主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 27034    回應 : 35
弼尖言論
為何樓市塔利班炒股票會輸?
 
王弼
專業投資者
香港奧國經濟學院院長
2015年10月2日

  首先,宣傳一則,獲明報邀請,王弼逢周三的節目「投資·王道」將會於明報財經頻道(http://video.mingpao.com/cfm/mpfi3.cfm)播放,以政治、經濟、歷史、哲學角度,分析最新投資大環境,完全不適合多次在股票市場被蹂躪逼得要「閉關鎖國」的樓市塔利班,但絕對適合其餘人士,請各位多加留意。

  兩周前網主舉行聚會,王弼有幸得見地產資訊網友的廬山真面目,有的雖然曾跟王弼在網上針鋒相對,但我相信他們應該都是斯文人,果然,出現的,位位都是大業主老闆格。當夜網主投訴王弼一個月寫一篇文章,產量太少。網主實在錯怪了小弟,要知道以身家計,地產資訊網的讀者應該是全港媒體中最高的,正如97年時,在太古城撞口撞面都是千萬富翁,要面對這些高質素讀者群,實在有些壓力。

  例如,當夜有一位闊太,外表眉精眼企,像是找王弼問責的道:「王sir,我108元跟你買了中移動(941),現在蝕本了,怎麼辦?我跟湯博士買樓就賺了。」雖然我不知道,這位太太為何沒有在70元水平跟我買中移動(這是我於2014年2月首次在報章推介該股之時),要等到108元才跟。不過,這不要緊,其實大家買股票像有買樓的耐性,就是許多網友都這樣回應我,「怕甚麼,跌只不過是短時期,樓價始終都會回升!」其他股票我不敢說,但對於中移動,我也可以說同樣的話,放在保險箱吧,不要看。更好的,是中移動派息完全不比收租差,又不用怕納空租遇租霸。當然,懂期權的,還可以sell call增加回報,例如九月份單月,我便收了3.11元的期權金(再加上本月派息除淨的1.5元,真的很和味)。有時候,我也不明白,既然有人可以完全無視樓市的升跌,但一講到股市,則跌些少便「阿支阿佐」,也許,真的如一些網友所言,買樓啦,股票真是不適合你。

  我在報章教人投資股票,最著重的是投資心態。比方說我的假設是對的,就是地產資訊網的讀者的身家至少千萬元以上,那我便很奇怪當晚有網友如此問:「王sir,買股票怎樣一次過買幾百萬元呀?」可以利用槓桿買樓,卻不可以拿一兩成身家買派息穩定兩電一煤?說開兩電一煤,不要說這三隻股票,在過去幾十年來跑贏樓價(就算在樓價最黯淡的2003年,我也沒有聽過有人買了兩電一煤要燒炭,買樓燒炭的則有許多),其中的電能(6),最近更因小超人搞合併而大升。

  可能最後讀者會說:「你識揀股,我唔識。」所以,網主既然給我機會在這裡寫文章,我的使命就是要給計劃把資產多元化的朋友一些建議,有甚麼另類的投資建議,股票、債券、外匯、期權等。更重要的,是希望他們能學得奧國經濟學的精萃,而不是只懂緬懷過去的成功,變成樓市塔利班。

  懂欣賞的,自然會繼續追看本欄;不懂的,就繼續擁抱著閣下光輝的過去吧。我既然已斷言樓市在這大循環已經見頂,就讓時間證明誰是誰非。也許,是時候停止與樓市塔利班作口舌之爭。未來,我會多寫一些經濟理論和實戰經驗,給有意把資產多元化的讀者提供參考。

 
我要回應
我的稱呼
回應 / 意見
驗証文字
 
1. 路過 2015-10-02 09:11:21
好多年前係美國去過馬多夫嘅酒會, 總係覺得王生寫嘢的語氣有啲似馬多夫, 可能係錯覺, 有錯莫怪.
2. 股市未夠班﹗ 2015-10-02 10:25:05
未見過投資股市會輸死人,只是見過世面而矣﹗樓市有塔利班,但股市有未夠班﹗
3. 股市未夠班﹗ 2015-10-02 10:26:13
未見過投資股市會輸死人,只是「未」見過世面而矣﹗樓市有塔利班,但股市有未夠班﹗
4. 物業初哥 2015-10-02 10:41:39
能夠認識更多投資工具,幾時都係一件好事!
謝謝王生!
5. yyfan 2015-10-02 10:42:00
記得好似珍惜香港兄講過,既然咁有料嘅自己整只基金,按樓主往績定下盤囗(記得唔係督手指保證回報),保證樓市塔利班當埋條底褲都跟你買
6. 97 2015-10-02 11:23:28
我941IPO 時已首次向朋友推介,啊濶太真係跟得太遲...

Btw, 馬多夫最後比人判左幾多年?
7. 97 2015-10-02 11:24:00
我941IPO 時已首次向朋友推介,啊濶太真係跟得太遲...

Btw, 馬多夫最後比人判左幾多年?
8. 97 2015-10-02 11:24:32
我941IPO 時已首次向朋友推介,啊濶太真係跟得太遲...

Btw, 馬多夫最後比人判左幾多年?
9. 97 2015-10-02 11:37:21
學投豬,先要睇Fred Schwed Jr l
寫嘅 Where are the customers' yachts
10. 人生無常 2015-10-02 12:12:37
"..樓市在這大循環已經見頂"   這也是我的推測. 2017年大家就會不再講樓巿係好投資工具,那時可以再重新看環境部署了
11. 過路人 2015-10-02 12:59:34
這樣的氣焰是不能成功招客的。也不要輕視能靠HVSA買樓至富的人的視野
12. 魚蛋仔 2015-10-02 12:59:40

果位眉精眼企的闊太今早被一衆網友笑到面黃!

其實果位眉精眼企的闊太其實是無意中見到王Sir在文章中推介中移動如何优質,股價短期可上$145,果个闊太又覺得王Sir是股壇的大明星,有別於一衆財演,於是乎……

不要緊,少少錢就可以買个眉精眼企的闊太做下,幾爽!何況,未輸!

不過,勸告各位,投資可賺可蝕,千萬別人云亦云呀!

共賺之!哈哈!

13. 2011年開始 2015-10-02 13:05:53
吾識投資股票,持開放态度學習,支持王兄多出文
14. 路人 2015-10-02 13:07:25
TO: 6/F

如果無記錯, 馬多夫最後係判咗150年監禁.

15. 二打六 2015-10-02 13:50:07
阿王弼話有一千萬身家嘅就唔使去參加,咁即係去嘅都係二打六?
16. 歷史長河 2015-10-02 14:09:59
弼兄,
大人有大量,您唔記前嫌,繼續同我哋一幫塔利班分享,令小弟肅然起敬。

當日一見,弼兄果然儀表堂堂,貌比潘安,風頭勁過博士,網主及陸叔,必是做大事之人。話雖如此,陸叔也應贏得喝彩,雖有美女相伴,仍無動于衷,勤力筆耕。

小弟抱開放之態度,願意學習各種投資技巧,特別喺您提到個奧國經濟學之精華。不過樓市塔利班非一日練成,他們是看遍了世間各種之'忽悠'而鑄就了鐵一般之意志,香港樓市有他們,專治各種'唔服'。你若能感化這幫人,功德無量!

至於你的假設,可能小小有誤。據小弟了解,小弟那圍有位身家100億仁兄,處事低調。
17. 旺絲 2015-10-02 17:56:12
謝謝王生多D無私的分享.
18. 引刀一快 2015-10-02 22:24:46
王弼兄文風快人快意,爽哉!




19. 打工仔 Andy 2015-10-02 22:41:43
弼兄

見你果晚口才十分了得! 轉數夠快! 你要寫多d文章, 等我地學下野先得! 
20. 上一篇 2015-10-03 00:08:59
上一篇文先話果時先來玩期權太遲
今次又話可以跟.........



21. 唔明 2015-10-03 02:59:53
班樓市應該湧住入市架?點解唔去接晒D劈價盤,三傻,人地唔減,都可以去追價嘛。
22. 引刀一快 2015-10-03 03:16:51
王弼兄

閣下在這個好友場出文,足見Guts非凡,鐵桿樓市好友林立,王弼兄千層浪裏翻身,百呎竿頭立腳,真像上梅花樁採青之少壯雄獅。

在下其實亦“多次在股票市場被蹂躪”,不過今時今日冇變樓市塔利班,而係做咗淡友ISIS,我諗,物業唯一強于股票而不爭嘅特性,就係責貨果時,可以攞嚟自用。

我在投資投機方面,一向有個座右銘,料係人地俾,决定自己做,發財多謝人,損手安慰人,除非知道人地明跣,否則一如既往。

希望王弼兄有空多分享,只要係真心話,有理據何懼別人壓力?
不過在下還是認爲兄台略缺點人情世故,小朋友扭計,係想詐嬌詐嬌,套近套近,你就淨係識得數錢,咁不解風情嘅?人家想你彈隻祗賺不蝕靚股,一蚊變十蚊”彌補“下咋!(係有就順便單聲,唔該)


23. Joe 2015-10-03 12:00:25

有緣能一睹弼兄風采,幸甚、幸甚!
弼兄以兩電一煤和樓市作比較,確是識揀,回顧恆指成立數十年,恆指成份股只死剩七隻死剩種,而當中只有兩電一煤,其總回報是高於樓市。即係話,投資股市,想數十年安枕無憂,而回報又能高過樓市,原來只得三隻 (當然恆指成立後某幾隻地產股回報也高於樓市,而至今亦尚在)。

另外,除左身家,以負債計,地產資訊網的讀者在全港煤體中亦可能是最高的,哈哈。

24. 歷史長河 2015-10-03 12:09:09
Joe 兄,正解。低息時高負債乃投資有道也!還在大叫Cash is king 的已被大浪淘盡。
25. 引刀一快 2015-10-03 12:21:25
Joe兄

死揸就話睇死剩種啫,其它昔日嘅股票創造嘅富豪,絕對唔少。

股票就逐隻計,而樓市就大圍計,呢種比對完全係錯誤嘅,你將樓市同股市,整體作爲兩個項目,單對單對比,咁先係合理公道嘅比對。

你睇睇亮劍兄以前講過乜先,如果我冇記錯,佢嘅物業都得益於股票架。
26. Joe 2015-10-03 12:44:06

刀兄,同意單一股票和整體樓市作比較,當然是完全錯誤啦,每天都有個別股票,揸幾日的回報就已經高過樓市幾十年回報,只是因為弼兄起左過頭,以兩電一煤與整體樓市作比,我加把咀啫....

27. 引刀一快 2015-10-03 13:47:28
Joe兄

王先生比嘅係長揸唔郁,咁商用物業都好多短炒賺到笑嘅例子,我確信嘅係兩邊都各有特性,摒除偏見,靈活運用,想象空間就更大喇。
28. Joe 2015-10-03 14:13:41

刀兄,不能將整體樓市和股市作比較,始終恆指只計某些成份股,而成份股中又因個別公司的優劣或代表性轉變而令恆指組合不斷轉變,如一定要比,粗略估計,1964年至今,恆指升215倍 (未計股息),樓市升140倍 (未計租金收入)。

29. 引刀一快 2015-10-03 14:42:47
Joe兄

我意思唔係恆指對樓指,兩個指數都可能有不盡完善嘅地方,而且兩者的建立目的亦祇係作爲自身前後比較,并非作爲跨平臺對比之用。我所講,整個樓市与整個股市嘅比較,係一種籠統比較,只有出現相當大利益差異方能確立高下。
30. Joe 2015-10-03 15:12:56

刀兄,將兩者作為跨平臺比較,都有用的,有了比較,投資者能因應自己的偏好特性而可作出適當決定....

31. 引刀一快 2015-10-04 07:38:21
Joe兄

兄台講得出”偏好“一詞,證明兄台開始脫離派系情緒,承認彼此所支持嘅,有可能係個人”偏好“,為Joe兄此語,乾杯!
32. Joe 2015-10-04 10:46:48

刀兄,小弟用偏好,兄台用偏見,足見閣下派系情緒比較強烈的,不知閣下又能否脫離?

33. 引刀一快 2015-10-04 11:07:05
Joe兄

我嘅派系觝觸,根源不在樓市股市之間,我如果唔看重物業投資,又點會長期流連呢個網站呢,其實主要問題來自好淡之爭,呢樣嘢會隨著市況走向明朗化而消退,如果大陸咁差都影響唔到香港樓市,即係我判斷錯,如果冇新嘅影響因素,我會接受樓市唔跌架。
34. Joe 2015-10-04 14:56:25

刀兄,影響樓市升跌因素眾多而複雜,經濟差固然是其一,但它們有可能互相推動,或互相抵銷,而可令樓市不能單純因經濟差而下跌。

要今樓巿因單一因素而下跌,必然是重大而絕大部分人都不能預計的,如刀兄多年前已預計得到,咁一係是神、一係是....

35. 引刀一快 2015-10-04 19:14:31
Joe兄

呢鋪够大。