主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 32769    回應 : 17
文亮言
借錢俾人就容易,要收回就很艱難
 
湯文亮博士
紀惠集團行政總裁
2015年10月12日

  上星期,幾位具有上市及江湖地位的財務公司負責人分別發表聲明,今次,他們不是話我不懂得財務公司運作,亦不是話四按物業不足100宗,絕對不是我所說的12,000宗,而是將樓宇估價降低,當中有負責人更加表示,在估價降低之後,有部份借貸是與資產價值相同,即是說,如果樓價繼續下跌,便會出現資不抵債情況,言下之意,即是準備向高借貸比率的客戶追債,有向財務公司借錢的人就要打醒十二分精神,他們很快便會知道,財務公司的追數行動是如何進取。

  其實,財務公司知道,追收欠債一點也不容易,雍正深明此道,他曾經說過,錢,是坐住借出去,跪都收唔到返來,這兩句話,就知道借錢俾人的人是如何辛酸,收錢是如何困難,雍正亦知道,收錢一定要用武力行動,所以,他早已吩咐年羹堯成立血滴子部隊,除了暗殺政敵,或者是呂四娘等反清復明分子外,主要目的是追收欠債,因為在康熙時代,八旗子弟借貸太多,如果唔用武力,根本收唔到返來,收咗幾年,可以夠乾隆這個十全老人花六十年,如果沒有血滴子做收數,我相信雍正都冇辦法。

  當財務公司將估價降低,不少早已向財務公司借錢的人就震過貓王,不過,他們又不用太擔心,只要他們準時還款,短期之內是沒有事,長遠當然是睇樓市走勢,但以現在來看,又絕非樂觀,在以往,那些在財務公司借錢的人有部份根本沒有還錢,他們因應樓價上升而加按,以貸冚債,越借越多,只要樓價停止上升,那些人便有麻煩,更何況現在是財務公司將估價降低,即是表明不但不會加按物業,而且還會追數,在這情況下,賣樓似乎是唯一途徑,但若果個案太多,又會產生骨牌效應,令樓價更加會反覆向下,就會有更多已向財務公司借錢的人被追數,到那時候,樓市就會被踐踏,本來有一些人話從來唔擔心樓價下跌,但見到如此情況,亦會急急忙忙賣樓,就算推翻自己昔日所講的說話亦在所不惜,樓價就會急速向下,大家亦會發覺,今日對樓市非常有信心的人,屆時,便會信心盡失。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. Desmond 2015-10-12 08:47:02
上市的財務公司要追數,是自已公司職員去做,還是外判到出面的人仕去做?
2. 真真薯片 2015-10-12 09:40:51
在下愚見, 財務公司既態度, 可以從財仔廣告既數量去評估, 只要一日仲見到鋪天蓋地既借錢廣告, 就代表業主借財仔呢盤生意尚未爆煲

另外亦回覆一下引刀兄, 如果要分派. 在下應該是屬於淡友, 在下忍左n年一直冇買樓, 本來打算今年買, 睇左湯博士既爆煲論後決定延遲置業計劃一年, 在下雖然係淡友, 但係在下係一個騰雞既淡友, 所以非常留意有可能令樓市再升或者唔跌既可能性, 在下同意財仔係一個炸彈, 不過如果財仔仲日日狂叫業主借錢, 即係財仔盤數仲未出問題, 距離爆煲仲有一段時間
3. 伟恒 2015-10-12 10:25:51
財仔条数係点计,借出二,三,四按。点样赚钱。
楼市升,债仔数冚数,楼市跌,钱係边度嚟。
我始终唔明白。
如果楼价下跌,卖出都冚唔翻条数。
债仔係咪要上身?
望汤Sir 或各位楼主点醒
4. 西門吹雪 2015-10-12 11:04:33

樓價升財務公司當然長做長有~

樓價跌,財務公司就會鬥快收數。因為樓價暫時仲係遠高於幾年前。賤賣你層樓,收埋你一推推費用,分分鐘仲有找。

如果到左賣左都唔夠填數既時候,財務公司都唔惦當。到時D借貸廣告就自然消失了。

5. 小小妹 2015-10-12 11:26:24
呢個世界吾只收數難,第一下有錢吾借比人,已經比人話冇人性、吾幫人,等錢借嘅人借之前已經咁無賴,仲想佢還?難!
6. 自我陶醉 2015-10-12 12:48:06
博士看小說太多了,世上真的有血滴子這樣的武器嗎? 呵呵! 
7. 引刀一快 2015-10-12 13:07:39

我相信血滴子係真有其事,不過有兩個型號,大號係用嚟笠人頭,小號應該係大概一只水魚嘅頭部詌大,平時便於收藏,對應身體攻擊點亦有所不同,當大號血滴子不管用,債仔連死都唔驚嘅時候,小號血滴子出馬!

8. 引刀一快 2015-10-12 13:56:41
大鑊,大陸取消存貸比。
9. 引刀一快 2015-10-12 14:07:30

To 2樓 真真薯片兄

既然都等咗咁耐,依家先嚟買就有點唔淡定,財仔因素之外還有經濟因素,兩者係會一齊發揮影響力嘅。

10. Alan Pepper 2015-10-12 14:19:29
https://www.facebook.com/drtongsharing/videos/1485207841782833/?fref=nf

還以為湯博士改行 :)
借了榴槤出去收唔返

11. 風 2015-10-12 17:41:45

請問引刀兄 大陸取消存貸比 有何影響


12. 引刀一快 2015-10-12 17:59:40

風兄

今日A股漲到七彩,不過,分分鐘爆更大嘅煲。

13. 風 2015-10-12 18:26:35
多謝引刀兄 原來影響了A股
14. 狗頭貓 2015-10-12 20:29:14
債主找血滴子部隊收數都未必十拿九穩 。 卄年前老友租了寫字樓給收數公司 , 一年後拉閘 。CID 告訴老友 , 收數公司收咗幾條過百萬大數 , 自己走佬了。
15. 有否"以貸冚債,越借越多"實際個案數字?? 請提供! 2015-10-13 09:57:46

置業購買力VS實質供樓負擔 2015/10/10


  今年樓市於第二季轉旺後回軟,第三季交投量逐步下跌,踏入第四季,外圍不明朗因素及加息陰霾下,樓市仍然疲弱。雖然最近二手樓市已近乎步入寒冬,但樓價仍只是稍作下調,反映業主普遍心態仍強,大部分沒有急於降價求售單位的需要。近年樓價節節上揚,海嘯後樓價升足7年,今年樓價累積仍升約9%,一邊廂的市民慨歎上車難,另一邊廂已置業的業主持貨能力相當強,這可以從供樓負擔數字的懸殊反映出來。
   市場提及的供樓負擔數字實質上分兩類,第一類可稱為樓價與收入槓桿比率,一般是假設一個單位呎數,再根據目前樓價及按息,以計算得出的按揭供款對比大眾平均入息(一般採用私樓住戶入息中位數)的數字,目的是衡量當前大眾的置業負擔能力。根據政府於今年發布的半年經濟報告,今年第二季的置業供樓負擔比率是62%,而金管局亦有發布相關數字,當局指出收入槓桿比率已上升至70.7%。這兩個數字計法類同,同樣以當前樓價及按息計算出供樓金額,用之對比大眾入息的參考數字,至於為何金管局提供的數字較高,主要是因為金管局之數字以一個50平方米(約538平方呎)的單位計算,而政府報告內之數字則以一個45平方米(約484平方呎)的單位計算,在相同按揭成數基準下,面積大些的單位當然涉及之供樓金額較高,對比入息的比率數字亦會較高。
   不過,姑勿論應用甚麼面積的單位作為基準,這個數字主要參考價值在於同一準則下,數字會否高於歷史平均水平,以衡量市民對於樓房的購買力;若數字不斷攀高,意味市民負擔樓價方面愈見吃力,入市能力下降。以金管局數字為例,收入槓桿比率的長期平均水平是50%,而在相同準則下,最近公布之數字處於70.7%高水平,便可反映市民入市購買力明顯較前下降。置業供樓負擔數字主要受樓價、按息及大眾入息水平而影響,近年這個數字基本上處於上升狀態,由於按息大致平穩,故可反映主要是樓價升速過快,市民入息水平未能追及所致。
   另一類供樓負擔數字是關於已置業人士的實質供樓負擔,是業主的實際供款佔入息水平。這數字可反映業主的供樓及債務還款能力,若數字在健康水平,代表業主面對樓市逆轉的防守力較佳,銀行壞帳風險亦較低。金管局在報告內指出現時的實質供款佔入息比率為35%,即是業主每月樓按及債務供款佔入息僅約35%,屬於健康低水平。
   上述之置業供樓負擔數字達70.7%高水平,反觀已置業人士的實質供款佔入息水平卻僅於35%水平,反映未上車與已置業人士的財務實力差距頗大。前者反映不少市民面對樓價高企上車困難,後者反映已置業人士普遍資金實力較充裕,他們有較強的還款能力,供樓擔子不太重,他們在首期資金方面亦較充裕,在措施下大部分買家需備四至五成首期方可入市上會。事實上,現時新造按揭的平均按揭成數僅為52%,即是目前置業人士平均可拿出樓價之48%作為基本首期。而人口普查結果曾指出,六成業主已沒有按揭供款需要支付,即是過半數業主實際上是沒有供樓負擔。
   從以上兩類供樓負擔數字的懸殊情況,不難理解近年市民在樓價高企下入市愈見困難,至於已成為業主的一群,即使面對樓市轉淡,大部分仍具備頗強的持貨能力,故並不輕易一下子將單位大幅減價出售。
16. 路人甲 2015-10-14 10:49:14

莫說是大數啦, 我在10多年前借過一筆錢俾由細玩到大的鄰居朋友.
講到好慘, 又話有兩個細路仔. 我又太純情, 唸都無唸, 當晚仲開埋車送到佢樓下.

答應左我的期, 當然無準時過, 仲係只付頭1-2次而已.(分期還)
之後無晒下文,問佢嘅時候, 佢仲話:" 唸住您唔急用嘛!'' 

哈哈! 答案永遠是千奇百怪的.
雖然是不多的錢, 也是一個教訓!
不過在信用上, 我都覺得應該跟我說一聲. 畢竟大家相識多年. 

都係果句, 借錢俾人,唔好預佢還到俾你, 你才好借, 咁就心安理得!

17. 打工仔 Andy 2015-10-14 11:22:26
當跌左!