1個樓花 (利奧坊),實在沒能力襯低吸納買第3個住宅物業了。

To: 41樓〝PN〞兄

如果有得揀又有能力,小弟首選〝真正港鐵站上蓋〞一手樓,其實都幾被動,因為唔知發展商會幾時開咩盤和開咩價,所以無前設想幾時買。

To: 43樓〝真真薯片〞兄

因為你,我就改咗名叫〝初哥哥〞啦 =),宜家仲有$300萬按揭,月供大約$13000,銀行存款有港幣$200萬,啱啱夠俾「利奧坊」50%首期,另外50%就做按揭。

To: 44樓〝引刀一快〞兄

你咁講都幾有道理,假設樓價跌少過15%,我撻訂就好以無謂咗,但如果跌多過15%又點算呢??? 如果選擇撻訂,我唔會俾2月份嗰5%,輸10%就夠,所以剩番只有一個月時間要做決定。

To: 45樓〝神算〞兄

關鍵日期係2017年9月25日

To: 48樓〝老餅〞兄

小弟卅幾歲,收入靠佣金,所以會用家人名義借按揭,預計20年按揭月供約$12500 (利率3%),估計可租到$15000 (但如果租金繼續跌,可能只租到$12000至$13000),至於發展商會唔會追到底,我就真係唔肯定呀。

To: 各位前輩

大家記唔記得當年97,恆基有無試過追差價???



再次感謝各位前輩的回覆!!!
51. Bosco 2016-01-05 22:39:51
初哥哥/蟹民兄:
其實每個人風險承受能力/投資習慣/背景都不一樣,就算這裡任何的一位網友幾咁成功,他們給出的意見只能夠作為參考,不能夠亦不鼓勵就這樣變成你的答案。更重要的是獨立思考的能力去自己找出最適合你自己的解決方案。
以我自己的投資習慣為例,我會以一般的標準去決定一般的物業投資。例如失業率5%以上甚至有進一步惡化的趨勢及回報最少4%以上才會買入物業。當然,如果遇到比較特別的好項目要另外獨立評估。最後,要控制好槓桿水平,完成物業買入後要保持低槓桿及正現金流。才可以捱過熊市於牛市逢三進一,優化組合。
52. 向饭民说不 2016-01-05 22:48:50
32樓 蟹民,你撻訂應該不止虧10%,還有買樓成本。估計是15%左右。

如果在買的話,成本大概是2到3%.也就是說如果你撻訂的成本大概是20%.
53. 真真薯片 2016-01-05 23:02:03
2016年01月05日

2016年開首,樓價已表演大插水,二手樓越劈越深。全港指標上車屋苑天水圍嘉湖山莊,終於堅跌穿「三球」(不計代理低價入市)。

中原地產羅文幫表示,甫踏入2016年,嘉湖一開波就跌穿三百萬元,翠湖居5座中層F室,實用面積449方呎,兩房間隔,上月29日才放盤,叫價330萬元,剛再劈逾一成僅以290萬元連租約售出,呎價6,459元,為撇除三名美聯地產代理於去年10月以七折價260萬元(平市價100萬)買入美湖居441實呎單位後,屋苑最少年半以來首度跌穿300萬元。

去年樓市最瘋癲時,嘉湖山莊兩房造價升至逾400萬元,而翠湖居同類兩房單位,亦賣過360萬元,新成交跌價約兩成,並已逐步逼近「三人幫」入市水平,僅相差約一成。就算三人幫肯以290萬出貨,賬面即使賺30萬,但扣除SSD辣招稅及買賣雜費等,肯定要蝕錢離場。

http://hk.apple.nextmedia.com/realtime/finance/20160105/54613346


博士真係準到冇朋友
54. Tony lam 2016-01-06 01:36:05
以前D商場劏細賣、買親嘅無一幸免瀬哂?橋唔怕舊、最緊要受、D迷你樓照辨煑碗、一樣大把人落叠,蟹哥 : 而家想甩身 ? 身無長物就一定要劈咗佢,吹你唔漲,但你好似拃得出汁,有冇咁易比你走甩?D友話守落去會見家鄉、層樓有400呎以上先講啦!基本上買得太貴、管理費又貴、走得甩保住D注碼擺弟度機會大好多。
而家放按揭 ? 一定大把無底炮灰出嚟接火棒,噏得D友都喺想散水啫!CY其實掌控樓市好到家、呢两年實際落水D友數量唔多、但又落咗重本、走唔甩但頂得住、有D扮專家重話政策冇料,有冇諗吓D息咁低又印咗咁多假銀纸,冇辣招同低成數按揭平衡一下、局面會点?97咁多劈炮就係9成按揭亂篤手指、冇底炒家做成嘅!
55. Ca1on 2016-01-06 09:50:58
買樓肯定要睇呎價, 蟹民兄嗰件迷你單位成萬七蚊一呎, 試想下市況唔就時, 會唔會有人想用呢個價或更高嘅呎價接先. 仲要考慮埋地區同租值呢. 有啲地方叫做九龍, 但九龍有好多地方環境都麻麻喎! 其實有得揀, 邊個想住二百幾實呎? 如果市況稍為回落, 市場上呢類單位已經有大量可能更平的供應. 愚以為, 買樓同其他投資一樣, 都應該考慮基本因素, 投資回報及流動性. 舊年細/迷你單位被瘋搶純粹係按揭收得極緊政策市下的畸型現象. 樓上眾師兄所言, 爆不爆煲與呎價有最大關係, 小弟亦十分認同.
56. 十郎 2016-01-06 14:17:50


      "煮熟了的鴨"......祇有嘴硬.  (我得自鄭先生)

      先講題外話"丁蟹".  蟹係唔丁得的,  我在網上見過,  外國有人做實驗,  在花園放一桌子,  上擺一微波爐,  放蟹入去"丁".  過一陣,  成個微波爐炸毀.  炸力好大.

      自從1973年股災,  恆生指數由1700點,  跌到170點,  跌咗九成.  至現在2015年,  樓災加股災,  經歷不下十多回.  記憶新而有規模的,  要算科網股泡沫及次按泡沫.

      科網泡沫在千年蟲左右爆破,  好多公司成立,  他們的工作,  祇在研發,  未有收入,  即是在燒銀紙,  而且很大很快.  但是很多人投機他們的股票,  非常熱爆.  投資人賺大錢,  當時"畢菲特"沒有參與,  他被人譏為落伍,  譏他賺少好多錢.  他用他的招牌回應,  回應對他攻擊的人,  "當潮水退去之後,  就知道誰沒有著泳褲.",  結果呢,  畢老躱在叢中笑.

      次按泡沫在2008年爆破,  事緣聞說是美國政客,  認為窮人及沒有工作的人,  都有權置業,  銀行不應拒絕借款,  這是 "人權".  我試過考一考身邊的朋友,  什麼是"次按",  回答是第二次按掲,  我無言.  那是次貨按掲,  那是次品按掲.  銀行將這些按掲打包成債券出售.  結局如何 ?  大家已知,  美國要零息,  要QE.

      我講這兩個為人熟識的故事,  目的是什麼 ?  我猜想有人會質疑,  這些泡沫醞釀幾年,  為什麼冇人提出警告 ?  答案是"有的".  唯是未爆煲前,  "塔利班"會聽得入耳嗎 ?  信唔信報的Mr. Lam,  提過不下幾次.

      
      "塔利班"說買樓必勝,  萬七蚊尺又買,  二萬蚊尺又買,  好似97年咁,  一定返家鄉,  三十年後供完,  一定平手,  而且有賺添.  喂.........三十年平手的投資,  是什麼樣的投資 ?

      令我想起鄭先生說 "煮熟了的鴨,  祇有嘴硬."


57. LYC 2016-01-06 14:58:05
大摩,花旗,博士都睇今年稍後會回升番,有什麼好驚,收租夠供樓有突,劈價只是極小數,你都未必買得到,需求好快會吸納這些沽盤。現在成交細,CCL有機會被短期這些減價盤推低,現在租盤唔多,租金已企穩,買樓收租有穩定回報,樓價捱一捱好快會回穩,再創新高!
58. 引刀一快 2016-01-06 15:17:17
LYC兄

今年新盤加上年貨尾,30000左右,你有咩高見?
59. LYC 2016-01-06 15:52:45
大發展商冇財務壓力+利率有排在低位浮沉,看準未來幾年供應不足,土地供應有限,開發土地緩慢,DSD,BSD隨時撤銷,按揭好大機會放寬,肯定會拖慢推盤步伐。同當年1997-2003情況完全唔同。
60. 十郎 2016-01-06 16:13:25


      54 & 55樓兄台 :

      好認同兩位的論點,  Carson 兄的投資回報率及流動性,  即是股民所謂值博率,  流動性即是"容唔容易出貨",  股票今日賣,  後日收錢,  講機動性,  樓宇冇得比.


61. 老餅 2016-01-06 16:31:18
在下同意,睇準入貨位可以由賺十幾個%變成賺十幾倍的分別.
62. LYC 2016-01-06 16:32:42
股票流動性高,俾你買買賣賣,99%人贏粒糖輸間廠囉!
63. 十郎 2016-01-06 16:43:14


      Soory,    係機動性.  理解力要改改.




64. 西門吹雪 2016-01-06 16:45:51

LYC兄~

多買幾個收租吧~~照你所說正是時機。記得買細價樓WOR~~祝你有咁多賺咁多 XDDDD

65. 十郎 2016-01-06 16:49:20


      手快快,  寫錯添.


66. 望東樓 2016-01-06 17:12:01
終於得閒五分鐘啦。前題係蟹民哥已經落疊,撻訂唔知有乜手尾。而且佢睇好後市,操作上似乎要少少唔同。當然如果佢已經發現自己中伏,咁又會有唔同玩法。
67. LYC 2016-01-06 17:31:54
正是好時機,目標港鐵上蓋,高層景觀開揚,實尺500,落票低叫價10%
68. 十郎 2016-01-06 18:08:32


      香港此際,  樓價高企,  帶領百物騰貴,  而經濟向下.  即是有病喇,  有病要食藥,  藥方是....貶值,  降息,  吸收外匯,  增加出口.   眨值加降息,  香港都自己作不得主,  吸收外匯吧,  最好是旅遊業.  (旅遊業在六七十年代,  非常篷勃,  賺好多外匯,  被稱為 "無煙工業",  是帶領香港步向繁榮的一大功臣),  現在旅遊業半生不死,  寄望出口吧,  內地出口唔得,  反映海路運費的 "波羅的海"指數,  跌咗近半,  即係世界貿易都少咗一半左右喇,  條條路都唔得.  你說"怎麼辦".

      同朋友講起,  請教意見.  佢斬釘截鐵話,  美股,港樓一定跌爆,  問題係.................
                                                幾時,
                                                幾大,
                                                幾耐,
                                                如何應對.





69. 神算 2016-01-06 18:25:58
LYC 兄,

大發展商有交數壓力呢。
70. 神算 2016-01-06 18:29:23
低叫價10%? 造乜打擊CCL 呀?
71. LYC 2016-01-06 18:32:10
發展商有壓力交數?
暫時睇唔到佢地有減價賣貨尾,持貨力好強喎!
短暫ccl跌一跌試下132個支持位又有什麼問題呢!
72. 十郎 2016-01-06 18:40:04


      唔好當地產商......係傻仔

      大地產商冇財政壓力,  就唔會劈價賣樓 ?  譬如他有10000單位,  每個600萬,  總數600億,  保守計跌20%,  少咗120億,  他們常常說要向股東交代,  怎樣交代 ?  而且佢現價賣咗,  遲下可以更低價買番.

      記得以前有些大地產商,  在大跌市前,  會大幅度供股,  原因..........收錢.......坐大囉.


73. CD ROM 2016-01-06 18:46:31
下??? 新樓d優惠好似又加左少少wor~~~ 雖然價單又話加左...
74. Tony lam 2016-01-06 19:31:46
自由行帶旺市道只係起觸媒作用、香港樓成交額8成以上係港人自己買賣、要比得起4成先比埋枱,係免得D冇底者中個頭落去、辣招令人座咗位冇咁易起身、就算火燭都两頭望吓!唔會第一時間彈起散水、小心小心!
75. 西門吹雪 2016-01-06 20:25:28
Lyc 兄所言甚是。
快啲落票吾好等。咁好市,嗰10% 吾好慳啦。一陣走寶點算。下次過幾年ccl 升到300甚至400,個10%d小數目算乜。
76. LYC 2016-01-06 21:03:26
哈哈,10%唔係小數目,收租佬最鍾意格價架!
淡淡聽到博士個爆煲論梗係唔買等,現在博士話係一個唔錯嘅機會,淡淡當然信其他睇大跌的專家繼續等,根本淡淡係一世都係等,一世都係收租佬的好拍檔!
77. 歷史長河 2016-01-06 21:30:52
LYC 兄,此言差已!有些淡友只不過想等到個市跌到佢當初睇跌賣出之價位,嘅就要三五七成啦。此乃一日睇淡,終生睇淡之因由,與賭仔想返本性質一樣。似睇實盼。
78. 歷史長河 2016-01-06 21:35:38
45 樓神算兄,請問二年內或二年後收樓對問題的答案有何不同?多謝指教。
79. 歷史長河 2016-01-06 22:13:59
回60樓十郎兄,講流動性冇錯,liquidity 。不過還有比股票流動性更好的,就是藏枕底。睇得到,觸摸得到,心𥚃踏實。

話時話,如果兩種資產回報相同,風險(波幅)一樣,當然流動性強的更為優勝。不知閣下以為現如今liquidity premium 幾多為何理?


80. 西門吹雪 2016-01-06 23:00:15
河兄LYC兄所言甚是。
咁你地千其吾好等啦。收租咁著數,快d入貨啦。
吾係人地以為你地只唱吾做,揾人接火棒就吾好啦。

係喎,河兄吾係話乜鬼原因吾買既話?而家又攺变主義了??!! 咁又係,而家咁底買,吾買好蝕底。xDDD
81. 神算 2016-01-06 23:03:08
長河san,

問題係初哥哥根本冇問題,所以唔駛答。
82. 真真薯片 2016-01-07 00:02:43
睇左大家d回應, 感覺係目前既跌市唔止未入肉, 連皮都未吉穿, CY仍需努力
83. 初哥哥 2016-01-07 00:28:38
小弟去年10月認購“利奧坊”,因為此物業鄰近奧運站,同區當時少有1房單位供應,而且預期可收約$15000租金,回報约4厘,而且當時同區“君𣾀港”2房單位二手叫價約$800萬以上(小弟只有能力買$500萬以下物業),並非特別對樓市前景樂觀。

但由去年10月至今,各區多個大型屋苑二手成交價和租金都已下跌约10%或以上,所以才非常困擾應否完成交易。


謝謝各位前輩回覆!!!!!
84. 引刀一快 2016-01-07 05:29:09
To 76樓 LYC兄

我睇淡,但係唔表示我冇物業喎,雖然我係揸大陸物業,但係我對大陸樓睇得仲淡。

請唔好强加不良動機於淡友,睇淡係一種分析。
85. 西門吹雪 2016-01-07 08:00:28
刀兄算吧啦,佢地都係將心比己,人總係自私既。可見佢地持貨不少,意見幾咁中立。

話時話,講物業多,呢度邊個夠博士多?博士睇跌定睇升?
86. 歷史長河 2016-01-07 08:08:55
西蒙兄,博士睇淡?佢有賣樓嗎?另外唔好在里度比身家啊,會嚇跑我地一幫窮小業主的,唔該。
87. 引刀一快 2016-01-07 08:26:10
To 85樓 Simon1兄

經常被人將睇跌講成“望跌”,慢慢我都開始分唔清。

湯先生日日岀文,睇就得啦。
88. 引刀一快 2016-01-07 08:30:44
To 86樓 長河san

湯先生有冇賣樓我地點知呀,我凈係知道我好想賣樓咋。

港燦業主都未驚,你樓神老哥有乜好驚?
89. 西門吹雪 2016-01-07 08:35:50
河兄,小弟幾時有講過比身家呀?係你地笑刀兄早年賣樓先咋。自己係度撩人傷口,仲話人同你比身家,一身銅臭呀你。
仲有85我幾時話博士睇淡呀?open Question 來架!by the way, thx for ur answer 囉 xDDD
90. 歷史長河 2016-01-07 08:40:00
西蒙兄,小弟係希望一身銅臭,革命尚未成功,同志還需努力,多謝鼓勵。
91. 如是 2016-01-07 08:47:20
82樓 真真薯片說的是,買樓收租觀念植根港人骨子裡,跌少少又怎能催毀呢。
政府找再多的地,建再多的樓,也是徒勞無功。
若貿然減辣,易放難收,後患無窮。
況且政府不是耍保障業主以免損失。
92. 引刀一快 2016-01-07 08:53:54
To 89樓 Simon1兄

好多謝你喺度幫手澄清呢様嘢!!!喺香港廿年內絕對未賣過樓,佢地成日吹風話我係賣咗自住樓係刻意亂套以助討論聲威,係老屈。
93. 西門吹雪 2016-01-07 09:12:24
佢地每隔三五日就攞出來講,看多了忍吾住才幫你口。原來係冇咁既事架。 =.=
94. 歷史長河 2016-01-07 09:54:10
二位千祈唔好對號入座!我知刀兄冇港樓,又怎會講佢?
95. 自我陶醉 2016-01-07 10:31:47
同意77樓 長河兄,

賭仔的確係咁,個個都以為自己IQ爆棚,終有一日會贏番,而且不停買,仲愈買愈大,諗住一定可以番家鄉,直至輸到冇人肯再借為止。 神童輝你聽過未? 

千祈唔好以為我話你,我係講緊歐美嘅情況。 

96. 歷史長河 2016-01-07 10:59:13
陶醉兄唔在香港?依家想借多過資產四成簡直唔可能喔。唔通樓市會跌六成?
97. 自我陶醉 2016-01-07 11:06:27
長河兄,

我都話講歐美情況喇,點解講咗樓市?  BTW, 跌6成好多咩? 跌7成我哋都見過喇!
98. 歷史長河 2016-01-07 11:07:45
歐美?咁加息會係點?
99. 自我陶醉 2016-01-07 11:30:02
一係全球通縮,一係美國加息,你話邊樣好啲?
100. 歷史長河 2016-01-07 11:40:37