地產博客 > 文亮言 返回
瀏覽人次:25282    回應:39
文亮言
覺今是而昨非
 
湯文亮博士
紀惠集團行政總裁
2016年3月11日

  幾日前我睇報紙,見到八大代理聯同老斯,子華一起要求政府放寬按揭,我覺得很奇怪,是否報紙搞錯,物業代理是要求政府撤招,而非放寬按揭。

  在兩個星期前,明報做了一個調查,訪問了八位地產界人士,四位來自發展商,四位是物業代理,結果是來自發展商的要求政府放寬按揭,來自物業代理界要求政府撤銷辣招,如此壁疊分明,理論上冇理由在兩個星期後物業代理界開記招要求政府放寬按揭,不過,在記者會中,物業代理商會表示,早在年初已經去信金管局,要求放寬按揭,但他們的要求可能是過份一些,600萬以下樓宇可以做九成按揭,如果金管局答應他們的要求,分分鐘未到年尾已經多了一批負資產者,實在難辭其咎,雖然要求不合理,但其實物業代理是傾向放寬按揭,點解明報做調查時,四位來自物業代理界都是要求政府撤招,雖然,今日的題目是覺今是而昨非,其實是絕不貼切,昨日已經是是,不是非。

  我猜測物業代理界是押雙寶,老斯做醜人,明知CY唔肯撤招都要CY撤,又用什麼退消丸來刺激CY,點知CY食咗搖頭丸,獨孤一味搖頭,老斯都冇符,不過,他們還有後著,就是迫金管局放寬按揭,其實,金管局在去年九月已經準備放寬,條件是確認樓市下跌,唔知點解,業界始終唔肯確認,指數負責人在當時亦話樓價只會在高位反覆,沒有下跌跡象,兩個星期前陳總再講一次,誰不知,講完之後,樓價指數連升兩個星期,如果今個星期仍然上升,就會變成確認樓市上升,不但撤招無望,連放寬逆週期措施也不會,物業代理界話成交量太少,我亦有多少不明白,政府出招是壓抑樓價飆升,與成交量無關,就算減辣,放寬按揭,如果樓價唔下跌至一個合理水平,成交量亦不會增加,如果撤招,放寬按揭之後,樓價大升或者大跌,反而證明政府撤招或者放寬按揭是錯誤的。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. MT 2016-03-11 08:48:40
真係唔明點解指數仲會升
2. DSY 2016-03-11 09:08:57

所以今日要跌咯

週末有新盤賣,確認升勢又無的撤招,地代都幾頭痕

3. MT 2016-03-11 10:27:34
既然個指數都反映唔到事實,咁仲要嚟做咩?
4. 疾風之狼 2016-03-11 10:40:14
觀乎現時樓市走勢,地產商新盤定價對二手樓價的影響比外圍因素更直接和更容易令市場明瞭。如果附近有新盤開賣,該區二手樓的定價往往更要參考該新盤的定價,現在的情況是,二手樓訂價會因應一手樓價低開而減價,所以我認為二手樓價指數的下跌速度,取決於大地產商對其新盤的開價。
如果這個前題成立,而大地產商又可以有秩序地減價散貨,大地產商可以考慮有秩序地推低二手樓價指數而迫使政府放寬樓房緊縮政策。這雖然短期對地產商的收入有打擊,但我相信大地產商經過幾十年的地產霸權的滋養,它們是有足夠抵抗力去應付自己這招七傷拳的。只要傷勢不是太深,復原時就是另一次地產霸權的滋養期。
5. DSY 2016-03-11 11:16:06

4樓你的建議是建立在地產商急於回籠資金以及對後市看淡的前提下的!

如果地產商牙膏式出貨,而積蓄購買力又可以於一段日子後爆發再上,又何須央人撤招呢?元朗海量供應,新記長記都44夥賣,我看不到上述前提!

有辣招情況下,地產商不一定無著數,至少從過去34年間辣招壓抑了二手供應比地產商食盡美國QE升浪來看。急的是地代!不要將他們混為一談!

6. 向飯民說不 2016-03-11 11:27:00
在地產黨支持和包容香港班廢青搞暴動之下,你叫cy撤招,有無病啊。
做人不要那麼自私。
利申,我都希望撤招,但是目前政治氣氛根本不可能。
7. 真真薯片 2016-03-11 11:46:50
5樓講得冇錯, 發展商根本就唔急散貨, 依家d樓花多數17, 18年先入伙, 發展商擠牙膏求價, 開價又食住二手, 搞到二手冰封, 一手慢銷, 死果個係地代!

所以地代唯一出路係逼政府撤招, 咁買家就會追價, 樓市爆升產生升值預期, 就可以價量齊收, 事實上今日本地購買力只係唔肯追價, 要追既話其實係有力追

撤左招樓市爆升隻鑊邊個咩?當然係政府, 地代過左海就神仙, 彩你都傻啦
8. 向飯民說不 2016-03-11 11:49:44
樓上,所以我話地產黨有病。
9. 窮人 2016-03-11 11:58:12
紅燈等緊過馬路時, 有D人會轉燈安全先過, 但總有D人想衝燈, 係後面逼你

如果你傻, 俾佢一逼就想衝燈, 只要行出半步就好易被車撞死,

係後面果個就即食花生, 睇場人亡車損既戲... ...

10. Tony lam 2016-03-11 12:29:15
撤招 ? 減首期 ? 咁即係推初哥上車再買貴D  ! 賺咗嘅可以再賺多D先散水 !
11. Miss Wu 2016-03-11 12:30:39
請問今年是否適合買樓自住? 本人想買四小龍。 因為睇過你本書, 你建議業主可以唔賣就唔好賣, 市民唔急買就唔好買。
12. LYC 2016-03-11 13:34:48
CCL咁多年同差估署個指數都係好接近,CCL升係因為2手樓價真係升囉.
每个月2-3千單成交,報紙拿低價個1%來吹,你就信以為真,咁搞笑.


13. 鳥5 2016-03-11 13:34:55
同意。政府釆都傻。。地商。成本向息囗,風險向貨尾,香港歷史現貨萬九。佢地仲有商塲,車位收人,同一般業主可受風險低好多。而家佢實力,市塲要到14000個单位先急。。我諗有冇2-3年先到平買平賣策略

14. 老餅 2016-03-11 13:46:06
ccl仲咁高叫政府點敢減辣呀.地產商高有高投地,低有低成本投地,照賣,死就死D地代,二手樓价拉鋸,賣樓唔肯減,買樓唔肯追价,鬼有生意做咩.
15. 可笑的LYC 2016-03-11 14:18:47
回應 : LYC

...CCL在大漲小回當中跌了一成又有什麼出奇呢!? 現在成交咁細,又有什麼代表性呢!?跌市成交量細正是...

CCL升 - CCL咁多年同差估署個指數都係好接近,CCL升係因為2手樓價真係升囉.

CCL跌 - 現在成交咁細,又有什麼代表性呢

16. 引刀一快 2016-03-11 16:28:15
LYC兄

咁你又可以攞最頂果1%嘅成交案例嚟抗衡下吖嘛!
17. 真真薯片 2016-03-11 17:58:10