地產博客 > 文亮言 返回
瀏覽人次:33408    回應:13
文亮言
相見時難別亦難
 
湯文亮博士
紀惠集團行政總裁
2015年10月13日

  近日與不同物業代理行晚宴,他們不其然講到現在成交慘淡,估計今年全年二手樓成交量只有六萬多單,而全港有三萬七個物業代理,平均每位代理每年做唔到兩單生意,我都唔知道他們如何能夠生存,有物業代理坦然承認,他們也不敢叫客戶買樓或者賣樓,現在樓價處於高位,回調20%的機會非常之大,叫客戶買樓即是叫客戶輸錢,但如果叫客戶賣樓,即使賣得好價,樓市在不久將來又真的下跌20%,但扣除一切使費之後,可能都只是白做,既然如此,一動就不如一靜,做成買賣兩閒。

  在買樓賣樓的人心中,其實另有打算,買樓的人想到,如果買入一個物業,沒有十足把握可以持有三年,就必須要考慮清楚,因為除了買入時要付正常印花稅外,賣走時要付SSD,如果沒有足夠首期,買入時向財務公司借錢,當樓價下跌,財務公司追數,想賣樓還債都不能。賣樓的人亦想到 ,今日將物業賣走,可能有不錯利潤,但再要買入另外一個物業,最大困難就是不能夠獲得足夠貸款額,倒不如不賣好過,連逢三退一都唔做,做成買賣兩難,做物業代理的就很悽慘。

  從買賣兩難使我想起李商隱,他寫過一首詩,不但我唔記得叫什麼名字,連李商隱都唔記得,所以,他索性叫那首詩做“無題”,第一、二句就是‘相見時難別亦難,春風無力百花殘’,我認為現時樓市情況就是‘買時艱難賣亦難,購買無力樓市殘’,絕對是一個兩難局面,而樓價指數高踞不下,就是這個兩難局面,令交投淡靜所引致,要化解這個局面,除了要供應增多之外,並且要令到市民相信政府是有能力增加供應,樓價在增加供應之下一定有所調整,這才可以達到增加供應效果,但這關乎到政府的公信力,這點,香港政府比較弱,到最後,變成要恢復市民對政府信任,才可以解決樓宇買賣兩閒問題。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-10-13 10:13:28
睇左博士會客室, 又明多 d 了! 多謝博士!
2. 樓蟹 2015-10-13 11:34:09

所以代理現在很積極做租盤。

還有一手樓哩?

只敢說這些, 驚又刪文。

3. 香港人 2015-10-13 11:57:08
    賣樓的人亦想到 ,今日將物業賣走,可能有不錯利潤,但再要買入另外一個  (相同) 的物業,最大困難就是不能夠獲得足夠貸款額,還要付出近 15-20% 的稅款 (買及賣) , 如樓價不在   短期內  下跌到 3 成以上 ,  根本就沒有利 , 倒不如不賣好過,連逢三退一都唔做,做成賣樓難.
4. 鄧學士 2015-10-13 12:00:17
地產代理又係多餘既,有啲業主幾十萬買層樓返黎,既然預計有可能跌廿個,點解依家唔賣,有賺唔賺,罪大惡極,代理又有生意,買嗰個又要住又怕樓價唔跌,或唔怕樓價跌,家家有求,可苦諗咁多理由比個客又連累自己冇生意,況且佢地係代理,中間人又唔係專業分析師,分析師都會錯啦,搞到一檀死水,又可以怪誰。
5. 鄧學士 2015-10-13 12:09:52
啱啱又有個代理打比我,話有個筍盤,我聽佢語氣應該係急盤至真,我推咗佢,佢竟然話錯過咗下一個必貴,係必貴,我諗佢唔止代理,仲代表埋主耶蘇基督講嘢囉。
6. 樓市趙括 2015-10-13 12:44:03
如果買股票都收 SSD, DSD, BSD, 所有證券行,投行都會係一年內消失,重有唔少行業受影響。
如果豬肉貴,政府去收30%豬肉稅,咁又會點?
7. 蕭峰 2015-10-13 12:54:54
其實hk人都幾醒,一方面個市唔認已經轉角,另一方面,週末十大屋苑成交捧蛋。大家心知肚明啦!
8. 真真薯片 2015-10-13 13:11:36
的確到呢一刻政府既供應量仲係備受質疑

一來發展商可以囤貨, 好似陳啟宗咁持貨十年, 吹咩?
二來政府猛推一輪地反, 熟地儲備所餘無幾, 造地速度追唔上, 所以比人睇死
三來, 現任特首講乜都無人信, 呢樣比較冤枉, 不過事實係咁
9. 引刀一快 2015-10-13 14:46:37

To 5樓 鄧學士兄

代理都要食飯,佢地最怕樓市轉勢,到時真係會好少人買樓,據稱依家香港有37000個地代,若果轉向明朗化,會有唔少人離開或者暫時離開,到時失業率數字會有變化,講唔定會加速樓市下墜速度。

10. 鄧學士 2015-10-13 19:04:58
To 9樓刀兄,我明白樓價唔升係冇人買既,所以前幾年政府最怕樓價跌,但升幅始終係有極限既,我相信家下業主既叫價已經榨乾買家既供樓負擔比率了,這是好現象嗎?我怕現在高價接貨者若然遇著海嘯係好難轉身既。不要以為負擔得起便買罷
11. 忠實者 2015-10-13 21:49:39
喜歡湯博士的精警語句
12. 嘍囉 2015-10-13 22:22:53
十分認同
13. 路人甲 2015-10-14 10:35:50

地產以外, 買家亦唔易做!
肯呢個時候買樓決定, 第一個難! 
再者, 買入若又借唔到錢, 要搵財仔, 更難!

這兩天跟銀行貸款部聊過天, 只要業主曾經向財仔借錢買樓, 佢地都唔會借錢俾呢D "黑名單' 的人. 因為, 銀行已經睇唔到佢地去到第幾按, 層樓仲值唔值錢, 夠唔夠樓屳債呢?
做生意要冒咁大風險, 誰也卻步吧了!

這樣的時空, 誰人肯冒然前進呢? 
還是靜觀其變好了.