主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 29857    回應 : 60
蔡志忠
2015年7月29日
細價物業當道
 
蔡志忠
東區工商業聯會會長
港島工商團體聯盟會長 (2015-2016)

  近來房屋協會可謂獨領風騷,旗下「喜字系列」樓盤受到熱烈追捧,日前開售的長沙灣喜薈350個單位,在風雨交加天氣下全數沽清。這除了顯示目前細碼物業受市場歡迎之外,房協樓盤給外界定價比較便宜的印象,也是其暢銷的原因之一。

新界車位也要一百多萬

  連人稱四叔的恆基地產李兆基,也加入沽售細價樓行列,這次罕有地賣出3個停車場,全部位於新界區,合共約有370個車位,套現約3.5億元。據悉接貨者為投資者,以每個逾90萬購入,若是將來分拆出售,定價最少要120萬至150萬方有利可圖。想不到供應甚為充裕的新界區,今天一個車位也要一百多萬元。

  股市屢屢大幅波動,令人更感樓市較為穏陣。在政府辣招捆綁之下,近年來樓市焦點轉向細價物業市場,不但成交熾熱,樓價亦錄得顯著升幅。政府確實做到將機會優先留給本地買家,各類居屋或資助房屋單位大量供應市場,加上如房協的「喜字系列」、市建局位於啟德的「煥然壹居」等等。現今市場少了外地豪客和本地投資者,首次上車置業的港人變成了物業市場的主角。

細價樓上升是追落

  細價樓升勢不止,有人擔心此類物業買家實力較弱,恐怕將來市況逆轉會產生危機。其實如果大家細心了解一下市場,就會發覺細價樓只是在追落後,今天大價樓呎價動不動就要兩三萬、甚至四五萬一平方呎,而細價樓升得再多,今天也只不過一萬多一平方呎,呎價要超過兩萬並不容易。未來無論政府或者地產商,均會大量開發細碼物業以迎合市場需要,在供應愈來愈充足的情況下,細價樓的升幅會受到控制。

  政府對樓市實施辣招,加上零售市場吹淡風,大碼物業成交仍然會繼續萎縮。在工商舖市場,大家或許會見到一些大額交易,甚至是整幢大廈的逾億成交,這些很多是透過公司股權轉讓形式進行,田土廳是看不到紀錄的。真正受市場追捧的,一樣是細碼物業,在投資者的眼中,機會和成本一樣重要,投資細碼物業印花稅較少,自然也成了市場焦點。

  幾年來,樓市受印花稅政策干預,樓價或許動搖不了,但交投量和成交類別有所轉移,不光是地產商推盤策略改變,連一眾投資者也開始跟隨潮流,全層商廈分拆、舖位分間成迷你舖、工廈進行劏場等等,甚至有多個停車埸推岀拆售,市場反應均十分熱烈。各類細碼物業受市場歡迎的景象,相信仍然會維持一段時間。

 
我要回應
我的稱呼
回應 / 意見
驗証文字
 
1. 會心微笑 2015-07-29 12:02:58
「有人擔心此類物業買家實力較弱,恐怕將來市況逆轉會產生危機。」

蔡生好野!
2. 睇得通 2015-07-29 12:16:33

細價樓上升是追落後???

細價樓樓價上升是香港市民想追購自己在香港的空間!!!所以每天在豪華住宅寫作的大人物無法看見......導致落錯 起 / 跌 注....

 

3. 會心微笑 2015-07-29 12:23:28
TO 2樓:

你所說的十分對。人應發財立品,不應蹂細價樓而盲目說豪宅好。豪宅呢幾年供過於求,樓價升幅小而租金又得一兩厘可恥回報。
4. 運輸工人 2015-07-29 12:41:07
投资者最緊要面對現實,靠斷估來投資係死路一條.
5. 小業主 2015-07-29 12:43:19

我認為有道理,支持蔡生文章!

"幾年來,樓市受印花稅政策干預,樓價或許動搖不了,但交投量和成交類別有所轉移,不光是地產商推盤策略改變,連一眾投資者也開始跟隨潮流,全層商廈分拆、舖位分間成迷你舖、工廈進行劏場等等,甚至有多個停車埸推岀拆售,市場反應均十分熱烈。各類細碼物業受市場歡迎的景象,相信仍然會維持一段時間。"

6. 上車易 2015-07-29 12:58:33

細碼物業受歡迎係政府辣招捆綁,咁講一啲都冇錯,有雙倍印花稅和SSD,醒目嘅港人都轉投細價樓啦!

冇咗大陸豪客及炒家,大價樓唔會升太多,二手豪宅咁靜樓價唔跌算叻了,講來講去仲係細價樓睇高一線.

7. 屋村師爺陳 2015-07-29 13:07:37
計我話呢,
+政府應該起多啲公屋
+超低息貸款,或長年定息按揭供予首置人士。

-嚴審來港定居人士
-放寬買樓各種稅制,不干巿場自由運作

@有關樓宇稅收,協助夾心及基層,
@協助代理提升國際級數,培育有志者

羊毛出在羊身上
何解歷代政府收入只顧國際都會嘅經濟花費?

有睇嘅請幫幫忙。

8. 小業主 2015-07-29 17:31:23

樓比股穩陣,細價樓當扎,有錢我就寧願買多間細樓收租,好過買股票啦!

"股市屢屢大幅波動,令人更感樓市較為穏陣。在政府辣招捆綁之下,近年來樓市焦點轉向細價物業市場,不但成交熾熱,樓價亦錄得顯著升幅。政府確實做到將機會優先留給本地買家,各類居屋或資助房屋單位大量供應市場,加上如房協的「喜字系列」、市建局位於啟德的「煥然壹居」等等。現今市場少了外地豪客和本地投資者,首次上車置業的港人變成了物業市場的主角。"

9. 上車易 2015-07-29 18:28:30
聽蔡生咁講,上車就唔難,之後大把細價樓供應,大家努力啲,儲定多啲錢,政府大把資助樓及居屋推出,香港係安居樂業嘅好地方!
10. 睇得通 2015-07-29 21:54:12
其實香港目前細價樓爆煲爆唔出的一個重要原因就是: 香港市民的 住房自有率 偏低,原因就是人口有所增加,銀行存款又增加,而人的貪念又增加,當然在這裡是指貪圖擁有香港的有價值的房地產了......
11. 我想爆 2015-07-30 02:41:53

點解細價樓仲唔下跌,我地等到頸都長! 

[政府對樓市實施辣招,加上零售市場吹淡風,大碼物業成交仍然會繼續萎縮。在工商舖市場,大家或許會見到一些大額交易,甚至是整幢大廈的逾億成交,這些很多是透過公司股權轉讓形式進行,田土廳是看不到紀錄的。真正受市場追捧的,一樣是細碼物業,在投資者的眼中,機會和成本一樣重要,投資細碼物業印花稅較少,自然也成了市場焦點。]

12. 引刀一快 2015-07-30 03:44:10
“若是將來分拆出售,定價最少要120萬至150萬方有利可圖。想不到供應甚為充裕的新界區,今天一個車位也要一百多萬元。”

未賣又點知係咪值一百多萬呢?
13. 引刀一快 2015-07-30 03:59:26
其實如果大家細心了解一下市場,就會發覺細價樓只是在追落後,今天大價樓呎價動不動就要兩三萬、甚至四五萬一平方呎,而細價樓升得再多,今天也只不過一萬多一平方呎,”

算一萬一方呎,500呎就係五百萬,先唔計利息,月入25000嘅人200個月、即16年半嘅工資,若果每月消費一萬,就要儲27年半。

去年有個學者話,年青人毌須考慮負擔父母,佢地生細路覺得好玩過癮,已經係佢地嘅回報,佢地已經攞足回報喇。
怪之咁嘅樓價都咁多人買樓喇。
14. To 12/F 引刀一快 2015-07-30 11:36:29
未賣就知係咪值一百多萬有幾出奇?

同你未死就知你過唔到今年差唔多,有幾難估?
15. etung 2015-07-30 12:09:58
14樓 兄台,係咪因為年底CCL破150,同佢預測會低於 11X 背道而馳,所以激到佢噴血....?
正是「年年估跌年年錯,害人辱己不悔過,每天廢言扮高手,呎厚面皮的那個」 ?
16. 亮劍 2015-07-30 12:42:50
引刀兄……你話:「算一萬一方呎,500呎就係五百萬,先唔計利息,月入25000嘅人200個月、即16年半嘅工資,若果每月消費一萬,就要儲27年半」…………

我講过有樣嘢叫「睇餸食飯」,或「無咁大個頭、就唔好戴咁大頂帽」,你能所買嘅楼,應以你的收入掛勾。
就以月入 25 k 的家庭計算,計算之下只能負擔一件 2.5M的居屋咋,即月薪的 100 倍!
如果用月薪 100 倍計,你想住 500 萬嘅楼,唔該先搵 50 k 月薪先。
呢家有固定 25k 入息的首置人士,買間 4 M 楼下居屋上車,首期最低只是一成啫,那麼買入一間 2.5 M 居屋自住,首期 25 萬,另外預 15 萬厘印、律師及裝修,以每月儲 10 k 計,3 年幾咋!
按揭利息計 2.5 厘息做 30 年,連按保每月供款 9 k 零,加埋压力測試都可以過關。



17. 引刀一快 2015-07-30 13:09:18
To 14樓

你估我又信喎,你成日有D隂人同你傾偈,梗係多陰間料爆喇。

聽講你地下面一年,等如人間300年,咁我120歲入土果日,你都係過咗五個月咋喎,想見我都唔駛等得你咁辛苦喇。

慢慢等,我享受夠就嚟架喇。
18. 引刀一快 2015-07-30 13:30:43
To 16樓 亮劍兄

今日真係大日子,又再見到亮劍兄用引刀兄作稱謂,真係可喜。

我13樓所講嘅問題,唔係買唔買得到,而係買屋之後有冇能力供養父母,考慮是否買得起之餘,到底有冇將劬勞放入未來嘅金錢規劃裏面。

另外,亮劍兄真係包青天!次次出巡都有幾個蒙面嘅王朝馬漢張龍趙虎,好不威風....
19. 運輸工人 2015-07-30 13:54:53
118無入,現在142真係唔好追喇,左一巴右一巴好傷架.輸咗就係輸咗,耐心等机会輸少D方為上策.
20. 路人甲 2015-07-30 14:35:40

現今世界多變, 時而HOLD CASH IS KING, 時而HOLD 物業是皇, 
想的不是' 貪' , 只是怕被蠶蝕了辛苦搵番嚟口袋裡的$ 啫.

細單位有巿有價, 暫時還是可以' 守 '.
唔好講遠, 就係過去6-12個月, 手持現金,及購入細單位的, 升值已經去左雙位了.
雖然有辣招, 不過, 早上車早著數, 再唸就無盤.

第日, 如果想買大D囉, 可以搵細單位套現換大間D囉. 平買平賣; 貴買貴賣. 
一般人都只可以咁樣做架拉.......
好過CASH蝕到內肉....

將來就唔知lu.......
 

21. 引刀一快 2015-07-30 15:00:26
都唔明點解,D人覺得係要香港樓先至係寳,點解我D錢一定要買港樓?奇怪。
22. 怕輸的人 2015-07-30 16:00:20
怕輸的人,永遠都是輸的!!!
23. 小業主 2015-07-30 16:09:20

都係亮劍兄有理據一啲.

引刀兄,空講係冇用嘅,有道理show出來,咁先可以服眾.

24. 如果三年後跌兩成 (21) 崩潰篇 2015-07-30 16:17:05

如果三年後跌兩成 (21) 崩潰篇 
2014/3/6 上午 05:13:55
兩年後加息點算?
三年後樓價大跌兩成點算?
繼續如果三年後跌兩成系列...
大部份人都怕聽見個「跌」字!恐懼、逃避...
其實...每次跌市,都是財富轉移的機會!
市場小調整...可以讓你捕捉低水筍盤,財富增值!
市場大崩潰...可以令你一鋪翻身,由窮忙族走向財務自由!
世界應該係咁!升市、瘋狂、爆煲、大跌,然後有一班人破產,另一班人上位...生死各安天命,可是今天政付不斷出招,阻止循環出現,好處是穩定了,壞處是機會少了!筆者渴望市場再一次崩潰,你呢?...
Picture

市場崩潰!
此時此刻,很多人都會幻想,有朝一日泡沫爆破...

如果幾年後加息,如果大陸經濟放緩,如果新興市場資金流走,如果政府不撤辣招,如果樓價回到 2003 年水平,如果到時成功以超低價撈底,如果買樓之後樓市迅即爆升,那麼就可以狠狠地賺它一千幾百萬,從此過著幸福快樂的日子...
咁多如果?仲有窮人?

市場大崩潰...請問幾多年才有一次?
自 筆者踏足社會,親身經歷兩次,1997 件金融風暴,雖然當時自己未買樓,但卻親眼看見老爸老媽窮一生積蓄買入的自住單位變成負資產!2008 年金融海嘯,當時自己持有六個物業,看見部份物業在短短三個月之內跌價三成,嚇得半死!翻查資料,再上一次是八十年代初,中英談判,有錢人爭相移民的時 候...
換句話說,宏觀地看,大風浪隨時要十年以上時間蘊釀!
十年後...你幾多歲?咩世界?人...有多少個十年?
就算真係等到,但已經四、五十歲,有乜意思?
等樓價升幾年再發大?六十啦喎!

市場大崩潰?...如果十年都唔爆呢?
金融海嘯有版你睇,號稱美國史上最大的金融災難,又話咩第二波、第三波,原來狂印銀紙就可以解決,香港股市、樓市跌咗半年就急速反彈!
世界各國的政府,都唔想見到泡沫爆破,香港政府辣招多多,到時若果要救市,大可逐步撤招,大把籌碼!淨係一招取消 BSD,人民幣襲港已經搞掂,2004 年都係咁救沙士之嘛,我都識啦!唔爆咪唔爆囉,好出奇咩?咁點算?要等幾多年?

每次跌市,都是財富轉移的機會!
我們需要市場大崩潰,需要翻身機會!
可惜...政府卻不斷出招,阻止市場大起大跌!
因 此...不如好好捕捉市場小調整,來得更實際,小調整每年都有,低 15% 折買入,高 15% 出售,來回已經三成了,捕捉兩、三次市場小調整,獲利隨時等於一次市場大崩潰,還可以累積經驗、知識、人脈及技巧等等,幫助你將來向財務自由邁進,除非你 只有一個籌碼,否則在呆等甚麼?十年?廿年?


延伸閱讀
如果三年後跌兩成 (20) 出招篇
如果三年後跌兩成 (19) 選擇篇
如果三年後跌兩成 (18) 公司篇

如果三年後跌兩成 (17) 機會篇
如果三年後跌兩成 (16) 回報篇
如果三年後跌兩成 (15) 爭食篇
如果三年後跌兩成 (14) 戀愛篇
如果三年後跌兩成 (13) 準備篇
如果三年後跌兩成 (12) 增值篇
如果三年後跌兩成 (11) 借錢篇
如果三年後跌兩成 (10) 前景篇

如果三年後跌兩成 (9) 殺價篇

如果三年後跌兩成 (8) 資金篇
如果三年後跌兩成 (7) 身痕篇

如果三年後跌兩成 (6) 風險篇
如果三年後跌兩成 (5) 工廈篇
如果三年後跌兩成 (4) 政策篇
如果三年後跌兩成 (3) 利息篇
如果三年後跌兩成 (2) 按息篇
如果三年後跌兩成 (1) 首期篇


25. 引刀一快 2015-07-30 23:38:58
唔敢攞自己筆名岀嚟,就係最怕輸嘅表現,日撚日換名。
26. 引刀一快 2015-07-30 23:43:51
To  23樓

我無語,拜拜
27. 引刀一快 2015-07-31 06:17:49
23樓

唔好意思,妳話“空講係冇用嘅,有道理show出來,咁先可以服眾.”

我好認同喎!
28. 小業主 2015-08-01 02:13:06

引刀兄:閣下睇淡樓市,最終蝕底係自己,等跌真係唔知等到幾時.

本人想買多層樓,最近去地產經紀果度睇樓,唔單止樓價明顯升咗,仲冇咩選擇.

29. 不可以相信 2015-08-01 10:22:20

現在是 手舞足蹈 的年代!!!

中原指數是不可以相信的!!!

30. 引刀一快 2015-08-01 11:04:42
To 28樓

問題明顯不過喇,你話樓價明顯升咗,咁你有冇落疉吖?
32. 至於差餉物業估價署 2015-08-01 19:21:14
至於差餉物業估價署於本星期五公佈的香港物業報告每月補篇 (2015年6月)即反映本年4月之價格,除了租金指數方面E類大單位未能創新高外,全部指數創出新高!A類售價指數報325.7,B類指數報283.4,C類指數報264.5,D類指數報270.9,E類指數報284.5。細單位A類升幅驚人屬意料之內,也跟CCL於4月份創出新高同步。

至於通用類別,所有類別報297.1,ABC類報298.1,DE類報274.5,全為歷史新高。是次樓市指數係反映2015年4月份的樓市成交。

租金指數方面,A類指數報185.5,B類指數報171.3,C類指數報152.5,D類指數報149.8,E類指數報145.7。通用類別,所有類別報171.1,ABC類報173.9,DE類報148.4,除了E類外全為歷史新高。

中女社研究部認為:美國聯邦儲備局之不加息週期由2007年至今已經8年,估計明天美國大選年時,在政政黨為了吸引選民支持會略為振興經濟,令通脤微量升溫,待美國大選過後,聯邦儲備局自會略為加息減低通脹壓力,至經濟出現收縮時自會減息。過去美國大選時沒有加息係因為當時美國因2008年金融海嘯後經濟太差所以沒加息。此等操作於每年美國大選年經常出現,所以明年或後年加息實在不用大驚小怪。

香港樓市因金管局出招令九成按揭變得更難,也令中價樓宇從以前可承按7成按揭變為6成,令一眾換樓者大失預算,估計因此措施而受影響人士需要一年多的時間籌集資金,在此一年多的時間內,估計樓市將會個別發展,CCL也會變得呆滯,樓市成交進一步萎縮。至於能否再破頂?似乎市場注意力重新放在港島區,如港島跑嬴大市,CCL極可能再次破頂。

南韓方面確歲中東呼吸道感染症候群(MERS)個案日益增加,希望當地當局和居民做好準備,以免重覆香港於2003年的慘痛教訓。其實當年香港樓價因應SARS只是下跌6%左右,對於1997至2003年大跌7成的大跌市,6%的跌幅不足總跌幅的10%,而且當年因疫症而沽出物業者已經懂得應變,要他們以低於市價賣出物業是沒可能的事!
33. 引刀一快 2015-08-02 06:09:40
成交量呢?
34. 睇得通 2015-08-02 13:16:31

簡單思維,

簡單觀點,

估樓樓價何時爆煲,

不如估香港災禍/災劫何時出現?好過啦!

因為,袛有香港災禍/災劫, 才能引發樓價爆煲而產生動力...

 

35. 引刀一快 2015-08-03 10:08:31
除了內源性問題,還有大量外在原因,香港好嘅時候海納百川,外面唔好一樣會受影響。所謂災劫災禍係言重,有大變化就會起波瀾,世事常情而已。
36. to 33/f 2015-08-03 10:54:45
其實估乜?樓市唔冧香港一定會動亂,要防止就要推冧個樓市!不如諗下點樣叫大家配合推冧個樓市同點處置唔服嗰班人好過啦

37. 引刀一快 2015-08-03 19:26:32
To 36樓

樓市要冧唔駛推,要推即係唔係該冧,當社會分歧太大嘅時候,自然會出現好多出人意表嘅情况,或者係黑天鵝,不必刻意,一切由天。
38. 搬去美加睇山花 2015-08-03 19:29:40

天下烏鴉一般黑,    到處楊梅一樣花...

香港房產真繫貴,   搬去美加睇山花...有冇人收你啊???

 

 

39. to 37/f 2015-08-04 00:26:30
所以我熱切期待所有物業投資者跪地求饒或者集體上ICC一齊跳!一日跳番十個八個你都咪話唔盞鬼!!
諗起都興奮
40. 天之驕子 2015-08-04 01:45:37
香港所有物業投資者都是天之驕子, 就如是 成吉思汗 一樣買城搶地, 地底老鼠都不敢出來見光, 如何可以得到房產天下呢???
41. 正負能量分界線 2015-08-04 09:53:19
專欄

選擇分類 

五里山——正負能量分界線

 2015-08-04 

        自千百年以來,有一重大議題一直在中國玄學上有很大的爭辯,就是「命運能否改變?」,奈何從前並沒有有系統的大數據分析。從美國著名的大衞霍金斯博士在他的著作《Power and Force》,內裏詳細的研究給我們很多的啟示。他將人類的意識能量分為十七個級別,由一至一千的頻率,頻率愈大能量愈大,他將正負能量的分界線定在二百, 二百以上是正能量的開始。世界上超過百分之八十五的人都在二百以下,這樣便能解釋大部份的人是逃不過命運的規限。亦如金字塔的道理,正能量意識的人群如在金字塔頂屬比較少數。

  有一點很有趣的是留意身邊研究命理的大師,常說替人算命時應盡量說法正面,但往往有些大師在替人批命時態度和潛意識都偏向負面,如命運安排是這樣,誰也逃不過等。被批命者的意識能量愈低,負面意識便愈容易狠狠打入被批命者的潛意識,鐵口一斷,大師的批命準繩度便會很高,但負能量應運而生,循環不息。所以誰願意做一個斷不準的大師,唯有論命時愈狠才能演繹得更準繩,顯示其功力,更令當事人徹徹底底留在金字塔的底部。

  在霍金斯博士的研究提及到要提升正能量離開分界線以下是很不容易的,就和中國的傳統觀念要離開三界五行同樣困難一樣,需要很大的力量和方法,這容後再談。現在先了解這條重要的分界線,分界線以下全是負面的意識,如驕傲刻薄、憤怒仇恨等,但最差的負性頻率是報復和蔑視心。而在頻率二百以上的意識亦是完全正面的慈悲、包容、平和喜悅等。而最高的頻率是正覺開悟,就如很多不同宗教的成就者。要超越這個困難要從正負分界線開始研究。在頻率二百分界線的意識是勇氣和肯定,亦即是願意付出努力去嘗試。

  這個很有道理,永遠講的比做的人多,毅力和恒持是所有成功的基礎。所以要進步邁向另一個台階,凡事都培養願意犧牲和付出的勇氣,而且對自己所做的有肯定信心。這才是第一步,能行出第一步的人確是不多,周邊往往有很多人會說一大堆振振有辭的理由放棄,甚至慫恿你一齊放棄。

42. to 39樓 2015-08-04 10:47:33
我估你係物業市場一定輸唔少,愈想人死,人愈唔死!
43. 心智未開 2015-08-04 12:00:45

所以我熱切期待所有物業投資者跪地求饒或者集體上ICC一齊跳!一日跳番十個八個你都咪話唔盞鬼!!
諗起都興奮..........

此人根本是香港的垃圾........食綜援飯長大的心智未開的低能兒童.........

44. to 43/f 2015-08-04 14:00:36
收皮啦死廢物!樓用黎住架唔係用黎賺錢架!自殺根本就益你地!根本政府就應該捉哂呢班人渣去打杷!

熱切期待!!!
45. Joe 2015-08-04 14:51:13
To 43/f

佢係這論壇的長期忠實讀者,照道理應在這多年的牛市中修成正果,但很不幸,佢反而多年來倒轉期望樓市PK,成為社會上其中的不幸者,令人無限唏噓.....

46. 引刀一快 2015-08-04 14:56:37
Joe兄

賭場贏大錢,識得離枱果剎那先係修成正果。
47. AH-HO 2015-08-04 15:23:27
問題是旁觀者係枱邊,又唔落注,但又不斷叫囂,仲咒駡下注的人破產跳樓,這是人的行為嗎?
48. Joe 2015-08-04 19:57:03
刀兄
離枱策略,適用於賭場,因為一般而言贏面少過一半,長賭必輸,夠運贏到大錢理應離枱。但離枱很難活用於樓市,從香港數十載樓市歷史來看,如本身低槓杆又有穩定入息/現金流,不離枱的贏足錯誤/過早離枱的九條街.....

AH-HO兄
佢會話:賭場唔應該要下注! 下注果D正人渣要拉去打鈀,娛樂是民生,政府應派錢比人人去賭場玩.....

49. to 48/f 2015-08-04 20:10:50
可以講到民生必需品為賭博娛樂之物真係佩服
如果有日個世界連飲用水都唔夠但有班pk可以喺賭枱大人一百噸水,甘你話佢抵唔抵死?
唔好同我講話佢咩佢本事所以佢咪可以甘,你冇本事屎水都冇得飲
我相信到時坐賭枱嗰班人兄不論幾本事都好都唔會命長得去邊

要知道貧富懸殊個社會到最後企喺度嗰d叫軍閥,唔係物業投資者,唔係有錢人
50. 自食其力 2015-08-04 22:40:40
私人業權係民生必須品?

水係天然資源,所以你有權飲山水,不過濾水供水設施係納稅人俾錢起嘅,你有得飲係褔利,唔係權利。

你住緊間屋,飲嘅水,搭嘅車,受過嘅教育,用過嘅醫療,係邊個俾錢?納稅人對你付出仲唔夠多?香港嘅褔利好,係因為香港納稅人希望幫助不幸同能力較弱嘅人,唔係欠左你。咒罵係無意義,望人衰不如望自己好。
51. Joe 2015-08-05 00:14:10
To 49/f

對! 小朋友不要多年只懂呆在這裏吵鬧,快點籌組革命團體,推翻現有政權,然後進入你所謂的軍閥割據時代,到時你就可將樓宇改成民生必需品,立令廢除投資成份,邊個買樓收租的拉去槍斃。

打機玩三國玩得多真係可將你的幻想化作現實的,不要成日講熱切期待,現在快D行動吧!

52. 膽小鬼寄生蟲 2015-08-05 00:16:07
在香港,政府推出土地拍賣,樓房買給市民, 政府是稅收的徵用者, 得益者, 政府把其大部份稅收用於 :  高薪酬/高福利/高退休金 體制, 所有買樓房的人都是苦中作樂借款供樓的《豬一樣的隊友》, 在這裡講風涼話的只是膽小鬼寄生蟲......
53. 自食其力 2015-08-05 08:22:05
一枱十個人食飯,得三個人埋單,點會唔貴?嗰三條友見門外面等住食免費飯嘅人越嚟越多,遲早自己俾人食到窮,於是爭住埋單,下一餐輪到第二個埋,餐廳老闆見呢幾個係貴客,送埋紅豆沙俾佢地。食免費飯嘅越嚟越多,有人對住埋單嘅破口大罵,話免費飯係公共資源要搶紅豆沙,有人咬住舊肥肉話d錢係俾廚房煮工埋單嘅都係蠢豬。嘈下嘈下,食免費飯嘅越嚟越多越叫越貴,嗰三條友無錢埋唯有簽卡先駛未來錢,自己食元朗南白飯,免費嘅就食九龍東海鮮。同時白食嘅串佢地係為住食飯做奴隸,又鬧佢地爭埋單搶貴d飯不斷咒罵。
54. 路人A 2015-08-05 08:58:48
To:49/F

小兄弟,樓係人生裡面只佔好少嘅一部分,你應該花多啲時間關心身邊嘅親人和朋友,唔好再做憤青啦,只會害人害己而已。
55. 路人A 2015-08-05 09:12:32
睇嚟遲啲要出番本書,講下現實中親自見過嘅憤青和廢青實例,等啲青年人睇睇做憤青和廢青嘅慘痛結果,希望可以幫到佢哋。
56. 引刀一快 2015-08-05 09:46:50
To 49樓 兄台

激進無補于事,香港社會再唔公平,都算係世界上比較好嘅地方,社會主義成日强調公平,你過嚟大陸生活下就知係咩一回事。
至于樓價,你唔好一味見到人地講買樓、人地收租唔駛做你就覺得唔公平,窮日子好多人捱過,每個人嘅生命都有唔同嘅階段,細細個就俾你買到樓,咁咪調返轉頭對好多老一輩人唔公平。

To 50樓 自食其力兄

水可以飲生水,但係香港唔畀打野猪嚟食喎,有水無食,都係死架?
社會係一個整體,今日樓價租價令太多人絕望了。
57. 香港冇樓族 2015-08-05 10:48:31

澳洲 會唔會批准 香港冇樓族 入境買樓呢???

 

 

中房網訊(記者 周旭)自一系列利好政策後,北京、上海等一線城市樓市逐漸回暖。資料顯示,7月第三周,上海市商品住宅成交面積爲28.85萬平方米,環比前周上漲4.50%,成交均價爲每平方米35059元,環比前周上漲5.38%。業內人士預計,第三、四季度,樓市逐步升溫的局面還有可能延續。

35059/平方米的均價來計算,在上海購買一套100平米的房子,需要350萬元房款(不含稅等其他費用)。在不考慮公積金、貸款、貨幣增值等前提下,如果你的工資是5000/月,一套房子需要花費你700個月的工資,即58.33年。看著這個數位,是不是覺得壓力山大?

壓力之下,一些言論不自覺的冒了出來。有人說:在上海買不起,咱可以去國外買,國外房子爛便宜!什麽50萬買一套澳大利亞海景別墅,100萬買一套美國豪華莊園……事實,真是這樣嗎?

中國成爲澳洲房地産市場最大投資國

資料顯示,澳洲第一大城市悉尼的房價在近3年中暴漲40%。截止今年7月,悉尼房價同比增漲18.4%,創自2002年底以來最大漲幅。今年第二季度,悉尼的房屋價格中位數漲至100萬澳元(約500萬元人民幣)。

過去12個月間,第二大城市墨爾本的房價漲幅爲11.5%,僅7月份的房價相對於6月來說,環比增幅就高達4.9%,爲有史以來最大月度漲幅。

房價高漲帶來的是房貸壓力的增大。評級機構穆迪表示,截至今年331日,悉尼每戶家庭平均需要將收入的35.1%花費在房貸上,這一比例比2014年高出2.3%,全國比例爲27%

 

58. 自食其力 2015-08-05 11:22:34
引刀兄,小弟同意樓價高令部分市民絕望,亦完全同意幫助基層,事實上香港現況根本唔會睇住基層無飯開,相反走火入魔中產住新界市區貴地起公屋,公屋富戶問題嚴重,完全唔符合整體利益。我只係唔同意小業主係問題根源,唔同意受助人侮辱咒罵施助者。
59. 引刀一快 2015-08-05 16:34:09

自食其力兄

小業主梗係唔係問題根源喇,社會係一個整體,樓價高呢個問題好多嘢都有份,無論是否受助人都唔應該以侮辱咒駡去面對,然而今次樓市得益者,亦唔應該單純以是否努力去判斷買唔到樓嘅人,因爲咁嘅樓價對于一般人已經唔係努唔努力咁簡單。

喺大陸,部份買到樓嘅人,其脫穎而出嘅原因,可能更值得咒駡。

60. 過來人 2015-08-05 17:46:28
大陸樓市更不公平,可能要香港化,大幅減小人均居住面積先頂得住,如果大陸土豪退潮,出貨高水港樓理所當然。如果用45平為標準,或者會冇咁令人心寒。
61. 自食其力 2015-08-05 22:32:43
引刀兄,我同意你嘅講法。