地產博客 > 文亮語 返回
瀏覽人次:33636    回應:22
文亮語
星期日Q&A
 
湯文亮博士
紀惠集團行政總裁
2015年8月9日

  最近,可能得罪小人,被人窮追猛打,如果那些人夠膽露面還好,可惜他們只是躲在一個名字之後,根本不是好漢,有律師朋友睇到有網站以專欄形式攻擊我,他每日收集,有須要時就會攞出嚟用,雖然攻擊我的人只是一個名字,但還有網站,律師朋友話,當他們寫到得意忘形,過了火位,他便會徵詢我的意見。

19. 不同意兄
我相信你生活得很坎坷,否則被人鬧,被人笑仍可灑脫做人,還將這個錯到不能再錯理念灌輸比其他人,我替你可憐,但我又無法幫你,因為一個笑駡由人的人是最低等,幫也沒有用,他自得其樂,灑脫地做人,不同意兄,我祝你生活愉快。

20.  蔡翁兄
你既然知道蔡東豪叫我唔好追撃林一鳴,應該知道我的先決條件是林一鳴唔好先撩我,否則我即是綁住對手被人打,林一鳴whatsapp比蘋果日報記者話我認輸是出風頭,不是風度,口講無憑,有whatsapp為証,就算蔡東豪都不能話我不守諾言,先撩者賤,你應該明白。
      
21.  珍惜香港兄的加息
今次珍惜香港兄搞新意思,叫大家推測今年會不會加息,我睇回應,應該說不加息的人比加息的人多,甚至以倍數計算,珍惜香港兄並不是第十個人。至於是否加息,我唔作任何爭拗,因為加息的理據一籮籮,不會加息理據又一籮籮,雙方平手,但今次各評論員所說,只是集中九月,抑或十二月加息,很少評論員講明年加息,這是與以往不同,而且,如果明年一定加息,倒不如今年加,因為耶倫已經推無可推,今年不加息,以後沒有評論員會預測幾時加息。而我擔心加息的速度太快,而事實上,美聯儲局應該在去年底就要加息,遲了一年,加息速度就要加快,本來在未來三年,每年加息1%,總共3%,現在可能用兩年時間便會加3%,如果問銀行借了500萬,加息3%,每年要多付15萬利息,怎能夠掉以輕心。
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 嘍囉 2015-08-09 11:02:49
Read
2. 你的支持者 2015-08-09 11:41:50
不要生氣。湯生,加油。
4. 引刀一快 2015-08-09 13:13:12
呢舖我就唔撐湯先生喇,林先生從“捐飯錢謝戰”開始,我一直評價林先生出風頭手段之老練嫻熟,已臻化境,連消帶打堪比後發先至。
遇上呢種對手,唯有打完仗,返嚟食碗辣椒醬。

5. 引刀一快 2015-08-09 14:04:22
呢種手段,煞食之處,在于陰柔微妙不易言喻,更重要係即使言喻,對不少人嚟講亦難於理解參透,而理解者,又礙于要展現大道,羞于以陰謀作論。

6. 普通市民 2015-08-09 14:09:51
2015年08月02日

樓市風雲:樓可以賣 家不可以沽

27,789

89
■香港樓市越升越有,揸樓越久升值越高。 資料圖片

樓價持續上升,未入市的就擔心何時才能入市,入了市的就擔心再不賣樓,就錯過了最佳賣樓時機,究竟賣不賣樓,就成為不少業主現時備受煎熬的問題。樓價升了,當然可以賣樓賺價,但若將樓變成家來看待,就應懶理高價低價,就是不賣。
香港是亞洲的金融中心,港人慣於炒賣股票,故有糊不食罪大惡極的想法,早已深入民心,不少業主仍相信,樓價從那裏升上來,最終就會往那裏跌下去,樓價就好像受地心吸引力牽引一樣,最終就返回原地。
不過大家試想,價格如上升幅度過高,甚至升至太空外的高價,由於那裏已是無重力狀態,再不受引力牽引,所以無論怎樣跌,也不會跌回地上,而現時的樓價已升至跌不回地上的情況。當然這只是理論,不信的,賣樓絕無問題。
但倘閣下想有一個完整的家,還是不賣樓好,租樓與擁有一項物業,是兩種不同的經歷,無論多好的租盤也難給予人一種安逸的感覺,擁有自己的物業對很多人而言,安全感大很多,有了安全感,人自然定,定了,財富就跟着來。
將樓變成家,對它不離不棄,最終它會回報閣下,簡而言之,揸樓越久升值越高。倘閣下揸樓20甚至30年以上,又怎會沒有20倍以上的升幅,因此為了一兩倍的賺價,而放棄20倍以上的升幅,實在可惜。

何熊輝
樓評人


2015年08月09日

樓市風雲:退休無樓將會很苦

18,415

18
■香港的住宅租金升幅仍然持續,租金在未來十年有機會再升一倍。 資料圖片

香港樓價一向高企,不少中產窮半生之力,才可在退休前或後,完成供樓的重要使命。有樓在手,退休理應會比較安逸舒適,但因為現時樓價已很高,有部份看淡後市的中產,在臨近退休前沽樓套現,並在退休後以炒股維生。這種由低風險變成高風險的投資方式,違反了退休追求穩定的一般做法。
不少中產在退休前,要養兒育女,故在退休前很難儲夠足夠的資金退休,因此賣大樓搬細樓,賣新樓買舊樓,以騰出部份資金作為退休日常用途。筆者認識一位退休人士,四年前退休,將原先持有900呎單位賣出,買回兩間400餘呎細單位,一間自住一間收租,再加上有若干儲蓄,現時生活不算很富裕,但總算夠使夠用。
退休後沽樓轉為租樓,風險其實很高,主因是租金升幅仍然持續,以過往十年租金升幅作預測,租金未來十年有機會再升一倍,退休後沒有穩定收入,但仍要負擔持續上升的租金,生活質素很難不下跌。
其實中產退休業主可選擇做安老按揭,既有樓住亦有一定的收入作為日常開支。一般而言,退休生活仍有二十幾年光景,這段期間若要租樓開支是十分驚人的,因此如非必要,切勿輕易賣樓。至於樓價的升跌,也不要着意苦苦跟進,至於那些自認有天眼通的預言家,就任由其他繼續月月估樓價升升跌跌。

何熊輝
樓評人
hohungfai1997@gmail.com 

7. Desmond 2015-08-09 14:12:15
耶倫都說過了,今年會加息。
8. 初學者Tony 2015-08-09 14:32:33
不如轉話題
講下Donald Trump 參選做共和黨候選人
9. 引刀一快 2015-08-09 14:46:07
To 6樓 

簡而言之,揸樓越久升值越高。倘閣下揸樓20甚至30年以上,又怎會沒有20倍以上的升幅,因此為了一兩倍的賺價,而放棄20倍以上的升幅,實在可惜。”

哈哈哈,日本樓市係咪試過20年冇起色?日本80年代經濟咁勁,依傢升20倍未?
如果肯定20年後升20倍,咁賣咗之後,跌大一截買番兩間,係咪升40倍?
梗係賣喇。
10. Desmond 2015-08-09 18:36:48
人們都說這段時間的樓價飃升是因為香港經濟好,低息和供不應求所致,但這些因素已在改變中,為甚麼他們又說這對樓價沒影響呢?


 


11. 舍神 2015-08-09 23:56:35
同意推無可推,明年大選年,要加一定是9月!
但如復蘇是一個謊言,那如不加息就露哂底牌。但如果實質經濟經不起而不加!那一定差得很可怕!
分分钟又qe!
经济好的话,怎么美股表現並不一致?為乜升不破18000?
好想睇睇耶倫可以怎么说,很快知答案!

12. 向饭民说不 2015-08-10 00:59:04
唔使在日日话加息,其实加息最重要都是加息效应,好多人都话,就是加1%利息,对供款压力也不是很大。但是加息最重要都是加息效应,leverage。美国未加息,加息效应,leverage已经影响全世界,美金非常强,资金大量走入美国。今年下半年,香港的实体经济肯定变坏,很多公司会开始裁员,会晤会出现,97年到03年都裁员减薪潮,就好难讲。

黄尸歹讲的民不聊生,可能很快就会到来。
13. 引刀一快 2015-08-10 02:12:10
再QE嘅機率都唔細,我已經驚緊大陸又QE。
14. 珍惜香港 2015-08-10 05:14:19
珍惜香港

博士嘅心情,似乎唔太好。直覺上,可能同我有啲關係,因為我篇召集,導致有人响另一個公開平台度,出咗篇以我網名為題嘅文章。本來都冇諗住回應果篇文章,亦唔想涉及網站之間嘅矛盾,但既然驚動到博士,咁睇嚟我又唔可以唔寫番啲嘢。

我呢篇回應,唔喺特別針對邊啲人。或者應該咁講,有啲人,寸足全場之後,就叫人唔好對號入座。但我就反而希望,每一個睇到我呢篇回應嘅人,都要對號入座

有人話,做人要有品,有風度。究竟乜嘢喺有品?乜嘢喺風度?

唔好見我成日問嘢,就以為我滿肚謎團,我嘅思維,都唔知幾清晰。例如,乜嘢喺冇品?背後講人是非,算唔算冇品?我諗好多人,第一個反應,都會話算嘅。咁不如問下各位,有冇試過背後講人是非?冇?同朋友講呢?冇?同摯友呢?冇?咁同近親呢?同另一半呢?唔好話我知冇,同另一半講嘅嘢,分分鐘唔出得街啦!

如果你同另一半講人事非,而佢竟然話番俾當事人知,搞到你俾人鬧,咁唔知邊個冇品?好多私人對話,根本就唔應該出街。正如早前,唔知邊個咁冇品,將某群組嘅 WHATSAPP 內容公開,搞到曾主席好尷尬。又正如,上次特首選舉果排,我雖然撐唐,但佢將人地閉門講過嘅嘢爆出嚟,都好冇品啫!出動解放軍?關埋門,講下唔得?使乜咁認真?但喺公開咗,就變成另一回事啦!

公開對人、對事作出批評,好平常,不過真喺要注意用詞,用詞不當,亦可以變得好冇品。例如,粗口或者類粗口,好似唔知乜字母果啲,就真喺唔好用啦!好耐之前,我响度用過低唔知乜,結果俾 Admin 叉咗。當時我有啲微言,但因尊重呢個場,之後都唔再用。其實,果個詞語,又唔喺粗口,只喺大家尺度唔同,但既然喺咁,選擇尊重番個主瑒,冇乜蝕底啫?唔通好似班黃虫咁,郁下就擺言論自由上枱咩,做人點可以咁冇品架!

講到風度,法子兄曾經話過,預測唔準唔重要,最重要喺唔準果陣,不失風度。我真喺要一讚法子兄,佢講過就算,唔會死纏爛打,呢啲就喺風度。我地大家都喺自由人,唔好講到自己,好似受咗唔知幾大屈辱咁。呢個世界,好大,好廣闊,邊有人咁得閒成日屈你?成日覺得自己受屈,幾叻嘅才子,都會變成一個流氓。我真喺覺得好可惜!同我講風度?不如我借果一面鏡俾你,照一照自己,睇下你自己咁寫法,幾有品,幾有風度?

兩星期前,我發現博士一個專欄唔見咗,搞清楚後,原來喺一場誤會。點解我會咁著意?因為我認為,如果一個專欄作者,隨便因一時之氣,就刪除自己嘅專欄,都幾冇風度。當一個專欄被刪除,相關嘅所有回應箱內容,都會一併被刪除。唔喺淨喺專欄作者,會花心機寫嘢嘅,回應箱裡面,有唔少文章,都喺好用心嘅作品嚟架!唔通佢地嘅心血,俾你一個唔鍾意,就可以隨便蒸發哂?

關於我果篇召集,之前已經講得好清楚,我一啲都唔希罕「第十個人」呢個稱號。都話,唔喺要焗大家一定要做勇士咯!我只喺請大家唔好淨喺响度爭拗個樓價,而失去對宏觀經濟嘅觸覺。希望大家明白,樓價只喺果,經濟先至喺因,關心經濟,比關心樓價更重要

坦白講,我有少少失望,有啲朋友,唔喺冇嘢講,只喺唔响呢度講。難道,响我回應箱度寫,又有政治考慮?又喺言論自由嘅問題?或者,喺我自視過高,連泛泛之交都不如啦。

定喺,又唔知,邊個冇品,邊個冇風度?
15. 歷史長河 2015-08-10 07:43:40
哈,博士回蔡翁亦有披露Whatsapp 內容。
16. 路人皆知 2015-08-10 08:17:58
只希望這裏不要再隨便刪除回應便好了,我覺得一個咁公開嘅平台,寫了甚麼對與不對,有沒有風度、有沒有品、全部自有公論,除非你看低了在這裏蒲的讀者。

其實我也有一些回應也曾被刪除,想到的原因除了是Admin 兄執法太嚴,亦會對博士有壊印象在想他應該不會那麼小氣吧?若你不淮許人在這裏回應便造成好多怨氣,造就另一論壇。
17. 湯文亮 2015-08-10 08:58:36
珍惜香港兄,
你講到唔知邊個冇品,邊個冇風度,我不明白是指誰人,你在我個場講我屬於挑引,講其他人就是講是非,我更加唔想,網主已經為了你設立一個專欄,就算你要話我冇品,就在你的專欄講,唔好在我的回應講。當日,PP亦有專欄,他鍾意發表數據請在他的專欄發表,點解一定要在我的回應箱內講,成日問我啱唔啱,佢啱即是我錯,我發兩句勞騷,就講到今日,我成日講,躲在字母後的人,他們的說話是沒有份量,唔夠膽見人,講什麼批評人
18. QQ 2015-08-10 11:17:16

糾正:

不是挑引

是挑釁

19. 珍惜香港 2015-08-10 11:53:22
珍惜香港TO:17/F 湯博士

我之所以作出 14/F 嘅回應,喺見到今次 Q&A 博士所吐之不快,我就一廂情願以為喺因為某個網站,有人出咗篇以我網名為題嘅文章所致。有人借我發揮,向博士宣泄不滿,令我深感難過。

如果我會錯意,請博士見諒!

14/F 所提,關於有品、有風度嘅問題,主要喺回贈對方,响批評人地冇品、冇風度之時,先睇下佢地自己嘅發言,喺唔喺觸犯咗同一個錯誤,從而帶出相關議題,希望大家反思。

如果因為我嘅回應,弄巧反拙,令博士更感不快,或引發更多是非嘅話,我願意為此致歉。
20. 路人皆知 2015-08-10 16:24:08
唉買少見少,又少一件!
21. 回頭是岸 2015-08-10 17:21:14
唔好再發表D冇人明既什麼新常態,美國唔加息既膠論。
而家供樓付擔高到無法維持,大陸經濟又走下坡,話樓市唔跌即係引D膽小鬼入市,發言者最多都係話自己估唔準,中伏入市者可以輸十年人工! 
世上冇一樣野只升不跌,唯一例外,就只係人類既貪慾!
22. BBB 2015-08-10 18:19:24
博士你不如每出一個post就lock左佢啦,無謂比D留言影響你嘅雅興,或者淨係剷走哂質疑你留言,論家底論述同人格,邊度搵到個香港人同你fight呀,

你地班友仔呀,下次post D 請教呀,垂詢呀,追問嘅留言時,記住要出埋:近照,資產總值,工作狀況,同埋有冇出過書!如果冇就咪再係博士文章內留言喇,搞亂檔
((((;゚Д゚)))))))
23. 路人皆知 2015-08-10 20:33:50
希望珍惜兄唔會步懶人兄道歉後窩嘢就住就住跟著仲失踪,小了好多精彩回應!實在懷念!