主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 16316    回應 : 16
樓市乾坤
豪宅價開始反艇
 
何熊輝
2016年4月16日

  先有貝沙灣,然後是陽明山莊,繼而是天價豪宅天匯,這些富豪珍品,相繼出現銀主盤,實出乎一般人意料之外。其它豪宅雖情況可能好一點,但蝕讓盤亦此起彼落,情況比一些中下價屋苑的情況嚴重得多。平價樓減價盤有,但蝕讓盤不多,銀主盤更少,為何不是越窮越見鬼﹖

  事實上,前幾年炒的豪宅,不少是國內土豪買的,但今日打貪成風,財路少了,不少要賣樓撲水,所以蝕讓盤及銀主盤齊齊湧現。相信這情況會持續一段時間,因此今年稍後時間,豪宅銀主盤會越來越多。

  真豪宅大冧價,二線豪宅的呎價也大插,其中大埔的比華利山,最近有單位,呎價跌至一萬元水平,呎價比沙田第一城這些老舊屋苑呎價更低。不久以前,不少預測指豪宅長期供應短缺,在逆市抗跌力會超強,但實際情況又不是。平民恩物的嘉湖山莊,在去年底跌市初期,該屋苑確實出現不少減價盤,但直至現在,減價盤賣完後,現在呎價穩下來,蝕讓盤銀主盤則未有如預期中出現。

  近期情況顯示,中下階層集中的黃大仙區,則有公屋成交價屢創新高,這又證明一點,只要有住的需要,窮人也不吝惜買樓。事實上,有不少意見對中下層的偏見,例如說他們買不起樓就是無能,住不起豪宅的就是次等民族。經濟越差,中下層理應收入會越少,結果銀主盤會持續大升,但出乎意料外,減價盤一出,就不乏有心人搶購。照這樣推測,低價屋苑銀主盤不會明顯大升。

 
我要回應
我的稱呼
回應 / 意見
驗証文字
 
1. 反艇 2016-04-16 11:56:13
豪宅反晒艇之後, 下一波反舖位? 
2. LYC 2016-04-16 11:58:16
始終都係買中細價樓穩陣呢,易租出,實贏冇得輸,買20間都好過買一間豪宅啊!
3. 123 2016-04-16 12:20:47
原來香港的豪宅都是國內貪官洗錢的好地方。那中紀委想抓貪官不是很容易,查一下業主是誰就可以啦。
4. SHUN 2016-04-16 12:52:03
托市怪又有另一種道理呀?又話中小型穩陣呀!真係廢人廢話!
5. Ak 2016-04-16 13:32:49
細價樓一百幾十萬上落輸得起,毫宅 幾百萬上落 就有問題
6. SHUN 2016-04-16 13:37:07
事實就在眼前、最有錢之業主都蝕本走……………………中下價樓?危矣!
7. 引刀一快 2016-04-16 14:37:19
住, 係剛需

賺錢, 係剛需中嘅剛需

唔想蝕錢, 就係剛需剛需剛剛需
8. 窮人 2016-04-16 16:25:42
成功靠時勢,
勢上跟上,必賺
勢落順落,都賺

聰明人咩時候都成功,
傻人只會以為自己好勁,可以同時勢戰鬥
但唔知道先前成功只是靠勢,並不是靠自己

現只望穩定不亂,福仍會臨門
9. 向飯民說不 2016-04-16 17:44:27
廢青逃避大陸,肯定被淘汰。但是成功的香港人依靠大陸市場賺大錢,而且10times more。 比如 G.E.M, 上年應該賺over 幾千萬。在或者是我是歌手裡的香港指揮家,估計這幾年應該也賺了幾千萬,甚至上億。所以豪宅應該是有支持的。
10. SHUN 2016-04-16 18:05:42
上年第三季開始、本人已經睇淡、亦已經走哂貨、開始叫人唔好再入市、若一個500萬單位計、兩成無左100萬、年青人問家人借錢買樓、係一個悲哀、呢道D所謂好友可能個個唔洗供樓、睇唔到呢D
11. 投資豪宅好傻 2016-04-16 18:26:53
豪宅不管是自住還是出租,都不值得買,自主拿那麼多錢出來,又好難升值,2010年之後豪宅漲幅明顯差好多,依家租金明顯回落,租好過買。買豪宅出租更傻,回報值得2厘,好多投資都好過佢。
12. SHUN 2016-04-16 18:49:57
浪翠園楂20年都要蝕!点解?就係上年高峰期有錢執都唔走…………層樓都成20年、点計都有着數、係都以為會上多兩成!卒之貪字得個贫
13. SHUN 2016-04-16 19:18:35
成日話剛性需求…………唔通勉強上車、欠下幾百萬債、份工又減人工、甚至比人炒左、定係同番阿媽住、睇定D再決定買樓仲未遲!大家未上車嘅朋友真係諗清楚。環球經濟甘差、大陸銀行壞倀要轉股?係咪好事?
14. 引刀一快 2016-04-16 21:13:38
向飯

GEM代言一個中等品牌,1250萬,豬豬喇悲B就1000萬人仔,佢上年點止幾千個吖!
15. 向饭民说不 2016-04-16 23:11:19
引刀,所以我经常讲香港的前景,就是决定在深港融合。所以一直非常饭民破坏中港和睦。香港人把握到大陆市场,经济就会继续发展。相反一定会被深圳取代。
16. Ca1on 2016-04-19 11:16:17
阿GEM 真係香港之光
我早四五年已經成日睇佢D YouTube片,一路都睇好佢,仲覺得佢嗰時懷才不遇。
但俾蘋果日日唱衰
雖然佢最近嗰件蛆蟲衫真係好核突
但咁有錢,大陸啲觀眾又鍾意
著乜都得啦