地產博客 > 文亮言 返回
瀏覽人次:26247    回應:17
文亮言
財仔比銀行家有吉士
 
湯文亮博士
紀惠集團行政總裁
2016年5月9日

  政府在去年截了財務公司水源,唔准銀行借錢俾財務公司做按揭生意,即是財務公司不能夠將債仔物業向銀行再融資,雖然被政府截了水源,財仔業界仍然表現得非常大方,不少老闆表示,因為放數的收益高,又有物業做抵押,願意借錢俾財仔的人相當多,水源從各方而來,銀行只不過是其中之一,截了銀行的水源,對財務公司影響不大,我當時聽到那些話,知道財仔與地產代理犯了同樣錯誤,就是當政府開始出招,不作出任何反抗,不但默默承受,並且話沒有什麼大不了,即是叫政府繼續出招。

  政府見截水源的收效並未令到財務公司放數稍為收歛,甚至容許介紹生意俾財仔的中介公司收取不合理費用,於是打算截財仔客源,首先用以夷制夷手法,叫財仔管理中介公司,這是一個燙手的山芋,財仔又有什麼能力可以做到,於是召開英雄大會,唔肯接這個山芋,不過,今次又中了政府計謀,財仔話唔肯管,或者管唔掂,最後,就會由政府代勞,老實說,世界金融大鱷都管得掂,財務中介又點會管唔掂,政府只需要講,還未開始做,已經有不少中介公司結業,沒有客戶來源,財仔以後生意的確難做,有見及此,不斷有財務公司開記者招待會希望能夠與政府溝通,找到一個雙方都認為可行辦法。

  雖然財務公司業界亦知道,開記招亦只不過是盡人事,政府是不會理會他們,但我認為財仔非常有吉士,當利益被侵犯,業界以唔同角度表達他們的不滿,甚至揚言組織財仔商會,為財仔界爭取權益,反觀銀行家對於金管局的逆週期措施,在公開場合沒有任何表示,私底下就話措施令他們做少很多生意,而銀行公會對此事又沒有表態,唔似得財仔咁有吉士,侵犯他們的權益,就羣起反抗,如果銀行家一早表態,話唔定今日不會出到逆七,去到逆三四已經收韁,不過,事情已經過去,銀行家現在惟有希望金管局能夠早日確認樓市下跌而放寬逆週期措施,令到他們可以比較容易放債,生意多了,大家又可以在銀行家俱樂部飲酒吹水,開記者招待會,可免則免。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路人甲 2016-05-09 10:25:40

博士, 

呢D 叫做人善被人欺!!
世界永遠是這樣子的, 你愈有禮同佢講, 佢愈放肆! 你粗聲D 同佢講, 佢會唸下你處境!
你再大聲D 哄佢, 佢可能只出口而唔出手打壓!

全世界都係咁, 你愈恭恭敬敬去做, 只會係死路一條!
如果唔係點會去到民不聊生的時候, 咁多寇出來搵食, 因為官迫民反!
做良民會餓死! 做飢民會等死! 出嚟嘈都無用的時候, 就係群起來對抗是也!
歷史如是!
2. Alan Pepper 2016-05-09 11:28:37
銀行家是管理他人的錢,最多賺小啲,都係打份工啫,唔駛咁認真。

很多財仔是老闆自己的生意,唔賺可能蝕入肉,態度梗係唔同啦。
3. 引刀一快 2016-05-09 11:40:48
唔知財仔算唔算偏門呢?
4. 向飯民說不 2016-05-09 12:28:51
本來個富二代,二世祖應該可以做特首,但是香港有錢人默許飯民玩港毒,做反共基地,中共無可能不出招。
大商家,看到結果之前,先看看因啦。基督不談因果。但是中國知道咩叫因果。

689上台,各種政策都是對應,港毒。
5. 路人甲 2016-05-09 12:36:02

是的, 角式不同. 
打條呔, 打份工, 唔使咁搏命嘅......

自己的生意, 當然投入度截然不同. 
銀行的也不想同政府硬碰. 有道理!
6. 傑 2016-05-09 13:48:49
Re: 向飯

我見到既係, CY在任期間, 港獨之聲比前朝厲害不止十倍........
究竟係搵CY 處理港獨, 定CY激起港獨呢?
7. 蕭峰 2016-05-09 15:09:30
所以我話,CY更像臥底,專門負責搞壞經濟!經濟差,香港不攻自破。

8. 多咗咩?? 2016-05-09 16:46:10

20年前 肯定唔會 有呢D 海報囉!
到底有幾多人 支持港獨 大家心中有數.....
9. 向飯民說不 2016-05-09 18:10:04
6樓,好多人都話689上台後,港毒聲音先大,邏輯上好像是這樣的,事實是占中之後,我們發現原來反華勢力是那麼的強大。原來我地年輕人已經完全被洗腦。
不是cy令港毒壯大,他無這樣能力,而是反對派潛伏著,在不同的崗位上,都是飯民的人,金像獎以經反應了。對於中共來說,還是要來。
還有,台灣民主嗎?最近發現沒有美國和日本的祝福,根本不能登上總統之位。馬英九之所以無能,就是被美國佬壓住。
10. Ca1on 2016-05-09 18:28:31
香港本土思維港獨思想基本上係因前朝貪曾大力推動雙非自由行但完全忽視香港承受能力而來. 凡事一牽涉母親、下一代, 市民一定好大反應。而CY 就利用呢個思維, 煽風點火, 將自己包裝成本土港人嘅教星, 打雙非、徵收BSD、禁走奶粉, 本來都係好嘅政策, 點知星星之火, 蔓延開去, 結果被反對派以其人之道還治其人之身, 以本土打本土, 將號稱本土梁特變為大陸市委書記. 結果呢位特首本土路線又行唔通, 又冇退路, 唯有一日到黑成日提住樓價, 想作為自己唯一政績。
11. 路人乙 2016-05-09 18:43:07
為什麼1997年回歸前,香港沒有人起來反抗英國政府呢?

因英國是美國的盟友之一
12. 向飯民說不 2016-05-09 18:49:34
Carson,不要咩都怪689, 占中的問題,根本就親中政治力量和親美政治力量的對決。當然如果二世祖當特首,占中可能暫時可以避免,但是親美勢力將會更加強大,到時大陸分分鐘要出解放軍先可以壓的住。
13. 向飯民說不 2016-05-09 20:11:19
11樓,為什麼1997年回歸前,香港沒有人起來反抗英國政府呢?你回答了其中一個原因,當然當時中國也談判完了,也沒有必要去挑戰港英政府。

但是還有另一個原因,就是97年之前,港英政府用的其實就是白色恐怖。政治部基本上有齊所有富商的犯罪記錄,一旦這些人不聽話,港英政府隨時拉人封艇。87年李福兆就是例子。還有對付平民百姓有遊蕩罪和非法集會。這兩條罪名在97年之前,假髮人判得好重,點會像今日假髮人,那樣的輕判。所以當時平民百姓點敢反抗。還有當時如果有乜法例不和事宜,立法會當晚就可以3讀通過對付那些反政府人士。

03年的23條,可以見到當時的公務員推銷做得非常差,其實23條更加人道,本來是用來替換那個白色恐怖的遊蕩罪和非法集會罪名。結果推銷得差,被飯民顛覆。由此可以見到飯民洗腦力量的強大。還有親美勢力在政府公務員體系影響力非常大。所以他們無心去推銷。
14. 黑馬 2016-05-09 22:58:33

講市場力量,香港財仔遠遠比不上大陸財仔,一早被廢,可以不理。


相反大陸財仔無視大陸政府各種措施,總是有方法從當地銀行獲得資金,夠狠,攪到中央密密做風險評估。

15. 向飯民說不 2016-05-10 11:44:47
11樓,今日毒果報道,67時,曾德城兄妹因示威被假髮人重判,今日,同樣事情,更加嚴重,但假發人放生。
甚麼叫白色恐怖。
16. Ca1on 2016-05-10 11:57:32
向飯, 曾德成係因為印製煽動性刊物而被判監的.
17. 向飯民說不 2016-05-10 18:51:51
今日黃色物品印製煽動物品,完全無事,甚至玩暴力,假發人一樣放生。