地產博客 > 文亮語 返回
瀏覽人次:34777    回應:21
文亮語
願賭認輸怎會被人話笑柄
 
湯文亮博士
紀惠集團行政總裁
2015年8月7日

  昨日,蘋果雞乸咁大隻字話我認輸,講得冇錯,我真的是認輸。日前,亦有評論員話我的「細價樓爆煲論」被人當作笑柄,我只是很奇怪,在過去幾年,都唔知道有幾多評論員,經濟學家話樓市大跌,連冰河時期都出埋,又唔見他們被人當笑柄,我的爆煲論在各方反對勢力力撐之下,樓市沒有下跌,我認輸,但並不服輸,既然認輸,又怎會被人當笑柄,大把人去澳門賭錢輸到焦頭爛額,但只要他們認輸找數,不但不會被人當笑柄,而且還將他們當上賓招待,更加希望他們能夠輸完又嚟賭過,我認輸,8月14日在福臨門已訂十圍,咁樣做都會被人當笑柄,似乎不合情理,如果我當冇件事,被人當笑柄就無話可說。

  去年我話樓市先穩後升,有評論員唔同意話樓市必跌三成,到年尾,那人不但不認輸,還對我說,樓市預測只不過隨便說說,如果我認真就是輸了,又係我輸。有時我都幾服林一鳴,從來沒有一句挖苦的說話,贏都要贏得有風度,不過又唔明白佢話我出風頭,是我發表「細價樓爆煲論」在先,林一鳴連隨反駁,話當時買樓好過六個月之後買,如果我唔表態,我的「細價樓爆煲論」便失去意義,林一鳴情況同他的老闆一樣,明明證監會查數,佢老闆話冇件事,證監唯有表態,好似今日仲未復牌。

  以前,霍英東做東昇球會的班主兼球員,經常告誡各球員,贏波都要贏得有品,贏的時候唔好玩人,輸的時候唔好打人,是輸打贏耍,不是輸打贏要,如果輸的一方對贏的一方說認真便是輸了,我覺得簡直是冇品,連輸打贏耍都不如,輸都要玩人。

  很久以前,曾經有人問我,什麼人最有風度,我可以肯定地說,認輸的人最有風度,認輸的人在理論上仍未輸,但是大勢使然,始終都會輸,何不早一些認輸,而我又明知道在任何情況下,顯示樓市的指數都會上升,股市升,分析員表示股民在股票賺了錢而買樓,所以樓價升,股市大跌,佢又話國家暴力救市,樓價一樣升,既然如此,何不早一點認輸,現在我是無條件認輸,又點會被人當作笑柄,笑我的人似乎欠缺一點風度。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. David 2015-08-07 09:18:39
湯博士, 由你的爆煲論開始, 本人風雨不改, 星期一至星期五, 早上9點, 必讀你的文章. 我認為能笑到最後的才是贏家!
2. 引刀一快 2015-08-07 09:21:43
肯認輸嘅人,最怕遇到D人食住上,夾硬話你輸十次。

其實,點解D友仔會咁?因爲佢地嬴一次都唔容易,梗係要有風駛盡𢃇。

人地講中嘅嘢,唔通佢地會提咩。
3. 引刀一快 2015-08-07 09:29:28
當時買樓好過六個月之後買”

呢句話閃爍其詞,耐人尋味,我㖮咗幾個月喇,仲係有得着。
4. JL 2015-08-07 09:49:22
雖是輸了,但是漂亮。我認為是值得讚賞。
6. 路人甲 2015-08-07 10:51:10

WIN OR LOSS 其實都不重要, 帶出左信息叫大家小心買樓就是'心安理得' 博士!
不要太介懷!

我始終覺得輸又好, 贏都好, 就好似打羽毛球一樣, 有來有往, 輸又又如何, 至緊要享受過程.
現今社會的小孩子更應該從小便教他們去比賽, 去做運動, 去欣賞別人的長處, 當中輸贏都會很享受, 才不至於到長大了, 就受不起踤倒失敗的難受滋味.

歷史中的偉大人物也好, 難道每次打仗都一定WIN嘅咩?!
7. 路人皆知 2015-08-07 10:52:00
其實輸贏不是重要,尤其是像樓市股市之類既猜測,我相信只有God 知道!

只要雙方遵從訂下