主頁 搵樓/成交 放盤 數據公佈 地產新聞 地產博客 置業手冊 背景 / 聲明 / 聯絡我們 繁體簡體English
瀏覽人次 : 8372
地產新聞
樓市出更:港島無契盤百萬唔使
(太陽) 2015年10月13日
市場上再有銀主單位推出,劉Sir知道一間私人拍賣行,會喺本月推拍香港仔公屋華貴邨單位,個單位係法院銀主無契單位,實用面積僅208方呎,綠表開價僅88萬元,低市價兩成,可以話係近年港島區罕有平過100萬嘅住宅放盤。

忠誠拍賣月底推拍由法庭頒令拍賣的華貴邨5座高層17號銀主無契單位,建築/實用面積約268/208方呎,綠表開價88萬元,實用呎價約4,231元,低市價兩成。劉Sir睇番土地註冊處資料,原業主喺九八年以11.38萬元購入單位。該單位面向居屋嘉隆苑,預料無海景景觀。

劉Sir知道,華貴邨近年都好少細單位成交,今次有細單位放盤,可以話係非常罕有,而港島區低於100萬元嘅住宅放盤亦都極之罕有。睇番房委會資料,其實最近華貴邨六月錄得一宗第二市場高價成交,一個實用面積約407方呎嘅低層單位,以239.9萬元售出,呎價近5,900元,所以今次推出嘅法院令銀主無契單位,算係非常抵買。

沙田車位嗌平3成

另該行亦推拍2個銀主盤,包括元朗錫降圍一個地下B單位,建築面積約150方呎,開價60萬元,建築呎價約4,000元,較市價低25%。另沙田聚龍居1樓一個銀主無契車位,開價25萬元,較市值低近三成。

環亞拍賣亦有銀主放盤,包括屯門海德花園高層銀主單位,實用面積約325方呎,以308萬元放售,呎價約9,477元,較市價低7%。

元朗全幢開價700萬

另外,西灣河麗灣大廈低層單位,建築/實用面積約440/374方呎,以353萬元放售,呎價約9,439元,低市價6%。仲有元朗洪水橋尚城中低層單位,實用面積約762方呎,放售價606萬元,呎價約7,953元,屬市價水平。

元朗八鄉大窩單號全幢3層高物業連花園銀主盤,建築面積約2,100方呎連2,700方呎花園,將於本月中下旬拍賣,開價700萬元,建築呎價約3,333元,代理話個盤市值約1,000萬元,今次開價較市低30%。

劉Sir