主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 24623    回應 : 56
弼尖言論
致塔利班戰士:拿出勇氣打倒昨日的我!
 
王弼
專業投資者
香港奧國經濟學院院長
2015年11月2日

  樓市給王弼開口講中,轉角了,連續數周回落。當然,第一個認叻的,肯定應該是湯文亮博士,不過湯博士為人謙虛,形象正派,王弼反正已成為地產資訊網的奸角,認一下叻大言不慚又何妨?

  可能樓市塔利班眼見樓市頹勢已成,已不能再說什麼「美國加息代表經濟好」、「剛性需求」、「美國不夠膽加息」支持自己盲目看好樓市,既然不能再自欺欺人,我估樓市塔利班會這樣回應王弼:「你顧掂自己吧!股市從4月高位曾喪插近三成,樓價跌了不過幾個巴仙。股票輸死人,揸樓必勝!」事實上,自股票高位急挫,我見到本欄不少留言,都是問候王某的財政狀況。這些網友的關懷,正面來看,成了王某發奮向上的一股動力。

  可惜的是,因為環球經濟環境實在非常嚴峻,王弼縱然在股票投資有多年經驗,亦難抵擋四月股票大幅上升的引誘,做了兩項個人不太滿意的交易,值得在這裡分享。

  可能許多網友會講,嘩,四月買股,蝕死了。幸好的是,市場因為有王弼經常吹噓的股票期權存在,我沒有在股票高位搶入股票,而是在股票高位沽了騰訊(700)put,收了期權金的同時,亦有責任於平均價149元接下騰訊(簡單來講,如果騰訊在結算日跌破149元,王弼都要接貨),真實的交易比較複雜難明,在這裡我會簡化一下。總之,騰訊於4月13日曾見170元高位,之後於9月29日低見125.3元,王弼於149元當然接了騰訊,帳面來看,王弼損失達16%,當然跑輸樓市。

  但不要忘記,這個是於9月29日計算的帳目損失,但至執筆為止,騰訊已於低位強勁反彈超過20元,期間,王弼亦做了許多動作,其中比較重要的,是沽出了於10月29日到期,行使價147.5元和150元的call。到了10月29日結算日,當日騰訊收148元,即有三分一的股票於147.5元被call走,帳面上,這三分一的騰訊蝕了1.5元,網友可能會說,「唓,都是輸錢,有什麼巴閉!」

  有一樣事情不要忘記的,是從4月至10月半年間,王弼這樣反覆沽出call 和 put,共收取了期權金16.5元。執筆之時,騰訊股價為148.3元,假設王弼要在這刻埋單計數,沽出剩餘的三分二騰訊,半年來,回報就是一成左右,即年率計兩成,回報正正是我一向在本欄「認屎認屁」的上限!

  另一個例子,也是我近期才開始利用期權賺錢的股份,就是大時代才分拆出來的長和(1)。由6月開始sell put,之後接貨,再於10月29日被 call 走,回報比騰訊差,五個月時間回報4.4%,年率10.6%。

  老實,年率回報一兩成,不能叫人發達,沒甚麼好吹噓。但不要忘記,這兩這股票期權,都是王弼在股市火紅的時候開始做,之後第一次接貨,又之後被call走,在大市極差的情況下,仍然錄得年率雙位數字的盈利。我很公道,不會像樓市塔利班一樣,每次都以樓市03年的低位跟人對比回報。我說03年買樓是英雄,好過買股;2014以後才買樓的,就是時機不對(把鄰近地區資產轉移到香港一類有法治的地方不計,他們買的是政治保險)。是,我找股市最差的環境來作例子,也有雙位數字的年回報。多謝各位塔利班戰士的慰問,王弼又再一次叫他們失望了!

  如果有塔利班戰士,眼見樓市搖搖欲墜,開始對自己的信仰動搖。不打緊,打倒昨日的我,是智勇的表現,想轉軚跟我學股票期權,可瀏覽 fb.com/buytillsuspension 索取資料。

 
我要回應
我的稱呼
回應 / 意見
驗証文字
 
1. Scoliosis 2015-11-02 14:18:29
You are so annoying and arrogance
2. 不要事後孔明 2015-11-02 14:40:07
有否對上六個月sell put/call 的成交記錄佐証?另下一買賣策略會是如何?能否在此和樓市塔利班同步進出?我只要求未來一年有10%保証回報,大隻講冇意思。
3. 物業初哥 2015-11-02 14:43:57
樓上,我不認為王弼串,反而佢講左自己如何操作,值得參考並學習。
投資路上永遠沒有必勝,反而學多d其他投資工具並了解其特性,最是得益
4. 回2楼 2015-11-02 15:01:52
王弼喺度吹水搵客咋,你睇佢經常叫人去佢面書就知啦!如佢啲期權咁掂,佢唔揾陳德霖,陳德霖都揾佢,外滙基金上季又冇咗638億。
5. 有眼光定係好彩﹖ 2015-11-02 15:03:41
從所述交易開始的方向是看對市嗎﹖最後無輸而有利是有眼光定係好彩﹖
6. Johnny 2015-11-02 16:35:19
呢d財演周街都系。贏錢果時認屎認屁輸錢果陣收收埋埋,算吧啦。
7. 引刀一快 2015-11-02 17:02:56
To 2樓 

你叫你班friend攞最近兩年D入貨記錄嚟睇下吖。

懒人就真金白银入咗貨,佢同我都係CCL118嘅落敗者,你?樓市呢兩年總計有升喎,你有冇買貨呀?
如果你有出貨,我都話你叻!因爲實事求是真係得益咗,最怕你淨係得個講字呢。
8. To 王弼 2015-11-02 17:23:51
塔利班根本唔夠膽去 fb.com/buytillsuspension 睇你早已即時將買賣紀錄放咗上去,佢地只會繼續做駝鳥,或者好似三傻走左佬。
9. 自我陶醉 2015-11-02 17:29:54
引刀兄,

呢度最努力叫年青人借到盡買樓都唔怕嗰班友,一早就利申咗,幾年前已經入飽貨喇!  又玩篤爆?
10. 西門吹雪 2015-11-02 19:26:46
其實我有d吾明law. 700四月時rsi 衝過70,有幾日升近80,咁又點解要沽空put呢?係人都知就算沽空call,都吾應該短倉put. 125個時rsi=30, 又吾應該沽空call. 你透過沽空期權收期權金,rsi 30 同70呢2條死線,有d野係吾應該做架?
11. 是懂得轉膊 2015-11-02 19:42:24
回5樓,投資是有一定程度的風險,唔端識轉身好大獲
12. 打工仔 Andy 2015-11-02 20:29:57
弼哥真係投資界奇才! 動作頻频,次次都獲巨利, 我連股票都未玩得掂, 期權真係高深既學問呀! 
無法, 唯有繼續坐定定收租了! 
13. aa 2015-11-02 20:34:42

樓市塔利班  - I really don't understand what it means ??

  Who is Taliban ?

 Nothing keep rising up without falling. Such a little adjustment is natural phenomena, not a big deal.

14. 回11樓 2015-11-02 21:16:41
識轉身係好事﹗但以為自己識其實唔識、或以為自己做得對其實錯晒至係問題﹗最大問題係重叫人跟佢買﹗須知道唔係成日都咁好彩﹗
湯博士見不是好時機會叫人唔好投資住著,而唔會吹噓叫人跟佢就賺硬﹗湯博士亦會先說出預測,到時看結果,而唔係計到賺錢時就說之前點樣點樣所以賺,為何唔係9月29日出文﹖真係高下立見﹗祝大家好時高運﹗

15. 好分享﹗ 2015-11-02 21:36:18
很好的分享﹗正正說出了真正賺錢的其實不是誰﹗是其對家也﹗
16. Oscar Lam 2015-11-02 22:41:32
弼兄,

看來你這招激將法不管用了,不如另想辦法。嘻嘻!

要知道,我們這班樓市塔利班大多數都是長期投資者,最痛恨的就是炒炒賣賣,更不用說這風險極高的期權了。如果弼兄能夠教大家如何選擇優質股,特別是十倍潛力股,相信大家會十分樂意學習。哈哈!
17. 歷史長河 2015-11-02 22:48:35
Oscar 兄,要不我來應付下場面。

弼兄威武,九招十二式,又put又call, 睇得眼花撩亂!多謝分享實戰操作,如果你能感化這裡一幫塔利班,也算功德無量。據小弟了解,這裡有很多塔利班正為資金冇出路而苦惱,包括那位眉精眼企的闊太。

做為塔利班,我也來計下今年樓市回報:
到上周為止,CCL今年升副暫為8%左右,按5成按揭來計,回報為16%,年化回報19.2%。

你的兩項回報分別為二成和一成,由於你未报露分別投入之資金,小弟假設各為一半,weighted average 年化回報為15%。

結論:塔利班勝!

不過投資樓市比較悶,不如您每天炒來炒去的精彩。 圖表,波浪,周線,Black-Sholes 咩都可以玩。

18. 打工仔 Andy 2015-11-02 23:06:24
長河兄

你好心水清, 數口又準, 佩服佩服! 
不過, 弼哥可能未認真發力喎! 哈哈哈!
19. 歷史長河 2015-11-02 23:08:02
打工仔兄所言甚是!還望弼哥發力,請出手!
20. 魚蛋仔 2015-11-02 23:17:05

長河兄,

又嚟,吾玩了!一隻941玩輸了,咪搞了。九招十二式,又put又call, 眼都花哂!都是坐定定收3厘半算了!

21. 如是 2015-11-03 00:04:21
命裡有財,一招搞掂,何需要咁多招式。
恐怕心紅時,使出一招 "kill me later"。Oh yeah!
22. 好彩 2015-11-03 00:21:26
好彩係自己抄點計回報都得
如果係返基金公司,可以同老細或個客講5個月回報去計年回報嗎?

小心

23. 過路人 2015-11-03 07:29:20
咁串可能真係受了很大的氣,希望藉著這文章真係幫到你發泄一下,重捨平常心,如16樓講,但我是唔會玩期權,股票都只是長線持有,仲教埋身邊的人咁做,沒人會信你的,放棄吧!
24. 路人 2015-11-03 09:43:46
其實樓市塔利班又好, 股市IS又好, 各有各投資啫, 投資都好睇投資者既性格, 爭一日之長短有咩意思, 等於話殯儀業同婚慶業邊行好搵D, 其實好睇投資者經營手法, 性格各樣因素, 總之各有各做, 百花齊放.  
25. 山高雲低 2015-11-03 11:05:57
做為塔利班,我也來計下今年樓市回報:
到上周為止,CCL今年升副暫為8%左右,按5成按揭來計,回報為16%,年化回報19.2%。

條算式如下:  (8%x2)/10 x 12 = 19.2%
26. 高手 2015-11-03 11:16:32
  引文一現在樓市下跌之勢已成,如果加上一批不得不賣樓的賣家,豪宅的影響將會較大,有時候,投資者的觸覺比較敏銳,從一些雪泥鴻爪察覺其危險性,對於沒有止蝕金融產品敬而遠之,所以,一個沒有投資者的市場,危險性是不會被發掘出來,當意外情況出現,就到了無可挽救的地步,各參與者的損失就會很大。
27. 歷史長河 2015-11-03 11:27:59
山高兄,correct. Or 19.49% if using compound returns but ignoring rental returs.

[1.16^(1/10)]^12-1 = 19.49%
28. AH-HO 2015-11-03 11:59:03
不能只看回報啊,風險也得看看。
期權的風險,買樓的風險,也是兩馬子的水平上。。起碼對一般人來說,樓市是比較簡單、易明白。。期權就要好多複雜的數在裏面。。Black Scholes Model都不容易明白。。
29. 同意28樓 2015-11-03 12:23:08
只吹噓回報率而不說風險,真的要小心閱讀﹗
30. 運輸工人 2015-11-03 13:10:52
資金不足玩下期權博大霧無可厚非,資本雄厚還是磚頭實際.
31. 打工仔 Andy 2015-11-03 13:21:03
AH HO

講得好!
32. 占士 2015-11-03 15:07:54

弼兄,記得上次在919聚會的時候,我和打工仔兄,Oscar兄已經一起和您敬酒,並表示您是一位投資奇才,我們非常欣賞您的才能,可我們背後這些您稱樓市塔利班的兄弟姐妹,腦筋的轉速都比不上您,未能跟您上股票,期權這英雄豪傑的大戰場。

我們只能在物業投資這塊小天地混口飯吃!最多我們只是在股票市場找點有前景的,信得過的公司,用收租回來的一些小錢在其股價比較低時買點放著,希望每年分點股息,好的7-8%,差的也要3-4%,我們就滿足了。我們重來都沒想過自己當什麼英雄,豪傑。您放過大家吧! 當然,我們也會為一些跟了您上陣的小兄弟們祈禱,希望當中出一兩個英雄,好讓弼兄您有點面子,就算成不了英雄,我們也會當他們是烈士來看待,我們是不會忘記他們的,我們會告訴自己的孩子說:做人要踏實一點,要不然就像那些跟著弼叔叔去冒險的人一樣,年紀大了,除了英雄氣概之外,還是一無所有!

33. 打工仔 Andy 2015-11-03 15:24:48
占士

講得非常好, 完全同意! 
34. 笑壞人 2015-11-03 18:06:32
一班打壞塔利班,買樓唔使計佣金,律師費,印花稅,升8%,如係投資,比使費都未夠,成班打壞,講期權淨識naked position,以為真係輸就無限,唔識就咪搭咀。
35. 執法 2015-11-03 21:45:00
34樓

請你唔好用監房術語稱乎人, 尊重下人, 尊重下你自己人格
36. to 35 樓 2015-11-03 22:26:22
[打壞]是甚麽意思?
37. 麗娜 2015-11-03 23:03:56
文筆有趣,雖然有些rude,但可為此論壇帶來對投資不同的看法。
我只是覺得不可能在4月做sell put, 給我絕對不會。為何你當時會做這個決定呢?

38. 麗娜 2015-11-03 23:08:19
其實不需要分化吧,出色的投資人應該是有全面平衡的資產配置的管理吧,樓市比較穩健,可以做小業主,但同時也可以在股市操作出色的,為什麼樓市塔利班就不可以贏股票呢?
39. 引刀一快 2015-11-04 03:34:48
To 9樓 自我陶醉兄

原來幾年前佢地已經入飽貨,怪之今日叫年青人盡借入貨喇,依傢入貨分分鐘唔係入飽貨而係入貨飽,入一件飽足一世!呢D叫“有福同享”
40. 引刀一快 2015-11-04 03:39:59
To 25樓 山高雲低兄

未賣如何算入盈利?樓要賣得出先算盈利喎,如果有100個樓盤而只有20個現實買家,剩餘嘅80個盤不能以同價計算盈利。
41. 引刀一快 2015-11-04 03:44:00
To 30樓 運輸工人兄

資本幾雄厚都好,出于投資的話要睇價格,買心頭好又唔同。
42. 望東樓 2015-11-04 08:51:14
響呢度竟然有人識得講risk adjusted return,但幾日前先有人大大聲講層樓渣十幾年有十幾巴仙升值係正正正,不過就無人溫馨提示下佢。睇嚟度同自己啱view把尺同度同自己唔啱view把尺係有小小唔同嘅。
43. 自我陶醉 2015-11-04 09:24:40
40/F 引刀兄,

你真係心水清,一日未變現,一日都係假數,又當佢真係喺市場買入賣出喇,不過,幫佢加番佢哋計漏嗰啲嘢,又會點?

等我計吓:
經紀佣金:2.08% (買1%,賣係新樓價1%,即原投資嘅1.08%)
SSD: 10.8% (新樓價10%,即原買入價10.8%)
律師費/印花稅:就當佢免費,因為弼兄都冇計使費。肯定有佢着數。

所以實際係最少-4.88%, 以山高兄嘅計法年回報大約 -11.7%,而以長河兄嘅計法大約係 -11.8%。


44. 亮劍 2015-11-04 16:26:10
如果講掌握真實銷售數據,幾多伙供應來緊,誰人都要向新地研究团隊低头。

幾個月前西鐵元朗站物業發展權,新地以 93.2億元奪得,較估值上限價大幅高出約25%,更創新界西北單一項目新高價,每方呎樓面地價約6,275元。新地預期,項目總投資額約200億元,市場料落成實用呎價可高達1.8萬元…………

在另一方面,新地於元朗的兩個大型項目峻巒及Yoho 3,就算部分單位已發出入伙纸或已拆晒棚,都沒有推出來賣,那怕係一百幾拾伙咁大把!!

要是後市睇淡仲高價搶地黎把托?
仲唔速速散大西北重貨???

畀我就信新地研究团隊,多过信政府8万6!

CY同地產商反晒面,令到供應出現斷層。
例子如發水設立限制、预售楼花新安排、農地補地價揸到緊…………
你攞唔倒地,主動權又被地產黨操縱左,呢镬無遮無扇、神仙難變!

為何那麼多人做咗塔利班戰士?呢度就是注腳!
45. 占士 2015-11-04 16:44:00

亮劍兄言之有理!

46. 打工仔 Andy 2015-11-04 16:57:44
亮劍兄

講得好! 

不過我地係唔會明白投资界才進既想法, 佢地分分秒秒都幾百憶上落, 對於我地呢d 得3%回報點會睇得上眼!
睇唔起你咪踩你囉! 哈哈哈!

共勉之
47. Oscar Lam 2015-11-04 17:05:04
亮劍兄所言甚是!

共勉之,哈哈!
48. LYC 2015-11-04 17:48:39
CCL只不過跌了幾點,就講到好似已經跌了幾成,真係搞笑!
49. 運輸工人 2015-11-04 20:52:50
或者要留意下D特殊成交
50. To 亮儉兄 2015-11-04 22:54:46
點解你地綱站解散咗?
51. 支持王sir 2015-11-05 18:32:54
王sir謝謝你明報推薦的股票,已經重倉中,我跟圖表技術分析入貨
52. 歷史長河 2015-11-05 18:53:43
支持樓上支持兄!

相信圖表將指引您一路成為超人。可否容小弟一問:您的倉有幾重?
53. 從此版主所出的文章可看出 !!! 2015-11-05 23:02:43
從此版主近来所出的文章可看出其出文的最終目的係希望本板多些回應。提高讀者點擊率而已。所以各位樓市塔利班戰士認真回應便輸了。我連看多一眼都費事浪費我時間。
54. 感謝王sir和湯sir 2015-11-06 07:44:34
早3個月賣了細價樓,賺了錢,我在$130買了700,昨天己經沽貨了,謝謝王老師推薦這長期大牛股
55. 小小業主 2015-11-06 08:52:54
亮劍兄所言甚是!請多些回來留言!
很喜歡您同引刀兄的'刀光劍影',哈哈!

另外,點解要叫物業投資者做樓市塔利班?我可否稱黃兄做股市ISIS? 小弟本身都有買股票,咁我係塔利班定ISIS, 哈哈!

坦白說,有料嘅駛唔駛開口埋口叫人上佢堂?激將法乎?如係博士開班我爬都爬去(温爺爺tone)

小小意見,不喜勿插,哈哈!
56. Wrong butt 2015-12-03 23:45:12
Sales executive Wrong Butt , stop selling please