主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 36539    回應 : 29
文亮語
Full paid 物業也會變成銀主盤之謎
 
湯文亮博士
紀惠集團行政總裁
2016年1月7日

  在過去幾年,尤其是在BSD推出前,不少國內人士在香港買樓,我唔敢話他們買得貴,只覺得他們很慷慨,而最令香港人心碎的就是國內客來買樓又不用借錢,其實,他們都想借,但奈何提供不到入息證明,就算有銀行肯借,成數亦不會太高,最多只得兩成,所以,他們索性唔借,有人就會很奇怪,點解所買的物業又可以變成銀主盤,講出來又有段古。

  國內人士除了在香港買樓之外,不少人亦會炒股票,除港股外,亦有買國內股票,證券股票行或者財務公司非常樂意提供信用額,抵押品就是那個沒有按揭物業,在四月份股票大時代,不少國內業主加按那些物業,兩三個月後股市急跌,總理暴力救市,有三分一國內上市公司未能復牌,令到國內炒家立刻變成大春秋戰國時代,即是大春代,他們唯有盡按那些物業,將資金投入股票市場,企圖翻身,大家都知道,財不入急門,愈急愈輸錢。

  當時,樓價屢創新高,大家估唔到,銀行估價比創新高還要高,我曾經寫過一篇文章話銀行靠害,因為銀行家知道,財務公司是不會自己估價,他們會參考銀行估價,銀行估得高,他們就會借得多,財務公司以為借八成,其實已經超過九成,當樓價下跌,加上客戶所欠利息,早已押不抵債,國內人士就自動放棄,那些物業在無聲無色之下變成銀主盤,當財務公司出售那些物業,很多時會發覺售價竟然比六七年前,國內人士的購入價還要低,市場上叫那些做蝕讓,不少人覺得很奇怪,如果樓價比六七年前還要低,政府應該立刻撤招,其實,樓價的確比六七年前高出很多,只不過是國內人士非常慷慨,付出相當高溢價,如果大家了解,蝕讓就並不出奇。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 打工仔 Andy 2016-01-07 09:35:41
沙發先!
2. 十郎 2016-01-07 09:37:39


      今日滿缸紅.
3. Alan Pepper 2016-01-07 09:57:41
嗰啲叫做假豪宅。係地產商包裝出嚟的高消費品。
4. 打工仔 Andy 2016-01-07 10:16:57
今年開局勁差股市大插水! 人仔又跌! 唉 !
5. 加拿榮 2016-01-07 10:20:03
又學到野,多謝博士﹗
6. 望東樓 2016-01-07 10:41:21
係呢方面我真係跌爛晒自己啲眼鏡,因為呢啲應該係佢哋最後一筆救命錢,所以好安全。如果呢筆都用埋就收得工返鄉下耕田。
7. 凝風 2016-01-07 10:50:13
認同這講法~
不論貧富,國內人炒股票真係無哂理性。
話時話,國內人投資港樓佔香港比率唔高,又多集中豪宅。
變銀主,出哂黎,我地平民好難執死雞。

我反而想知,銀主拍賣係點流程、點操作。
我地點得知拍賣過程,有無得參與,有無執雞(平野)可能。
求高手賜教~
8. 十郎 2016-01-07 10:51:36


      博一博,  單車變摩托.


9. 路人甲 2016-01-07 12:21:16

賭仔心態, 連磚頭都按埋出去!

唸住一舖可以返晒嚟; 卻沒想到會一舖清袋!
磚頭變左人家的, 令自己焦頭爛額, 何苦呢
善哉善哉
10. 神祈小子 2016-01-07 13:15:24
多謝博事賜教,按照以上說法,國內人士不但可選擇炒豪宅,也可以炒埋細價樓及民生樓,股市的下挫使他們一鋪清袋。

 


11. 真真薯片 2016-01-07 13:40:05
本來以為股市震蕩, 會令發展商劈價散貨

估唔到股市冧得咁勁, 睇黎本來過年前想賣果d盤依家可以放返入雪櫃
12. 西門吹雪 2016-01-07 13:45:10

天天都有新知~FULL PAID物業都可以銀主。比著半年前我估好多人唔信。但博士所講既半年來不斷實現,家下講咩我都堅係信了。

大陸股市都未挫完TIM呀~日日咁溶斷法,如果D大陸佬真係博士講咁玩法,跟住又有蝕讓潮啦。LYC快D拾筍貨啦,拾輸行頭慘過敗家 XDDD

13. 十郎 2016-01-07 14:27:51


      憑吊股戰場(旁及樓民),  錯版滿缸紅.

      怒髪衝冠,  憑闌處,  瀟瀟雨歇.
      抬望眼,  仰天長嘯,  壯懷激烈.
      三十供完塵與土,  八千銀主雲和月.
      莫等閒,  白了少年頭,  空悲切.


14. LYC 2016-01-07 15:48:34
機會係留給有準備的人,現在正是低吸好時機呢!你們繼續等運到吧,哈哈!
好明顯中小型單位租金已企穩,減少少價亦已經有承接,你自己去搵AA或睇下樓問下。
我反而比較擔心博士啲豪宅和你地啲股票呢。
15. 2011年開始 2016-01-07 16:36:20
買樓時full paid不等於以後不借錢
16. 西門吹雪 2016-01-07 16:55:31

LYC兄加油低吸啊~~GOGOGO~~支持X100

17. Tony lam 2016-01-07 17:00:16
如果你博就興家立業、唔博就一世堪呵、輸哂都係得條命、咁就應該瞓身博命、但睇樓上樓下位位精英、早已岸上觀涛、發牙痕算啦!咁多理論數據冇乜用嘅,最緊要荷包漲,好似行街街咁、睇見底買又喜歡嘅,落唔落疊我諗各位精過好多專家、使乜問人意見!
18. 十郎 2016-01-07 18:35:19


      大跌市配合大成交........................凶兆.


19. 引刀一快 2016-01-07 20:06:19
大量唔知椗唔知價嘅大陸土豪,對CCL貢獻唔少。
20. Tony lam 2016-01-07 20:13:24
今年樓市睇落大零樂、落咗疊D百零二佰呎迷你户嘅賭仔,走又走唔甩、頂又供死會、最後可能係自己住、買得咁貴、住得咁細、希望睇開D、唔好咁閉闟啦。
21. 引刀一快 2016-01-07 20:41:11
Tony Lam兄,啜核兼押韵!
22. 向飯民說不 2016-01-07 21:18:32
是豪宅先爆煲,不是細價樓哦。
23. 望東樓 2016-01-08 09:09:37
凝風君, 唔知下面條link幫唔幫到你.

24. 十郎 2016-01-08 13:31:29
      

      凶兆........?

      迷信,  古今中外皆有,  並不中國人的專利,  我列擧2015年香港的異像,  以博大家一笑.

      (1)   2015年6月8日,   赤柱萬魚躍上岸慘死.

      (2)   2015年11月5日, 火流星,  元朗上空出現綠色的流星,  好大,  好光,  好靚.  見過白色的流星,  綠色的,  首次見.

      (3)   2015年12月4日,  屯門天降異像,  群鳥亂飛.

      (4)   2015年12月6日,  城門河發現大量死魚.

      希望是吉, 多過是凶.

      岸上觀濤..............有意思.


25. 十郎 2016-01-08 15:32:10


      如果改成 "上岸觀濤",  會唔會好啲.




26. Tony lam 2016-01-08 15:57:12
而家肯上岸?得 ! 两個字 : 捨得、最多濕多少。

27. 十郎 2016-01-08 16:29:15


     哈哈,  多謝指點 !


28. 引刀一快 2016-01-11 08:36:50
To 24樓 十郎兄

有時海裏出現大量死魚,係人禍,仲係好心人嘅人禍!

依傢好流行嘅集體放生法事,我建議應該要攞許可證!將一桶桶淡水魚倒落鹹水海,真係慘無人道。
29. 引刀一快 2016-01-12 07:10:19

徇眾大大要求,是次活動訂立截止日期,具體程序如下

本年度1月、4月、7月、10月,四個整月爲投票日,其餘日子爲討論時段。

各論者在每個投票月份均可改變立場,順應市況變化,表達睇法。

本活動無比賽成分,亦不設輸贏,旨在加強本年度樓市走向討論縱深度,希望大家踴躍參與。