地產博客 > 文亮言 返回
瀏覽人次:23600    回應:6
文亮言
海外投資篇之人口流動
 
湯文亮博士
紀惠集團行政總裁
2016年9月19日

  有年輕朋友打算在海外買樓,自己又唔做決定,問我那裡比較好,我話,我不能夠俾任何意見,如果揸不定主意的話,不如接受大多數人的意見,年輕朋友唔明白,我話即是留意某個城市或者地區的人口流動性,如果人口不斷減少,在那裡買物業投資,現在的回報可能唔錯,甚至高過其他地區很多,但愈來愈艱難搵租客,回報亦會愈來愈低,屆時,要將物業賣走亦不容易,以美國底特律為例,這座汽車工業城在全盛時期有超過三百萬人,生產力足夠,消費強勁,租金回報不俗,現在只有大約一百萬人,而且以老弱人士居多,如果當時投資底特律,可以說輸多贏少。

  倫敦本來是一個值得投資城市,取代紐約成為世界金融中心是指日可待,但唔知點解忽然脫歐,倫敦重要地位要重新評估,本來人口與日俱增,但脫歐之後,金融人材離開,雖然樓價已經有十幾個%跌幅,但似乎仍然在下跌軌跡,是否值得投資,就見仁見智。

  不過,凡事亦有例外,星架坡在過去幾年,人口大幅增長,但很奇怪,樓價亦拾級而下,2013年至現在,樓價已經下跌超過兩成,箇中理由是非常複雜,雖然有星架坡這個例子,但以人口流動來推算一個城市盛衰以至是否值得投資,我仍然認為是一個值得參考辦法。

 
 
我要回應
我的稱呼
回應 / 意見