主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 28729    回應 : 69
文亮言
不要向別人傷口灑鹽
 
湯文亮博士
紀惠集團行政總裁
2016年1月28日

  網上有一篇文章講買了環海.東岸業主十年後情況,這篇文章絕對是在別人傷口灑鹽,作者話準過「細價樓爆煲論」,我相信佢講錯,爆煲論根本唔準確,否則,我為什麼要擺認輸宴,在環海.東岸開售的時候,細價樓非常熾熱,有一個針對我的網站,發表了一篇「爆煲,爆什麼煲」的文章,當時,就算幾老友都不敢支持我的爆煲論,最多是話我敢言,如果當日春樹先生發表今日的文章,的確可以提醒很多人,可惜他沒有,現在在受傷的人傷口灑鹽,似乎有失風度。

  在環海.東岸開售時,我發表了一篇「一開36」文章,同時,亦指出那些是細價房,不是細價樓,我只能夠做到這裡,否則,就會得罪人,地產商願意提供九成按揭,風險是很大,如果樓價繼續下跌,每個月都會有人停止供款,三年後入伙的人數可能只得一半或者更少,而能夠在單位內住上十年,可以說是絕無僅有,如果我寫,我會描述業主入住後情況,冷清之餘還帶點恐怖,變成恐怖故事都可以。

  買環海.東岸的人除俾唔到正式首期外,還過唔到壓力測試,環海.東岸俾他們一個安心,單是這一點就值得,而買家當中,有不少是物業代理,既然已經買咗,就唔好破壞別人美夢,灑鹽更加唔應該,所以,我對去年以創新高買了二手物業的人,絕對不敢嘲笑他們,只是寄以同情,如果他們借助財務公司上車,我只能夠話他們失策,或者沒有留意我的「細價樓爆煲論」。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 好 2016-01-28 08:28:43
多謝博士!
2. 望東樓 2016-01-28 08:45:44
越睇越似大帽山頂一日遊。博士就係路口個督察,叫人唔好上山仲比人問候屋企人。世間上好人最難做,小人最易做。
3. 如是 2016-01-28 08:52:42
平心而論,冇子女而結左婚,環海的一房還可以。
但冇房的單位,大多為獨居人士住。
4. David 2016-01-28 09:17:57
博士, 環海‧東岸業主的十年 是一篇抽水潮文,  博士不要太認真 :)
5. 長期CD-ROM 2016-01-28 09:20:42
向西村上春樹的文, 佢寫小說咖. 
樓巿佢未必準,不過年輕人的心態,就一定準.

6. Ca1on 2016-01-28 09:31:01
百幾呎, 二百呎的劏房, 無論咩時候都唔應該買.
7. 神算 2016-01-28 09:43:23
坦白講,若呢個屋苑呎價回歸現實,也有其投資價值,不過要回歸現實需要多久,冇三五七年都唔敢講。
8. 舍神 2016-01-28 10:03:31
令我想起,臥龍吊喪。
9. 市民 2016-01-28 10:11:22
這類細房單位,一層幾拾伙,會唔會好容易变成罪惡溫藏( 黃賭毒 )
10. 十郎 2016-01-28 10:18:26


      有野賣得就賣喇...........香港人

      有冇留意,  除咗黃金,  12月賣咗D股, 滙,  都可以買番.  樓價唔跌,  係受三辣所賜,  業主想舐埋最後果滴血.  泡沫爆破之前,  冇人認為會爆,  或者認為唔關自己事.  黃金由2015年12月3日嘅9,742,  升到今日10,432.  今天唔止兵臨城下,  係裏應外合.


11. 向西村上春樹 2016-01-28 10:21:39

[環海‧東岸業主的十年]

2015年9月,朋友同你講環海‧東岸主打劏房戶,啲單位細到咁點住,仲要三年樓花期,呢啲盤狗都唔屌,扲嚟做一樓一鳳都厭細。你唔聽,你話,你返朝九晚八,買咁大間屋把撚咩,200呎單位執一執佢,即刻有SOHO Feel。雖然$17,000呎,三百幾萬真係貴咗D,但經紀同你講,自住唔怕趺,二十萬首期都唔洗,呢啲筍盤邊度搵?所以你勉強做咗九成半按買到個單位,唔算人生贏家,但都叫上咗車了咗心願。

2016-2017年樓市步入熊市,市區半新樓$10,000呎已成常態,朋友笑你層樓每呎已經跌咗五六千蚊,你話趺咁少好minor,只係技術性調整,個市實會升返,你發誓個盤升到三萬蚊呎個陣,你一定會日日問佢地買咗樓未,再日日同佢計,租人樓幫人賺咗幾多錢,日日同佢地班淡友廢青鞭屍。

2018年了,三年嚟你一直都承受緊熊市週期,你已經無理,因為你好開心,終於可以收樓自住,同你剛拍拖o既女朋友好雀躍咁陪你驗樓,但當佢入到屋發現單位只有二百呎四幅牆o既時候,你見到佢唔出聲眼濕濕,你知道唔多對路,你唯有笑笑口話單位細有細好,管理費段呎計,平都平好多,佢笑唔出,仲流咗一兩滴馬尿,佢最後只係口震震咁問咗句,點解間屋無房但有露台,你唔識答。

2019年初,女朋友終於諗到個藉口同你分手,可惜天意弄人,二百呎單位,唔扑嘢根本無嘢好做,所以住咗唔夠兩個月,佢已經比你搞大咗個肚,只能夠同你繼續生活落去。

2025年,你個仔六歲,有一日佢喊住咁放學,你問佢點解,佢喊住話同學小明間公屋又大又靚,點解你咁窮要住環海‧東岸,你爭啲一時衝動掟咗你呢個不孝子落街,但一諗到個單位變凶宅又即跌兩三成o既時候,你停咗手,然後跪低攬住個仔,你喊住話,你錯在唔係窮,而係唔夠窮。

生活時報相片 · 星期二 12:45 · 
檢視完整大小 · 更多選項

12. 占士 2016-01-28 10:38:15
13. 叛亂 2016-01-28 10:45:31
垃圾發展商呢D垃圾樓,邊有人住,比狗都唔住,300萬買個垃圾房,係香港先有

14. 望東樓 2016-01-28 11:03:34
向西村上春樹哥篇文非常在地,充分反映咗冇/未有樓階級響過去幾年受盡部分已上(多)車族炫富/揶揄嘅無奈,係深層次階級矛盾。而家咁啱有個黃金機會畀佢哋發洩內心嘅唔平衡都未嘗唔係壞事,可以促進社會和諧。

但有兩點就係呢類劏樓唔係SOHO feel而係東瀛feel,日本啲樓(I mean而家地代呃你哋買果隻)都係咁。另一點係上星期獨孤九件入咗個幾間係有一個露台加一個工作平台(共20多呎,而間劏樓嘅living area只係大約70呎,當然如果你改成開放式廁所同沖涼房就會大多三、四十呎),真係狗都唔會住。
15. 跌打佬 2016-01-28 11:04:02
最可悲是愛心父母加按出來幫年輕子女上車, 愛你變成害你, 畢業就變負資產

記得有段新關訪問過一個中年人, 他說是為一個幾歲的兒子買定樓防老, 回看真不知可笑定可悲.....
16. A先生 2016-01-28 11:23:25
風度好緊要,點樣抽到水又唔得罪人,是修行所在。
17. littlemun 2016-01-28 11:23:39
跌打佬兄,

幾歲兒子買定樓防老未必是錯, 因仲有七八十年去等樓價返家鄉....
18. 神算 2016-01-28 12:05:08
「開放式廁所同沖涼房」,嘻嘻!
19. OMG 2016-01-28 12:15:47

可做POLYU學生宿舍

20. 亞姆.雷 2016-01-28 12:42:08
其實呢種單位是否就好似日本大城市的公寓? 香港會唔會有一日都好似日本咁, 大部分人都要住呢種樓。
21. 西門吹雪 2016-01-28 13:26:22

300萬買劏房...都唔知為咩...
仲慘過公屋~~

22. 神祈小子 2016-01-28 14:19:53
買樓可以算是人生最大的決擇,買得唔好真的很難翻身,或大半生都成為樓奴,不能享受財務的自由,在別人傷口灑鹽真的不對,換轉你是當事人又有什麼感受?不過有些人很喜歡落井下石的。

 


23. CD ROM 2016-01-28 15:53:05
始終相信買家當日揀呢d單位係有佢既理由, 希望呢個理由係繼續成立就是了.

上車嘛, 我相信無乜幾多間業主當日買既第一層樓, 多年後回望會覺得揀得對的吧? 上車係一個過程, 只希望呢一課, 係28歲而非48歲上既一課吧.............
24. David 2016-01-28 16:09:30
回親愛的湯博士:

能夠有機會和你隔空淺談樓市,實在深感榮幸。小弟從來都覺得湯博士你,作為一個企下集團持有物業資產市值高達百億元計的行政總裁,你的言論比起絕大部份的地產商都算坦誠和有良心得多,博士於上年年初發表的 「細價樓爆煲論」,先不論準與不準,但對於本人來說,那一定是2015年最觸動人心之文章。還記得上年2月9號我把文章閱畢後,心情久久不能平復,萬萬想不到會有資深物業投資者竟然肯說世人不願意聽的真話,那年我沒有再看書,因為我覺得我找不到更好看的文章,而我也把你的「細價樓爆煲論」列印出來貼在床頭用來閒時細味。  

你說我不應該在別人的傷口上灑鹽,,我沒有不滿,反而非常欣賞你願意關心小業主的心靈。但我可以告訴博士你不用太過杞人憂天,只要你有上香討的話,你可以見到環海·東岸業主討論區內的業主仍保持絕佳心理質素。「班窮友眼红,唔低得別人有錢買樓」「我係鐘意住細 你吹我L脹」「買得呢度既業主真係鍾情200呎左右~都唔明點解咁都比人鬧.....」討論區內的回覆之中暫未見到有業主受到心靈創傷,可見他們心靈質素之強大與他們持有的物業面績成強烈反比。 如果他們也有看到你今天的文章,可能會倒轉頭安慰渣住百幾億的你其實可以冷靜一點呢。

你說我應該把文章於上年發表,才能提醒到那些業主,對此我的確有感慚愧。我承認我現在才發文是馬後炮,沒有湯博士之風骨與膽量,但我希望你能理解的是,環海.東岸九月開售之時很多樓市好友都沉醉於CCL 146點之歷史高位,香討上大量網民更說CCL年尾劍指170。這些都不算重點,重點是該盤公開價單時,時間剛好極接近湯博士你擺 「細價樓爆煲論」的認輸宴。那餐飯宴,不是普通的飯宴,對於那些準業主來說,他們無份去飲,但剩係睇報紙都覺得香,覺得那餐飯是人生裏面最美味的飯宴,因為那是象徵著細價樓神話不滅的飯宴。

那個是細價樓最好的年代,也是最壞的年代,我們說什麼,發什麼文,他們根本聽不入耳。那幾個星期,香討上的網民不斷叫你什麼廢湯呀,什麼淡湯呀,我的心情也不好過,當我每次轉身望著床頭貼著的「細價樓爆煲論」時,我和你的傷口也被他們灑著鹽,can you feel the pain?

無論如何,我覺得我的文遲到,但好過無到。剛截票的深水埗海柏匯又是一個貴價劏房新盤,這種盤2016年是不會絕跡的。各位淡友,共勉之。各位好友,好自為之。

25. 引刀一快 2016-01-28 16:31:44
阿彌陀佛,希望佢地唔好當係傷口,就當係一場歷練。

最緊要勤力儲錢,等樓市跌得夠低嘅時侯,再買多間大嘅,溝淡佢。

細細間有細細間好,咩嘢都觸手可及,利于閉關奮鬥。


26. 老餅 2016-01-28 17:06:39
回複20樓亞姆,雷兄,日本大城市公寓,咁上下大小的單位二三十萬就有交易,質素好D就貴少少,香港D咁咪好大鑊.
27. 西門吹雪 2016-01-28 17:30:21

David 兄就是向西嗎?

如果係,不如得閒REG返個ACCT,大家多多交流。呢度D人質素比香討高很多GA~~ (唔計個別例子~ XDDD)

28. 香港土著 2016-01-28 18:24:13
我個人相信,上年仲走出嚟買犀細價樓嘅人,大致上都係weak money,香港投資市場算係一個幾公平嘅地方,弱肉强食。Weak money背後就係弱肉,佢唔買貴樓,點都會响其它地方被宰,基本上身邊至親都好難阻止弱肉被食,更加唔好話任何其他人嘅經驗之談。所以,有冇人灑鹽结果都一樣!
29. LYC 2016-01-28 19:19:55
好友當然會好自為之,繼續揸實啲樓,繼續收租,繼續買樓啦,哈哈!
30. 亞姆.雷 2016-01-28 19:21:43
回26樓老餅兄, 係喎......完全冇留意銀碼分別......
31. Tony lam 2016-01-28 19:54:49
有個AA當時同我吹佢都整咗两件、因為落part少、當賭幾年後食到大茶飯、話佢地唔夠本、只係玩得呢D細碼嘢,我當時依依哦哦、已經落咗搭、唯有祝佢好運、只係覺得冇陰公、不過又底很死,根本係賭錢心態,有幾多係諗嚟自住㗎?以為老襯大把跟尾、点知老襯係自己!
32. 回22F 2016-01-28 20:01:35
師兄,但對於LYC一啲硬好,佢地不停同啲後生仔講,咩價都唔洗睇,咩爛貨都唔緊要,借盡九成半都要去盡
 其實呢啲人有咩居心,好明顯啦。唔通真係想嗰啲生果報讀者,討論區嘅後生仔好咩!佢地一係就係地代(仲要係
做細盤嗰啲地代仔),一係就係中小業主,揾 weak money 接火棒,到冧市時自己上下其手
33. Tony lam 2016-01-28 20:17:28
應該讚往吓賣樓條友、夠狠!唔劈價、劈part、果D貨有水之人眼尾都唔瞅吓嘅!只有减Part先對口、真係食到正目標客群 、三年後唔係個個可以劈炮報窮㗎嘛 !
34. LYC 2016-01-28 21:19:35
唔好亂講,我只是買港鐵站上蓋,大兩戶或以上既樓!
35. LYC 2016-01-28 21:28:54
交緊租啲淡友咪繼續交租囉,唔通人地講兩句你就要去買樓咩,自己都要諗下掛。不過我就最鍾意買樓,超開心!
36. LYC 2016-01-28 21:38:01
層樓就算買貴左,買得唔好都唔洗大半世呀,努力做好分工,向上爬,升職加人工,人工一定加得快過每月供款N倍,好快就供甩層樓,咪繼續買囉,平均買樓投資法!
37. 引刀一快 2016-01-28 22:45:56
LYC兄

唔講多,就講三百萬,你估個個學你咁土豪咩,三百萬對好多人嚟講,係孭一世。
38. 引刀一快 2016-01-28 22:57:44
最衰上香討要翻牆,唔係我就可以睇睇果邊嗡乜。
39. 向饭民说不 2016-01-28 23:21:26

引刀,我估计香港和中国已经堕入了美国佬的圈套啦。美国佬在过去几+年,印钞票利用热钱flood 其他国家,那些国家突然觉得自己很有钱,跟住就会使大左,当自己觉得好富贵的时候,美国佬会话我要反D钱,这些国家突然去边度拿钱比反美国佬,结果只有破产一途。

过去几+年,南美,日本都中过,今次估计中国和香港都中了,现在还在他人伤口撒盐的人,应该自己想想,他早君体也相同。

40. 老餅 2016-01-28 23:53:27
回引刀兄,同意,三百萬有些人可能要一世人的成果,現在樓价是入息中位數不吃不渴19年,咁應該要供30年,如一個人三十歲買樓要六十歲才供完,供完就差不多退休,這三十年的黃金期就是為了這些.
41. 引刀一快 2016-01-29 03:31:45
To 39樓 向飯

美國當然係有動機,但係亦唔好頼晒人,中國果種駛大咗,已經十幾年,自己文化作風有問題,到時到候就要埋單,冇得走。

香港部份係因爲自由行嘅繁華景象造成,講中招,亦係中番自己人招啫!年幾前我話大陸好唔掂,會有大浪冚過嚟,邊有人睬我喞。
42. 引刀一快 2016-01-29 03:38:05
To 40樓 老餅兄

香港前幾年買樓嘅人,近年當然意氣風發,果D未見過冧市嘅年青人,心雄亦好正常。
難得嘅係上一軰嘅人,應該見過世面,居然又咁支持佢地,結果。。。。。

希望佢地買咗天價細屋嘅人,一直喺供樓嘅過程裏面,首要保持心態不變,然後就係保持收入有升無跌。
43. 股災 2016-01-29 07:58:17
這又是冼腦式駡人,冼大咗,你看日本歐洲美國一樣,你看美國年年赤字,只不過有D崇洋人士令美金仍可生存而已
44. LYC 2016-01-29 09:20:32
還在用入息中位數去計樓價,唉!

45. 香港土著 2016-01-29 09:52:34
LYC兄,依你高見,應該點計先知道樓價高低呢?
46. abc1234 2016-01-29 10:09:19

回45.

依某人高見,樓市根本就不會高,只會不停上升。試問這樣的分析,還有甚麼說的呢?

47. 向饭民说不 2016-01-29 10:26:48
引刀兄,你讲得无错,但是我还是觉得你思维有问题。需知美国佬控制了美金供应,08年的天量供应,flood在香港银行体系,银行难道就放在银行里,不借出去吗?难道就没有成本吗?
还有这20几年,日本和南美这些原来是美国的盟友,一样被出卖。难道你又认为美国佬好正义。
现在估计已经中了美国佬的圈套,中国要做的就是点解套。香港也是。而不是拉布。
48. littlemun 2016-01-29 10:43:35
向饭呢位師兄有時真係好有趣...講到咩野問題最後都係會被拉布所害...哈哈!

就算垃圾會冇拉布, 如果靠果班尊貴既議員去討論同投票決定點樣同美國玩財技, 唔使索羅斯出聲我都飛身沽啦! 哈哈!
49. Ca1on 2016-01-29 10:43:39
當初設計一國兩制及基本法本身有太多漏洞, 鄧小平亦成日都將問題留俾下一代處理, 完全適應唔到二十年之後中國大陸同香港嘅環境變化, 面對外來及內部攻擊政府全無招架能力, 議會, 傳媒全部失守, 我覺得香港根本冇得打, 而大陸可以做嘅亦唔多.
50. LYC 2016-01-29 11:05:03
隔離深圳上年升左5成呀,老友!
諗下私樓potential buyers 個購買力啦!
入息中位數只不過計埋一大班低收入人士,住緊公屋!
51. LYC 2016-01-29 11:56:41
過去N年股市都不知大跌了多少N次,每次淡友都講樓市會大跌N成,沽晒啲樓,結果現在每月交緊租。好友就把握這些所謂會大跌的時機買入優質樓,最終結果係點,顯而易見,哈哈!
52. 向饭民说不 2016-01-29 23:27:15
48樓,其實你有無腦。當香港人外人圍的時候,你卻自己內訌。典型飯民班垃圾顛倒是非黑白。
53. 向饭民说不 2016-01-29 23:37:41
引刀,香討有黃屍日日叫支爆,但是如果支爆,香港肯定墊屍底,你認為呢?
54. 引刀一快 2016-01-30 02:07:41
向飯

大陸爆煲,香港會低沉,但係大陸會保住香港,因爲臺灣未統一。

至于大陸爆唔爆,就唔係香討可以嗌得到嘅。

你兜友真係閙人閙出癮,littlemun兄一直就住你講嘢,咁都俾你閙!


55. 引刀一快 2016-01-30 02:11:27
To 47樓 向飯

我冇話美國好正義,但係呢個時期同佢結盟明顯有利,既然世界咁殘酷,點解中國唔搵位卸膊?
56. 股災 2016-01-30 08:02:31
共產黨有唔好地方是事實,但民主亦不是好東西,歐美可印錢,又有歐盟夠,中國呢,同你行民主,即是行翻共產條舊路,十三億人,鬥派福利,兩三年已變希臘,但現正旁証球証會被西方壟斷,年青人D腦已被完全冼掉
57. 向飯民說不 2016-01-30 12:29:09
引刀,我都話我系屬於主和派,但是,美國佬肯和嗎?除非簽訂比南京條約更差的條約,一世比美國食住。點接受啊。YWH
有人吾鬧吾醒。無計
58. 蕭峰 2016-01-30 14:06:52
其實不中圈套又能如何?08年全球放水,難道只有中國收緊銀根?好難!但如果過去10幾年中國打好個底都唔怕,最怕依家美國佬經濟增長了,開始收緊銀根,掀起全球海嘯。呢d係明搶,但你都冇法!




59. 向饭民说不 2016-01-30 18:41:30
今日東方日報,美國佬目前的國策就是打擊中國,可以說是全方位的進攻。就是今年是選舉年,一樣沒有停,甚至改善傳統的所謂邪惡組織的關係,包括伊朗,緬甸和古巴。最終都系孤立中國。引刀,在這樣的情況之下怎樣和。難道要簽城下之盟嗎?

東海南海興風浪 軍事金融齊動手


美軍太平洋司令部司令哈里斯近日表態,一旦中國攻打釣魚島,美軍必定會干預,公然為日本壯膽。而更早之前,哈里斯亦表示,美軍今年將派出更多軍艦前往南海中國的人工島礁附近航行,他並否認南海島礁是中國的主權領土。作為負責美國太平洋防務的最高軍事長官,哈里斯的連番表態,讓人感覺背後大有文章。

美國總統奧巴馬下月將在加州與東盟各國領袖進行對話,當中除了經濟議題,很重要的是南海問題,美國希望東盟各國聯合起來,共同對付中國。為此,美國國務卿克里早前到訪柬埔寨與老撾,威逼利誘兩國與中國劃清界線。這些事件無不說明美國在中國周邊布的羅網正在慢慢收緊,其對華戰略處於圖窮匕現的關鍵階段。

軍力圍堵 金融攻擊

美國對華歷來採取圍堵與遏制戰略,尤其是奧巴馬上台後進行全球戰略收縮,改善與古巴、緬甸、伊朗等傳統敵國的關係,將一半以上的軍力集中在太平洋地區。當然,美國的決策層也知道,與中國這樣一個崛起中的大國進行硬碰硬的對撞,美國即使能夠獲勝,也將是慘勝,結果得不償失,而且讓俄羅斯漁翁得利。

正因為此,美國採取的是以軍力圍堵為輔、以金融攻擊為主的綜合策略,一直在等待戰機的來臨。如今中國經濟陷入困境,尤其是去年股災之後,中國經濟決策錯漏百出,步伐被打亂,錯誤地將人民幣貶值,使得國內資金蜂擁外逃,股市接連重挫,政府花費七千多億美元儲備才暫時穩定了人民幣匯率。但隨着索羅斯發出做空中國追殺令之後,國際大鱷紛紛跟進,表態要對華發動經濟攻擊,中國金融安全險象環生。

如果僅僅是金融危機,憑藉中國現有的國力與政策工具,還是有能力應付的,問題是,如果美國在南海與東海再發難,唆使周邊國家與中國發生衝突,製造一場中等強度的地緣政治危機,形成一個恐慌氣氛,促使更多中國資金外逃,消耗中國外匯儲備,再配以美聯儲加息等手段,無論是中國內地還是香港、澳門,經濟都將全部垮塌,美國可以實現對華不戰而勝的戰略,以最小的代價實現最大利益。

對於美國的戰略企圖,中國須警鐘長鳴。今年是異常艱難的一年,從國內小環境到國外大環境莫不如此,當局既要做好最壞的打算,也要做好最周全的準備,真正制訂好應對各種危機的預案,將底線思維落到實處。

60. 奇妙 2016-01-31 03:31:56
好耐無睇呢度D文章。偶爾一看。仲以為自己未老先衰,老人痴呆。唔記得:前幾個月湯先生才叫人想買樓都千祈唔好買舊樓。買新樓至啱。前幾星期湯先生又係有線money cafe話,D新樓,D設施種種啱晒宜家D年青人。乜東岸唔係好啱D年青人嘅新樓咩?乜解咁奇妙宜家係度抽人地十年水?怕且,大家大概可以成為十年其中一幕被搜集標本的對象吧(大家如果有睇十年,會明白啩)
61. 奇妙 2016-01-31 03:35:25
湯先生或各位大大,知否689飛身+x握手的寓意?
62. 蕭峰 2016-01-31 13:01:41
新盤今年乍現撻訂
(東方) 2016年1月31日
新盤淡靜,更有一手樓錄得撻訂個案。恒地(00012)負責銷售的長沙灣海柏匯,當中售價最平的5樓B室,於本月二十三日以約303萬售出,買家簽臨時買賣合約後,交易再未有進展。
63. 引刀一快 2016-01-31 14:48:03
向飯

最終都系孤立中國。”,呢個局面,唔係自然而然嘅,中國太多好似你咁嘅諗法,堅决認定美國係永遠嘅死敵,但係又好多人叛國投敵,仲要博老命考試去美國留學攞綠卡。

點解要孤立中國?中國太多好似你咁嘅諗法,惡性循環,意識形態造就呢個困局。
64. 向飯民說不 2016-01-31 15:51:27
引刀,應該系中國太多好似你咁嘅諗法,惡性循環,意識形態造就呢個困局。真系好難明白。根本美國佬已經出到口要孤立中國,甚至將全國一半的兵力放系太平洋。種種動作,你還天真的以為美國佬只是出口術。

美國人在外以強大的軍力,貨幣戰,和帶一堆走狗,想圍堵中國,做內他收買了一堆人渣,不斷抹黑,洗腦,顛倒是非黑白,講些似是而非道理,顛覆中國內部。這些我們在佔中之後覺醒了。

香港人其實好幸福,以醫療制度來說,窮人可以排隊看政府醫院,如果是緊急的,窮人也可以得到適當的醫療。而有錢人,你可以選擇比錢。

做美國實行的O爸爸care之後,醫療成本幾7seven重,你又知吾知道,當然他們唯一的好處就是你很窮,沒有錢,醫院還是要醫你的。但是你最終還是破產。而加拿大的所謂免費醫療,一樣要排隊。還有香港的高跌,港珠澳超支和delay同美國,加拿大,澳洲等先進國家比起來,真系小巫見大巫。那些偉大國家修小小一,二公里路,可以超支,delay幾年。美國話搞高跌,估計無100年都建不成。

我就吾明白點解D seven 頭系要破壞香港的繁榮。
65. 引刀一快 2016-02-01 01:53:05
向飯

遠交近攻,係最簡單嘅道理,正係你呢種思想上嘅老八路,令中國面對巨大困境。

遲咗喇,依傢人地都郁手夾中國喇。

顛倒因果,就係你最大誤點,點解美國連炸過嘅日本都可以扶持,就係一定要整死中國?蘇聯會,中國未到呢個水平。

我講嘅嘢,你總係要轉灣嚟回應,原因我理解。
66. 向飯民說不 2016-02-01 11:48:26
樓上,中國政府不是背後玩緊遠交近攻嗎?但是也可以sense到美國鬼背後玩野。
不過你追求的就是要中國成為美國走狗。難明
67. 引刀一快 2016-02-01 12:49:33
向飯

有本事你可以令美國做走狗啫,周邊咁多國家唔妥中國,何解?

如果中國人質素夠高,14億人無所懼,不過實情係點?唔好自欺欺人喇!
68. 向飯民說不 2016-02-01 13:51:41
引刀,講到最後都系崇洋仔,被強奸也要學會享受。真系東亞病夫
不過中美本身都有問題,美國經濟其實也是虛的,最賺錢的iPhone也開始邊緣化,其實鹿死誰手好難講。中國只要頂多一陣,美國都自己未必能勝。
69. 引刀一快 2016-02-01 14:27:01
向飯

我一啲都冇崇洋,我本科嘅同學操兵移民,你估我就走唔到咩?

有本事你去強姦人囉,最怕雪姑七友咋!王子坐埋一邊un un腳睇戲。