地產博客 > 文亮言 返回
瀏覽人次:30569    回應:4
文亮言
歐智華應該早就離開匯豐
 
湯文亮博士
紀惠集團行政總裁
2015年10月14日

  我曾經寫過幾篇文章講歐智華與匯豐,當匯豐起用歐智華做大班,我認為匯豐深慶得人,夠膽以一個唔似統帥的人坐大班位,因為,歐智華的重點工作不是拓展業務,亦不是行政管理,而是做金刀手,為匯豐砍掉多年積聚下來,數量龐大的冗員,我並且認為,當金刀手完成工作之日,離開匯豐之時,由一名學術派的儒將帶領,匯豐很快便會重拾昔日的光輝歲月,很可惜,等了很久,歐智華還未離開,就算被人證實已經收取金刀費都唔肯離開,我知道匯豐由金刀手帶領,將會焦頭爛額,股價將會跑輸其他大藍籌,於是在去年七月,我把心一橫,將所有匯豐股票換港交所,那時候,股票行的人同我講,我這樣做是非常危險,我說唔做才危險,都唔知道匯豐被美國佬罰幾多錢,久不久又罰幾十億美金,金刀手只會向自己友埋手,唔識得同美國佬講數,唔知道仲有幾多錢要罰,此時不走,更待何時,當日,港交所140,匯豐70,今日,我都費事講股價,只講十大基金向匯豐迫宮,又睇歐智華有冇得留低。

  其實,匯豐是一間極優良公司,冗員問題是時間積聚,定時聘請金刀手清洗便可以,但金刀手在完成工作後必定要離開,否則,公司變得人人自危,而金刀手離開代表公司開始一個新紀元,現在,匯豐就有金刀手不願離開的危機,由十間基金公司迫宮,只不過做一場戲,如果毆智華再唔走,匯豐股票有很大機會被基金清洗,我相信現在他們是講緊條件,如果歐智華走,我都會買番匯豐。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 打工仔 Andy 2015-10-14 09:49:57
百年基業,應該用人為才!
2. 笑啖渴飲 2015-10-14 10:21:09
有意思, 比個good你
3. 飛5 2015-10-14 15:23:39
滙丰久不久被罸,又不知有多少doubtful debt, 已將佢飛咗好耐。
4. 史提芬 2015-10-14 20:46:20
其實小弟係上年左右賣左5號仔,再投資落700的時候,我祖母不斷問我,點解要放棄匯豐,可能對佢黎講係一種情義結。
但見佢地不斷被罰錢,不斷變埋手上的資產(交通銀行等),但又好似唔多覺有重大投資,本身業務又唔賺錢,只是不斷聽到被罰錢的新聞,其實都睇得幾淡。雖然有成5厘左右的息。但我見5號仔去到而家咁,當好黯然。希望學博士話,遲D換左管理層會有另一番景象。