主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 37245    回應 : 107
文亮言
買靚樓之毋需問別人意見
 
湯文亮博士
紀惠集團行政總裁
2015年11月20日

  有很多人,尤其是買第一層樓的年青人,當他們準備買樓之前,都會向同輩徵詢意見,非常奇怪,那些還未有物業同輩,很多時都會有一些意見,例如地點不太理想,交通不便,同區太多供應,甚至地產商信譽,諸如此類,如果問長輩,他們會反問那人的經濟狀況,是否有能力供樓,又什麼量力而為等,極少人沒有表達意見,或者表示讚同,那個打算買樓的年青人在收集了意見之後,除非他有很大決心,否則,他大多數會擱置買樓念頭,過了一段時間,樓價上升,年青人如果埋怨其他人,他們都會說,只不過是表達意見,是否買樓,當然是年青人自己的決定,但如果樓價下跌,就唔知道有幾多人走出來對年青人說,好彩是他們叫年青人唔好買樓,否則,現在就損失慘重,既然有此結果,打算買樓的年青人又何需問別人意見。

  還有一種人,他們非常贊成年青人買樓,但有少少意見,就是叫年青人在還價時大幅減價,最低限度都要減價一成,如果年青人做到,他日那人便會領首功,樓價一成的金額真的是非同小可,如果為此買唔成樓,都不能怪責那些人,他們都是一番好意,所以,任何人買樓都是自己的事,如果向那些還未有物業的人問意見,他們反而會覺得那人是炫耀,並不是問意見,如果向那些已經有物業的人問,由於那些人已經有物業,他們大多數會說,買樓是一個極艱辛行為,務必要三思,如果没有恆心,就千祈唔好買樓,最後都是唔問好過問。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-11-20 08:53:10
如果問引刀兄,佢當然會話唔好買。哈哈!
如果問打工兄,佢當然會話收租好辛苦。再哈哈!
2. 打工仔 Andy 2015-11-20 09:11:13
博士今日文章好有趣呀! 哈哈!
3. 望東樓 2015-11-20 09:11:35
同其他金融市場一樣,意見一定要問,但行動就相反。不過可以真係做到嘅十中無一。
4. 打工仔 Andy 2015-11-20 09:14:02
誠哥都話只要有能力攞一半樓價出來, 自住樓幾時都買得! 


5. 引刀一快 2015-11-20 09:14:51
長河san技窮。
6. 打工仔 Andy 2015-11-20 09:18:27
長河兄

你講得好岩, 買樓收租真係好辛苦, 都係買下其他投資好! 呢 d 辛苦野留返我地做啦! 
7. 神算 2015-11-20 09:53:01
我建議而家上車客鎖定目標屋苑,聯絡代理留意放盤,大胆還價,買唔買到一回事,先了解市況,提高觸覺。
8. 引刀一快 2015-11-20 09:57:01
神算兄

非常同意,買屋唔係買菜,要多睇,多睇樓多同經紀交流,自然可以掌握得充分D,買平買貴一回事,起碼清楚自己做緊乜先!
9. 2011年開始 2015-11-20 10:09:09
收租真係好辛苦.
共呻支,哈哈!
10. 西門吹雪 2015-11-20 10:11:57
想當年,年紀尚輕,03買樓真係比家人插到暈。差D要斷絕關係。當時幾十萬已經買到2房居屋自由市場。當年有份插我既親人反在這一年半年內入左貨收租 =.=~ 人真的很可笑,很奇怪,一地平貨又唔敢拾,到水尾了反而怕蝕低又學人投資物業了...
11. 向飯民說不 2015-11-20 10:13:08
中國人傳統,大部分都系成功靠父幹
12. 自我陶醉 2015-11-20 10:18:10
10樓 Simon1 兄,

呢啲就係人性! 喺股票市場幾年一次大冧市,有啲人次次都有份,永遠都學唔精, 何況十幾年先一個cycle嘅樓市!  原因係好多人嘅投資決定,都係由氣氛主導,而唔係由理性主導。
13. 樓蟹 2015-11-20 10:36:42
今次調整期唔會太長, 現在診有部分業主出貨, 年輕人好快手啲。蘇州過後未必有艇搭。
14. 西門吹雪 2015-11-20 10:45:29

自醉兄每次都說出在下既心底話來~~

而家先來入,我唔敢講佢輸硬。但係好明顯係唔值博LAW。 應該害怕既時候,佢就大膽進擊。應該進擊既時候就怕得要命。可笑。

15. 自我陶醉 2015-11-20 10:49:06
Simon1兄,

贏就贏粒糖,輸就輸間廠,就係呢啲。其實有好多人都唔介意撈水尾,已經見怪不怪了! 哈哈哈!
16. 引刀一快 2015-11-20 10:54:27
完全同意自我陶醉兄講法,記得大約年零前,當時引刀長期處于被圍插狀態,其中一種講法就係如果連引刀D咁嘅人都入貨嘅時侯,佢地就即刻走。雖然係一種詆毀,但係亦講明咗一種情况,就係氣氛可以扭轉人嘅判斷。
不過我夠膽對當時果位兄台講句,等到引刀入港樓嘅時侯,你已經係冇鞋挽屐走。
17. Desmond 2015-11-20 11:10:35
4樓打工仔兄,誠哥是地產商,他這個說法是最安全的。


18. 歷史長河 2015-11-20 11:33:06
16樓刀兄,亦即你一日未出手,果位兄台就可以繼續笑傲江湖。對嗎?
19. 引刀一快 2015-11-20 11:39:36
依傢可以呀,不過我早就見唔到佢笑囉,你氹下佢喇。
20. 歷史長河 2015-11-20 11:42:08
點解呀?俾從歷史高位3.x%下跌打敗咗?
21. 樓蟹 2015-11-20 11:42:55

我都好想樓價大調整然後入番間, 這只不過主觀願望。

由於港美有息差, 銀公主席都講咗香港完全有空間唔跟。匯豐重想減按息爭客。

樓价跌三成,出現通縮,經濟也受影響,到時唔知夠唔夠胆買。


22. 收租王Tony 2015-11-20 12:53:03

嘩!大淡友都轉呔呀?

 

千萬不要刪除以往既文章!網友自有公平既評價!

 

尤其係聽完某專家租住等細價上車樓爆煲、逢三退一、退晒、沽空物業既淡友們,

年頭最佳入貨時機都錯過埋,宜家不妨多等357年,人地富豪d千金都入重貨上晒車,你班淡友慢慢等啦~

 

問問問~咁多人俾你問都搵個未買過細價樓既人黎問,

輸左怨得邊個...?^______^

23. 引刀一快 2015-11-20 12:54:50
長河san ,佢地唔笑唔關我事,你去問問佢地囉,順便氹氹佢地。
24. 歷史長河 2015-11-20 12:55:13
引刀兄,重點係你點知佢唔笑?
25. 自我陶醉 2015-11-20 13:15:44
真係人各有志,畀我就寧願等三五七年,都好過賺咗三兩年跟住要坐艇十幾廿年喇!
26. 收租王Tony 2015-11-20 13:17:46

回25:

你個網名真係冇改錯~~^___^

27. 歷史長河 2015-11-20 13:18:23
原來陶醉兄改過名!以前點稱呼?
28. 如是 2015-11-20 13:21:02
命裡有,不問也會自然行動;
命裡冇,問也白問。
安份守己,知足常樂。
29. 打工仔 Andy 2015-11-20 13:25:32
自醉兄

的確係, 今次跌起來真不講得笑 ! 博士都估計有20%, 现在連自住都不買呀! 
一個字講晒"等" !
買來收租更不要! 
30. 歷史長河 2015-11-20 13:25:37
打工兄所言甚是,一個字「等」!
31. 打工仔 Andy 2015-11-20 13:26:59
引刀兄

慢慢睇, 不用急買呀!
32. 打工仔 Andy 2015-11-20 13:30:37
收租王Tony 兄

我地好友其實係口淡心紅呀! 

共勉之
33. 收租王Tony 2015-11-20 13:42:21

To:打工仔~

冇黎一排,我去跌咳果邊多,

估唔到呢度仲有好友,

 

小心俾人告,呢度唔識挽鞋好危險,珍重~

34. 自我陶醉 2015-11-20 13:54:28
26樓

係㗎! 我都覺得好啱我。 衆人皆醒我獨醉,非常啱feel。呵呵!  
35. 打工仔 Andy 2015-11-20 13:58:52
收租王 Tony 兄

跌咳果邊好多三字經聽! 
哈哈哈!
36. 西門吹雪 2015-11-20 14:13:53
嘩,咩咁講野呀?
打工兄雖然與小弟意見不同,但各人各自發表意見,請問有甚麼問題?反而個d係度冷嘲熱諷,見人就咬既乜乜,就真係小心比人吿啦。
37. 自我陶醉 2015-11-20 14:43:12
29樓 打工仔兄

睇好嘅又等, 睇淡嘅又等,邊個去買? 冇人去買,樓價點升?
38. 神算 2015-11-20 16:12:59
收租Tony,

兄台應該好like 而家個市喎,唔上唔落,劈價嘅買賣同租盤全部只係個別例子,都唔會燒到你啦!建議你再盡按手上物業,借埋財仔,入十間八間創新高幫手打打氣啦!
39. 打工仔 Andy 2015-11-20 16:36:12
自醉兄

现在莫講d 樓打橫行, 唔跌得多已經揄笑了!
40. big-nature 2015-11-20 16:52:42
不問蒼天,問鬼神!

41. 收租王Tony 2015-11-20 17:12:48
37樓:
好多野相對既,唔好淨係睇到自己想野果d野,會錯失好多機會....
 
睇好嘅成手貨, 睇淡嘅又不停等,邊個去賣? 冇人去賣,樓價點跌?
 
38樓:
我一早已經入到成手貨,由H+0.7%入到H+1.7%,你可以即刻借1000萬2.15%p.a.分30年咁俾我,我唔使諗,即借!^_________^ 
42. 香港仔 2015-11-20 17:22:39
「世宙」首批238伙:145伙兩房425' -430'  和  93伙三房 643' -646'

明天11-9 公開示位及收票 示位 : 紅磡置富都會L9

最平兩房 5B5:訂價$4,831,000@10848
                           折實 $4,251,000@9932

最平三房1K5:折實6,167,000@9546

一萬呎都唔洗,「長和」想一Q清袋嗎??

43. Alan Pepper 2015-11-20 18:02:40
To 41,

我睇淡,但又成手貨,但你問我會唔會買我又話會。咁我係好淡不分還是精神分裂?


44. Oscar Lam 2015-11-20 19:05:39
回41收租王,

現在入到成手蟹貨非一名謹慎投資者應有的做法,建議兄台買本博士【逢三退一】和【细价楼爆煲論】细閱。相信對你有所帮助。嘻嘻!
45. 歷史長河 2015-11-20 19:09:33
Oscar兄,聽聞你住宅加埋地鋪,商廈等中外屋業已近百,不知 Tony兄是否多過你?
46. Oscar Lam 2015-11-20 19:29:11
長河兄,

你搞錯了!持有過百物業的是收租王Tony,並非在下。否則如何敢稱王?哈哈!
47. 2011年開始 2015-11-20 19:40:13
我都是成手貨,備用現金在完全冇租金收入之下也可以頂五年,現策略不買不賣.
48. 自我陶醉 2015-11-20 19:58:08
睇嚟想獨醉越來越難喇,諗起上年年初, 人人都話冇得跌,仲有人同我講美國會加大QE, 到依家睇好竟然變成少數派, 只有嘆一句世事無常。

知唔知股票市場最怕係咩? 就係個個睇好嘅人,都話自己已經成手貨,有啲仲連孖展都借盡。 樓市我唔熟, 所以廢事亂估, 做收租王冇問題, 最緊要唔好做艇王。

49. 歷史長河 2015-11-20 20:30:21
陶醉兄,多謝提醒,小弟都成手貨,另外今年完成了5個加按動作,准備做艇王。哈哈!
50. 大寶二寶 2015-11-20 20:32:23
回自醉兄

股市同樓市一樣,愈多人睇好就係出貨時機,愈多人睇淡就係入貨時候。呢個道理屢試不爽。依家樓市大部分人睇跌,憑逆向思維,樓市係咪應該未冧得住?如果大部分人都咁易估到樓價未來走向,呢個世界就真係有西方,冇窮人咯。

共估之,哈哈!
51. 香港仔 2015-11-20 20:38:29

湯文亮博士仍預測3年內出現1萬個銀主盤

 http://m.on.cc/nc/fin/20151120/20151120151918fi.html


52. 自我陶醉 2015-11-20 20:48:15
回孖寶兄,

你嘅理解唔可以話錯, 但有少少偏差,股票市場唔會因為多咗人睇淡而升, 只會因個個做淡才會升。 咩係個個做淡? 就係有貨要沽沽哂唔想再買, 冇貨都要借貨嚟沽, 嗰時先係最好入市時機。

53. 如是 2015-11-20 20:54:34
陶醉兄,明白了,賣了自住樓才算沽空,唔知近兩三年多唔多人賣了自住樓呢!
現時地產商不斷出優惠,冇樓的人可會把持不住買番自住呢?
54. 自我陶醉 2015-11-20 20:56:26
49樓 長河兄, 

上次Sugar話你口水多過河水, 令我突然諗起一首老餅歌, 相信你未聽過:

河水彎又彎 冷然說憂患
別我鄉里時 眼淚一串濕衣衫
人於天地中 似螻蟻千萬
獨我苦笑離群 當日抑憤郁心間
若有輕舟強渡 有朝必定再返
水漲 水退 難免起落數番
大地倚在河畔 水聲輕說變幻
夢裡依稀滿地青翠 但我鬢上已斑斑

55. 香港仔 2015-11-20 20:58:13

湯文亮博士的預測三年內出現一萬個銀主盤好可能是對的,想真當9成5按揭的劏房樓到收樓時,樓價又跌了二成,有一萬個銀主盤不足為奇!!

56. 大寶二寶 2015-11-20 20:58:31
回16 刀兄

如刀兄入香港樓時,記得通知聲呀!哈哈……
57. 自我陶醉 2015-11-20 21:11:47
53樓 如是兄

你講嘅大規模沽空應該係09~10, 個市已經升咗喇! 你唔覺咩? 相信好多喺13~14都已經入番市。
58. Oscar Lam 2015-11-20 21:15:25
孖寶兄,

現在情況有點複雜。雖大部份人睇跌,但並非看得太淡,一般估計調整10-15%左右。評估未來走勢真得要多觀察一段時間才可以。
59. 神算 2015-11-20 21:34:13
自醉兄,

關正傑,我鍾意!

收租神,

唔駛我借啦,xx兄弟幫到你,仲會揾靚女坐飛船送到你屋企! Hohoho j/k

長河兄係咪攻讀博士? 交足學費可以畢業。
60. 歷史長河 2015-11-20 21:41:14
陶醉兄,有些感傷!
舉世皆濁你獨清,樓好皆醉你獨醒!佩服!


61. 大寶二寶 2015-11-20 21:43:02
回58 Oscar 兄,

師兄所言甚是。小弟認為短期樓價走勢,係咪轉勢,還看二月!

共看之,哈哈!
62. 歷史長河 2015-11-20 21:47:16
神算兄,世事總俾你睇透,佩服!
63. 自我陶醉 2015-11-20 22:03:31
60樓 長河兄,

而家睇好已經係少數派,你應該係衆人皆醉你獨醒喎!  咪掉轉講先得㗎!  佩服佩服!




64. 打工仔 Andy 2015-11-20 22:05:42
43, Alan 兄

精神分裂就唔使, 相反, 要集中精神睇下博士文章有無新提示就真!


65. 打工仔 Andy 2015-11-20 22:07:11
自醉兄

我都係關正傑歌迷呀! 

共唱之
66. 打工仔 Andy 2015-11-20 22:09:53
孖寶兄

依靠估都唔係辦法, 要揾水晶球就差唔多! 哈哈! 
67. 打工仔 Andy 2015-11-20 22:13:36
長河兄 Oscar兄

你地兩位超級大戶唔好扮野, 你地揸好多豪宅及舖位係人都知啦! 
哈哈哈! 
68. 打工仔 Andy 2015-11-20 22:18:09
47樓 2011開始兄

你是否從2011年開始掃貨? 
69. 打工仔 Andy 2015-11-20 22:22:12
神算兄

我估依家除左江湖救急外, 無人敢揾乜乜兄弟幫手借錢上車掛! 
70. 打工仔 Andy 2015-11-20 22:24:34
收租王Tony

依家呢到好友人丁單薄, 請多多來交流啦! 
71. 歷史長河 2015-11-20 22:32:31
打工兄連發七炮,勤力如博士,應該離400億不遠了.
72. 歷史長河 2015-11-20 22:35:58
陶醉兄,不如有空時分享一下是否每次股災都能抓住,另外機會來時是否全線撲入?
73. Oscar Lam 2015-11-20 22:36:30
長河兄,

打工仔兄距離博士還很遠,他只有40億。
74. 歷史長河 2015-11-20 22:39:52
73樓 Oscar兄,根據我的內線,應該不止這個數,魚蛋仔可以作證。
75. 打工仔 Andy 2015-11-20 22:54:49
長河兄 Oscar兄

兩位果然超班人馬, 億億聲! 真勁! 
小弟佩服佩服, 哈哈哈! 
76. Oscar Lam 2015-11-20 22:56:04
長河兄,啊!我搞錯了!40億是指闊太魚蛋仔。這個數在我們谷中算是最少了,打工仔遠不止這個數。
77. 打工仔 Andy 2015-11-20 22:56:54
長河兄

我原本想發十炮, 可惜有人call我! 
78. 魚蛋仔 2015-11-20 23:01:52

回74/F 長河兄

信息很混亂,你們個個家財億萬貫,一個有一百億,一個有八十億,一個有接近一百個單位收租,真係冇辦法記清楚。最難得是位位師兄年青又靚仔。像你長河兄,青年才俊,擁有財富應該有一百億過外。


共估之!哈哈!


79. 2011年開始 2015-11-20 23:08:33
回68打工仔兄
我04/05年all in 自住加收租,07加碼,09年賣出最大果件收租樓😭😭,10年追番一半,12,13,14,15入東九工厦,磚頭只買不賣除非換貨.

2011年開始距遠離紙上富貴,所以改呢個網名記念😄
80. 歷史長河 2015-11-20 23:11:16
打工兄,Call完就繼續發,繼續繼續!
81. 歷史長河 2015-11-20 23:11:36
2011兄,多謝無私分享。小弟同你經歷類似又不盡相同,相同在於只買不賣;不同在於小弟未有換貨,另外不懂工廈,屬於投資初B班,哈哈。

以後多多交流。
82. 大寶二寶 2015-11-20 23:13:26
做咩好友戰埸搬咗嚟呢度?又轉勢?

共戰之,哈哈!
83. 2011年開始 2015-11-20 23:26:33
To:81樓歷史長河兄,
請多多交流
84. 打工仔 Andy 2015-11-20 23:29:36
2011年兄

果然强勁! 東九工厦飛天了! 
85. 打工仔 Andy 2015-11-20 23:34:34
孖宝兄

我地好友無處不在! 哈哈!
86. 柴灣起太古廣場 2015-11-20 23:44:02
87. 歷史長河 2015-11-20 23:45:27
To 78樓闊太,是否把我同Alan Pepper 搞混咗?我係更年期女人........
88. 2011年開始 2015-11-20 23:58:18
打工仔兄,平時好忙,您見我都好少發表意見,買東九工厦是因為CBD2項目還有十幾年先完成,唔使煩換貨,工厦又不像住宅要保養屋內電器,買了才知租客質素好好,租客全部是外國公司交租準時,全部續租,最好回報的一個單位四年加租一倍,現在住宅租金追不上樓價升幅,東九工厦相反,租金升幅高過樓價,啱我呢D收租佬,不好之處在於借貸少,只有四成又要DSD,也好,反正我不想多借.
89. 2011年開始 2015-11-21 00:03:59
我的工厦只是千零尺的小單位,還要向各位師兄多多學習😊
90. 打工仔 Andy 2015-11-21 08:57:23
2011年兄

多謝你的分享, 小弟也留意緊工厦, 有机會要向你多多學習! 

共勉之
91. 打工仔 Andy 2015-11-21 09:21:29
2011年兄

補充: 
小弟的住宅收租物業也集中在東九, 我的office也在東九, 你講得無錯, 東九將來一定变成另一個中環呀!
92. 魚蛋仔 2015-11-21 09:24:59

T: 87/F

搞混了你的身份,真不好意思。不過,以你說的作準。嘻嘻!


93. 歷史長河 2015-11-21 10:32:20
打工兄及2011兄,

兩位兄台眼光長遠,東九冇得輸。
94. 2011年開始 2015-11-21 11:20:14
打工仔兄,長河兄
我認為將來東九龍工商住舖升幅坐亞望冠
95. 2011年開始 2015-11-21 11:31:31
發展局網站有活化工厦資料,最新已完成活化加巳批活化未完工總面積已經超過政府公布開始活化時的空置量,講供應工厦是負供應😮,現在買都未遲
96. 打工仔 Andy 2015-11-21 11:47:18
2011年兄

是的, 工廈拆一棟少一棟, 甲厦在不斷的增加, 工廈有一定的需求, 工厦會像古董一樣變成明珠! 
97. 打工仔 Andy 2015-11-21 11:52:04
2011年兄

活化計劃的申請在明年三月結束, 唔知政策會否加碼? 不過全港工厦的空置率只有約5.6% , 可見工厦的需求真不少呀! 
98. 2011年開始 2015-11-21 12:13:04
96-打工仔兄,工厦現在已經由爛銅爛鐵變為K金,含金量增加中,15年之後變成24K金,到時收購重建一嚿24K金變二至三嚿金.

97-活化申請在2016年3月31日結束,我不認為會再延期,空置主要集中在荃灣及葵涌(特別是青山公路至和宜合道),市區空置多數是活化中的工厦,真正可供租賣不多,每個月都有幾個經紀來問租賣盤.

99. 打工仔 Andy 2015-11-21 12:18:51
2011年兄

屯门西鐵屯门站附近的工厦點睇? 
博士公司也有活化項目在屯门。
100. 2011年開始 2015-11-21 12:21:25
【信報】謂,梁錦松:改建工廈添供應。本港建屋土地不足,前財政司司長梁錦松周五出席公開活動時建議,指政府可考慮改建工廈及填海,以解決土地不足問題 ,並指討論是社會重要的政治生態,希望公眾多作討論。 
101. 2011年開始 2015-11-21 12:38:26
屯門工厦將會受惠于機場至屯門連接路,通過港深西部公路節省往返時間,估計吸引物流業搬到屯門,物流業一般需求樓面5/6千至全層萬尺以上,我未有能力一次買甘大樓面.
102. 打工仔 Andy 2015-11-21 12:42:05
2011年兄

收到! 謝謝你的分析!
103. 歷史長河 2015-11-21 23:25:16
2011年兄,綱主Ronald發電郵揾你,請查閱電郵!
104. 2011年開始 2015-11-21 23:50:52
歷史長河兄,已覆Ronald網主電郵,謝謝!
105. 歷史長河 2015-11-21 23:53:16
太好了!
106. 30人妻 2015-11-27 12:58:40
人地意見都始終係人地
我同老公買樓果時真係咩意見都冇問人
只係不停咁睇樓比較
亦都唔會同其他FRD OR親友一齊睇
住GE係自己 
錢又係自己
問咁多做咩?
107. 歷史長河 2015-11-27 18:13:39
人妻兄所言甚是!