地政總署昨日披露何文田常盛街地皮的入標名單，赫然發然恒隆地產竟然列席。曾經形容香港地產要「衰到貼地」或「周地血」才會買地的恒隆地產主席陳啟宗，對上一次入標投地已經追溯到2012年7月，回想當年樓市亦正經歷低潮，今次事隔3年多再捲土重來，是否意味樓市已經再次「周地血」？
陳啟宗曾言「衰到貼地」才買
恒隆對上一次在香港買地已經是2000年12月的事，當年投得海暉道(現已建成浪澄灣)地皮後，幾乎全面撤離香港市場，發展重心放到內地市場，中間只曾經就個別鐵路項目入意向，真正參加入標投地的次數極少，對上一次已是2012年7月，當年入標前北角邨地皮曾惹來市場嘩然。點解？因為一向言論出位的陳啟宗，每次投地都顯示賣地市場已跌至谷底。
陳啟宗最近一次回應會否在港買地，是今年1月初，當時語氣已變得「溫和」：「多人熱衷於投地時就比較難去投，雖然目前行家反應一般，不過仍然有好多錢，所以今年會否投地好難講，但機會總會有。」他當時說，自己一向對香港樓價睇法正面，而當樓市稍為轉弱，投地的機會就稍為增加。一反常態的語帶保留，今天想來，原來是為投地留伏筆。
年初鬆口 「機會總會有」
今次恒隆出手在港投地，究竟是睇淡內地樓市，重返香港市場買地？還是睇淡香港樓市，趁低吸納香港土地呢？不得而知。但可以肯定恒隆一定認為現在是「執死雞」的時機，才會出手買地，而無論三年前後，公司的投地目標都是是吼準大型豪宅地，反映公司對這類型豪宅物業的發展前景相對睇好。
翻查資料，何文田常盛街地皮的市場最低估值亦要58.6億元，但恒隆今次獨資入標，顯示公司財力非常雄厚，若今趟是回歸香港市場的「前哨戰」，則勢必衝擊一向五足鼎立的傳統大型地產商陣營(長實、新地、恒地、新世界、會德豐)，市場勢力會否出現「洗牌」？
其次，陳啟宗近年支持政府施政的立場鮮明，今次入標又會否被視為多次流標後支持政府的舉動？又或是發展商已嗅到今後房策可能變動的「味道」而出手投地呢？無論怎樣，恒隆再次出手投地，對樓市都是一個另類風向儀，顯示後市有隱憂，不過讀者又毋須太過灰心，恒隆2012年投地後樓市就升足3年攀上高峰，說不定今次亦會歷史重演呢！
記者 顏倫樂
App下載
