地產博客 > 文亮言 返回
瀏覽人次:25380    回應:25
文亮言
投票的人是輸家
 
湯文亮博士
紀惠集團行政總裁
2016年9月4日

  過往每一次無論是區議會或者是立法會選舉,我一定會投票,每一次我對我所投議員寄以厚望,但很可惜,即使我投的議員勝出,他們大多數做唔到競選時承諾,我的小小願望當然是落空,久而久之,我對他們都已經灰心,我發覺落敗的競爭對手並不是輸家,我才是輸家,所以,我決定今年不投票,唔做輸家。

  今日唔投票,心情相當輕鬆,行過票站見到有人為了投票竟然被抄牌,覺得相當不值,或者可以叫做賠了夫人又折兵,有老友問我,點解唔去投票,我話新一屆立法會無大作為,議員們都會在爭爭吵吵,打下拉布度日,如果投了票支持他們,實行被激死,所以,唔去投票就是最高行為,話之立法會搞到亂七八糟,如果有人問點解我投的議員搞到立法會亂七八糟,或者,我投的議員唔制止搞亂檔的議員,我會理直氣壯話,我沒有投票。現在,我只有一個希望,就是當選的議員不要令到他們的支持者做輸家。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 上了車 2016-09-04 18:09:28
沒有投票系最理智的,不如留在家中數銀紙最好,看看最近股市樓市贊左幾多
2. 打工仔 Andy 2016-09-04 18:40:19
講真, 想清想楚是投不落手的, 所以今早未醒晒就落街投票, 跟住再訓過, 我是輸家了! 呵呵!
3. Oscar Lam 2016-09-04 18:53:12
一会和太太出去投票。過去四年雖然建制派的表現令人失望,但我們還是会投建制派一票。我們的要求很簡單,我們不要求那些議員有所作为,但起碼不要搞乱香港。如果大家不要一個港獨、占中和拉布的議員,是時候利用我們手上寶貴的一票了!
4. 選舉前選舉後 2016-09-04 19:16:16
5. hongkong people 2016-09-04 20:06:13
我都做了博士口中的輸家, 其實輸贏不重要, 只想憑良心為香港略盡綿力罷了.

6. 占士 2016-09-04 20:16:25
今天對我和太太來說是一個很特別的日子, 上午我們簽了一份物業買賣合同,下午就一起輕輕鬆松的去投票。 香港人參與民主政治方面表現沒能盡人意,但至少我們還可以去投票,比起我們內地的朋友,已經比較不錯了,我們非常珍惜自己享有的這種權利。
7. 西歐民主 2016-09-04 21:12:05
有得選擇係味好,你看看西方民主怎樣?叫人民勤力D做野都暴動,民主,即是一大班人打刧政府而已
8. Ca1on 2016-09-05 07:26:29
Facebook 個 app 昨日一開就叫我去投票,一間美國公司產品叫我去投香港嘅票。然後每一個POST 都係一啲激進派似是而非嘅謠言去令人投「憤怒」票,其實咁樣宣傳,除咗十八廿二一腔熱血會俾佢引導到去投某啲人之外,對其他人而言會有反效果。最近一兩年發生嘅事令我改變咗過往十幾年嘅投票取向。
9. 引刀一快 2016-09-05 07:30:32
大家早早主動去適應大陸生活,咁就唔會水土不服。
10. 向飯民說不 2016-09-05 10:25:46
引刀,大陆生活点都好过中东的民不聊生的生活。更何况你也证明了大陆生活一样好幸福。
11. to 9/F 2016-09-05 11:01:09
你就是第一個啦!你立于不敗之地!
12. hongkong people 2016-09-05 11:04:22
刀兄,

大陸生活幾好呀! 你都身體力行咗咁多年啦!

我都成日睇咁係大陸邊個城市可以住下抖下暑, 香港夏天有D難頂, 可惜大陸大部分嘅一二線城市仲熱濄香港, 唔係我就每年夏天上去住兩三個月.
13. 路過的人 2016-09-05 12:00:48
http://hk.on.cc/hk/bkn/cnt/news/20160905/bkn-20160905104300812-0905_00822_001.html

我本來都想輸,但看見有些極度無恥的小人后,我想我的輸贏不重要,香港是不可以輸的。
14. Koichi Fuyumi 2016-09-05 12:56:45
投票是公民義務,如果覺得所有議員都不合自己心水可以投白票。
15. 顏色革命又近一步 2016-09-05 12:57:44
看選票,應來不遠
16. 向飯民說不 2016-09-05 13:09:35
人生不如意是10常89,有得必有失,引刀在大陆生活,肯定也是属于幸福那种,点解不知足,不感恩。
当初引刀去大陆的时候,大陆人真系食吾起茶叶蛋,方便面,但是今日基本上富足,而且有追上香港之势力。
至于甚么投票权,和言论自由,港英时期一样吾比你。你连说声反对也不能。
至于最后的法治,成为法治,败也法治,选择法治同时否决了创新。香港人只有继续发展金融旅游,或者打政府工,或者玩激进骗个议员做。创新就免了。
17. 引刀一快 2016-09-05 13:18:00
HongKongPeople 女士

如果你怕熱,可以去連州市,得閑上山游山溪水,水溫長年低于20度.

建議你過嚟依傢樓市熱爆嘅佛山睇下,幾年之內鋪晒地鐵,唔限購,依傢萬幾一方嘅住宅都唔錯,最好咪買公寓。我有朋友做緊個盤對正千燈湖,幾好。僅每年兩三個月的話,唔一定駛買嘅。

佛山好多嘢食,好悠閑,剛剛搞緊個嶺南新天地,係上海姑爺嘅,好正嘅理念,附近買間住下都幾好㗎。

其實依傢交通咁方便,有時間就個個城市住下,環遊中國同環遊世界,精神層面嘅獲益係不遑多讓。
18. 引刀一快 2016-09-05 13:19:45
To 11樓

不敗之地又唔敢講,不過爽過淨係喺香港咁囉。
19. 引刀一快 2016-09-05 13:20:38
向飯

中東都要睇邊度啫。
20. 向飯民說不 2016-09-05 13:52:12
引刀,中东那些无发生颜色革命的地方,无被美国佬玩的地方,就ok啦。
22. 引刀一快 2016-09-05 14:37:23
向飯

神經喇你,中東邊度冇美國佬冇蘇聯佬?
23. hongkong people 2016-09-05 16:32:06
多謝刀兄指敎. 但廣東省同太小鎮嘅地方唔多係我杯茶.  佛山嶺南新天地已去過,真不錯, 規模仲大過上海新天地, 但佛山夏天都好熱, 同埋我鐘意大城市; 其實我有諗大連, 夏天比較涼D,又多海鮮,城市之建設都好, 另外昆明都係我嘅考慮之列, 今年夏天剛有事, 如果唔係就去昆明睇下環境, 周邊旅遊資源又豐富....
24. 引刀一快 2016-09-05 17:51:16
HongKongPeople女士

如果你真係要避暑,不如過南半球好過,中國西北地區都可以,因爲乾,所以唔覺熱。

推薦廣東省係因爲交通方便,來囬隨意輕鬆。

昆明都唔錯,長住就咪拘,紫外綫好犀利,日日要擔遮。
25. 路過的人 2016-09-05 18:42:06

陳方安生孿生胞妹 1.48億沽壽臣山洋房 有沒有啓示?

26. hongkong people 2016-09-05 19:06:33
澳洲我亦like, 不過紫外綫同样勁;加拿大都唔錯,只係長途D