主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 25936    回應 : 39
文亮言
L型經濟是對誰人說
 
湯文亮博士
紀惠集團行政總裁
2016年5月12日

  人民日報引用權威人士報導,內地經濟呈L型發展,即是話經濟下跌後將會橫行一段長時間,沒有復甦的期限,報導一出,A股大跌3%,大家開始猜測,誰是權威人士,除了習主席之外,什麼人有如此能耐,可以令到人民日報不用署名文章,所以,大家認定,習主席就是權威人士。

  我認為誰是權威人士其實是不重要,最重要的是L型經濟是對誰說,大多數人認為是對大媽及國內投資者說,因為每一次股市,樓市,甚至匯市下跌,國內投資者就會叫政府救市,政府亦做了很多次,包括最近的去庫存計劃,每一次都是用量化寬鬆解決,中國政府深信招老無功,已經有打算不再以量化寬鬆解決問題,所以,以權威人士之名提出警告,政府不一定會救市,各位參與樓股匯的投資者好自為之。

  我覺得權威人士的L型經濟,除了警剔投資人士之外,主要是向外國炒家所說,近日,唔知點解,外國炒家如索羅斯及其他基金經理一致唱淡中國經濟,甚至認為是大好時機沽空人民幣,我只是覺得,那些大鱷點會咁好人,俾一條路給那些素未謀面的人搵錢,其實,他們唱衰中國,希望中國投資者沽空,當樓股匯下跌了一個明顯的幅度,外國炒家就會以白武士身份入市,到時,他們又會唱好中國,迫中國政府救市,這些事已經發生了好幾次,所以,我認為權威人士的說話其實是對他們說,即使外國炒家成功沽空,中國政府都不會救市,在人民日報刊登了權威人士的說話之後,暫時未聽聞有任何知名炒家呼籲沽空中國,二打六的當然唔計數,炒家一樣是做生意,L型只跌不升的生意他們沒有興趣。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 蕭峰 2016-05-12 09:07:19
博士心水清!

2. 打工仔 Andy 2016-05-12 09:33:14
L 型, 咪即係直插! 
3. 蕭峰 2016-05-12 09:42:03
請admin 刪掉多出的3個留言,謝!
4. 包租佬 2016-05-12 10:20:08
刀兄講左咁多年既中國經濟問題,今次習大大終於确認了。
5. Kitty Ng 2016-05-12 10:22:45
如果係咁簡單就好喇,可惜唔係呢。
香港人對上面政治鬥爭嘅認知,實在膚淺到呢...
6. 路人甲 2016-05-12 10:32:14

什麼知情人士, 內幕人士, 權威人士, 不願透露人士等等....
有時候聽見都好想笑, 很幽默, 很搞笑.
明顯地, 想說一番話出來, 不管什麼原因或目的 ,都是不想人知道他是誰! :))
7. Ca1on 2016-05-12 10:41:52
其實香港傳媒都成日引述消息人士架啦. 有啲人物想透過傳媒放風, 甚至係傳媒自己想製造輿論, 好正常.
8. Ann 2016-05-12 10:42:03
我覺得L形係講比嗰啲炒家聽,因為他們常預測樓市幾時見底,接著就會倒升,所以而家講清楚是L形,唔會倒升。權威人士也說樓是比人住不是比人炒,好明顯是說給那些樓市炒家但同時又常發表反彈論的人,外國班大鱷無講反彈,所以其實係說給中港澳嘅炒家聽,亦係比市民一個警號,唔好亂聽啲報章預測講而輸身家,唔好靠炒度日,因這個大時代已過。
9. 樓神上腦 2016-05-12 11:06:45
8樓笑話幾乎噴飯,人民日報发表文章,对象係中港澳樓市炒家。發緊夢咩夜郎自大,以为自己好重要呀!傻都知關符國家經濟大事啦!
10. Ann 2016-05-12 11:30:25
9樓,咁樓係比人住,唔係比人炒係說給誰聽?你自己唔聽可以唔聽,你笑人我就覺得你好笑。
11. Ann 2016-05-12 11:52:02
剛才12樓現在9樓是否內部的人?又是那些只有中傷不是討論。
12. LYC 2016-05-12 11:55:45
根本香港都冇人炒樓,都唔知你講乜!
自住或租客住,樓係起來住啊,空置率好低啊!
13. 樓神上腦 2016-05-12 14:25:06
先頭噴飯係形容詞唔係動詞驚你唔知,10樓(係女士?)傻得嚟都幾可愛應該係天然。咪成日目光只集中在樓市窄咗啲囉,雖然我都有講過樓係用嚟住,咪當投資來炒賣,故此折舊跌價成負資產先係正常,咪當我係權威人士喎。但實情講下就得,買樓住嗰個話,自用升跌無所謂反对炒賣,但賣樓時除非迫切,否則賣出價比買入價少個崩都唔制,咁賺蝕算唔算炒賣?但人哋真正權威人仕講嘅L形勢係國家層次,唔係呢啲細嘢,咁討論吓咪好囉知多少少,但要預畀人窒兩句交換吓。
14. 引刀一快 2016-05-12 14:49:44
15. to 13/F 2016-05-12 15:43:28
这个是地产论坛,集中讨论地产的事也应该吧! 不要以为自己什么都懂,老看低其他人。不是得罪的说,每天来这里的也不是什么大人物/權威人士吧!

賣出價比買入價少個崩都唔制”,不要以己度人。唔制咪唔好卖囖!
16. To15樓 2016-05-12 17:17:00
只要自己鍾意集中乜都得架,集中到畫个圈企喺度都冇相干,各抒己見啫。唔好咁啦畀啲自信,除咗自己他人無資格睇少自己,而我又點敢睇輕人呢,頂帽扣得太沉重嘞!
講緊樓係自住不宜炒賣,移民吐現已不是自住客,真係要放無迫切压力下包括心理压力,放得平过買入價???以己度人?你會賣嗎?網友話齋天橋底霸咗位就会。
17. CD ROM 2016-05-12 18:45:46
"好L型" 我就成日用來讚人o既................
19. 黑馬 2016-05-12 18:48:13

朋友,係大陸,利用經濟問題迫政府改變政策的勢力不小。

政治鬥爭和經濟發展密切相關。

看到強哥暴力救市,就知對手有多凶。

此時此刻係香港,我個人建議六月底七月去香港股市玩下好了。

20. 德哥 2016-05-12 20:09:44
9樓:  你看看什麼“本土民主XX”在facebook的討論區,他們一個個真的是這麼想的,覺得香港無比重要,中央失去香港會滅亡,有一個更搞笑,説什麼香港樓價跌9成,解放軍就會投降,不敢動香港分毫,簡直讓人哭笑不得,我一直用自己角度看別人,總覺得人不會有這麼蠢,但事實確是如此,我參與一句跟他們不同意見,馬上被駡到狗血淋頭,不信你進去看看。
21. 黑馬 2016-05-12 23:43:24

政治鬥爭你懂的,沒有內鬼係不會死人。

L型經濟,就是對內鬼說的。

22. 神算 2016-05-12 23:53:33
引刀兄,今次連習大都認同LYC,係L型! 火星實在太低估了,要升到 EGS-zs8-1 星系先得!
23. 黑馬 2016-05-12 23:58:31

看來,這個網站D槍手都相當多,可是質素就

24. To20樓 2016-05-13 00:02:01
入人地盆畀相反意見,壞人大事但過門都係客,用狗血淋頭招呼都算係咁啦。
每個國家或地區,只要被貧窮無談判籌碼,受制於人最後畀翻多少你就擺晒尾,仲講乜本士又點民主法呢?哩啲激進團體幫手攪回歸祖國,唔係唔好係傷咗啲!愈支持愈無自主,唔信唔緊要至少我係咁諗。
25. 元朗人 2016-05-13 08:21:12
22/F 神算果然是抽水狂魔,怪不得人人避之。
26. Sugar 2016-05-13 08:49:03

早晨元朗人前輩 !

神算兄夜觀星象 @.@ 睇到 EGS-zs8-1 星系..............^^                                  

                                                                          

                                                                                                           

                                                                                                                               

27. 神算 2016-05-13 09:18:33
元朗兄,失敬失敬。說到抽水、狂魔,這論壇多的是。理性討論在這理沒用,閒話家常亦冇不可。要禁聲嗎?可以,但又如何?
28. Sugar 2016-05-13 09:20:22
早晨神算兄 :

元朗人前輩講吓笑啫 ! 不要誤會 .

你要多寫呀 , 原來神算兄咁有幽默感........希望常見到你 ^^

29. 引刀一快 2016-05-13 09:31:07
元朗人兄

神算兄已經好委婉好輕描淡寫,若根據LYC兄所言,引刀已經喺天橋底打字,呵呵

講起天橋底,香港有位千億富豪瞓咗好耐天橋底,你估下係邊個?我相信好多人甚至連湯先生都未必猜到。
30. 引刀一快 2016-05-13 09:34:13
補充一句,瞓緊天橋底嘅時候已經大把錢。

估下喇。
31. LYC 2016-05-13 09:34:39
神兄,破晒頂啦,大陸人瘋狂掃貨,唔係吹水呢!
CCL爆上外太空不是夢啊,全部高官都一齊坐在同一架CCL號火箭升空啊!!
32. 引刀一快 2016-05-13 09:54:49
哇,真係好瘋狂喎,實用率咁低都掃。
33. 香港土著 2016-05-13 10:24:38
嘩,真係好瘋狂喎…… 掃左一間河畔!
34. BHI 2016-05-13 10:27:54

        


    公共論壇無須禁聲呵、不過像這樣子的留言自然會拖低網站質素、有主見之士也會愈來愈少、可惜.

35. LYC 2016-05-13 11:45:32
BSD稅收已清楚話俾大家聽,全球人來掃港樓,河畔只是幾十萬BSD成交其中之一,哈哈,大家一齊加油,谷CCL向上衝!
36. Ann 2016-05-13 12:38:00
就係要引班支持者出嚟,咁咪睇到咩人先會走埋一齊。睇完得啖笑。他們的留言留在這裏好呀。
37. 攻人心 2016-05-13 13:16:02
我係住天橋底下面間屋,咪攪錯。
38. 回29 2016-05-13 14:00:39
個位“仁”兄瞓天橋底時仲係個爛鬼醫生啫。
39. 引刀一快 2016-05-14 04:59:34
咁就唔駛我開估喇。

瞓橋底,地運風水原來咁勁嘅。
40. 元朗人 2016-05-14 08:33:22
先謝sugar 和引刀打圓場。

無謂阻住論壇前進,留意以前的發言便多多明白。

不要抽水=禁聲?  中文閱讀不是容易科目。