地產博客 > 文亮語 返回
瀏覽人次:29633    回應:16
文亮語
宋楚瑜做就李登輝做總統
 
湯文亮博士
紀惠集團行政總裁
2015年8月8日

  昨日睇報紙,宋楚瑜又參選總統,今次已經是第三次,唔好講一次,就算三次加埋都唔夠票數做總統,宋楚瑜這樣做,就算唔係明眼人都知道是報復國民黨唔提名由佢競選總統,第三次參選志在拉低國民黨選票,上兩次一勝一負,連戰被佢拉下馬,由陳水扁做總統,馬英九就頂得住蔡英文,今次無論宋楚瑜是否搞小動作,我相信不用選,一定由蔡英文做,國民黨只希望唔好輸得太慘,至於宋楚瑜,就一定輸得很慘,如果我係佢,就一定唔選,留返D時間寫回憶錄好過。

  如果宋楚瑜寫回憶錄,一定唔會寫李登輝點解可以做總統,我從小道收到消息,話說在蔣經國臨終前,國民黨官員問蔣經國誰是繼任人,蔣總統沒有答,但官員不斷催促,總統不厭其煩講了一句話,沒有官員知道總統講什麼,而宋楚瑜曾經任蔣經國英文秘書,其他官員認為他可能知道經國先生噏乜咚咚,宋楚瑜講了三個字,就斷送了他自己的前途,這三個字就是李登輝。

  其實,當時宋楚瑜亦不知道經國先生講什麼,但他熟悉官員名字,農業部長李登輝與經國先生最後所說的音韻相似,於是就話李登輝,結果就是李登輝做總統,之後情況大家都知道,不過都算好彩,沒有將台灣交到日本仔手中。

  在李登輝登上寶座之後,國民黨其他官員才發覺,當日經國先生不是說李登輝,而是他不厭其煩官員們追問,一時之間又未能想到由誰人繼任總統,於是話你等一會,而且講鄉下話,大家都不明白,宋楚瑜將你等一會變成李登輝,國民黨又怎會提名佢做總統,楚瑜先生應該有自知之明。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 歷史長河 2015-08-08 11:30:46
喜見博士將注意力轉移,不再在加息,負資產,爆煲路上深陷。有時退一步,海闊天空!周末愉快!
2. Oscar Lam 2015-08-08 11:43:10
有趣!有趣!

祝博士和各位周末愉快!
3. 引刀一快 2015-08-08 12:11:50
臺灣好多人對宋楚瑜恨之入骨,特別係緑營人,佢屋企厠所門爛咗,話冇錢整,特登俾記者採訪,我識得嘅臺灣人都話臺灣落入佢手就慘,好奇怪,到底佢仲有咩市場呢?
4. 引刀一快 2015-08-08 12:35:17
湯先生,馬英九果次好似係對壘謝長廷。

謝長廷點會係馬英九對手,白曉燕案謝長廷做落咗陰騭嘢,唔折壽都折福喇,偏偏馬英九就正氣凜然,就算冇謝長廷咁醒目,照樣格食格。
5. MY 2015-08-08 13:02:48
應該係第四次參選
6. Passer-by 2015-08-08 14:50:02
It is always amusing to see Dr Tong commenting on Taiwan politics. Make my day. Thanks.
7. 向饭民说不 2015-08-08 15:08:34

看一刀的言论,话饭民支持者都是头大无脑,脑大生草真系无错。宋楚瑜不但送李登辉上总统宝座,仲帮陈水扁打败国民党登上总统宝座,99年不是宋楚瑜抢走国民党大半选票,陈水扁点上到总统。民进党真系多谢也来吾切。

99年宋楚瑜可以抢走大量选票,可想而知,宋楚瑜当台湾省长的时候,民望有几高。台独分子当然忌他,所以最后他被李登辉出卖,无得代表国民党出选。李登辉这个无间道暗地里帮陈水扁上位。

8. 元朗人 2015-08-08 16:52:40
大陸軍力過去十年有很好進展,可惜航空發动機仍差強人意,工業基礎底子不好,否则話語权比現在高。覺得二岸终需—战,可悲及可歎。
9. 引刀一快 2015-08-08 20:17:38
元朗人兄

廈門依家都發展得好好,用富裕嘅生活作為武器,將會係最行通最良好嘅策略。
10. 狗頭貓 2015-08-09 00:57:42

笑話傳了多年 ,印象中李登輝時代 , 台灣經濟強勁 .

今天台灣孤島民主實驗場 , 吸引吹噓全球民主化各界注目, 定必好戲連場 .

11. Lecky 2015-08-09 04:04:44
係真定假啊,博士?係唔係笑話黎架?
12. 引刀一快 2015-08-09 06:42:15
私怨為先而不以國事為重嘅人,當然會俾人唾棄。
13. 向饭民说不 2015-08-10 00:32:25
楼上,中国人的本质就是这样啦,黄尸歹和民进党一样,为了私利,国家利益都可以牺牲。
14. 引刀一快 2015-08-10 02:34:37
說不兄

難得有共同理念!係呀,中國人自私同冇骨氣嘅比例真係偏高架。
15. 向饭民说不 2015-08-10 03:24:49
楼上,马来西亚独立的时候,当时华人占人口比例是40%,控制80%以上财富,如不是华人不团结,政权又点会落入又蠢又懒又穷都马来人。
前排马来发生华人和马来人冲突,见到香港都黄尸歹竟然系支持马来人。华人真系有做东亚病夫都DNA。
16. 引刀一快 2015-08-10 05:29:58
馬來、印尼呢類地方,華人錫身唔俾仔女當兵,有起事梗係俾人劏喇!如果財富運用得宜,攞部份喺軍隊裏面買官,慢慢支配咗軍政,邊個敢蝦D華人?