主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 26349    回應 : 40
文亮言
辣招與逆週期措施
 
湯文亮博士
紀惠集團行政總裁
2016年2月23日

  在上星期四,明報做了一個調查,訪問地產發展商與物業代理,最希望政府最先放寬哪一項影響樓市措施,辣招抑或逆週期措施,很奇怪,在被訪問的八個人當中,屬於地產商的四位希望政府放寬逆週期措施,而屬於物業代理的四位就話應該撤銷辣招,老實說,人不為己,天誅地滅,被訪問者都是為自己的聲音發言,這都是無可厚非,但點解分別是那麼明顯,究竟政府應該撤招抑或放逆,或者兩樣都做,又或者兩樣都唔做。

  現在大家未知道政府點做,所以,不同的人,有不同的希望,這是合理的,但大家要政府做任何決定之前,首先要了解政府出招是為了可以讓年輕人上車,並不是樓宇成交量太大,眼紅物業代理搵好多錢而出招,所以,要調整任何措施,都是要不影響甚至幫助年輕人上車為首要目標,而辣招根本唔影響上車人士,本來,撤與不撤,問題都不會很大,但如果撤招,那些上車人士就會面對已經有物業或者從外地到來買樓的人的競爭,使他們更難置業,物業代理認為可以多做生意,其實並不一定,因為那些已有物業或者從外地到來的人,在現時的經濟環境下,他們就算會買樓,但出價都非常小心,說到底那些都不是剛需,不過,就會令上車人士更難買樓,成交量是否會因為撤招而增加,我深表懷疑,而且,這絕對不符合政府目的,所以,CY已經唔知講過幾多次話唔會撤招,大家死咗條心算啦。

  地產商希望放寬逆週期措施,這反而符合大眾原則,當然,今年地產商狂推新盤,如果放寬按揭,而售價又克己的話,銷售量一定不俗,打算上車的人可以上車,銀行又可以多做生意,亦見不到物業代理有什麼損失,所以,我很奇怪他們點解唔支持放寬按揭,而收緊按揭早已確定為逆週期措施,是隨時可以回復正常,如果放逆無效,才考慮是否需要撤招,但如果成功,成交量回復正常,這樣就毋需撒招,而我估計,這個可能性就非常大。不過,如果有人問我如何要政府撤招及放寬逆週期措施,我會提議先要政府撤招,無效,再要求政府放寬逆週期措施,此乃圍棋跳躍步法,物業代理界內有高人。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. SHUN 2016-02-23 09:54:08
連1個市民都無做訪問…………、不如直接問你加乘啦!
2. 真真薯片 2016-02-23 10:13:49
香港人IQ係咁上下

98-03樓市跌純粹因為老董八萬五(without執行)!
03沙士消失全靠香港人奮勇抗疫(洗手)!
15年零售市道轉差係完全因為佔中!

同理, 地代開唔到單完全係因為辣招! 所以要撤一定撤辣招!
3. 傍觀者 2016-02-23 10:28:06
政府應取消全部辣招及逆周期,恢復自由市場規律,政府要做的只有增加土地供應,其餘都不要做,年輕人也需經歷磨練,努力,創造自己的天地。
5. RY 2016-02-23 10:47:44
1. 放寬按揭-令應有能力供樓的人有足夠的按揭能力, 係可幫大家買樓。
2. DSD也影響了一班換樓人士, 真係要沽晒d樓先可免大d那層DSD? 好多小家庭已吃不消本身的SD, 再有DSD, 換樓計劃泡湯, 換樓鏈斷咗... 大家只有等!

近月多事之"春", 手上有2個租客都要搬回父母家, 減少開支。本來一向低市價租緊, 也吃不消。突然住多一家大細,會點? 產生家庭問題, 或解決了老人照顧問題? (唔知邊個照顧邊個?!) 也有朋友因夾在大人個小朋友中間, 要生要死... 只好說, 香港人, 睇開d。
6. daga1iu 2016-02-23 11:13:58
政府放寬逆週期措施是否讓只有雞碎那麼少錢的人都有機會買樓,樓價再跌,又多一批負資產戶,好處在那裡?
請教高明。
7. LYC 2016-02-23 11:15:48
現在供應根本唔多,剛性住房需求強大,租金下跌只不過啲人暫時迫埋一齊住,或者下降去租劏房。私樓租金已搵到個支持點,當劏房戶發覺劏房太貴,租番私樓仲着數,而且,太多人迫埋一起住始終唔係辦法,好快會頂唔順,搵屋搬番出來住,稍後經濟好轉,加人工,住房需求將會爆發出來!
8. 傍徨人 2016-02-23 12:14:07

LYC ,

真想向你求教真知卓見,我任職銀行業,部門高層自去年年尾巳通知我們部門

會逐部裁員,最終成個部門會執埋,同事各有打算預備,我亦自去年寄了不下百封求職信,但只得幾次面試機會,就算肯割价求售,但最終亦石沉大海。同事中亦無幾個可成功轉職,整個部門士氣如地獄一般。太太做零售業,過完年後剛剛通知旺角舖要結束,由長工轉散工,調往其他分舖幫手,但工時少一截,勉强捱住,一家四口生活及供樓,十分傍徨。

 

我見到LYC兄的高見,為我打了一支強心針,認為稍後經濟好轉,加人工。敢問如何見得,有什麽客觀環境支持閣下的理論,求教你為我黑暗中點一枝名燈。希望你告之現今大環境的強勢,明日有美好明天的論術,使我有希望地好捱過現今的黑暗,不勝感謝。

9. natalieren 2016-02-23 12:34:38
在香港,需求幾時都有,但是是否立即行動去買樓另外一回事。如果需求並沒有化作成交量,那麼這需求對於樓市就沒有實際意義。租客搬回父母家同住等情況導致租客減少,我認為頂多會對市場租金有一點點影響,但是絕不是租金下調的主要原因,租金下調的罪魁禍首是源於樓價下跌。以我看到的各地房地產市場,或許會有一些房地產市場的情況是樓價高,但是租金低,這種情況一般出現在大陸的二三四線城市,人口少,特別是外來人口說,所以租賃市場比較低迷。但是很少會有一個地方會出現樓價好s低,但是租金好高的情況,因為這情況本身就不符合實際。所以,如果樓價越來越低,租金又好難反其道而行之啊!
10. natalieren 2016-02-23 12:40:11
彷徨兄,

稍後經濟好轉,加人工,住房需求將會爆發出來!

上面這句說話,我估他可能打少兩個字。

(如果)稍後經濟好轉,加人工,住房需求將會爆發出來!
11. 傍徨人 2016-02-23 13:35:35
當前市道低迷,學者經濟學家一面唱淡,大商家又話生意難做,甚至連阿爺都話有好大挑戰,但LYC兄力排眾議,我想佢一定有好多客觀事實數據在手,絕非空談,想請教哪個行業前境一片光明,會加人工,我都諗過要轉行,(當然我非專業人仕,醫生律師會計師….我無份),希望LYC兄不吝嗇分享,俾D意見我捱過寒冬。
12. CC小弟 to 8/F 傍徨兄 2016-02-23 14:15:24

兄長之事, 小弟在09年亦試過, 箇中之焦慮實不足為外人道.

不過經濟之事, 實屬虛妄.  就算V型反彈, 兄長之前的業務都唔一定馬上請番人?  所以與其以興奮劑去麻醉自己, 小弟反而可否建議兄長不要妄自菲薄, 能屈能伸才是大丈夫所為.  兄長是否具備客源或sales lead?  是否具備某種技能?  或者乜都想不到時可否做住炒散 (都有至少50 per hr)? 

如admin不反對的話, 小弟的朋友是這個炒散apps的founder, 叫 JOBDXH, 幫企業搵炒散工的, 或可幫兄長渡過難關 (不能開名的話小弟已自行censored, google 一下吧).

小弟金融海嘯時, 由投行VP跌落去做企街賣Broadband, 不是淨係要搵錢既問題, 而是小弟不容許自己偷懶的問題, 而小弟過左幾個月就入番銀行了.  所以可能是心態決定一切吧.

Good luck.

13. 怒婦炒魚柳 2016-02-23 14:33:44
「逆周期措拖」
鼓催年輕人向金管局買「按保」多賺一筆,何樂而不為?

有逆周期,何以有「順周期措施」???
請高人指明一下!

14. CC弟弟 2016-02-23 14:58:24

傍徨兄,

兄長之事, 小弟在09年亦試過, 箇中之焦慮實不足為外人道.

不過經濟之事, 實屬虛妄.  就算V型反彈, 兄長之前的業務都唔一定馬上請番人?  所以與其以興奮劑去麻醉自己, 小弟反而可否建議兄長不要妄自菲薄, 能屈能伸才是大丈夫所為.  兄長是否具備客源或sales lead?  是否具備某種技能?  或者乜都想不到時可否做住炒散 (都有至少50 per hr)? 

如admin不反對的話, 小弟的朋友是這個炒散apps的founder, 叫 JOBDXH, 幫企業搵炒散工的, 或可幫兄長渡過難關 (不能開名的話小弟已自行censored, google 一下吧).

小弟金融海嘯時, 由投行VP跌落去做企街賣Broadband, 不是淨係要搵錢既問題, 而是小弟不容許自己偷懶的問題, 而小弟過左幾個月就入番銀行了.  所以可能是心態決定一切吧.

Good luck.

15. 真真薯片 2016-02-23 20:08:34
依家個市係陰乾式轉差而且唔同行業公司個別發展得好緊要, 所以一邊天堂一邊地獄

總既黎講, 成個市大圍係差左, 應該有部份人已經中招, 不過亦有相當多既人未感受到, 購買力仍在, 但係要追價爆升就應該唔夠力啦
16. LYC 2016-02-23 21:20:51
客觀事實,低失業率,幾乎全民就業,香港好多工冇人肯做。其實只要肯捱肯做,點會搵唔到食呢!反觀其他國家,就業情況慘不忍睹,需要負利率,量寛去谷通漲,所以樓價邊有得跌呢!最大顧主與其資助機構的幾十萬員工將會第N年加人工和房津,每逢星期六日,商場食市人山人海 ,本地消費足以頂住經濟消費。經歷過N次經濟危機,樓價仍然絕處逢生,今次咁小事當然如履平地。當然,當中總會有小部份弱者被淘汰。隨住股市樓市租金見底回升,財爺亦將會推出一系列提震措施,經濟又繼續穩步回升,欣欣向榮啊!
當然,淡友只看見和放大負面新聞,看不到大圍整體的經濟情況!
17. 引刀一快 2016-02-23 22:07:11
LYC兄

今次咁小事”!!?

今次真係咁“小”事?
18. 惜緣 2016-02-23 22:07:26
金管局過去幾年的逆週期措施令到換樓鏈斷裂, 對很多個行業造成好大嘅影響, 例如土瓜灣傢俬街現有好多吉舖, 希望政府體恤這些行業的苦況,盡快放寬按揭。
19. 掹車邊80後 2016-02-24 00:53:16
我正想講,换樓點搞
20. 如是 2016-02-24 08:48:43
大陸一線樓市玩緊接火棒,人幣死撐,油價死撐。
希望今次真係咁“小”事,否則。。。
21. Ca1on 2016-02-24 09:43:10
按揭應該要放寬, 而家有一批見樓市下跌, 儲咗筆首期, 想兩房換三房嘅小業主因為按揭問題夾住晒換唔到上去. 新盤又以劏房為主, 滿足唔到呢班人嘅需求. 結果二手上車盤又放唔到出嚟, 一手蚊型盤又極為搵笨, 成個市場畸型晒. 
22. DSY 2016-02-24 09:49:08

經濟差唔差甘多高手面前我唔班門弄斧啦,但奉勸和我一樣看不通的人唔需要甘灰住。這個世界很多人講野是有目的的,商界為了政府支持,雇主為了manage員工expectation小妹銀行為業界大老,出些咩policy據說都會被細跟。前日出業績,不才只拿了個mean都有4點幾pay rise,差?都唔系好差姐。先生公司更是大加9點幾。

我相信比起之前2016是多了挑戰,但絕對不會是末日,相信最快年底就會看到轉機。

23. 引刀一快 2016-02-24 10:13:32
如是兄

按道理,點都要跌一跌,呢舖應該跌得好大,但係好多好友都話已經跌咗、跌完喇。

感覺好似飲完茶埋單果時,淨係俾咗貼士就想走。
24. 西門吹雪 2016-02-24 10:29:38

刀兄~CPI尋日出左,升反小小到2.7%~CPI係經濟既溫度計~~者係話經濟係比2015年頭(CPI近5%)差左好多,但係比之03同09 (當時CPI負數),又無當時咁差。單以UP TO NOW既經濟情況,我唔覺得足以推倒樓市4-5成,CCL回到120-125左右已經足夠反映個CPI既下跌。現在對樓市較不利既因素,應該係供應量。不過,供應量唔係政府推幾多地就有幾多,仲要睇發展商起樓賣樓既取態。現在真的未知鹿死誰手。因此我維持今年CCL應該不會跌穿118既估計。

至於經濟起飛,樓市大升呢D無根據既野,我奉勸大家別信吧~

25. 引刀一快 2016-02-24 10:42:01
西門吹雪兄

跌幾成我就唔敢講,但係有一點我一直有疑慮,就係大陸出口跌咁多,到底內需係咪足以撑住今日大陸一綫城市嘅市況呢?呢排大陸樓市仲回暖咗𠻹,我覺得.............似係酒樓部長攞住黑牌搲貼士嘅笑容。

LYC哥“提倡”嘅經濟起飛呢?一係大陸經濟成功轉型,一係國際局勢出現意想不到嘅大變故,否則祇係綺夢一場。

26. 西門吹雪 2016-02-24 10:48:43
哈哈,刀兄~~小弟不才,只懂看香港的情況,國內的情況還請你有空多加提點~~
27. LYC 2016-02-24 10:58:43
刀兄,資金充裕,投資磚頭最實際,需求強勁呀!新樓熱買,年尾計升幾個%係好合理,都唔係咩大升,有乜出奇呢!





28. 引刀一快 2016-02-24 11:17:39
西門吹雪兄

唔好客氣,引刀祇係港燦一名,就親身體會吹吹水,講講睇法啫。
29. 引刀一快 2016-02-24 11:21:12
LYC兄

睇埋呢度:
呢個消息會全面D。
30. 如是 2016-02-24 13:18:10
刀兄,跌得個幾個月就話跌完,真係幾有趣。
看看發展商幾咁心急賣樓,就知道 what's coming。
31. 麗娜 2016-02-24 13:20:50
特首一定不會撤招。當然。他等這個讓樓市跌的機會很久了,
恐怕他等起碼跌3成,才會講少少野。難道他以為樓市跌了是
歸功於他們的辣招功勞?香港經濟3隻腳。他硬是要整斷一隻腳,
但恐怕樓市跌3成後,香港經濟都會玩完,其他兩隻腳都會斷埋。
這個人可否找些財經專家惡補一下財經理論??


32. 引刀一快 2016-02-24 14:03:16
如是兄

我猜LYC兄準備講乜,“發展商幾咁心急賣樓”係因爲有大量貴價樓等住出籠,所以推晒D平價貨,騰空售房部嚟賣貴價嘢,如果唔快手賣晒D阻碇嘅平貨,依傢失業率咁低,驚請唔到人賣屋。
33. Why 2016-02-24 14:26:29
重申: 辣招不是調控的措施
是增加政府收入而已 不論你賣樓有沒有利潤
短期內賣樓就要罸 是完全沒有邏輯及道理的 不能解決樓市失衡的問題 你負資產賣樓是閣下的問題 除非有人作出司法覆核去証明否則一樣照收 



34. LYC 2016-02-24 14:29:08
經濟唔差,供應唔多,利息唔高,淡友唱趺都只是一廂情願的空想吧了.
財爺都寬免4季差餉支持業主和樓市啦!

35. 增聘人手 2016-02-24 14:41:55
36. 如是 2016-02-24 15:37:53

趁失業率未反映出來發展商仲唔急急賣樓,難道等趨升時降價呢!

你覺得經濟唔差係因為你個行業不受影響或受較少影響,每年有兩萬多個大專生畢業,失業率幾時會反映呢?

37. 引刀一快 2016-02-24 16:36:49
麗娜小姐

如果撤BSD,我買港樓升。
38. 毛毛 2016-02-24 16:53:38

LYC兄:  我記得你講過 " 買樓睇長線,短線淡友幾年前賣左樓既後悔到依家!!"
但你宜家又咁短視? 你話
1.經濟唔差? (但環球經濟不 斷轉差)
2.供應唔多?  (但未來數年新樓落成量不斷增加)
3. 利息唔高? (但未來息口很大機會向上)

點解LYC兄突然變得咁短視?? 各位心中自有答案

39. LYC 2016-02-24 17:13:53
博士叫人買樓,如是竟然叫人賣樓,你估大家會信邊個呢?你一定係晨早賣樓走去租屋住啦,這裡啲係高手黎架,個個都死揸啲樓唔會放架,唔洗晒氣啦,你繼續幫人供樓啦,老友!
買樓個個都長線收租,印印腳啦,都唔知你up乜!
經濟點差呢?供應8萬7好高嗎?利息升講咗N年啦!
40. 如是 2016-02-24 18:14:41

謝謝 LYC,令人誤會要賣樓,已更改加番發展商三個字。

至於自住樓賣唔賣,我自己一定唔會,無慾無求多自在。

41. 麗娜 2016-02-27 21:24:09
引刀兄,所以他死都不會撤招