主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24025    回應 : 17
文亮言
肖鋼是否應該辭職
 
湯文亮博士
紀惠集團行政總裁
2016年2月24日

  話雖突然,其實並不突然傳出肖鋼辭職或者被辭職新聞,有老友問我意見,點解中國政府出爾反爾,在2月18日,中證監還對肖鋼辭職消息加以否認,並且要求路透社更正,當路透社還未來得及更正,中證監就證實消息是正確無誤,我唔知道點解,惟有話這就是政治,對於不能夠以常理解釋的問題,政治就是最好答案。

  有人話肖鋼是替罪羔羊,中國救市的替罪羔羊,暴力救市行動,熔斷機制失敗,並非是肖鋼一人可以獨斷獨行,絕對是國家政策,現在由肖鋼一人負責,似乎是過於嚴謹,其實,毋需講政治,就算是從商的人都知道,一個大計劃失敗,負責人自動要負起全部責任,不過,香港是例外,我記不起有沒有問責官員為他們所負責的事項失敗而辭職,升官反而會有,大家早已見怪不怪。

  肖鋼為中證監主席,我覺得他最失敗的地方是沒有警告股市的風險是很大,令到股民誤會股市必升,股市上升是國家政策,又容許高槓桿比率投資,當去年中,中國股票市場大冧,肖鋼欲力挽狂瀾,推出國營企業准買唔准賣的暴力救市政策,當時,已經亂了陣腳,暴力救市不成功,註定肖鋼要被離職,但適逢索羅斯等大鱷入侵,中國在無將可用的情況下,肖鋼惟有再披甲上陣,熔斷機制本來是一件盔甲,但敵不過沽空的壓力,評論將股市下跌歸咎於熔斷機制,我只是懷疑,沒有熔斷機制,A股如果一日之內下跌兩三成,到時候,一定會有人話點解沒有熔斷機制,誰會負這個責任,我覺得肖鋼失敗之處不在於設立熔斷機制,而是取消熔斷機制,不過,索羅斯仍在,肖鋼仍然不能下馬,現在,中國已經作出適當部署,索羅斯逃逸,肖鋼可以下馬,用廣東人一句話形容肖鋼,冇功勞都有苦勞。

  劉士余上任,雖然劉可能是儒將一名,我估計將會是一位行運醫生,但無論如何,首先要教育中國股民,我始終認為,中國股民對股市知識實在太差,以往話跟著國家政策走,現在更加是失了方向,只會聽取一些片面評論或者小道消息來決定投資方向,這是非常危險,最直接了當方法就是去槓桿化,我預計,肖鋼離職之後,無論中港股市,都會有一定升幅,不過,大家不要太認真,我一向預測股市都不是太準。

湯文亮博士,於2015年準確預言樓市跌勢及寫下《細價樓爆煲論之始末因由》之後,對2016年樓市再作出預測,直言劣勢未完,料銀主盤隨時湧現,政府將絕不救市……

在人人自危的樓市困局中,湯博士推出最新著作《細價樓爆煲論之危中有機》,由天窗出版社主辦, 2016年3月6日(星期日)15:30 - 17:30,湯文亮「細價樓之2016年危機中逆轉勝」個人講座,為你一一拆招!

詳情及報名可登入 https://www.eventbrite.hk/e/2016-tickets-21339129912  

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 蕭峰 2016-02-24 09:05:42
其實股市這輪暴跌,肖鋼唔係全部責任,但熔斷成為國際笑柄,總要有人負責。



2. 引刀一快 2016-02-24 09:41:33
呢舖應該係殺降將,好有曹操出宋憲魏續嘅風範。
3. 向饭民说不 2016-02-24 10:38:19
看来大陆出围魏救赵之计暂时解了人民币和港币之围。但是如果中港经济问题不解决,迟早soros会在来。

熔断机制和联汇其实都一样。这些机制都是政策制定者在明,攻击者在暗,政策制定者永远不知道攻击者几时发动攻击。

所以港币和人民币都应该系尽快float.
4. 刀下留人 2016-02-24 11:22:47
溫馨提示:可否轉繁體字呢?
5. 向饭民说不 2016-02-24 12:06:13
呵呵,我喜欢几时用就几时用啦。
6. 少少钱 2016-02-24 12:21:20
本人是香港人, 也是澳门人。 (现在在深圳工作, 所以电脑写繁体但出简体字。)
现时开始睇楼作家人自住, 但又吾想买左之后输钱。所以想问下应该考虑香港或澳门买楼? 对我来讲, 两边自住都okay。  请分析香港及澳门楼市前景。 Thank you.
7. AA 2016-02-24 13:35:39

博士,

 

唔明呀,A股明明有10%漲跌停板機制,點樣可以一日跌兩三成?

8. 向饭民说不 2016-02-24 14:57:21
楼上,thanks。
9. 刀下留人 2016-02-24 14:57:42
10. Tony lam 2016-02-24 15:00:53
點解冇人叫咪用英文呢?或已被引刀一快、刀下已不留子孫根 ? 衹識週仔扮大蛇去寸盡同胞、做慣契弟㩜住太監心態就咪做中國人啦!
11. Tony lam 2016-02-24 15:37:23
熔斷實際係成功咗、但藥唔可以長食、露一手癲招即收、D傻佬施知驚就收手、散戶就更加唔敢再嗬尿貪高興、肖鋼點會比佢自己劈炮、咁咪顯示唔到阿爺權威、叫你走先淮走、點安排阿爺話事、勁哩!
12. 刀下 2016-02-24 18:36:01
I like to use any language I want.
I truly agree 向飯's reponse.
13. 刀下 2016-02-24 18:43:18
Tony Lam:
唔鍾意簡體唔多表係太監。冇J嗰啲就係太監。例如攬住外國護照話愛國嗰啲人。
唔好一竹高打一船人。
14. 長俠 2016-02-24 20:01:42

博士,因A股個別股票有每日升停和跌停10%機制,所以A股理論上最多每日升停或跌停10%內,近兩年A股波動市況也未見有一天指數升跌多於8%,如個别股票跌停,但如市況反彈,該股也可以即時受買盤反彈,所以熔斷機制是多餘的.

15. 向饭民说不 2016-02-24 21:39:21
13楼,你说的对啊,香港的法官,很多都有双重国籍,又这些人审判有政治性的案件,点申啊。
16. 真真薯片 2016-02-24 22:08:51
樓上

冇熔斷阿爺要出錢掃權重股護盤, 護d唔護d結果通常一日跌7-9%左右, 仲要洗錢買股

有熔斷坐係度乜都唔洗理跌7%收工, 結果差唔多, 不過慳左錢

不過事後被人賴大跌係因為有熔斷, 都無可奈何

話時話大陸地方官做錯大事問責下台好常見, 呢方面香港真係要學習下, 可能中央大官(相當於香港特首局長)有免死金牌都講得過去, 但係下面d署長副處長高級主任通通不死身又講唔通
17. Tony lam 2016-02-24 22:53:57
溶咪溶斷就斷吹咩!國際間千祈唔好扮嘢怕醜、茅唔緊要、最緊要茅得起、好多友執人口水尾、話茅就會趕客、又冇見D儍佬斯走喎、衹要有大茶飯、D賭仔打都唔會走嘅、所以美國佬點茅都冇怕醜過、你對佢有威脅分分鈡CIA招呼你=強力部門、阿爺係學人地嘅精祽、民主呢D係包裝嚟呃人嘅、唔使學D假嘢。