地產博客 > 資深會員專欄 返回
瀏覽人次:28713    回應:24
資深會員專欄
買車?買車位? (一)
 
CD ROM
2015年12月24日

買車?車位? ()

相信小弟同這裡好多師兄師姐一樣, 完成上車自住的動作之後, 總希望能夠開始自己投資既路, 成為一名小小既兼職投資者, 帶來日後更安穩既日子. 而我為自己選擇既路, 唔係大部份人都會先選擇既收租樓, 而係相對冷門既--車位.

得到兩位資深網友既鼓勵, 今次就用文字去為呢段經歷作一個小小總結.

其實係一開始既時候, 同大部分師兄師姐一樣, 目標理所當然係住宅. 但當時, 細價樓已經進入瘋狂既時代, 而我自己又剛換樓, 可動用既現金同借貸亦不多, 相對可選擇既樓盤, 更加係不太理想. 要麼位置不佳, 要麼細得可憐, 這種單位如何吸引好既租客呢? 知道一些親友既慘痛出租經歷, 作為一名新手, 第一個投資決定, 以小心駛得萬年船既心態, 我差不多己經處於半放棄狀態, 將d錢留係Mortgage Link等樓價跌再算吧.

話分兩頭, 我自己其實係一名標準車迷. 有幾標準呢? 18歲生日報考車牌, A-level放學除左補課補習, 仲走埋去學車. 考完A-level剛好亦已考到車牌了, 那時還未滿19歲. 自己買第一部二手車係大學Yr.3, 兼職既錢基本上都投放條架車度. 賣個關子, 忠於自己既興趣, 往後原來係有所得著的.

返番去當時, 雖然放棄左買樓收租, 但其實我閒時仲keep住去睇樓. 點解o既? 因為我d老友成日搵我陪睇樓, 左睇右睇, 事情就出現在我其中一個老友換樓果時喇. 呢個老友又係渣車出入既人, 咁睇樓果陣緊係問埋停車場幾錢呀之類啦? 聽完個價, 業主車位月租要朋友當時同區上車盤既2倍, 當然覺得貴啦!因為AA好似唔係好熟, 我地就再深入調查一下. 你知啦, AA d野, 要核實的嘛.

呢個屋苑, 原來有兩個車場的. 管理公司果個只租不賣, 租金更貴幾百, 仲要無位出租, 兼有超過60部車排waiting list. 原來, 呢個車埸既需求好多來自隔離果個豪宅, 果邊車位超短缺, 加上有車家庭比例高,所以需求十分大. 業主車場有一部分既租客都係呢個豪宅既住客, 所以租金亦越扯越高, 再者附近又無其他地方可泊車. 於是我同老友分析, 呢d情況你實以後被人每年加租加到傻, 不如買埋個車位實際d wor! 可惜, 佢計唔到數, 又無單位連車位賣, 點都要租住先, 就叫AA幫佢搵放租車位啦. 果刻我下意識叫AA租買都搵盤比我地啦.

本來原意只係睇下d租有幾貴, 返來點知計一計數, 用當時最正平果個位既月租計, 減埋管理費回報都比Mortgage Link高一倍以上; 而且租客方面又已經有個現成實客, 質素又唔存在問題, 好似成件事可以成立wor!!!

但拍版買之前, 有兩樣野必先要解除疑問的. 1) 細價樓vs車位 2) 如何選擇車位. 因為不知不覺講故講得太耐, 以下兩個問題希望透過第2, 3篇先才作出分享.

今晚就係平安夜, 先祝大家聖誕快樂!!!

 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. CDROM 2015-12-24 15:53:11
打工兄駛唔駛咁快 =_=
CDROM恭喜CD ROM 出文 =D

原來真係有遲黎先上岸架wo 8-)
偷竊沙發成功, 哈哈
2. 打工仔 Andy 2015-12-24 15:54:09
沙發先!

後發先至! 無天理, 哈哈哈!
3. 打工仔 Andy 2015-12-24 15:55:19
恭喜 CD ROM 兄出文! 
4. 2011年開始 2015-12-24 16:00:34
有sence,低你賺錢
5. 自我陶醉 2015-12-24 16:49:19
CD ROM兄,

當自動導航車在港面世,車位可能係好有價值嘅投資。
6. 小師妹 2015-12-24 16:54:57
屋苑裏住宅同車位數量的比例對於買車位是一個十分重要的考慮因素

車位的管理費用及質素也是重要的考慮因素因為直接影響回報率
8. CD ROM 2015-12-24 17:10:30