特稿：跌市唔要貨 唔怕有手尾

今時今日有開售前3日出價單的法例下，究竟為何仍有撻訂決定？

發展商不能追收差價

中原地產亞太區住宅部總裁陳永傑表示，近月新盤推售後都有撻訂個案，相信是因為美國加息在即，樓市下行趨勢已成，部分膽怯買家最終覺得遲買會平點，如今輸5%臨時訂金，將來有可能樓價會下挫15%，仍賺10%。況且現時新賣樓條例下，買家撻訂5%臨時訂金後，發展商或賣方不能追收撻訂者差價，令買家的撻訂決定比以往快，形成撻訂個案比以前多。

另一方面，部分首期危危乎、供款能力差的買家可能因最終未能找到銀行上會，亦有機會撻訂收場。

據了解，撻訂個案部分來自小型地產代理行客戶，或者因為要向代理行及發展商交數，用盡方法威逼利誘準買家入市。不過，買家想清後最終選擇撻訂告終。 ■記者 梁悅琴