主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26215    回應 : 4
文亮言
機會
 
湯文亮博士
紀惠集團行政總裁
2016年7月12日

  在過去的星期日,歐洲國家盃決賽前一日,馬會將譚校長,阿叻,沈大師和我分成兩組,校長同阿叻支持法國,大師同我就支持葡萄牙,供投注的人參考,當日,有不少人WhatsApp問我點解會支持葡萄牙,牌面上法國高好多,是不是因為在澳門出世,支持葡萄牙是情意結,我並沒有否認,但我亦有確實理據。

  無可否認,葡萄牙在牌面上是低於法國,算得上是世界級球員的只得三人,除C朗外,只得門將及一個守衞,這樣陣容根本很難擋得住法國,但我以投資角度去分析那場比賽,就好似一位現金不多的投資者,他每一次投資都會非常小心,要把握每一個機會,勝算機會亦大,但對於持有大量現金的投資者,他們可能並不在意每一次投資,尤其是那些金額不大的投資,所以,他們的勝算遠不及那些資金不多投資者。

  C朗知道,葡萄牙陣中能夠數糊的人不多,他會很小心把握每一次機會,與他在皇馬的時候不同,在皇馬,就算他浪費了一些機會,還有巴利等等可以補救,所以,我認為即使葡萄牙機會不多,一樣可以擊敗法國。

  我想得到,法國教練狄甘斯又怎會想不到,他用了周星馳在「少林足球」裡的二人夾撃戰術,C朗在二十分鐘便要退下火線,在這個情況下,葡萄牙根本沒有機會,但法國沒有趁C朗離場初段狂攻,給予葡萄牙一個喘息機會,在C朗離場後,機會並沒有失去,而是分配俾仍然比賽的葡萄牙隊友,再加上鬥志,葡萄牙最後贏得歐洲國家盃。

  不過,實話實說,法國隊的陣容的確強大,如果他們能夠把握機會,下一屆世界杯冠軍,就應該是法國。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 引刀一快 2016-07-12 12:10:37
係因爲C朗最近時來運到,洪福齊天一時無兩。死對頭美斯差一脚失美洲盃嘅時候,我已經隱隱感覺到C朗捧杯嘅可能性,個人命運有時可以影響到國家層面,都幾奇妙。
C朗當日比賽嘅肉緊、離場嘅不忿、得獎嘅快感,以佢嘅性格,絕對同美斯有唔少關係。
2. Tony lam 2016-07-12 12:13:19
老湯唔記得咗財不入急門 ?  輕率點可能剩到資金多 ? 托番嚟嘅例外、銀両唔多先至多猶疑、底唔敢撈、高就怕執輸、世間事金字塔型最穩定、個個都發達當家作主一定冇寧日。

陰陽正負相生相剋、冇咗C朗、對方冇咗目標唔覺意鬆咗啖氣、隊友冇咗倚仗、自我積極性唔覺意高咗、交波目標主觀冇咗、後備上陣條友射波冇包袱用直覺、唔係負轆㗎。
3. Tony lam 2016-07-12 15:41:05
世事如踢波、南海仲栽菲佬比歐美大佬揾咗笨賊、結果唔重要得啖笑、但比咗位阿爺使橫企硬、唔傾對阿爺最有利、贏咗仲裁輸咗實利菲佬都明嘅 !

最高手法: 大佬識做揾個籍口柙後裁决、比菲佬下台階啦!
4. CD ROM 2016-07-14 11:58:49
有一個fact唔知大家同唔同意, 整傷c7既皮耶, 係之後既大部分時間都無左影......... 仲要第1個被換走..........

呢個係一個x-factor...........