主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 42995    回應 : 36
文亮言
今年內沒有上車的人就是贏家
 
湯文亮博士
紀惠集團行政總裁
2015年10月7日

  在中秋節當日,收到不少年青記者朋友問好短訊,覺得很奇怪,於是打電話問其中一位,他說好彩在我寫「細價樓爆煲論」後,有留意我的文章,知道細價樓的確有危機,在過去幾個月,不少記者的家人叫他們買樓,他們以我平日所說的理由反駁,主要是供應增多,樓價自然會下跌,要買樓不妨多等兩年,今日,政府各官員再次強調,在未來三至四年,最少有八萬三個單位供應已被確認,與二手細價樓同價的新樓盤亦賣得非常吃力,如果在今年內上車,買的又是創新高價的二手細價樓,已經差不多肯定是輸家,所以,不少記者們的家人都叫記者多謝我,我只能夠說,愧不敢當,我只不過是說出實情,其實,我亦抹一額汗,如果政府好似上一屆一樣,認為是炒家將樓價炒起,沒有在增加供應方面做功夫,樓價一定會繼續上升,我就會被人罵死。

  在過去兩年,就算地產商已將樓花售出,但買樓的人可以等到入伙時才將他們的居住單位出售而毋需付DSD,所以,真正可以放售的細價樓其實不多,做成供應短缺,樓價屢創新高,但當入伙的時候,那些已買新樓的人就必須放售現居單位,並不是他們要避免付DSD,而是第二個物業很難得到銀行肯做高成數按揭,可能最多只能夠得到新樓價三成貸款額,所以,他們一定要將原有的自住單位出售,這樣會做成二手細價樓供應增多,樓價就會向下調整,如果有人今年內仍未上車,他們便會有更多選擇,無論新樓,二手樓都有,所以我說他們是贏家,而且,這個情況才剛剛開始,不斷有新樓入伙,不斷就有二手樓供應,大家睇到財爺在接受訪問時那種氣定神閒樣子,就知道政府在解決房屋供應不足問題,已經胸有成竹。

 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

1. 歷史長河 2015-10-07 08:58:24
多謝博士解惑,終於明白咗點解「租樓日日賺」!
2. 凡人 2015-10-07 09:02:29
要減少政治阻力,重中之重是房屋政策。除去「剛需」,必然少聲音。
3. 蕭峰 2015-10-07 09:13:59
感謝博士,原本想換樓,在做功夫時看到博士的細價樓爆煲論,於是一路跟蹤博士大作,獲益良多!我亦曾勸阻同事借二按買樓,但過了一段時間,對方已經買左,幫唔到佢啊!
5. 白表居屋 2015-10-07 09:56:51
咁買左新居屋咪大獲》《
6. 歷史長河 2015-10-07 10:06:29
蕭峰兄,嘩,名字好有大俠feel!
歡迎1年後同大家分享你和同事誰是贏家!一言為定!
7. 西門吹雪 2015-10-07 10:06:36

回蕭大俠~

樓價勁高,個個搶住買既時候,你叫佢唔好買? 難矣。

到樓價勁抵買,一地金任人拾既時候,你叫佢買,佢又打死唔肯。

人就係咁得意...

9. Sugar 2015-10-07 10:39:35

#6長河兄:笑死,忍不住回两句.似乎你的心情頗好喎......昨天誰在"流水落花"了???呵呵......


10. 歷史長河 2015-10-07 10:44:37
Sugar 兄,昨日按定好的規矩輪替做淡友,試圖看淡世界,感覺有點.....,不過也別有一番滋味,體會到淡友心情。一句話,不容易!以後我都會多體諒。

今日做返好友,明日繼續淡。好分裂。
11. 蕭峰 2015-10-07 11:24:45
回長河兄及Simon兄,對方未買時,可以勸阻,對方已買,就盡量不要講太多了,費事被人厭惡,只能說人家在買心頭好。對方曾說,「我唔信賣家會將自己手頭物業賤賣出去」。大佬,冇人想,但經濟有時壞到你不得不,看看sars就知啦!於是我收聲。
12. 窮百萬 2015-10-07 12:11:50
唉!我就是無奈,年薪過百萬,租又要萬八,又無父母同住,又多應酬,邊有二成首期?所以去買樓花即供,收樓後不用交租,市區樓五球幾一房,心覺得貴,但都去馬!
13. 路人丁 2015-10-07 12:13:41
12樓窮百萬, 

你能分享一下, 你早幾年唔買樓的原因嗎?
14. 路人丁 2015-10-07 12:21:01
蕭峰兄:

 買樓, 投資呢D野, 真係少講少錯,  唔講唔錯, 對住朋友都係咁話。任何人都無可能估到未來3年樓價100%跌, 只能話大機會。2010年開始大把專家叫人唔好買樓, 結果呢?  果班專家其實都係理據十足, 可惜好心做壞事。朋友計掂數, 供得起, 跌30%都唔會有事咁咪得lor。

15. 窮百萬 2015-10-07 12:25:10
13樓,回流到香港,與前妻分身家,人工低。
16. 蕭峰 2015-10-07 13:53:37

路人兄:冇錯,所有我唔再出聲。其實大家都係估,話唔定自己錯。
17. 路人丁 2015-10-07 14:14:38
謝窮百萬兄share

不過年薪過百萬, 已係佔全港打工仔top  5%,  自住又無需愁樓價跌。
18. 真真薯片 2015-10-07 14:23:31
如果發展商想破招, 可唔可以整個彈性入伙時間, 等業主搵到客買佢層舊樓先立即入伙新樓, 成交舊樓, 舊樓冇人買就無限hold?
19. 強仔 2015-10-07 15:01:17
多謝 湯博士 感激不盡
20. 打工仔 Andy 2015-10-07 15:19:26
今年成交咁少, 應該好多赢家了! 
22. PH 2015-10-07 16:02:51

TO: 12樓窮百萬兄

明白你的境況, 我的一部分大學同學一樣, 但幾年前錯判形勢, 現在即使個個人工是 top 5, 總資產可能是 lowest 5

正正是無產階級的悲哀.

23. 歷史長河 2015-10-07 16:14:52
打工仔兄,我今年都贏咗!共贏之。
24. 樓蟹 2015-10-07 16:53:27
很少留言, 昨天的都給刪了。又沒有粗口, 又沒有詆毀, Adm一把抓, 完全不專重別人的意見。 還是齋睇各位C兄的意見算了。
25. 參閱博士文章未夠一年 2015-10-07 17:00:19
以前上網沒今天普通方便,所以買樓從來沒有參考過博士的文章,學習博士幾時買或幾時賣又或逢三退一的高超財技。

自從2003年開始買入第一間自住樓後,每隔兩年即﹝05、07年﹞分別購入各一間物業單位,共三件。需然之後覺得樓價與之前購入的三間要貴,而且還有特別印花稅,因此已不想繼續購買。但是,亦不會將現在的任何一層樓出售,不論有沒有看博士論文。
26. 樓蟹 2015-10-07 17:04:39
多謝這平台給我資訊。這樣不應該又刪文了。
27. 樓蟹 2015-10-07 17:04:39
多謝這平台給我資訊。這樣不應該又刪文了。
28. 樓蟹 2015-10-07 17:06:43
多謝這平台給我資訊。這樣不應該又刪文了。
29. CD ROM 2015-10-07 18:21:05
如果到入伙果一刻, 樓價無左2成, 就算唔負資產, 都真係一絲開心既感覺都無..........  真係灰到核爆!?!? 連買張梳化都無mood...........

(千萬不要)共灰之~~~
30. 歷史長河 2015-10-07 19:29:12
恭喜樓蟹兄發帖成功,請多指教。另請允許我向您介紹本壇大佬引刀一快先生,神人!昼伏夜出,本人已跟他學懂了中華䐁白暨豚,正弦波,交叉感染及司馬遷。
31. 窮百萬 2015-10-07 20:09:04
CD Rom 兄:
我知一定輸,鬼叫無首期,又唔想比$裝修,更無時間跟裝修,加減數,到時希望輸少D啦!
32. 香港人 2015-10-07 20:19:45

博士 , 買其他的物業如廠房等 ....又如何?

33. LaLa 2015-10-07 20:48:33
當天因愛成恨的中男中女此刻應該有些感觸!
34. 狗頭貓 2015-10-07 20:56:48

較喜歡財爺講政府目標是穩定摟價 . 至於特首認為摟價仍然太高 , 大部份人及年青人仍未能上車 , 所以不會撤招 . 我已中年 , 不知年青人眼中上車盤應是300萬還是30萬 , 但要買的會買 ,嫌貴的會等 , 本來無一物 . 現在剩下剛性買樓為升值人士 , 由各路唱淡英雄大派收聲丸 , 慳水慳力 , 實在理想 .


35. JoeKOO 2015-10-07 21:55:03
為何等了這麼久還未見新樓大量出現???請快快到位!
36. 鄧學士 2015-10-07 23:30:09
投資可升可跌,若然跌就唔開心,升就笑騎騎既話,倒不如買ibond好過啦!
37. 引刀一快 2015-10-08 08:21:27
鄧學士兄

得失而開心失落乃人之常情,所以好友叫人唔睇價買樓,醘埋眼俾首期之後,唔好再睇樓市升跌就係咁解。
38. ERIC 2015-10-08 09:55:11
湯生

甘請問今年內買新盤 打算換樓的人會不會輸得仲甘? 好多樓都是17 18年入伙, 買價就以現在的所謂市價買
賣個陣個市價都恐怕唔多好...
39. 地球人 2015-10-08 12:18:19
"大家睇到財爺在接受訪問時那種氣定神閒樣子,就知道政府在解決房屋供應不足問題"?
乜唔係受外圍經濟同美國加息影響咩?