主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 16767    回應 : 12
樓市乾坤
樓價跌難令基層破產
 
何熊輝
2016年4月23日

  一向以來,置業對於基層而言,是一件十分吃力的事,因此不斷有好心人,勸喻置業人士要量力而為,所以如果資金太過過緊,就不要置業,不過基層就是基層,倘要上車,資金一定較緊,所以因為資金緊而不置業,那麼可能一世都未能置業。
 
  用盡資金去置業,它日倘發生不幸事情,物業主人很易變成負資金,繼而甚至會淪落到破產地步。那麼富人買樓,是否可以擔保一定不會出現問題。現實的情況是,過往因過度炒賣豪宅而最終陷入破產苦況的富人,不見得特別少。97年前後,有一位著名炒家,集中炒賣中半山某一著名樓盤。他認為供應有限下,貨源歸邊下,自然就可操控樓價,但結果事與願違,貨源未收夠,就炒爆了破產。
 
  筆者亦認識一位豪宅炒家,97年時,持有二十多間豪宅,不過當年樓價開始逆轉,加上生意週轉出現問題,結果又走上破產之路。老年破產,可謂苦不堪言。

  對基層而言,買樓多以自住為目的,因此不會輕易放棄供樓,就算失業,也會想方設法繼續供樓,所以除非失業率超高,否則,基層因樓價跌而破產,反而不是十分普遍。
 
  從另一角度去想,基層就算破產,也沒有甚麼大不了,始終香港有安全網,有綜援,所以就算破產,基本生活也不會有太大問題。對基層而言,由於收入有限,自力更生的生活質素,實際上可能不比以綜援渡日好很多。所以單是樓價跌,豪宅炒家反而因過度借貸而破產機會更大。

 
我要回應
我的稱呼
回應 / 意見
驗証文字
 
1. 引刀一快 2016-04-23 10:10:38
他認為供應有限下,貨源歸邊下,自然就可操控樓價, ”

基本上呢個網站見得到嘅好友,都係有咁嘅理念或者願望。
2. 三仔 2016-04-23 10:40:31
樓市塔利班心路歷程 :

升時: 會繼續升,永不見頂

不升: 樓市只係唞下氣

跌時:只係調整,堅持大漲小回

跌到阿媽都唔得: 97都可以番家鄉

變了負資產: 只要繼續供,銀行唔會收樓

被裁失業: 唔買到炭添
3. 引刀一快 2016-04-23 11:33:15
2樓 三仔兄

失業都唔駛買炭嘅,聞到味識得早早放手,留得青山在哪怕沒柴燒?駛乜燒炭咁極端吖,等機會再買過咪得囉。
4. SHUN 2016-04-23 12:21:35
基層一向都無資格上車啦!死係中產!
5. SHUN 2016-04-23 12:21:47
基層一向都無資格上車啦!死係中產!
6. 打工仔 Andy 2016-04-23 12:56:28
基層有三公, 不會死的!
中產就慘了!
7. 小市民K伯伯 2016-04-25 13:49:34
To 2/F 三仔

你的心態有啲似我30年前識嘅一個朋友,呢個朋友覺得樓價係一定有升有跌嘅,所以當時我用全副身家7萬蚊買一間彌敦道500呎物業時,佢話我一定會後悔終生,又有可能一家燒炭等等,搞到我心驚驚足足成年,到依家30年後,間屋升咗差唔多80倍吧,我朋友亦因一家無瓦遮頭再加上太過操勞早早謝世了,朋友,請記住通脹係永遠向上架,所以樓價亦只能長線永遠向上,你可以選擇不接受現實,但現實不會為你改變分毫。
8. 引刀一快 2016-04-25 17:10:50
30年前賣七萬蚊?真係撈底中嘅撈底。
9. k伯伯 2016-04-27 13:23:41
To 引刀兄

當時我既價錢是唔好的,港島皇后大道中500呎先係賣三萬元,所以個朋先咁唔睇好,不過!大家都低估咗通脹威力了。
10. 歷史長河 2016-04-27 14:20:13
K伯伯,多謝分享。

長河講過,樓市投資者所犯的常見錯誤喺往往高估初期回報,而大大低估將來回報。

投資樓市一定從長計議,
11. 引刀一快 2016-04-27 21:37:11
k伯伯

30年前我都唔係細路仔lu。

40年前細價樓樓花都十幾二十萬,30年前買到嘅3萬蚊500呎,筍過同花順喎。
12. 引刀一快 2016-04-27 21:37:12
k伯伯

30年前我都唔係細路仔lu。

40年前細價樓樓花都十幾二十萬,30年前買到嘅3萬蚊500呎,筍過同花順喎。