地產博客 > 文亮言 返回
瀏覽人次:31715    回應:61
文亮言
政府並不了解購買力
 
湯文亮博士
紀惠集團行政總裁
2016年3月9日

  政府出招,無論是辣招抑或逆週期措施,並不是增加供應,而是打擊需求,但政府沒有從多方面分析需求,所以,出招事倍功半,出招超過五年,效果並不顯著,如果政府了解需求中的購買力是怎樣形成,根本唔需要出咁多招,倘若處理妥善,配合適量供應,甚至並不需要出招。

  雖然不少分析員,經濟學家,業界人士經常講市場上已經積聚了不少購買力,或者購買力已經被消耗殆盡,但是哪一種購買力,他們並沒有特別明言,專業人士都唔知道,一般市民又怎會知道,又難怪政府唔知道有幾種購買力。

  當一個人第一次買樓,唔好計那些耀母揚威或者成功需父幹的人,其他都是靠儲蓄得來,現在第一次買樓,最低限度都要付四成首期,一個買500萬物業的人,就算他可以每個月儲2萬,都要儲足100個月才夠,還未計買樓時所用費用,即是今日開始儲錢,十年之後,才能付一個小單位的首期,還要樓價保持平穩,所以,就算政府怎樣出招,將樓價下壓至400萬,那人首期依然要160萬,要儲80個月,所以,辣招,逆週期措施即使可以將樓價壓下去,但對於要上車的人幫助實在不大,這亦令到不少年輕人對房屋政策不滿。

  無論在中國抑或星架坡,首次置業的首期只不過是20%,更何況中國現在為了去庫存,容許場外配資,有機會出現零首期,雖然有人認為這是非常危險,但我不認同,因為那是業主唯一的物業,沒有那麽容易放棄,而且,業主收入可以是無限大,他們自己衡量過每月能夠供款才買樓,政府容許他們稍為容易上車已經是盡了責任。

  當買第二個物業或者換樓時所需要的購買力是靠第一個物業或者個人升值得來,至於第三個物業是靠投資,政府可以管制第二,第三個購買力,但要幫助第一個,就算唔幫,都唔好阻撓。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 好 2016-03-09 08:30:31
同意。
2. 如是 2016-03-09 09:04:00

首次自住買家購置400萬元以下物業,透過按揭保險最高可借九成。

真難明白湯博士的用意。

3. 中港信貸資料庫 2016-03-09 09:06:45
中港無統一信貸資料庫,理論上香港破咗產,係大陸都仲可以向銀行借到錢買樓.
如果幫咗首置者上咗車,不幸地佢哋負資產,佢哋會唔會有誘因係香港破產,改為深圳買樓呢??
4. 按揭保險 2016-03-09 09:18:52
暗示政府包底9成按揭保險?? 定係首置保証可以借足9成(包括過咗30年樓齡的樓) ??
5. 真真薯片 2016-03-09 09:58:51
幫人上車係好

問題係自住係剛需, 賺錢係剛需中既剛需, 兩種剛需撈埋好難分

如果放任買第一層樓, d人就會想盡辦法用上車為名去買多層黎投資, 在下都識好幾個人做9成按保話係上車自住然後放租, 除非有辦法分開投資同上車, 否則好難唔打埋上車客
6. 無檢過關 2016-03-09 10:14:58
惠州樓 3000~4000蚊一方,整個 高鐵 無檢過關 ,方便 香港年輕人 住係果邊,可能仲實際D.
7. 沒有產業靠樓搵吃的後果 2016-03-09 10:39:23
政府也不敢打爛那麼靠樓搵吃的飯碗。沒人再來港,地方沒有價值,問題自然就解決了。
8. SHUN 2016-03-09 11:19:19
人仔貶值、已經事實、上面買家那會南下買樓、現今樓價甘高、再跌多3-4成港人才負擔到!
9. 路人甲 2016-03-09 11:28:58

今日睇新聞, 又多一個學生自尋短見.
聽聞是今個學年以來, 差不多20宗了.
我個人認為, 或多或少, 與年青一代對整個社會不滿有些關係!
當然學業是有, 抑鬱的都有. 

然而, 無可否認的係, 未畢業的已經先唸到要買樓, 自己打份工都唔知捱幾耐才可以上車;
這些都係實際民生面對的問題.    現在的小孩/ 學生比以往我地的醒好多, 亦要求多了. 期望大了, 但卻無法突破(或許以為唔得)而感到難過與絕望.

就連中國一些官員都在公開場所表明要關心年青的新一代云云.
那是因為年青人看不到一個光明的前路, 到處歧嶇.

博士的說法我都認同, 不過在技術上點樣搞, 要去研究, 杜絕中間取著數;而又不是真正的第一手人仕. 

年青人是社會未來的主人翁. 目下的他們卻是最  '霉DUM o墮' 的一群, 尤其未看過世面的莘莘學子, 難免有些難受. 

我不是他們的一群, 也知道他們對未來的要求或期盼比我們舊一代的多,
 或者自己未做好自己應該的本份也說不定. 

但是, 我們對於願意儲錢, 努力上進, 又不是靠父幹的年青群組, 是否應預以支持, 讓他們好好計劃未來呢?  他們的希望無非只是求一個細單位而已. 不是求甚麼其他的. 
而這些都其實係最基本的........................


11. 真真薯片 2016-03-09 12:20:32
在下又要講多次, 官二代, 富二代先係未來既主人翁

道理有如你阿媽係女人, 女人唔一定係你阿媽
12. Tony lam 2016-03-09 12:21:12
香港人而家食得太飽、阿爺又好打得、幾大鑊都冇洗我地擔心、下意識比到安全感我地、年青人又冇掙扎求生嘅壓力、又冇國仇家恨做寄托、又咁多人狗噏話佢地冇銀用、個個為作新詞強說愁、聽首歌都激動過生離死別。
成年人積下陰德啦! 咪將年青人縱到變寵物啦!呢代已經在恩寵中長大、太多嘅同情扭曲咗人類價值觀、係毒藥更加係對年青人嘅唔公平。
13. 路人甲 2016-03-09 12:31:08

回:11

官二代也好富二代也好, 他們都不會買細價樓.
我們係回應湯博士的文章.

您亞媽係女人,只係一個人; 其他女人係大多數.
無疑全世界的財富系係100之1-2%的人手裡, 但是我們不能抺殺及扼殺所有欲向上流的草根年輕人, 他們是未來主人翁, 係一個概說. MAJORITY才具對整體社會既重要影響及變化.
14. 真真薯片 2016-03-09 13:01:20
路人甲兄,

唔好意思在下都撕遠左, 不過在下睇香港年輕人既前途都比較悲觀, 在下認為今日既年輕人majority都冇法向上流動, 連買上車盤再換樓既機會都冇, 主要係上車盤已經太貴, 普通人靠自己努力極難上車, 就算上到車, 層樓升幅都已經透支左, 假如4-500萬上車, 供得完都已經係萬幸, 好難期望會再升, 唔升既話冇錢賺要換大d都好難, 更大可能係未供夠30年, 50歲左右就失業, 斷供

上車盤係幾年間由二百頭爆上到四百尾, 已經將普通人靠買樓向上流既路斬斷(難上車+升幅有限), 只有早買樓既可以永遠贏落去, 遲買既唔買就捱租, 買既想供甩都唔易(除非係公務員), 所以香港既未來係屬於富二代(上一代早買樓既人)既
15. 如是 2016-03-09 13:13:32

14/F 真真薯片正解,上車死,唔上車又死。

耍政府放寬逆週期措施,真的是幫助上車的人嗎?抑或是幫助發展商高位去貨?

政府持續供應才是王道,真正幫助年輕人,未畢業就想要買樓,社會何有發展?

16. Tony lam 2016-03-09 13:18:09
97時夠容易上車啦!不過上親都係賊車之嘛!光脫脫咁比人踢落車、沙士時咁多位、都冇乜人敢上車、上唔上到車唔重要、但係上咗賊車就身光頸靚、各自修行啦!總之賺咗唔使分比人、輸咗就咪賴人你。
17. 西門吹雪 2016-03-09 13:58:14
沒有富一代哪有富二代? 我唔認為上一代比較容易富起來,反之今日資訊發達,好多野只要用心學總會學會。唔似以前咁私相受受。只要有能力,方向正確,做咩都可以成功。大家後生仔努力吧~我相信我們只要肯努力,即使沒有父陰,仍然可以富起來的。
18. 蕭峰 2016-03-09 13:58:43
之前講過,唔好期望跌成沙士咁,真跌7成,更加冇人敢上車。

19. Alan Pepper 2016-03-09 14:06:09
政府迫我哋儲錢 
20. Alan Pepper 2016-03-09 14:07:49
To 17. 西門吹雪 

Like!
21. Alan Pepper 2016-03-09 14:07:49
To 17. 西門吹雪 

Like!
22. 安全駕驶 2016-03-09 14:17:47

年青人除了要儲錢外,還要懂得不要亂花錢及自我增值才有機會上流。

17/F 西門吹雪兄 - like

23. 蓄芳待來年 2016-03-09 17:42:45
幫助年青人買私樓係社會/政府嘅責任?佢哋今日上吾到車你要幫佢,他日佢哋搵唔老公/老婆,你係咪要幫佢配埋種?
希望不勞而獲嘅人,自然支持不勞而獲嘅論點,做人有少少骨氣好唔好?如果買樓係應份,香港吾需要公屋。
24. 蓄芳待來年 2016-03-09 17:56:29
「住」係基本嘅需要,「買樓」吾係。
25. SHUN 2016-03-09 17:56:41
幫年青人上車?倒不如將樓價壓低仲實際、事實並不是每個年青人都生性、旺角事件中、大部份無業或做幾千蚊低下工種之人也。
26. 負財富效應 2016-03-09 18:03:34
壓低樓價 咪負財富效應,愈來愈多人去搞事.
03年樓價夠低未?? 最後咪50萬人上街!

27. 奀豬媽 - 肥師奶 2016-03-09 18:28:43
以前覺得有能力何解要住公屋, 買居屋, 但現在想法不一樣了.  因為現今的公屋同居屋均比私人樓四正,有些境觀更是一流, 那麼為何要犧牲生活質素, 並兼背負一身債去買縮水私樓.

想當年我小哥在南瘋零首期的誘惑下興高采烈地上了車,  可不到3年, 不單光脫脫咁比人踢落車, 還要背負一身債, 在避債, 流離失所之下, 老婆又小產了....好可憐!

人生如夢, 何苦執著! 

30. Rachel 2016-03-10 09:54:30
首次置業600萬以下也可以借85%,香港樓宇問題係比人炒樓,美其名係物業投資,其實係貧富差距越嚟越大嘅根源。增加需求如果係多左炒家,咁其實無解決到問題。
31. 摩頂放踵 2016-03-10 09:56:09
TO:24/F

人嘅基本需要只有食,赤條條來,再赤條條去,揮一揮手,不帶走一片雲彩。
32. Rachel 2016-03-10 09:58:29
首次置業600務萬以下都可以借85 percent, 我都唔明湯生嘅意思。
33. Ann 2016-03-10 10:22:58
香港人要回答一個問題係你自住嗰層樓跌價但如果你下一代,無論嗰個係咪你自己仔女,可以有屋住,你願唔願意?嗰啲物業投資者你買咁多樓唔係自己住嘅你又想點?係咪你有你發達,你人哋無屋住人哋嘅事?如果個個都要做贏家,只有貧者越貧,富者越富。資金點解唔可以投資到創造就業嘅工商業,而要投資到物業,令到樓價越嚟越貴,令人有今日唔買聽日仲貴嘅恐慌心態?唔可以怪年青人個個想買樓,唔買去邊度住,一世同父母?但如果樓價只升不跌,咁有咩選擇?
34. DSY 2016-03-10 10:23:41

一直覺得待知道下屆特首花落誰家後,樓市會“人為”上漲!當然前提是大環境not badeven neutral我都保持我的觀點!原因是,方丈很小氣,不是為了連任我睬你們班“暴民廢青”都傻!可勁兒反我還想我幫你們買樓?我是女人,方丈是小人,我們思路應該一致!

35. 真真薯片 2016-03-10 12:54:14
嗰啲物業投資者你買咁多樓唔係自己住嘅你又想點?

想坐係度收租唔洗做, 好聽d叫“財務自由”

係咪你有你發達,你人哋無屋住人哋嘅事?

Yes

所謂人不為己, 天誅地滅, 人自私係正常, 冇得講良心

地霸唔止要食盡租金, 仲要保護郊野公園, 等業進收完租可以去呼吸新鮮空氣, 你冇地方住/住劏房天台屋火觸燒死人? Sorry, 唔關佢事
36. 如是 2016-03-10 13:09:55

人不為己天誅地滅??

人不為己責,如行屍走肉,枉為天地造化萬物之首靈!

37. 西門吹雪 2016-03-10 13:23:54
真薯兄~我笑了~~
雖然很可悲,這卻是事實~~
XDDD
38. 西門吹雪 2016-03-10 13:41:00
其實買樓放租已經好好~~起碼都叫有PROVIDE SERVICE~~等D暫時未買到樓既人有屋住~~

好似珍兄所講,抄股既人,連這點貢獻都沒有... 你係股票市場賺一蚊,就有人蝕個幾。當中蝕錢既人從未得到任何服務!! 其實,這個我很認同的... 不過...係咁架啦,好出奇牙~XDDDD
39. LYC 2016-03-10 13:51:53
真兄,物業投資者係要負出好多才得到大概3%租金回報,你講到好似不勞而獲咁,你這是什麼心態呢!
政府咪不停起公屋俾人住囉,仲想點呀!
40. 真真薯片 2016-03-10 14:09:25
西門兄,

咁樣睇股票又唔公平

炒股有兩種, 一係好似美股咁, 公司用投資者既錢去賺錢, 變成盈利分比股東, 例如可口可樂既派息同股價增長, 係唔需要有人“輸”出黎比股東賺

不過中港股市似乎如閣下所講, 塘水滾塘魚, 有波幅冇升幅, 對社會就冇貢獻了
41. 真真薯片 2016-03-10 14:14:25
LYC

講樓一定要講買入價, 250同500萬買同一層樓, 不論自住定投資, 效果非常唔同

冇得輸屈機業主係300萬以下買民生樓果堆, 後來4-500萬買就真係如你所講, 付出大收入少, 其實佢地都係比早買既業主打劫

如果閣下收入合資格申請公屋, 請受小弟一拜
42. LYC 2016-03-10 14:35:36
我唔係講買入價,輸或贏。anyway 我唔知你up乜
43. 西門吹雪 2016-03-10 15:06:50
真兄~~我咁睇抄股既人者 (包括我自己),長揸股票收息唔算抄股人既~~
不過,我自己又覺得無咩野喎,無貢獻咪無貢獻LAW~~
最多第時賺多了捐反D出來囉,哈哈~
44. SHUN 2016-03-10 15:10:04
CY重未落車、你地想樓價升?難矣…………跌多幾成先啦!連任唔到都要做番套好戲、因為李氏係支持唐唐、明未!
45. LYC 2016-03-10 15:52:50
減價已到尾聲,放盤量急跌,還在發夢跌幾成,哈哈!
46. 向饭民说不 2016-03-10 15:56:30
香港假發人日日放生暴徒,加上CIA背後支持,遲早香港發生真正暴徒,到時咩購買力都會消失。損失最大的將會是小業主。

難得這裡的廢佬仲會賴689。
47. 真真薯片 2016-03-10 16:02:37
郎8捨得開價未
48. 西門吹雪 2016-03-10 16:40:40
開左~折實呎價10053至12606元~
平過世宙,貴過映御少少,不過就方便過佢地好多~~開價算進取
49. 林師奶 2016-03-10 18:36:44

其實我也不想買樓來投資,但除了買磚頭以外,其他投資都不太穩定,這十多年世界的變化,令我對金融監管也非常沒有信心。

 

多年前,我曾經把一個物業以低於市價賣給一對年青情人,交易期間,多多要求,又要先搬進去,又要長成交期。需然過程有點不高興,但還是算是做了件好事,幫了年輕人一把。

 

但過了不多久,他們看見樓價升了,他們就放買了。這一舉動讓我非常生氣,但也是我自找的。看見他們到現在還買不回來,心裡百般滋味在心頭。

 

幫人從來是好事,從此以後,我只會幫值得幫的人,這需要極大的智慧來分辨什麼人是值得幫的人。愛心氾濫的年代,智慧最重要!

50. 真真薯片 2016-03-10 19:16:01
映御位置太入, 可無視

平過世宙都好合理, 如果貴過世宙就變左幫世宙促銷

呢個價同位置都幾有代表性, 如果市道真係好, 有幾個幾Q沽清, 大家可以密切留意銷情
51. 引刀一快 2016-03-10 19:17:00
通常一個人值唔值得幫,要幫完先至知。因爲一啲唔值得幫嘅人,令自己唔去幫人,可能會失得更多。
52. 林師奶 2016-03-10 20:03:50

值得幫的人是有特質的,他們遇到難題或不開心事,會比較放得開,也會很快調整過來。 而且總會想到自己做得不足的地方,有進步空間。

 

那些總找人家錯處來放大再放大,把自己的不足絕口不提,大概就是不值得幫吧。

 

最有趣的就是,值得幫的人,年紀越大,越不需要人幫忙。這是我的觀察,不一定是真理!

 

大家好自為之!

53. 蓄芳待來年 2016-03-10 22:34:54
世界變化快,但就係唔理解現今青年人嘅思想。自己都後生過,未付出就講收獲,唔肯捱又想不勞而獲,呢個世界真係有人欠咗你?
記得十七歲嗰年好想買部車去威威,於是一放學就走去做兼職,結果19歲嗰年,買咗部錢七送俾自己。唔敢講是否福利思想令到現今嘅人冇咗骨氣,但有手有腳卻去攞綜援嘅人,應該唔知道廉恥為何物。
現今樓價高係事實,但一個早餐都要30幾蚊嘅年代,你想樓價平成點呢?叫政府壓抑樓價,我反而想叫政府壓抑個早餐價先。
見到冇希望就吾去做,怨天尤人,可知道投資市場有高有低、有起有落?機會只會留俾有準備嘅人,如果你真心想買樓,而家應該勤力d去做好準備,而唔係嘥時間日吠夜吠,希望政府、發展商會送層樓俾你。
而家冇能力,就要去發展能力,我知道咁講好老土,但我交嘅稅,係希望可以用在幫助社會嘅弱老上,而唔係幫有手有腳嘅你置業。
我捱世界嘅時候你嘆世界,我有嘅嘢你冇,好正常,好應份。我買多一兩個單位去放租,你又小我,你除咗眼紅,應該都好悔恨自己冇努力工作、小心投資。我同情你,但並唔認同你嘅歪理。
54. 蓄芳待來年 2016-03-10 23:57:33
公司今年炒人,老板(香港人)攞香港區同事開刀,標準好得意,可以分享一下。出咗幾條問題,interview target,搵到邊個腦海有吾公平思想嘅,先炒。作為刀手立即變得很輕鬆,吾再有guilty feeling。原因好簡單,出來撈世界講公平,即係吾想撈。
上海分公司嘅同事怨氣明顯比香港區同事少,OT係正常,搞掂先收工,相反香港區嘅同事就唔肯同你捱。你唔搏人哋搏,結果其實好公平。公司唔係特區政府,唔需要照顧無能者嘅感受。
55. 引刀一快 2016-03-11 00:52:17
蓄芳兄

公平本身定義係千差萬別,重要嘅唔係人有否不公感受,而係呢個人到底如何判辯公平定義,同埋以何種態度面對同處理不公情况。

如果有不公感受就要被炒,咁呢間公司都真係好得意。
56. 蓄芳待來年 2016-03-11 08:06:40
引刀兄:
老闆同刀兄一樣,對前景偏向悲觀,預計市道會繼續差落去,有排捱,所以今年只係第一波。抱怨會傳染,對內部士氣有殺傷力,所以先除去呢類人。
上年年尾小弟遞咗辭職信,老闆叫我幫手做埋最後一單job(炒人)先肯放人,而家已經搞掂,可以安心放長假。
努力工作就係為咗以後唔使工作,但眼見現今香港地原來唔工作就唔使工作,仲可以大聲夾惡,真心覺得自己好笨。要發達就話難啫,使哂d錢做窮人有幾難呀?等小弟試一試,有成果就第一時間同大家分享,哈哈!
進退有時,工作同投資應該都一樣。油價上返生產成本價,全撤;三中全會冇料到,加上五窮六絕嘅時間又快到,一股不留,撤;樓嘛,撤無可撤。Buy and hold而家唔流行,但香港樓似乎係例外。
57. Peter Pan 2016-03-11 10:14:35

同意55/F 引刀兄

很多人曲解公平的定義。 不應該偷換概念,認定"爭取公平"就是不勞而獲。


58. 蓄芳待來年 2016-03-11 16:36:49
所有概念只係相絕,並無絕對。最公平嘅制度就係「大鑊飯」制度,冇地主冇資本家,因而唔存在剝削,但連阿爺都頂唔順一個窮字而放棄咗。
爭取公平最明顯嘅例子莫過於勞資雙方嘅爭拗,但公會嘅理據都係以勞方有貢獻為先,只係爭取合理待遇,並吾否認多勞多得,但今日嘅香港,叫口號爭取公平嘅人,有邊個係以自己有過貢獻而出發嘅呢?人有我就要有,人有我冇就係吾公平。我都唔明白點解d中產唔去嘈政府,多勞少得,變相懲罰勤力。
阿人哥經常攞外國例子作比較,講本地工人點樣被剝削,但人哋交乜嘢稅率你又交咩稅率呢?社會責任呀,淨係識對中產、商家佬講,你幾時見過同基層草根市民講呀?個社會你冇份嘅,淨係識得攞。冇俾過就攞,你好意思?咁唔叫不勞而獲叫乜呢?
小弟都知道咁講好乞人憎,會得罪好多人,但天道酬勤,你要否定呢個千年道理我都冇你符。
我都好希望中指可以落到118、110,但真係好懷疑,今日嘈緊價高嘅人,到時又有幾多人肯買/有能力買呢?一來低處未算低,二來失業大軍中可能已經有你份。要求個環境去適應你,而唔係你去適應環境,動物都唔會咁反智啦,何況你係人?
原諒小弟又長篇大論在此發噏風,罪過罪過!
59. 惜緣 2016-03-11 19:22:47
蓄芳兄

講得太好,絕對唔係發噏風, 感激都來唔切。

常言道, 唔辛苦哪得世間財? 「天道酬勤」乃正道,若果任由「 懲罰勤力」的風氣不斷延續, 咁邁向希臘的日子不遠矣。
60. 蕭峰 2016-03-11 19:50:58
蓄芳兄,中產唔嘈係因為冇時間嘈,要搵食啊!哎,中產好慘!只會做社會墊屍底!


61. 引刀一快 2016-03-12 06:43:15

To 56 蓄芳兄

 首先,我只係唔睇好大陸經濟,或者話對大陸經濟往後幾年睇淡,我唔係一個悲觀嘅人,日日喺呢度俾人話悲觀,駁都駁到悶。好友習慣將所有負面形容全部加喺淡友身上,有欠公允呢。

 據我所知,好多大陸人都唔認為大鑊飯公平,無論係得益者還是吃虧者,吃虧者冇得揀而已,夠膽反對?反革命呢個唔係帽子,直情係血滴子。

 至於公平係絕對還是相對,呢個咁哲學嘅問題我唔夠料討論,不過有個小小睇法,一個行頭裡面,大家都覺得公道能傳承為行規嘅就大概差不多嘞。

 過去喺大陸,我遇過好多智商、人品、行動力都在我之上嘅人,但係當中有唔少無論係經濟條件、可見發展前途、社會待遇等,都比我差好多,我當然唔敢話佢地唔夠我勤力,有好多情况,我視爲上天眷顧。

62. 引刀一快 2016-03-12 06:43:16

To 56 蓄芳兄

 首先,我只係唔睇好大陸經濟,或者話對大陸經濟往後幾年睇淡,我唔係一個悲觀嘅人,日日喺呢度俾人話悲觀,駁都駁到悶。好友習慣將所有負面形容全部加喺淡友身上,有欠公允呢。

 據我所知,好多大陸人都唔認為大鑊飯公平,無論係得益者還是吃虧者,吃虧者冇得揀而已,夠膽反對?反革命呢個唔係帽子,直情係血滴子。

 至於公平係絕對還是相對,呢個咁哲學嘅問題我唔夠料討論,不過有個小小睇法,一個行頭裡面,大家都覺得公道能傳承為行規嘅就大概差不多嘞。

 過去喺大陸,我遇過好多智商、人品、行動力都在我之上嘅人,但係當中有唔少無論係經濟條件、可見發展前途、社會待遇等,都比我差好多,我當然唔敢話佢地唔夠我勤力,有好多情况,我視爲上天眷顧。

63. 蓄芳待來年 2016-03-12 08:52:43
引刀兄:
十分理解刀兄所言,好多才情出衆者在大陸得不到應有的發展,吾父、伯父亦係咁毀在大陸 (爺爺愛國,將兩兄弟由南洋送回祖國讀書,結果兩人因政治運動被羈留在大陸一世)。大環境令佢哋冇得揀,所以小弟特別痛恨有得揀嘅香港人不知自愛、自甘淪落。
有選擇、有勤奮向上嘅機會並唔係理所當然,但我肯定香港人有,因為我試過。

記得刀兄曾言「為自己嘅悲觀而感到心安理得」,故有誤會,多多包涵,哈哈!所謂好友淡友稱號都不過得啖笑,除非傻嘅,如果唔係點會偏執一邊呢,哈哈!

小弟亦曾經有好多機會好似刀兄咁留在大陸發展,但父輩遺恨令我冇辦法留低。前任Boss原為小弟下屬,佢肯留低而我唔肯,結果就造就咗命運嘅好大差異。我唔知道而家香港嘅大環境係咪令到人連勤力都唔得,只係見到好多人試都未試過就話唔得。小弟為安居樂業四個字努力咗20年,到而家比上不足 比下有餘,唔知道話唔得嘅人,你哋努力過幾長時間呢?

64. 引刀一快 2016-03-13 04:03:53
蓄芳兄

呵呵,「為自己嘅悲觀而感到心安理得」,你要加埋D頭頭尾尾至得架。

自從香港打仔成爲刑事罪行開始,就為香港新一代埋下弱化嘅種子。

至于兄台放棄咗留大陸發展嘅機會,在下覺得完全係塞翁失馬,可以單靠努力喺大陸上位嘅人,一定係脚踏七星、祥雲蓋頂!

你花20年得到安居樂業,我花20年變成港燦,真係命途多舛!哈哈哈哈