地產博客 > 文亮言 返回
瀏覽人次:28029    回應:12
文亮言
評級機構從未估中過
 
湯文亮博士
紀惠集團行政總裁
2016年10月6日

  外國評級機構繼續將香港評級降低,Noted,今次由第7位降至第9位,連金管局陳總都忍唔住,發炮話那些評級機構從未估中過,其實,任何一間國際級評級機構都是投放了大量資金作研究,而他們的工作亦只是研究,如果話他們的評論靠估已經是侮辱,仲話他們從未估中過,大家話那些評級機構的顔面何存,但又不能夠反駁,因為陳總說出的是結果,是事實,其實,那些機構大多數預測準確,不過,他們沒有將預測結果說出來,並且反其道而行,變成從未估中過。

  本地有一些評論樓市的專家,是真正的專家,並不好似我是靠估,當他們在今年三月評論樓市時,揚言樓市進入蕭條期,樓價將會下跌三成以上,呼籲政府減少供應,當時有記者問我,我話唔會,因為國內去庫存計劃產生不少購買力,從而刺激起打算買樓的香港人,樓價不會下跌超過10%,以樓價指數來說,下跌不會超過120,當時指數大約130,記者唔相信,佢話人哋有晒數據分析,我隨口噏,不值得相信,正所謂信不信由你,但記者有所不知,我睇到,點解他們睇唔到,只是他們沒有將真相說出來,話樓價下跌,是希望有業主願意割愛,他們便可以多做生意。

  評級機構唱好星架坡,唱衰香港,星架坡什麼都是第一,香港最多都是第七,但他們從不提及結果,就是星架坡樓價連續下跌七年,香港則連年上升,如果什麼都得第一,樓價又怎麼會連年下跌,其實,評級機構是有偏頗,因為希望更多人投資星架坡,但很可惜,星架坡人唔爭氣,一定會有人很奇怪,點解評級機構唱衰香港,很簡單,因為評級機構知道有大量外資公司準備投資香港,唱衰香港,令到香港人在沒有迫切性情況下出售他們的資產,外資公司就得其所哉。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 占士 2016-10-06 09:49:21

博士,早晨!評級機構唱好星架坡,唱衰香港,為有心投資香港的外資機構創造條件,真的是用心良苦。所以說,被評級機構唱好不一定是好事,唱衰也不一定是壞事。哈哈哈

5. 全中 2016-10-06 11:50:01
完全同意, 同大行報告一九樣, 寫升叫你接貨, 寫跌就入你d貨, 不過最緊要係時間, 人地會喺特定時間做野, 當然唔會話你知幾時
6. 鄧學士 2016-10-06 12:37:57
如此,評级機構是最早卑鄙的,畜生也不如!
7. Tony lam 2016-10-06 13:14:29
十幾年前歐美日唔想中國掌握D高科技、星加坡都仲有R&D嘅優勢、但今日唔洗你過料、R&D阿爺自己識開新路、星加坡佬都算醒、開賭-諗住多一瓣、又比澳門食住哂、咁星加坡樓買嚟托咩!


8. Tony lam 2016-10-06 13:19:30
金融財資呢?呢瓣最講食力、環顧地球、招積又係事實、阿爺真係second to none !