地產博客 > 文亮言 返回
瀏覽人次:45635    回應:52
文亮言

從加州健身看香港經濟

 

湯文亮博士

紀惠集團行政總裁
2016年7月13日

  現在香港經濟的確不妙,不少大型連鎖健身中心面對困境,減少分行是其中一個方法,但這會做成對顧客不便,就算唔即時退會,新收會員亦會減少,所以,非迫不得已,都唔會減少分行數目。一向以來,那些以收取會費,服務費,教練費等健身,泰拳中心等都只會愈開愈多分店,但當經濟轉壞,一般市民如果收入減少,首先就會考慮削減一些不必要的消費,那些中心就會首當其衝,收入就會大大減少,而且因為以前不少顧客買下了數量相當龐大課程,雖然收入減少,但工作量就沒有減少,開支亦不會減少,如果中心不是有足夠儲備,除了減少分行之外,就是索性結業,將以前收落的顧客預繳費用一筆勾銷,待經濟環境轉好時,再重張旗鼓。

  所以,當大家見到一些大型連鎖服務中心結業,表示社會經濟惡劣,因為這不會是單一事件,今次加州健身中心匆匆結業,令市民有了警覺,知道其他類似中心亦好不了多少,參加的人就會減少,做成該行業的收入減少,繼而影響香港經濟,估計類似事件會陸續增加,大家在未來兩三年就要非常小心,因為經濟轉壞現在才開始,距離最壞情況尚有一段距離,千祈唔好胡亂投資,有錢傍身就最緊要。

  有人問我,大家都知道現在經濟轉壞,政府沒有任何挽救香港經濟方案,特首點解可以有心情帶領幾位高官到沙灘執垃圾,我都唔知點解,可能是個人行為,某些人包括在下,如果有重要事情未有方法解決,就會做一些鎖碎的事,將注意力分散,稍後再重新思考解決方案,現在惟有希望政府唔好以打擊樓市為己任,經濟轉壞,樓市亦不會好,實在毋需刻意打擊,倒不如考慮將市民這幾年在供樓儲落的資金發還給市民運用,這對於轉壞中的經濟是有幫助,不過,我知道我的想法是痴人說夢,我亦相信政府早已有一套挽救經濟方案,問題是現在經濟環境並不很差,市民還未到達水深火熱之中,政府暫時仍靜觀其變,各位就要自求多福,靠自己。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 區區 2016-07-13 09:22:09
經濟差對樓市有乜影響呀?我以為經濟差只會減少年輕打工公收入,但而家系成功靠公按,總之老豆有錢咪得羅。老豆錢可以支持樓市的高峰的。
2. 政治問題 2016-07-13 09:57:14
"限奶令"仲未取消......"救市方案"想出黎都無可能.....
3. 人在天堂 錢在銀行 2016-07-13 10:08:43
就算經濟差少少, 都總有人"看破"樓市升上火星的原因... ...

689唔洗理, 因為有人自己都會感覺良好
4. 引刀一快 2016-07-13 10:20:51
取消限奶令就係死多死。

1,向大陸同胞表明利益主宰法治,香港法治精神嘅光環褪色

2,一人可以不限帶奶,入境旅客會减少

3,香港奶貨源質量極可能下降,此消彼長,壞了金漆招牌

4,本來限奶就係上邊嘅意思,要撤就要等聖旨到
5. Tony lam 2016-07-13 10:33:29
預繳式消費係龐氏諞局一種嚟、當新錢唔夠維皮時、爆煲係唯一結果、不因經濟好壞而改變。

商品價格全球透明、地產再爆升、租金冇得平、到時旺丁唔旺財、天價租個黃金位、衹係免費show room、睇咗去網上買、或者去第度買平D。

6. 政治問題 2016-07-13 10:37:28
宜家就係 坐等......死撐"限奶令" ,搞驅蝗 的泛民.



收口認錯
7. 經營不善 2016-07-13 10:38:34
加州健身本身經營策略不善, 不可持續才是主因
8. 一市民 2016-07-13 10:46:05

本人覺得香港經濟目前還是很好, 本地消費力強勁假日時候商場依然人頭湧湧, 比如說,太古城吉之島裝修完畢重新開業, 排隊購物的人多到不知道的還以為有免費大贈送 平日APITA超市95, 又是一窩蜂的去掃貨, 其實賣的商品一點都不便宜


加州健身的個案, 根本就是那家公司的經營手法有問題該店出名經常強迫或欺騙無知婦孺老人簽下巨額, 一直以來都遭人垢病, 並不能代表香港經濟轉弱

9. 就事論事 2016-07-13 10:46:06
原來加州12間舖一個月租金就要1900萬...咁我諗大家都明白咩野係搞死加州,搞死香港經濟的罪魁禍首了...
10. 一市民 2016-07-13 10:48:18

同意樓上TONY LAM 見解。

11. 引刀一快 2016-07-13 10:48:24
大陸依傢猛show肌肉,呢幾日微信裏面嘅軍備調動視頻鋪天蓋地,不斷有新嘢,東風21特登唔用布冚住,槍已經擦緊,千祁咪走火。

經濟浪未捲完,先嚟戰爭地震,都唔知好事壞事。


12. 你班好友 2016-07-13 11:05:23
你班好友剩係識講樓市上火星,完全網顧香港經濟環境。BURGER KING,DSC,亞視,到而家健身中心都係經營不善。。。咁又唔見經濟好時佢地一鍋風咁拾粒??? 經濟差自然由經營不善的開始先結業,之後陸續有來。真可笑,連這麼簡單的道理都唔明。
13. Tony lam 2016-07-13 11:08:14
呢兩個星期玩衝浪、玩咗兩個靚浪、今早收板抖下、係度再發牙痕。
14. 你班好友 2016-07-13 11:10:42
哪些經營妥善,資本雄厚既公司,响呢個時候咪栽員減薪囉。不知春江水暖,仲夠膽自稱"投資者"!!
15. Newton 2016-07-13 11:26:04
如何經濟差,相信會對政府管治及政策推行會有一定難度。要連任時就算中央指定,但民間的反對聲音必定很大。這點冇理由唔知??
16. 能否把握機遇 2016-07-13 11:54:16
"一帶一路"排隊中的項目, 最少要集資 幾萬億港紙.
把握到......香港就發過豬頭吧.....
17. 失憶 2016-07-13 12:41:47
如果我冇失憶,博士已經講過樓市最壞情況已經過左,我亦非常同意博士的睇法。而家香港的業主大多供滿物業,而成功亦需父幹,後生的又有父母射住,就算經濟最差的情況未到,樓市最差的情況亦已先過去。
再推想,經濟差,物業投資已見最差,自然比其他投資安全,大家都想到呢點,樓市冇得跌,cy為什麼要減辣?
當然,貧者愈貧,富者愈富就一定會加速出現了,可能買樓自保才可殺出一條血路。

18. 女子友 2016-07-13 12:46:30
樓市升會帶動經濟復甦
19. 香港土著 2016-07-13 13:49:22
哩句唔係好明,「考慮將市民這幾年在供樓儲落的資金發還給市民運用」 <<< 即係放寬樓按成數等供樓人士re-mortgage變現?
20. 香港土著 2016-07-13 14:16:06
博士已經講過幾次,樓市調控措施要趁大跌市之前做,哩點確係有道理。

但坊間有唔少人認為,樓價唔會大跌,潛在購買力好強,持貨力好強,整體按契成數低,發展商資金充裕唔會過量推盤...... 

(淨係哩個論壇都有唔少類似超牛觀點 -- 火星論、訓街溫馨提示、有樓先有條件移民、樓價越貴城市越強......)

若然上述「樓市強力部門」能夠代表市場大多數的話,即係根本唔會出現大跌市,減辣放按契成數又從何說起呢?




21. 回17 2016-07-13 15:55:27
好像沒有看到博士說最壞情況已經過去,可以給我相關的連結嗎?謝謝
22. Tony lam 2016-07-13 17:13:45
香港樓價已到臨界點、再升政府為平息民怨、焗住真係整多D公營房屋、、到時信心一失就好大劑、尤其係呢兩年當旺嘅細單位、賺咗收下手啦!咪為博大利本無歸呀!

政府點解將重心同銀両引去西九、郵輪碼頭、高鉄、擴建機場D大project呢?叠水政府唔想D銀注咁多落公營房屋、推冧地產、CY真係熟行㗎  !
23. 引刀一快 2016-07-13 17:35:34
土著兄

“樓市強力部門”

哈哈哈哈,仲勁過樓市塔利班!
24. 真真薯片 2016-07-13 18:46:57
其真樓價一直係靠控制供應去浪住而已

發展商想賣萬四, 就推少少萬四睇下去唔去到, 去到貨就慢慢擠, 一冇承接就唔推, 等購買力累積夠先再推

呢招已經行左十年, 今年承接力弱, 發展商要價又高, 所以上半年一手成交唔夠6000, 理論上如果發展商無視貨尾壓力, 一於拖長20年慢慢賣, 除非政府推大量居屋同時大幅提高居屋入息限制, 搶走市場上既購買力, 理論上發展商可以無限浪價直到永遠, 除非有發展商劈價推盤而且數量夠大, 否則發展商同業主齊齊囤貨, 急賣既業主少過一定要買既用家既話, 經濟再差樓價都好難跌
25. 秋水 2016-07-13 18:55:12
都係果句啦,香港樓市在火星,不受經濟、供應量、失業率、人口老化等地表問題所影響,而全世界只有港樓值得投資或避險,其他國家地區、股票、黃金、石油等投資都係垃圾,熱錢只會單向流入香港樓市,有入無走,香港樓價只升不跌,有買貴無買錯,唔追價托市就係傻仔走寶,等訓天橋底
26. 二少 2016-07-13 19:08:35
咁即係供应其實係控制係發展商手裏?
27. Carson 2016-07-13 19:40:38
小弟愚見認為近十多年的新樓及半新樓多數都有會所及健身室,再加上經濟唔再火箭式上升,公眾唔係多錢都亂咁駛的話,對California fitness 呢類健身中心嘅需求只會越來越細。
28. 黑馬 2016-07-13 23:01:10

朋友,政治和經濟本來就密切相關。

CY想要連任,鏡頭前就走中間路線,鏡頭後就聯繫商界 --- 摸底戰略。

要知道,目前的情況是 張生要求商界支持特首,商界就話未來特首不一定是CY--- 大家正處於博弈中。

29. Koichi Fuyumi 2016-07-13 23:03:04
大集團可以慢慢賣,但細公司唔可以,大陸公司更加直情好似有政治任務禁去買地起屋。

CY其中一大得罪發展商的技巧就是將土地切細來賣。以前塊塊地都百億地王,細公司根本無資格玩。最記得趙世曾要去到長洲先買到地起新趙苑。買到仲要笑到見呀唔見眼...家下啲地拆細咗嚟賣,就多番一啲細發展商。

同埋以前大發展商一起唔買地成日流拍(不要誤會,我意思是各大公司估價專業,所以出價接近),家下只要政府出地,有法律風險都好,中國發展商一樣去搶。 
30. 浪子心聲 2016-07-13 23:51:15
我都幾認同財爺嘅睇法,香港經濟不是太差:

財政司司長曾俊華表示,香港經濟不會陷入衰退

曾俊華接受英國廣播公司(BBC)訪問時表示,香港今年第一季經濟較為困難,但第二季況看來不太差,他又認為,香港不會陷入技術性衰退。

對於有分析指,香港是受英國脫歐影響最大的亞洲經濟體,他表示,香港跟英國之間的貨物和服務貿易關係不大,並相信對金融市場影響最大。

內地方面,他亦指脫歐構成的直接影響不大,原因是自2008年開始,經濟常態出現變化,出口型國家表現乏力。

32. 引刀一快 2016-07-14 08:29:01
To 25樓 秋水兄

同意,引刀覺悟了,呢個確實係宇宙間嘅共識,兄台心水清。
33. 神算 2016-07-14 08:40:58
29樓,同意閣下看法,而家地產商亦有不買地的風險。
34. 西門吹雪 2016-07-14 09:55:15
KF 所言甚是,其實政府正在打大老虎。深究其目的,我覺得係基於政治因素,只是美其名反地產霸權。

至於經濟係咪差,個人認為現在已經係半浮面(者係差少少先衰到出哂面)。最攪笑D人未被人抄,未真正俾人減薪,公司未栽員,都仍然話"經濟好好Y,無咩事呀"。好像鴕鳥一樣,真的好攪笑。不過話說回來,經濟差係咪代表一定樓市大跌??家下既3D辣椒,其實某程度保護住樓市,刀有2面,雖然辣椒限制左升幅,同時亦限制左跌幅,令業主更有防守力去面對較差既經濟,個人認為,沒有大新聞,短期樓市只會窄幅波動。想樓市跌多3成會很難,想佢上火星亦很難
35. 真真薯片 2016-07-14 10:58:17
29樓, 

中資發展商是否執行政治任務, 平賣樓打擊樓市幫政府打地霸, 或者等到啟德一號開價會有啟示

至於中小班發展商, 唔知岩岩開賣既深水埗尚都算唔算? 睇佢開價都唔算係劈, 當然將來劈唔劈就唔知, 起碼依家唔洗劈先
36. 真真薯片 2016-07-14 10:59:52
吹雪兄, 在下相當同意閣下睇法
37. CD ROM 2016-07-14 11:34:34
引刀兄,

強力部門 > 塔利班, 果然係愛國份子!!!
38. CD ROM 2016-07-14 11:47:57
西門兄,

經濟差對大部分打工仔, 特別係固定糧果d, 其實好難真正感受. 簡單來說當一間500人既公司, 可以睇晒公司成盤數既人可能都係5個左右, 其餘呢495人其實未到栽員減人工, 都只係一句"公司生意麻麻"... 

加上栽員, 減人工, 好多時都係生意差左好一段時間後既行動, 呢個time lag閒閒地都超過一年ar.

同意你對3D既形容, 限制了升跌.
39. CD ROM 2016-07-14 11:54:34
經濟差 = 樓市跌 ???

呢個真係一個好topic值得大家好好討論ar~~~
40. 好 2016-07-14 12:00:25
其實加州係俾第一手分晒啲利潤。
41. 西門吹雪 2016-07-14 14:06:11
哈,真真兄不嬲都同小弟看法相近。

CD兄,可能我對這裡的師兄師姐既EXPECTATION太高吧,有幾個單位,我就覺得佢地應該會係0個5個,而唔係0個495個,其實真係諗多左,哈哈

3D限制了升跌,其實應該對長線收租佬有利,因為唔會有太多波動,長時間無驚無險印印腳收租。反而係對我呢D抱住投機心態睇樓市既人就不是太好了。小了波幅,就小了投機機會...唉,好懷念個D幾年內大升幾倍既日子...做盡槓桿,大升幾倍就變了大升幾十倍...
42. 林師奶 2016-07-14 14:39:21

世界已經變了許多。想起以前申請按揭貸款是挺容易的事,但利息就非常厲害P+x% 現在申請按揭貸款就艱難多了,但利息和優惠就非常吸引。只要過了罰息期,在同一家銀行填一份表格,就可以把按揭利率再調低,還有現金回贈,也不需要涉及律師。間接把貸款利息又減低了。

也不知道香港經濟會差到什麼程度,但年年難過年年過。當大家都會怕的時候,大的災難都容易面對,因為大家都有兩手準備。

43. CD ROM 2016-07-14 15:15:20
香港人其實係好頑強同靈活, 絕對係世界首屈一指既~~~

話說上週日我去探家人, 大終2:30左右, 有人建議飲茶, 本來想呢個鐘數剛下午茶時段, 等得位來實餓死啦, 點知一出lift望見稻香面口, 乜話??? 小貓三幾隻..................

視線轉大約90度, 下午茶時段既大家樂, 20人既人龍買飛, 另一條30人既人龍等拿食物...........

如果係一年前左右, 情況真的是這樣嗎???
44. LYC 2016-07-14 15:48:40
45. 引刀一快 2016-07-14 19:19:53
CD ROM兄

其實飲茶唔貴過大家樂㗎,如果叫齊特價嘢,食到飽人均50都唔駛。

走晒去大膠鑊係心理作用,以爲快餐平,加埋單拖唔想飲茶咁解啫。
46. Carson 2016-07-15 09:57:02
大膠鑊係個面價同茶記差唔多, 但一加嘢飲你就大膠鑊, 可以話, 全間大膠鑊最賺錢就係水吧.
47. CD ROM 2016-07-15 11:25:57
Carson兄,

自從凍飲+3蚊之後, 我飲多左熱飲, haha~~~
48. CD ROM 2016-07-15 11:26:08
刀兄,

1倍度啦, 因當時已出下午茶(亦係多人既原因), 平均30蚊內一個餐. 多數幾個人一家咁, 唔係單支.


49. Tony lam 2016-07-15 12:56:48
英國佬D嘢要學嘞 ! 脫歐其實一早係共識、但要長短棍、攪掂之後前鋒就褪呔避鋒頭、擺番個留歐做阿頭、有乜唔掂容易卸責又易解釋、更同對家冇咁難傾。

脫歐英國似甩繩輕鬆好多、起碼國家安全唔會冇掩鷄籠、法國又一單恐襲、D人睇通咗就知有銀除投資需要以外、都要生活得安心。
50. Carson 2016-07-15 13:56:39
法國恐襲之後, 之前投完脫歐又後悔嗰班而家又會慶幸自己脫咗歐. 過往二三十年歐美甚至香港嘅左傾思潮因為資源無以為繼已經宣告破產。鄧小平都講過, 要警惕右, 但主要係防「左」。
51. 一市民 2016-07-15 14:50:54

To: 49/F Tony:

如果真如你所說, 英國佬是真心這樣盤算,有真的頗高招。不過對英國長遠經濟的影響,還是有待時間去證明。

52. Tony lam 2016-07-15 19:23:07
英國佬計仔高係肯定、強項係優雅地玩陰損、尖酸刻薄包裝成幽默、一脫歐頭排即褪、歐洲佬以為食住咁大到盡、點知跟手文翠珊扮無奈要跟公投結果辦事、仲估佢唔到揾約翰遜做外長、即係同歐盟哂冷啦!我覺得呢舖英勝。

經濟一早部署咗啦!幾頂氣都㩜住習近平、屋企閨房都打開迎賓、禮炮打到冇彈為止、有銀之人最緊要安心、聚埋英國冇第度穩陣D、香港除外、有嘅指教下。
53. 經濟人 2016-07-18 00:24:23
DSC 同california有咩共通點....就係佔地面積好大,fixed cost 高,當需要減少少,即刻見紅。睇新聞karaoke 銅鑼灣旗都縮,道理一樣。想知邊個係下一間收檔,可以試試從呢方面研究下。