主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24560    回應 : 16
文亮言
IMF在天觀井
 
湯文亮博士
紀惠集團行政總裁
2016年5月10日

  古人話,坐井觀天,曰天小也,而非天小也,而所見之小也。既然坐井觀天,睇唔到全部,在天觀井又如何,我相信比坐井觀天見得仲少。

  IMF又冇事搵事做,話香港樓價穩定,唔需要撤辣,而發表上述言論的三位IMF發言人均是亞裔人士,當然唔希望香港撤辣,而IMF以樓價穩定來肯定香港不用撤辣,這證明IMF人士根本唔識香港樓市,這是在天觀井的最佳例子,政府以樓價飆升推出辣招,但沒有承認供應不足為主因,反而歸咎於炒家將樓價炒起,辣招是針對炒家而設,現在大家都知道樓價飆升是因為供應不足所致,炒家並沒有力量影響樓價,政府雖然沒有承認,但行動證明,解決樓價飆升問題,始終都要大量增加供應,現在供應充足,撤辣亦無可厚非,但撤辣之後樓市去向,沒有人可以掌握得到,所以政府遲遲不敢撤辣,而非IMF所說,現在樓價穩定,香港毋需撤辣。

  另外一個問題,我覺得IMF根本唔明白三款辣招作用,現在樓價下跌,如果撤SSD,供應會驟然增加,會令到樓價跌幅加快加深,如果撤BSD,DSD,需求加大,樓價有機會不跌反升,政府又難辭其咎,如果三款辣招一齊撤,我又唔相信官員有膽做,其實,毋需IMF多講,政府是不會撤辣,現在IMF重申香港不用撤辣,反而令人懷疑政府受到不少壓力,而要借助IMF之力抵消,否則,IMF又何需多言。

  倘若有一日香港政府決定撤辣,而IMF又覺得唔妥,有必要提醒政府在樓價平穩之際,實在毋需撤辣,這樣表述就會令人信服,這亦是IMF工作,現在講,即是唔准香港政府撤辣,CY就恭敬不如從命。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. KK 2016-05-10 08:54:13
是否應為DSD.........如果撤SSD,供應會驟然增加,會令到樓價跌幅加快加深,如果撤BSD,DSD??
2. 路人2 2016-05-10 09:01:09
现在博士不只比香港政府厉害,还把IMF里头的“最强大脑”比下去。以往只有最聪明最有经验的才能进IMF的

鼓掌鼓掌
3. Ca1on 2016-05-10 09:12:37
IMF 係美國用嚟操控別國經濟嘅強大武器, 佢哋所講的當然只會係為美國利益著想。
4. Admin 2016-05-10 09:18:59
謝謝1樓KK, 文章已修改
5. 真真薯片 2016-05-10 10:42:08
睇689機場事件就知佢有幾怕咩鑊, 辣招行左五年, 唔撒大家都已經習慣, 之後有咩事都唔關689事, 一撤, 無論升跌都係注定比人鬧, 689咁怕咩鑊, 又點會撤招
6. 引刀一快 2016-05-10 10:43:48
以往只有最聪明最有经验的才能进IMF的

聰明與否一回事,講說話中肯與否,係另一囬事。
7. 路人甲 2016-05-10 10:51:13

現在買樓成本好重!! 
相信今天, 今後, 今生 :厘印都係重擔子!
除非真的要換碼, 否則, 無乜事都唔好賣番出去.....:))
8. 香港土著 2016-05-10 11:03:14
真係要請教博士,一面講政府要開始考慮撤3D/逆周期,前後已經講左幾次;另一面就話樓價跌唔落,今日就講成交都跌唔落。似乎两件事有少少矛盾,到底係供求趨於平衡,所以價、量都跌唔落?定係唔撤3D/逆周期,供求趨於失衡,最後爆煲收場呢?
9. 蕭峰 2016-05-10 11:03:33
辣招增加交易成本,最終只會提高交易價格,689的政策基本只是關注短線,不會顧及長期影響。

10. 向飯民說不 2016-05-10 11:47:38
IMF 一樣是假中立的政治組織。
11. 路过的人 2016-05-10 12:13:00
中立?有利益冲突的就不会有中立了!
12. Ann 2016-05-10 18:33:08
這個月看 湯生的文章很清楚他個人意願很想撤辣招,很想樓價倒頭升,其他的他不管。很予盾唔跌辣招唔會動,但又唔可以自己唱跌。之前樓市升與政府政策無關,但現在樓市升不起,就關政府事。與湯生同一思想的會看得很開心。但我們這些路過的看後覺糊塗。
13. 黑馬 2016-05-11 01:25:02

一將功成萬骨枯,誰真誰假,沒必要認真。

14. 黑馬 2016-05-11 01:41:18

誰說我們炒家影響力很小?

我個人就不怕神一般的對手,只怕X一樣的隊友。

15. Ca1on 2016-05-11 09:01:02
回12 樓: 之前樓市升與政府政策無關,但現在樓市升不起,就關政府事。


之前升市好多人都已經講過同QE有關, 並由政府嘅辣招鎖盤效應所推至高峰。
16. 黑馬 2016-05-11 20:02:16

QE也好,辣招也好,發展商擠牙膏也好,無論如何,有人接我們貨就是最好的結果。